ಏನೆಂದು ಬರೆಯಲಿ ಈ ಖಾಲಿ ಹಾಳೆಯಲಿ..
ಪದಗಳ ಪೋಣಿಸಿ ಬರೆಯೋಕೆ ನನಗೆ ಗೊತ್ತಿಲ್ಲ ...
ಬರೆಯಬೇಕೆಂದು ಹೊರಟಾಗ ನೆನಪಾಗುವುದು ನೀನು ಮಾತ್ರ ...
ನಾ ಏನೇ ಬರೆದರೂ ಅದು ನಿನಗೆ ಮಾತ್ರ ಅರ್ಥವಾಗಲ್ಲ...
ಮೋಡದ ಮರೆಯಲಿ ಚಂದ್ರ ಅಡಗಿದ ಹಾಗೆ ....
ಕಾಣದ ಈ ಪದಗಳ ಹಿಂದೆ ನನ್ನ ನೋವಿದೆ..
-ಇಂತಿ ನಿನ್ನ ಪ್ರೀತಿಯ
ಕಟ್ಲು ಮೇಲೆ ಕುಂತು ಕಾಫಿ ಕುಡಿವ ಅಪ್ಪ
ಕುಡುಗೋಲು ಹಿಡಿದು ಹಸಿಹುಲ್ಲು ಕೊಯ್ವ ಅವ್ವ
ಜಾರುವ ಪೇರಳೆ ಮರ ಹತ್ತಿ ಹಣ್ಣು ಕಿತ್ತು
ತಮ್ಮಗೆ ಕೊಡುವ ಅಣ್ಣ
ಎಲ್ಲಾ ನೆನಪು ಮಾತ್ರ ||
ಸುರಿವ ಮಳೆಯಲಿ ಹೂಟೀ ಹೊಡೆವ ಅಪ್ಪ
ಕಳಲೆ ಹೆಚ್ಚಿ ಸಾರು, ಪಲ್ಯ ಮಾಡುವ ಅವ್ವ
ಹೊಳೆ ಗೋರಿ ಹತ್ ಮೀನ್ ಹಿಡಿದು
ಹೊತ್ತು ತರೊ ಅಣ್ಣ
ಎಲ್ಲಾ ನೆನಪು ಮಾತ್ರ ||
ಉತ್ತು ಬಿತ್ತು ಕಣಜ ಕಟ್ಟಿ ತುತ್ತು ಕೊಡೋ ಅಪ್ಪ
ಹೊತ್ತು ಗೊತ್ತಿಲ್ಲದೆ ಹೊಗೆಯಲಿ ಸತ್ತು ಪ್ರೀತಿಯ ಕೂಳು ಬಡಿಸೊ ಅವ್ವ
ಎತ್ತಿಕೊಂಡು, ಹೊತ್ತುಕೊಂಡು ಪೇಟೆ ಸುತ್ತಿಸಿ
ಐಸ್ ಕ್ಯಾಂಡಿ ಚಾಕ್ಲೆಟ್ ಕೊಡಿಸಿ ನಗಿಸಿದ ಅಣ್ಣ
ಎಲ್ಲಾ ನೆನಪು ಮಾತ್ರ ||
ಮನದ ಮ೦ದಿರದಲ್ಲಿ ಬೆಳಗಿದ ಪ್ರೀತಿಯ ದೀಪ ನೀನು..
ಹೃದಯ ಸಮುದ್ರದಲ್ಲಿ ಸಿಕ್ಕ ಪ್ರೀತಿಯ ಮುತ್ತು ನೀನು...
ಕಣ್ಣ ಕೊಳದಲ್ಲಿ ಅರಳಿದ ಪ್ರೀತಿಯ ಪುಷ್ಪ ನೀನು...
ನೆನಪಿರಲಿ....
ದೀಪ ಆರದಿರಲಿ,ಮುತ್ತು ಒಡೆಯದಿರಲಿ,ಪುಷ್ಪ ಬಾಡದಿರಲಿ.....!!!