Kannada Poems
Deprecated: Creation of dynamic property my_pagination::$conn is deprecated in
/home4/airpoiy2/kannadakavana/pagination.php on line
41
ಜೀವಂತ
ಶವಗಳನು
ಸುಡುವ
ಸಮಾಜಕ್ಕಿಂತ,
ಸತ್ತ ಶವಗಳನ್ನು
ಸುಡುವ
ನೀನೆ ಮೇಲು...
- Hk
23 Aug 2016, 09:23 pm
ಹೃದಯದ ಮಡಕೆ ಒಡೆದು ಕನಸು ಚೆಲ್ಲೋಯ್ತು ! ಮೌನದ ಏಟನ್ನು ತಾಳದೆ ಮನಸು ಸತ್ತೂಯ್ತು ! ಹೃದಯ ಚೂರಾಗಿ ಉಸಿರು ನಿಂತೊಯ್ತು. !!!
- Vasanth Rao
23 Aug 2016, 05:03 pm
ಚಂದನದ ಗೊಂಬೆಯೇ
ಚಂದಿರನ ಕಂಡೆಯೇ!!
ಚಂದದಾ ನನ್ನ ಸಖೀ ನೀ
ಚಂದೊಳ್ಳಿ ಚಲುವೆಯೇ!!
ಮುತ್ತು ರತ್ನದ ಹಾಗೆ
ಪಳ ಪಳ ಹೋಳೆಯುವೆ!!
ಮುತ್ತಿಡಲು ಬಂದಾಗ
ಮರೆಯಾಗಿ ಹೋಗುವೆ!!
ಮರೆತೆನೆಂದರೂ ನಾನು
ಮರೆಯಲು ಸಾಧ್ಯವೇ!!
ಮರಳಿ ಬರುವುದು ನಿನ್ನ
ಮಾಯೆತನ ಅಲ್ಲವೇ!!
- ಪಿ.ಜಿ.ಜ್ಯೋತಿ
23 Aug 2016, 04:08 pm
ಪ್ರೀತಿ ತುಂಬು ವೇಳೆ
ಆ ಚಂದ್ರ ಬಂದ ವೇಳೆ
ಹದಿನೆಂಟು ಚೈತ್ರ ಕಳೆದು
ನಲ್ಲ ನಿನ್ನ ನೋಡಿದಾಗ
ನಾಚಿ ನಿಂತ ನನ್ನ ಕೆನ್ನೆ
ರಂಗೇರಿತು!!
ಆ ನೀಲಿ ಬಾನಿನಲ್ಲಿ
ಚುಕ್ಕಿಗಳ ಸಾಲಿನಲ್ಲಿ
ಬೆಳದಿಂಗಳಾ ಚಂದ್ರ
ಬೆಳಕ ತೋರಿದಾ
ನಲ್ಲಾ
ನಿನ್ನ ನೋಡಲು!!
ನಿನ್ನೊಡನೆ ನಾನಿರಲು
ಮಲ್ಲಿಗೆಯು ಘಮ್ ಎನಲು
ಪ್ರಣಯ ಗೀತೆ ಹಾಡುವಾಗ
ಶಶಿ ಜಾರಿದಾ
ನಲ್ಲಾ
ರವಿ ಮೂಡಿದ!!
- ಪಿ.ಜಿ.ಜ್ಯೋತಿ
23 Aug 2016, 03:59 pm
ಮೋಡದಾ ಮೇಲೆ
ಪ್ರೀತಿಯಾ ತಾರೆ!!
ಕಾಲನು ತೂಗಿ
ಆಡುವಾ ಬಾರೆ!!
ನಕ್ಕರೆ ಹೂವಿನಾ ಮಳೆಯೋ
ಅತ್ತರೆ ಒಲವಿನಾ ಸಿರಿಯೋ!!
ನೆನೆದರೆ ಇಬ್ಬರಿಗೂಚಳಿಯೋ
ವಲಿದರೆ ಹೊನ್ನಿನಾ ಸಿರಿಯು!!
ವಿರಹವು ದೂರಕೆ ಸರಿದಿರಲು
ಸನಿಹದ ಬಯಕೆಯು ಬೆಸೆದಿರಲು!!
ಗೆಳೆತನ ನೆಮ್ಮದಿಯ ತರಲು
ಸಲುಗೆಯು ಒಮ್ಮತವಾಗಿಹುದು!!
ತಿರುಗುವ ಜೀವನ ಚಕ್ರದಲಿ
ಹಾಡಿದ ಪ್ರೀತಿಯ ಹಾಡು ಇದು!!
ಕರಗುವ ಮಂಜಿನ ವೇಗದಲಿ
ಮುಗಿಯಿತು ಕನಸಿನ ಹಾಡುಗಳು!!
- ಪಿ.ಜಿ.ಜ್ಯೋತಿ
23 Aug 2016, 03:44 pm
ಎಲ್ಲಿಂದಲೋ ಬಂದೆವು ನಾವು
ಎಲ್ಲಿಗೋ ಹೋಗುವೆವು ನಾವು
ಚಿಂತಿಸದೇ ಕುಳಿತಿರುವೆವು
ಎಂದಾಗಿರಬಹುದು ನಮ್ಮ ಸಾವು...
ಎದುರಾಗುತ್ತಿದೆ ಸಾವಿರಾರು ನೋವು..
ಜೀವನವಾಗಿದೆ ಕಹಿ ಬೇವು
ಎದ್ದು ನಿಲ್ಲಬೇಕಾಗಿದೆ ನಾವು
ಜೀವನವನ್ನು ಮಾಡೋಣ ಸಿಹಿ ಮಾವು..
ಅನುಗ್ರಹಗಳನ್ನು ನೀಡಿದ ದೇವರು
ನಮಗದರ ನೆನಪೇ ಇಲ್ಲ..
ಬೀಗುತ್ತಿರುವೆವು ನಮ್ಮದೇ ಎಲ್ಲ..
ಹಂಚಿ ತಿನ್ನುವ ಪರಿವೆಯೇ ಇಲ್ಲ...
ತುಂಬಿಕೊಂಡಿದೆ ಮನದಲ್ಲಿ ಅಹಂಕಾರ
ಬಡವ-ನಿರ್ಗತಿಕರಲ್ಲಿ ತೀವ್ರ ತಿರಸ್ಕಾರ
ಬೆಳೆದವರ ನೆನೆದು ಮತ್ಸರ
ಮಾಡುತ್ತಿರುವೆವು ಅವರನ್ನು ಅಪಪ್ರಚಾರ
ಮಾಡುತ್ತಲಿರುವೆವು ಉತ್ತಮ ಸಾಧನೆ
ನೀಡುತ್ತಲಿರುವೆವು ಇತರರಿಗೆ ಬೋಧನೆ
ಮಾಡಲಾರೆವು ಅಸಹಾಯಕರ ಪಾಲನೆ
ಆಗಿದೆ ಇಲ್ಲಿ ಮಾನವೀಯತೆಯ ಧೋರಣೆ
ಗುರುಹಿರಿಯರಿಗೆ ಗೌರವ
ಸಮಾನರಿಗೆ ಸ್ನೇಹದ ಮಧುರ
ಚಿಕ್ಕವರಿಗೆ ಕರುಣೆಯ ಸಹಕಾರ
ನೀಡುತದತ್ತಾ ಮಾಡೋಣ ಜೀವನ ಸಾಕ್ಷಾತ್ಕಾರ
ಬೇಡ ನಮ್ಮಲ್ಲಿ ಅಸೂಯೆ
ಮುಖದಲ್ಲಿ ಕೋಪದ ಛಾಯೆ
ನಗುಮುಖ ಇರಲಿ......
ಕರುಣೆ ಪ್ರೀತಿ ತುಂಬಿರಲಿ.....
- AsiddeeqN
22 Aug 2016, 11:37 pm
ಬೇಡಬೇಡ ಅಂದುಕೊಂಡೆ
ಪ್ರೀತಿಯಲ್ಲಿ ಸಿಕ್ಕಿಕೊಂಡೆ
ಹಾಳಾಗೋಯ್ತು ನನ್ನ ಮಂಡೆ
ಸಿಕ್ಕಿದಳವಳು ಒಂದು ಸಂಡೆ
ಕೈ ಕೈ ಹಿಡಿದುಕೊಂಡು
ಕಣ್ಣು ಕಣ್ಣು ನೋಡಿಕೊಂಡು
ಪ್ರೀತಿಯನ್ನು ಹಂಚಿಕೊಂಡು
ನಿರ್ಗಮಿಸಿದೆವು ಬೈ ಬೈ ಹೇಳಿಕೊಂಡು
ನಿದ್ದೆ ಇಲ್ಲ..ಊಟ ಇಲ್ಲ..
ಮನಸ್ಸು ತುಂಬ ಅವಳೆ ಎಲ್ಲ
ಕನಸಿನಲ್ಲೂ ಬರುವುದೊಲ್ಲ
ಅಂದಿನಿಂದ ಅವಳ ಪತ್ತೆಯಲ್ಲ..
ಮನಸ್ಸು ತುಂಬ ಕೆಟ್ಟುಹೋಗಿ
ನಾನು ಆದೆ ಪ್ರೇಮರೋಗಿ
ಕಂಡೆ ನಾನು ರೈಲು ಬೋಗಿ
ಸಿದ್ಧನಾದೆ ತಲೆಯ ಬಾಗಿ...
ಅಷ್ಟರಲ್ಲಿ ನನಗಾಯ್ತು
ಅವಳಿಲ್ಲದಿದ್ರೆ ಅಷ್ಟೆಹೋಯ್ತು
ಅವಳಿಗಾಗಿ ನಾ ಸಾಯಬೇಕೇ?
ನನ್ನ ಜೀವ ಕಳೆಯಬೇಕೇ?
ಇಲ್ಲ ಸಾಕು ಪ್ರೀತಿ ಆಟ
ಮಾಡಬೇಕವಳ ಮದುವೆ ಊಟ
ಇದುವೆ ನನ್ನ ಕೊನೆಯ ಹಠ.
- AsiddeeqN
22 Aug 2016, 10:18 pm
ಬಾಳೆಂಬ ತೊಟ್ಟಿಲಲ್ಲಿ
ಬಾ ನನ್ನ ಚಂದಮಾಮ!!
ಉದರದ ಮನೆಯಿಂದ
ಅಂಗೈಗೆ ಜಾರಿ ಬಂದ!!
ತಿಂಗಳ ಎಣಿಸಿ ಕಳೆದು
ಹರುಷವ ಹೊತ್ತು ತಂದ!!
ನಕ್ಷತ್ರ ಲೋಕದಿಂದ
ನಗುವನ್ನು ಕರೆತಂದ!!
ನಗುವನ್ನು ನನ್ನ ಮಡಿಲ
ಕೂಸಾಗು ನಡೆ ಎಂದ!!
ಮಾತೆಯ ಮಡಿಲಿನಲ್ಲಿ
ಮಮತೆಯ ಭಾವ ತಂದ!!
ಹುಣ್ಣಿಮೆಯ ಚಂದ್ರನಿಂದು
ಧರೆಯಲ್ಲಿ ಜನ್ಮ ತಳೆದ!!
ಕಾರ್ಮೋಡ ಸರಿಸಿ ತಾನು
ಇರುಳಲ್ಲೂ ಬೆಳಕ ತಂದ!!
ಎಂದೆಂದೂ ಅಳಿಸದಂತಹ
ಕರುಳಿನಾ ಬಂದ ತಂದ!!
- ಪಿ.ಜಿ.ಜ್ಯೋತಿ
22 Aug 2016, 09:08 pm
ಹಗಲಲ್ಲಿ ಶಾಖೆಗಳಿಗೆ
ಪುಷ್ಠಿಯ ಶಾಖ ನೀಡೋ
ಸೂರ್ಯನಂತೆ
ರಾತ್ರಿಯಲ್ಲಿ ತಾಪ ಸಹಿಸಿ
ತಂಪಿನ ಅಮೃತವ ನೀಡೋ
ಬೆಳದಿಂಗಳ ಚಂದ್ರನಂತೆ
ನನ್ನ ಪ್ರೀತಿ.
- ಸಾ.ರಾ.ಜ್ಞಾ
22 Aug 2016, 04:35 pm
ಮತ್ತೆ ಹಾಡುವುದೇ ಕೋಗಿಲೆ?
ಮನದ ದುಗುಡವ ಅಳಿಸಿ
ಸುಡುವ ಕಣ್ಣೀರ ಒರೆಸಿ
ಮತ್ತೆ ಹಾಡುವುದೇ ಕೋಗಿಲೆ?
ಮತ್ತೆ ಹಾಡುವುದೇ ಕೋಗಿಲೆ?
ನಿರಾಸೆಯ ನೋವ ಸರಿಸಿ
ವಿಧಿಯ ಅಟ್ಟಹಾಸವ ಮರೆಸಿ
ಮತ್ತೆ ಹಾಡುವುದೇ ಕೋಗಿಲೆ?
ಮತ್ತೆ ಹಾಡುವುದೇ ಕೋಗಿಲೆ?
ದಣಿದ ಮನಸಿಗೆ ಸಂತೈಸಿ
ಬಾಯಾರಿದ ಬಯಕೆಗೆ ನೀರುಣಿಸಿ
ಮತ್ತೆ ಹಾಡುವುದೇ ಕೋಗಿಲೆ?
- shashidhar
22 Aug 2016, 10:47 am