ಕಡಲಿನ ತೀರದ ಬಳಿ
ತಿಳಿಯದ ಸಮಯ
ಅಲೆಗಳು ಅಪ್ಪಳಿಸಿ ಬಂದಾಗ
ತಿಳಿಯಲಿಲ್ಲ ಅದುವೇ ನೀನೆಂದು
ಅಂದು ತಿಳಿದಿದ್ದರೆ. ಕಡಲಿನ ತೀರದ ಬಳಿಯ ಮರಳಾಗುತ್ತಿದ್ದೆ. ನನ್ನನ್ನು ಸೋಕಿಹೋಗು ಎಂದು. ಕ್ಷಮಿಸು ನನ್ನ
ಎಂದೂ ಅರಿಯದ ನದಿ ಅಂದು ಅಲೆಗಳು ಅಪ್ಪಳಿಸಿದರು ಸಹ ತಿಳಿಯಲಿಲ್ಲ ಈ ಹುಚ್ಚು ಮನಕ್ಕೆ...
ಅಂದು ಆ ಬೆಳದಿಂಗಳ ಬೆಳಕಿನಲ್ಲಿ
ನೀನಿಟ್ಟ ದೀಪಗಳು ನಿನ್ನ ಅಂದಕ್ಕೆ ನಾಚಿ
ಸದಾ ಬೆಳಗುತ್ತಿವೆ...
ಆ ಬಾನಿನ ಚಂದಮಾಮ
ನಿನ್ನ ಅಂದಕ್ಕೆ ನಾಚಿ ಮರುನೋಡ
ಬಯಸಿ ಕೆಳಗಿಳಿದು ಬರುತ್ತೇನೆಂದು
ಆ ನಕ್ಷತ್ರಗಳಿಗೆ ಸೂಚನೆ ನೀಡಿದ್ದಾನೆ
ನಿನ್ನ ಪ್ರೀತಿಯ ತೊಟ್ಟಿಲಲ್ಲಿ ಮಲಗಿರುವ
ಕಂದಮ್ಮ ನಾನು...
ಯೋಚಿಸದೆ ಸಾಯಿಸಬೇಡ ಕರುಣೆ ತೋರು
ಈ ಬಡ ಪ್ರೇಮಿಯಮೇಲೆ
ಈ ಜೀವಾ ನಿನ್ನ ಸ್ವಂತದ್ದಾಗಿದೆ...
ಕನಸಲಿ ನೂರು ಬಾರಿ ಕರೆದಂತೆ
ಮನಸಲಿ ಈಗ ನಿನ್ನದೇ ಜಪವು
ನೀ ಇಲ್ಲೇ ಎಲ್ಲೊ ಹೋದಂತೆ ಭಾಸವು
ನನ್ನೀ ಹುಚ್ಚು ಮನಸ್ಸಿಗೆ ಔಷಧಿ ನೀನು
ಎಲ್ಲೆಲ್ಲೂ ನಿನ್ನದೇ ಮಾಯೆ
ನೀ ಹಾಕಿದ ಹೆಜ್ಜೆಯ ಹುಡುಕುತಿದೆ
ನನ್ನೀ ಮನಸು
ಇದಕೆಲ್ಲ ಪರಿಹಾರ ನೀನು ಒಮ್ಮೆ
ಕಣ್ಣೆದುರು ಬಂದರೆ ಸಾಕು
ಸೆರೆಯಾಗುವೆ ನಿನ್ನ ಹೃದಯದಲಿ ..
ಕನಸಲಿ ನೂರು ಬಾರಿ ಕರೆದಂತೆ ||