Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ಕಲ್ಲಿನಲ್ಲಿ‌ ಪ್ರೇಮ

ನನಗು ನಿನಗು
ಅದಾವ ಜನುಮದಾ ನಂಟು!!
ಅರಿತೋ ಅರಿಯದೆಯೋ
ಆ ಬ್ರಹ್ಮನಿತ್ತನೆ ಈ ಗಂಟು!!

ಹೃದಯದ ಮಿಡಿತಕ್ಕೆ ಆಗೊ
ಪ್ರೀತಿಗೆ ಬೇಲಿ ಇಲ್ಲ!!
ತನುವಿನ ತುಡಿತಕ್ಕೆ ಆಗೊ
ಪ್ರಣಯಕ್ಕೆ ಭೇದ ಇಲ್ಲ!!

ನನ್ನಯ ಈ ಪ್ರೀತಿಗೆ!!
ಹೃದಯವೇ ಇಲ್ಲ
ಪ್ರಣಯದ ಬಯಕೆಗೆ
ತನುವು ಇಲ್ಲ!!

ನನ್ನ ಮೋಹ ರೂಪಕ್ಕಲ್ಲ
ನನ್ನ ಪ್ರೇಮ ಸ್ವಾರ್ಥಕ್ಕಲ್ಲ!!
ಜಗಳಕ್ಕಿಲ್ಲಿ ಮಾತು ಇಲ್ಲ
ಆಲಿಸಲು ಕಿವಿಯು ಇಲ್ಲ!!

ದೂರವಾಗೊ ಭಾವ ಇಲ್ಲ
ಬಿಟ್ಟು ಹೋಗೊ‌ ಭಯವು ಇಲ್ಲ!!
ಸಾಯಲಿಕ್ಕೆ ಜೀವ ಇಲ್ಲ
ಕಲ್ಲಿನಲ್ಲಿ ಪ್ರೇಮ!!

- ಪಿ.ಜಿ.ಜ್ಯೋತಿ

21 Sep 2016, 03:56 pm

ಮುತ್ತು

1** ಮುತ್ತು **

ಭೂದೇವಿಯು ಧರಿಸಿರುವ
ಮಂಜಿನ ಮುತ್ತುಗಳನ್ನು
ಕದಿಯಲು ಬಂದ
ಬಾನ ಭಾಸ್ಕರನು....!!
ಕಿರಣಗಳ ಲಾಂದ್ರವ ಹಿಡಿದು....!!

ಗರಿಕೆಗಳ ಊರಲ್ಲಿ ಹರಡಿ
ಚಲ್ಲಿರುವ ಮುತ್ತಿನ ಮಣಿಗಳ
ಹೆಕ್ಕಿ ಎಣಿಸಲು ಬಂದ
ತಂಗಾಳಿಯ ಸುಕುಮಾರ
ಸುಗಂಧ ಪರಿಮಳವ ಹೊತ್ತು

ಕಡಲಾಳದ ನೀರಿನ
ಹನಿ-ಹನಿಯನ್ನು ಸೋಸಿ
ಚಿಪ್ಪಲ್ಲಿ ಮುತ್ತಾಗಿಸಿದ
ಸೋನೆಯ ಸಿರಿ ಕುವರ....!!

ಮುತ್ತಿನ ಸೆರಗಲ್ಲಿ
ಮುಚ್ಚಿ ಮುದ್ದಾಡುವಳು ತಾಯಿ...!!
ಕಂಡವರು ಕಂದನಿಗೆ
ದೃಷ್ಟಿ ಬಿಡುವರೆಂದು...!!

✍ ಚಂದು ✍

- vageesh

21 Sep 2016, 08:55 am

ಜೀವನ

2**

ತಾಯಿಗೆ ಮಗುವೆ
ಜೀವ
ದುಂಬಿಗೆ ಹೂವೆ
ಜೀವ
ಉಸಿರಿಗೆ ಹಸಿರೆ
ಜೀವ
ಹೃದಯಕ್ಕೆ ಮಿಡಿತವೆ
ಜೀವ
ನನ್ನಗೆ ಗೆಳೆತನವೆ
ಜೀವ

- vageesh

21 Sep 2016, 08:52 am

ಪರಿವರ್ತನೆ

ಪರಿವರ್ತನೆ
ದೇಹದ ಬದಲಾವಣೆಯು
ವಯಸ್ಸಿನ ಪರಿವರ್ತನೆ
ಭಾವನೆಯ ಬದಲಾವಣೆ
ಮನಸ್ಸಿನ ಪರಿವರ್ತನೆ
ಪರಿಚಯದ ಬದಲಾವಣೆ
ಗೆಳೆತನದ ಪರಿವರ್ತನೆ

- vageesh

21 Sep 2016, 08:49 am

ಕಣ್ಣಲ್ಲಿನ ಪ್ರೇಮ

ಕಣ್ಣು ಮುಚ್ಚಿ ಪ್ರೇಮಿಸುವವಳು "ಪ್ರೇಮಿ"
ಕಣ್ಣು ತೆರೆದು ಪ್ರೇಮಿಸುವವನು "ಸ್ನೇಹಿತ"
ಕಣ್ಣು ತೋರಿಸಿ ಪ್ರೇಮಿಸುವವಳು "ಪತ್ನಿ"
ಕಣ್ಣು ಮುಚ್ಚುವವರೆಗೆ ಪ್ರೇಮಿಸುವವಳು"ತಾಯಿ"

ಆದರೆ.....

ಕಣ್ಣಿನಲ್ಲಿ ಪ್ರೇಮವನ್ನು ತೋರಿಸದೆಯೂ ಪ್ರೇಮಿಸುವವನು "ತಂದೆ"

- ವೀರೇಶ್ ಶಿವರುದ್ರಪ್ಪ

21 Sep 2016, 12:34 am

ಜೀವ

1** ಜೀವ **

ನಾನೊಬ್ಬ ಪುಟ್ಟ ಕನಸುಗಾರ.
ಮನಸ್ಸು ಭಾವನೆಗಳ ಆಗರ
ಮಿಡಿಯುವ ಹೃದಯ ಪ್ರೀತಿಯ ಸಾಗರ...!!
ನನಗಿದೆ ಜೀವದ ಗೆಳೆಯರ ಸಹಕಾರ
ಜೊತೆಗೆ ಪಾಪ-ಪುಣ್ಯದ ಲೆಕ್ಕಚಾರ
ನನ್ನ ಕಾಯುವುದು ಹೆತ್ತವರ ಪರೋಪಕಾರ
ಇದು ದೇವರು ನನಗಿತ್ತ ವರ
ಓದಿದ ನಿಮಗೆಲ್ಲ ನನ್ನ ನಮಸ್ಕಾರ......

- vageesh

20 Sep 2016, 09:10 pm

(ಅ)ನ್ಯಾಯ

ಸಮಾಜದಿ ಸಮಸ್ಯೇಗಳು ತುಂಬಿ
ಮನುಜನ ಕಂಡು ಅಪಹಾಸ್ಯೆ
ಗೈಯುತಿರಲು...
ಮನುಜ ಇವುಗಳ ಕಂಡೂ
ಕಾಣದಂತೆ ಆಲಸ್ಯ ನಟಿಸುತಿರಲು..
ದುಷ್ಟಶಕ್ತಿಗಳು ಮೆರೆಯುತಿದೆ..!!

ಶಾಂತಿಯ ಬಯಸುವ ಜನ
ಬರಹ,ಹಾಡು,ಭಾಷಣಗಳಿಗೆ
ತಮ್ಮನ್ನು ಸೀಮಿತಗೊಳಿಸಿರಲು...
ಕ್ರಾಂತಿಯ ಬಯಸುವ ಜನ
ಮೆರೆಯುತಿಹರು ನಿರಾಯಾಸವಾಗಿ
ಈ ಸಮಾಜದಿ..!!

ಮರೀಚಿಕೆ ಇಲ್ಲಿ ನ್ಯಾಯಗಳಿಗೆ
ಕಳೆಯುತಿಹರು ಕಣ್ಣೀರಲಿ
ನೊಂದವರು...
ಕೋರ್ಟು ಕಛೇರಿಯನಳೆದು
ಈಗ ಅವರು ಕೇವಲ ಬಿಸಿಲ
ಬೇಗೆಗೆ ಬೆಂದವರು...

ಸತ್ತು ಬಿದ್ದಿರುವುದು ಕರುಣೆ
ಎಲ್ಲವೂ ಇಲ್ಲಿ ಸ್ವಾರ್ಥತೆ
ಸ್ನೇಹವ ನಟಿಸಿ ವಂಚಿಸುತ
ಮರೆತಿಹನು ಮನುಜ ಇಲ್ಲಿ
ಮಾನವೀಯತೆ...!!

- AsiddeeqN

20 Sep 2016, 06:18 pm

ನಡೆವ ದಾರಿ

ನಾ ನಡೆವ ದಾರಿಯಲ್ಲಿ
ಒಬ್ಬಂಟಿ ನಾನು ಇಲ್ಲಿ!!
ಬರಬಾರದೇಕೆ ನೀನು
ಒಮ್ಮೆ ನನ್ನ ಎದುರಿನಲ್ಲಿ!!

ಬಿಗಿದಪ್ಪಿಕೊಂಡು ಬಿಡುವೆ
ನಿನ್ನೊಳಗೆ ಸೇರಿಕೊಳ್ಳುವೆ!!
ನಿನ್ನಿಂದ ದೂರವಾಗೋ
ಕ್ಷಣ ಬಾರದಿರಲಿ ಎನ್ನುವೆ!!

ಈ ಬಾಳ ಪಯಣದಲ್ಲಿ
ಸಾಗುವೆನು ದಿನವು ಇಲ್ಲಿ!!
ಬರಬಾರದೇಕೆ ನೀನು
ಒಮ್ಮೆ ನನ್ನ ಎದುರಿನಲ್ಲಿ!!

ಕಣ್ಣ ಅಂಚಿನಲ್ಲಿ
ಒದ್ದೆಯಾದ ಭಾವ!!
ನೀನು ಬಾರದೇನೆ
ತಂದೆ ಮನಕೆ ನೋವ!!

ನಾ ಸಾಗೋ ಹಾದಿಯಲ್ಲಿ
ನನ್ನ ಕಣ್ಣ ಹುಡುಕಾಟವಿಲ್ಲಿ!!
ಬರಬಾರದೇಕೆ ನೀನು
ಒಮ್ಮೆ ನನ್ನ ಎದುರಿನಲ್ಲಿ!!

ಮತ್ತೆ ಮತ್ತೆ ಯಾಕೆ
ಬರುವಿಯೆಂಬ ಭಾವ!!
ಆಸೆ ನಿರಾಸೆಯಾಗಿ
ಕಳೆಯುವುದು ತಿರುವಿನಲ್ಲಿ!!

- ಪಿ.ಜಿ.ಜ್ಯೋತಿ

20 Sep 2016, 04:22 pm

ಚಂದಿರನು ಮೂಡಿ ಬಂದ

ತಾರೆಗಳ ನಡುವಿನಿಂದ
ಚಂದಿರನು ಮೂಡಿ ಬಂದ!!
ತಂಗಾಳಿ ಜೊತೆಯಲ್ಲಿ
ತಿಂಗಳ ಬೆಳಕ ತಂದ!!

ತಿಂಗಳ ಬೆಳಕಲ್ಲಿ
ಹೊಂಗನಸ ಹೊತ್ತು ತಂದ!!
ಮಲಗಮ್ಮ ನನ್ನ ಕಂದ
ಚಂದಿರನು ಮೂಡಿ ಬಂದ!!

ಮೋಡದ ಹೊದಿಕೆ ಹೊದ್ದು
ನಿದ್ರಿಸುವ ಬಾನಿನಲ್ಲಿ!!
ಹೊದಿಕೆಯ ತಾನೇ ಸರಿಸಿ
ನಗುವನು ನಿನ್ನ ಕಂಡು!!

ನನ್ನೆದೆಯ ತೊಟ್ಟಿಲಲ್ಲಿ
ಜೋಗುಳವು ನಿನಗಾಗಿ!!
ಮಲಗಿಸುವೆ ಮುದ್ದು ಮಾಡಿ
ನಿದ್ರಿಸು ದಯಮಾಡಿ!!

- ಪಿ.ಜಿ.ಜ್ಯೋತಿ

20 Sep 2016, 01:19 pm

ಕೆಂದಾವರೆ

ಓ ತಾವರೆ ಕೆಂದಾವರೆ
ನಿನ್ನಾಸರೆ ಈ ಕೆರೆ!!
ಎಕಾಂತದ ಈ ಕಾಂತಿಗೆ
ಸಂಗಾತಿಯು ರವಿ ಕಾಂತಿಯು!!

ಕೆಸರೆಲ್ಲವು ಹಸಿರಾಗಿದೆ
ಹಸಿರೊಂದಿಗೆ ಸುಮ ಅರಳಿದೆ!!
ರಂಗೇರಿದೆ ಹೊಸದಾಗಿದೆ
ರವಿ ಕಾಂತಿಗೆ ಸುಮ ನಾಚಿದೆ!!

ಕೆಂದಾವರೆ ಕೈ ಚಾಚಿದೆ
ನವ ಪ್ರೀತಿಗೆ ಮೈ ಮರೆಯುತ!!
ರವಿ ಬಾರದೆ ಸುಮ ಬಾಡಿದೆ
ತನ್ನ ಪ್ರೇಮಿಯ ಬಳಿ ಸೇರದೆ!!

ತನ್ನ ಪ್ರೇಮಿಯ ತಾ ಸೇರಲು
ಕೆಂದಾವರೆ ಮರು ಜನಿಸಿದೆ!!
ಒಂದಾಗುವ ದಿನ ಬಾರದೆ
ಈ ಪ್ರೀತಿಗೆ ಕೊನೆ ಎಲ್ಲಿದೆ!!

- ಪಿ.ಜಿ.ಜ್ಯೋತಿ

20 Sep 2016, 12:38 pm