Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ಆಕೆ.....!!!

ನೂರಾರು ಬಯಕೆ ಕಟ್ಟಿಕೊಂಡಾಕೆ,
ಆಕೆ ನನ್ನಾಕೆ ನನ್ನ ಹೊತ್ತು ಹೆತ್ತಾಕೆ,
ಹತ್ತಾರು ಸುಖವ ತ್ಯಜಿಸಿದಾಕೆ,
ಆಕೆ ನನ್ನಾಕೆ ಅಮೃತವುಣಿಸಿದಾಕೆ,
ನೂರಾರು ಕಷ್ಟಗಳ ನುಂಗಿದಾಕೆ,
ಆಕೆ ನನ್ನಾಕೆ ಸಾಕಿ ಸಲುಹಿದಾಕೆ.
-ಸರ್ಪ

- sarpa

16 Oct 2016, 05:48 pm

ಹೇಳು ಗೆಳತಿ

ಯಾವ ಭಾವವ ಮೀಟೊ
ವೀಣೆಯಾಗಲಿ ನಾನು!!
ಯಾವ ನಾದವ ಸೇರೊ
ಸ್ವರವಾಗಲಿ ನಾನು !!
‌‌ಹೇಳು ಗೆಳತಿ ನೀ ಹೇಳು
ನನ್ನ ಬದುಕಿನ ಧಾಟಿ ಹೇಳು ನೀನು!!

ಸರಿಗಮದ ಅಂಚಿನ
ಭಾವ ಆಗಬೇಕೇನು !!
ಶೃತಿ ಲಯದ ಒಳಗಿನ
ರಾಘ ಆಗಲೇನು ‌‌ !!
ಹೇಳು ಗೆಳತಿ ನೀ ಹೇಳು
ನನ್ನ ಬದುಕಿನ ಧಾಟಿ ಹೇಳು ನೀನು!!

ತಾಳ ತಪ್ಪಿದ ಶೃತಿಯು
ನಾ ಆಗಲಾರೆನು !!
ದಾರಿ ತಪ್ಪಿದ ಜೀವ ಕೂಡ
ನಾ ಆಗಲಾರೆನು !!
ಹೇಳು ಗೆಳತಿ ನೀ ಹೇಳು
ನನ್ನ ಬದುಕಿನ ಧಾಟಿ ಹೇಳು ನೀನು!!

ಸಂಗೀತದ ಒಂದು
ಪಲ್ಲವಿಯು ನಾನು !!
ಅದರೊಳಡಗಿರುವ
ರಸ ಕಾವ್ಯವು ನಾನು !!
‌ ಈಗ ಹೇಳು ಗೆಳತಿ
ನನ್ನ ಬದುಕಿನ ಧಾಟಿಯನು ನೀನು!!

- ಪಿ.ಜಿ.ಜ್ಯೋತಿ

16 Oct 2016, 02:51 pm

ನಿದಿರೆಯ ಕನಸು

ಕಾಲೊಂದು ಜಾರಿ
ನಾ ಬಿದ್ದ ಮೇಲೆ
ಏಳೋದು ಹೇಗೆ
ಹೇಳು !!

ಪಾತಾಳವಂತೆ
ನಾ ಬಿದ್ದ ಜಾಗ
ಬರದಾದ
ನನ್ನ ಪಾಡು !!

ಹಸಿರಿಲ್ಲಿ ಕಾಣದು
ಬೆಳಕೇಕೆ ಬಾರದು
ಉಸಿರಾಡೋ ಗಾಳಿಯು
ಹೆಸರೀಗೂ ಬಾರದು!!

ಹಸಿವನ್ನು ನೀಗಲು
ಫಲವೊಂದು ಕಾಣದು
ನನ್ನ ನೆರಳೂ ಬಾರದ
ನಿದಿರೆಯ ಕನಸದು !!

- ಪಿ.ಜಿ.ಜ್ಯೋತಿ

16 Oct 2016, 02:26 pm

ನಾ ಎಂಥವಾ...!!

ಅವ ಹಾಗೆ...ಇವ ಹೀಗೆ
ಅವ ದುಷ್ಟ...ಇವ ಭ್ರಷ್ಟ
ಅವ ಸುಳ್ಳ... ಇವ ಕಳ್ಳ...
ಅವ ವಂಚಕ...ಇವ ನೀಚಕ
-ನೆಂದು ಬಗೆವ ನಾ ನೋಡೆನು
ನಾನೆಂತವನೆಂಬುದನು...

ಅವ ಕಪ್ಪು ...ನಾ ಬಿಳುಪು
ಅವ ಕೀಳು...ನಾ ಮೇಲು
ಅವ ಬಡವ...ನಾ ಒಡೆಯ
-ನೆಂದು ಬಗೆವ ನಾ ಮರೆತಿಹೆನು
ನಾಳೆಯ ವಿಧಿ ಆಟವ...

ಇತರರ ದೂರುತ... ನಿಂದಿಸುತ
ಮೋಸವ ಮಾಡುತ...ಮನ ನೋಯಿಸುತ
ತೃಪ್ತಿಯ ಕಾಣುವ ನಾ ಚಿಂತಿಸೆನು ಅನುಭವಿಸುವ
ಗಳಿಗೆಯಲಿ ಸಹಿಸಲಾಗುವುದೇ
ಇವುಗಳ ಕಾಟವ...

ಇತರರ ಕಂಡು ಉಪದೇಶಿಸುತ
ತಪ್ಪುಗಳ ವಿರುದ್ಧ ಧ್ವನಿಮೂಡಿಸುತ
ಅನ್ಯಾಯಗಳತ್ತ ಲೇಖನಿ ಬಳಸುತ
ಉತ್ತಮನಂತೆ ಇತರರ
ತಪ್ಪುಗಳ ಬರೆವ ಎನಗೆ
ಸಾಕಾದೀತೇ ಪುಟಗಳು
ಎನ್ನ ತಪ್ಪನು ತುಂಬಲು...

ಮನಬಂದಂತೆ ಬಳಸುವ ಎಲುಬಿಲ್ಲದ ಅಂಗವ...
ಬಿಗಿಹಿಡಿದು ನಿಯಂತ್ರಿಸದೆ
ಪಶ್ಚತಪಿಸಿ ಫಲವುಂಟೆ
ಸೋದರ...

- AsiddeeqN

16 Oct 2016, 01:02 pm

ದೂರಾದ ಗೆಳತಿ

ಗೆಳತಿ ನಿನ್ನ ಸ್ನೇಹ
ನನಗಾಗಿ ಅಲ್ಲವೇ
ಮನಸಲ್ಲಿ ನಿನ್ನ ಬಿಟ್ಟು
ಬೇರಾರು ಇಲ್ಲವೇ!!

ಈಗೇಕೆ ದೂರಾದೆ
ನನ್ನ ನೆನಪು ಬಾರದೇನೆ
ಗೆಳತಿ ನಿನ್ನ ಸ್ನೇಹ
ನನಗಾಗಿ ಅಲ್ಲವೇ!!

ಈ ನನ್ನ ಮನಸಿನಲ್ಲಿ
ನಿನ್ನ ಸ್ಮರಣೆ ಎಂದಿಗೂ
ಅದ ನೀನು ಅರಿಯದಾದೆ
ಏಕೋ ನಾನು ಕಾಣೆ!!

ನಾನಂದ ಒಂದು ಮಾತಿಂದ
ನೊಂದೆ ಅಂದೆ ಅಂದು
ನಿಜವಾದ ಸ್ನೇಹವೊಂದು
ಮರೆಸುವುದು ಎಲ್ಲ ನೋವ!!

ನನ್ನ ಸ್ನೇಹ ನಿನಗೇಕೆ
ದ್ರೋಹ ಎನಿಸಿತು
ನಾ ಪಾಪಿ ಅದಕಾಗಿ
ಈ ಸ್ನೇಹ ಉಳಿಸಲಿಲ್ಲ!!

ನೀ ಕೇಳೆ ನನ್ನ ಮಾತು
ಈ ಮುನಿಸು ನಿನಗೆ ತರುವಲ್ಲ
ಗೆಳತಿ ನಿನ್ನ ಸ್ನೇಹ
ನನಗಾಗಿ ಅಲ್ಲವೇ!!

- ಪಿ.ಜಿ.ಜ್ಯೋತಿ

15 Oct 2016, 08:45 pm

:ಅವಳು ಬರೀ ಅವಳಲ್ಲ:

ಉನ್ಮಾದ ಅವಳಿಗಾಗಿ ಮೀಸಲಿರೋ ಉಸಿರಾಟದ ಭಾವ ತೀರ್ವತೆ
ಅವಳು ಹೆಣ್ಣೋ ಇಲ್ಲ ನನ್ನ ಆವರಿಸಿರೋ ಭಾವವ
ಬದುಕುತ್ತಿರುವ ಬದುಕು ಶರಣು ಶರಣೆನ್ನುತ್ತಿದೆ
ಅವಳ ನೆನೆದಾಗ ಆಗೋ ಮನದ ಗೊಂದಲಕ್ಕೆ ಅವಳಲ್ಲದೆ ಯಾರ ದೂಷಿಸಲಿ
ಬೇಡವೇ ಬೇಡ ಅವಳ ಗೊಡವೆ
ಸುಮ್ಮನಿರು ಮನವೇ ಮಾಡದೆ ಅವಳ ಕನವರಿಕೆ
ಎರಡು ದಿನ ಸುಮ್ಮನಿದ್ದು ಕಂಡಾಗ ಮತ್ತೆ ಮತ್ತೇರುತ್ತೀಯ
ಅವಳ ಬಂಧನಗಳ ಗೋಜು ನೀ ಹೊರುವೆಯ
ಅವಳದ್ದೇ ಬಳಗ ಎದುರಿಸುವ ಕಲ್ಪನೆಯಾದರೂ ಬಲ್ಲೆಯ
ಯಾರೂ ಇಲ್ಲದ ಏಕಾಂತದಡಿ ಸುಮ್ಮನೆ ಕೂತುಬಿಡು
ಹುಚ್ಚು ಅಕ್ಷರಗಳೇ ನಾನು ಎಂಬುದು ಉಳಿದಿರುವಾಗ ನನ್ನಲ್ಲೇ ಅವಳು ಅಡಗಿರುವಾಗ ಅವಳ ಹೊರತು ಏಕಾಂಗಿತನ ನಾ ನನ್ನಾತ್ಮವ ತೊರೆದಾಗಲೆ..

- ದೀಪು....

14 Oct 2016, 10:13 pm

ಹನಿ ಗವನಗಳು

ಗೆಳೆಯ

ನನ್ನೀ
ಕಾವ್ಯ ಕನ್ನಿಕೆ
ಬೀಗುತಿಹಳು
ತಾ......
ಹೆಣ್ಣೆಂದು

ಕವಿಯ
ಕನಸಿನ
ಕೂಸು
ಹೆಣ್ಣು....

ಈ
ಭೂಮಿ
ಭಾನು
ಜಲ
ಪ್ರಕೃತಿ
ಎಲ್ಲವೂ
ಹೆಣ್ಣೇ....

ನಿನ್ನ
ಹೆತ್ತ ಆ
ತಾಯಿಯೂ
ಹೆಣ್ಣೇ.....
ಸಹನೆಯ
ರೂಪವೇ
ಹೆಣ್ಣು......

ಗೆಳೆಯ
ನೀ .....
ಗೌರವಿಸು
ಹಲವು
ರೂಪ ಹೊತ್ತ
ಹೆಣ್ಣನ್ನು
ನೀ......
ಪುಜಿಸಿದರೆ
ಅವಳಿರುವಳು
ನಿನ್ನೀ.....
ಹೃದಯ
ದೇಗುಲದಲ್ಲಿ
ಸದಾಕಾಲ

- ಅರೆಯೂರು ಚಿ. ಸುರೇಶ್

14 Oct 2016, 10:06 pm

ಚಲುವ ಚಂದ್ರಿಕೆ

ಹೂವಿನಲ್ಲಿ ಅವಿತೆ
ಬಿಡಲಿಲ್ಲ ನಿನ್ನ ಕವಿತೆ
ಸರಾಗವಾಗಿ ಕಾಡಿದೆ
ಪರಾಗವಾಗಿ ಹಾರಿದೆ
ಕಾವ್ಯವಾದೆ ನಾನು
ಬಿಡಲಿಲ್ಲ ನನ್ನ ನೀನು
ಸುನಾದವಾಗಿ ಕೂಗಿದೆ
ಪ್ರಯೋಗ ಮಾಡಿ ಹಾಡಿದೆ...

ಕರೆದರೆ ಇಲ್ಲ ಎಂದದೆ
ಬರುವ ಬೆರೆತರೆ
ಮಾತೆ ಆಡದೆ
ಇರು ಚೆಲುವ ಚಂದ್ರಿಕೆ
ಕಾವ್ಯ ಕನ್ನಿಕೆ
ಮಾತಾನಾಡಲು ಅವಳು
ಮಾಯವಾದಳು....

- ಅರೆಯೂರು ಚಿ. ಸುರೇಶ್

14 Oct 2016, 10:04 pm

ಕಾವ್ಯ ಕನ್ನಿಕೆ

** ಕಾವ್ಯ ಕನ್ನಿಕೆ **

ಕಲ್ಸಕ್ಕರೆ ಬೊಂಬೆ ಕೇಳೆ
ಹಸೆಮಣೆಗೆ
ಹಾಲೋಗರ ರಂಭೆ ಬಾರೆ..!!

ದೇವರ ಹೂದೋಟದಲಿ
ಅರಳಿರುವ ಮಲ್ಲಿಗೆಯೆ...
ಮುದ್ದಾಗಿ ಮಾತನಾಡೋ
ಮಲೆನಾಡ ಅರಗಿಣಿಯೇ...!!

ಸಿರಿಸಂಪಿಗೆ ಬನದಲ್ಲಿ
ಸೊಂಪಾಗಿ ಬೆಳೆದಂತೆ..
ಹಾಲ್ಜೇನು ಮೊಸರಾಗಿ
ನೈವೇದ್ಯಕೆ ಬಂದಂತೆ...!!

ಆನಂದದ ಲಹರಿಯಾಗಿ
ಒಲವಿನೆದೆಯ ರಾಗವಾಗಿ..
ಕುಂಚದಲಿ ಅವತರಿಸಿಹ
ರಸಕಾವ್ಯ ಕನ್ನಿಕೆಯಾಗಿ...!!

- ಅರೆಯೂರು ಚಿ. ಸುರೇಶ್

14 Oct 2016, 10:02 pm

ನಿನ್ನ ಪ್ರೀತಿ

ಕಾಡಬೆಳದಿಂಗಳ
ಈ ಸಂಸಾರದಲ್ಲಿ
ಕಾಡುವ ಕತ್ತಲೆಯ
ಕಳೆದು, ಬೆಳದಿಂಗಳ
ಬೆಳಕ ಚೆಲ್ಲೋ
ಚಂದಿರನಂತಿರಲಿ
ನಿನ್ನ ಪ್ರೀತಿ.

- ಸಾ.ರಾ.ಜ್ಞಾ

14 Oct 2016, 05:29 pm