Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ನೀನಾದ

ಅಳುವ
ಮತ್ತು
ನಗುವ
ಅವನ ಮುಖ ಪುಟದಲ್ಲಿ
ಅವಳದೇ ನೀನಾದ ತು೦ಬಿ ತುಳುಕಿತ್ತು!

ದಿನೇಶ್ ಉಳ್ತೂರು.

- ದಿನೇಶ್ ಉಳ್ತೂರು

17 Oct 2016, 08:25 pm

ನೆನಪು

ನಿನ್ನ ಕಾಣಲೆ
ಬಾರದೆಂದು ನನ್ನ
ಕಣ್ಣ ಮುಚ್ಚಿದೆ...!!!!!

ಆದರೆ

ಮುಚ್ಚಿದ ಕಣ್ಣೊಳಗೆ
ಕಂಡಿದ್ದು ಮಾತ್ರ
ನೀನೇನೆ.....!!!!!

- ಸ್ನೇಹ ನಿರಂತರ....

17 Oct 2016, 06:58 pm

ಬಾಲ್ಯ

ಬಾಲ್ಯವೆಂಬುದು ಅಂದು
ಚಂದದಾ ಬಿಂದು
ಅದರ ನೆನಪೇ ಇಂದು
ಸುಖದಲ್ಲಿ ಒಂದು !!

ಹಗಲಲ್ಲಿ ನಾನಂದು
ಮಾಡಿದೆ ಕಿರಿ ಕಿರಿ
ಕಿಟಕಿಯ ಆಚೆಗಿನ
ಚಂದ ಮಾಮನ ನೋಡಲು!!

ಹಗಲಲ್ಲಿ ಬೇಕೆಂದೆ
ಕತ್ತಲ ಆ ಸಂಜೆ
ಕತ್ತಲೆ ಆಗುತ್ತಾ
ಇರುಳು ಬೇಡವೆಂದೆ!!

ನಿದಿರೆಯ ಹೊತ್ತಲಿ
ಅಮ್ಮನೇ ಬೇಕೆಂದೆ
ಅಮ್ಮ ಲಾಲಿಯ ಹಾಡಲು
ಅಪ್ಪ ಹೇಳೋ ಕಥೆಯೇ ಬೇಕೆಂದೆ!!

- ಪಿ.ಜಿ.ಜ್ಯೋತಿ

17 Oct 2016, 10:09 am

ಬಂಧುಗಳು

ಬಂಧುಗಳು ಬೇಕು ಎನುವ
ಬಂಧನದಲಿ ಸಿಲುಕದಿರು ನೀ
ಬಂಧುಗಳ ಮಾತಿಗೆಂದೂ
ಬಂಧಿ ಆಗದಿರು !!

ಸಿರಿತನದ ಸಿರಿ ಸವಿದು
ಬಡತನಕೆ ಬಾರದವರು
ಬಂಧುಗಳು ಎನ್ನುವುದು
ನಿಜವಲ್ಲ ತಿಳಿದಿರು!!

ಸಂತಸದ ಹಾದಿಗೆ
ಬೆಳಕಾಗಿ ಬರುವರು
ದುಂಖದ ದಿನಗಳಲ್ಲಿ
ಮರೆಯಾಗಿ ನಿಲ್ಲುವರು!!

ಬಂಧುಗಳು ಹೀಗೆ
ಇದ ಎಂದೂ ಮರೆಯದಿರು
ಬಂಧುಗಳು ಬೇಕು ಎನುವ
ಬಂಧನದಲಿ ಸಿಲುಕದಿರು!!

- ಪಿ.ಜಿ.ಜ್ಯೋತಿ

17 Oct 2016, 09:54 am

ನೊಂದಿಹಳು ಅಮ್ಮ

ನೋಯಿಸಿದೆನು ನಾ
ನೋಯಿಸಿದೆನು ನಾ
ನನ್ನ ಅಮ್ಮನ ಮನವ
ನೋಯಿಸಿದೆನು !!

ಅರಿವಿದ್ದು ಮಾಡಲಿಲ್ಲ
ಅರಿಯದೇ ಮಾಡಿದೆನಲ್ಲಾ
ಆದರೂ ಮಾಡಿದ ತಪ್ಪಿಗೆ
ಶಿಕ್ಷೆ ಕೊಡಲಿಲ್ಲ ಅಮ್ಮ !!

ತಪ್ಪು ತಪ್ಪೆಂದು ತಿಳಿಯದೆ
ತಪ್ಪು ಮಾಡಿದೆನಲ್ಲಾ
ತಪ್ಪುಸರಿಯೆಂದು ತಿಳಿದು
ತಪ್ಪಾಗಿ ಹೋಯಿತಲ್ಲಾ!!

ನೊಂದಿಹಳು ನನ್ನ ಅಮ್ಮ
ನನ್ನ ಪ್ರೀತಿಯ ಅಮ್ಮ
ನೋಯಿಸಿದೆನು ನಾ
ನನ್ನ ಅಮ್ಮನ ಮನವ!!

ಅಮ್ಮನ ಪ್ರೀತಿಗೆ
ಕೊನೆ ಎಲ್ಲಿದೆ ಹೇಳು
ಆ ಪ್ರೀತಿಗೆ ಸಾಟಿ
ಯಾವುದಿದೆ ನೀ ಹೇಳು!!

- ಪಿ.ಜಿ.ಜ್ಯೋತಿ

17 Oct 2016, 09:43 am

ಸುಂದರ ಕನಸು

ಸೃಷ್ಟಿಯ ಸೊಬಗಿನ
ಸುಂದರ ಲೋಕದ
ಸುಂದರ ಕನಸೊಂದು!!

ಕಳೆ ಅಲ್ಲದಿಹ
ಕಾಣಲಾಗದ
ಸೊಬಗಿನ ಕಲ್ಪನೆ ಇದು!!

ಮರೆತರು ಮರೆಯದ
ಸುಂದರ ನೋಟ
ಆ ಕನಸಲ್ಲಿಹುದು!!

ಸ್ವರ್ಗಕೂ ಸುಂದರ
ಸವೆಯದ ಕನಸು
ಸವಿ ಸವಿಯಾಗಿಹುದು!!

ಸವಿನಯ ಮನದಲಿ
ವಿನಯದಿಂದುರುವ
ವಿಶ್ವಾಸದ ಕನಸು ನನ್ನದು!!

- ಪಿ.ಜಿ.ಜ್ಯೋತಿ

17 Oct 2016, 09:29 am

ನೀನು....

ಪಯಣದ ಹಾದಿಯಲಿ ಅಪರಿಚಿತೆಯಾಗಿ ಸಿಕ್ಕವಳು ನೀನು ...
ಕೆಂಡ ಸಂಪಿಗೆಯಂತೆ ಕಣ್ಣ ಮಿಣುಕಿಸಿದವಳು ನೀನು .....
ಮನದಲ್ಲಿ ಹೊಸ ಆಸೆ ಮಿಟಿಸಿದವಳು ನೀನು
ಭಾವನೆಯ ಬದುಕನ್ನು ಸೃಷ್ಟಿಸಿದವಳು ನೀನು.....
ಮೌನಿ ನಾನಾದಾಗ ಮೆರೆಯಾದವಳು ನೀನು ನೀನು ....!!!!!!

- ಆನಂದ.ಎಮ್.ಹೆಚ್

17 Oct 2016, 08:53 am

ಪ್ರೇಮಿ

ನಿನಗೆ ಗೊತ್ತಿಲ್ಲವೇ ಗೆಳೆಯ
ಪ್ರೇಮಿಯಾದವಳನ್ನು
ಇಸ್ಟು‌‌ ಕಾಯಿಸಬಾರದೆಂದು
ಆದರೂ ಯಾಕೆ ಹೀಗೆ!!

ಕಾಡಿಸಿ ಪೀಡಿಸಿ
ಮೋಹಿಸಿ ಮುದ್ದಿಸುತ್ತಿದ್ದೆ
ಇಂದು ಏನಾಗಿದೆ ನಿನಗೆ
ಯಾಕೆ ಈ ಅಂತರ!!

ನಾ ಎಷ್ಟೇ ಕೂಗಿದರೂ
ಕೇಳದಾಯಿತೆ ನಿನಗೆ
ಎಷ್ಟೇ ಅಂಗಲಾಚಿದರೂ
ನನ್ನ ಸನಿಹ ಬೇಡವಾಯಿತೆ!!

ಮತ್ತೆ ಮತ್ತೆ ಸುಳ್ಳಿನ
ಭರವಸೆ ನೀಡಿ
ಏಕೆ ಮೋಸಗೊಳಿಸುತ್ತಿರುವೆ
ನನ್ನಿಂದ ದೂರವಾಗುವ ಇಚ್ಚೆಯೇ!!

- ಪಿ.ಜಿ.ಜ್ಯೋತಿ

16 Oct 2016, 06:36 pm

ಆಕೆ.....!!!

ನೂರಾರು ಬಯಕೆ ಕಟ್ಟಿಕೊಂಡಾಕೆ,
ಆಕೆ ನನ್ನಾಕೆ ನನ್ನ ಹೊತ್ತು ಹೆತ್ತಾಕೆ,
ಹತ್ತಾರು ಸುಖವ ತ್ಯಜಿಸಿದಾಕೆ,
ಆಕೆ ನನ್ನಾಕೆ ಅಮೃತವುಣಿಸಿದಾಕೆ,
ನೂರಾರು ಕಷ್ಟಗಳ ನುಂಗಿದಾಕೆ,
ಆಕೆ ನನ್ನಾಕೆ ಸಾಕಿ ಸಲುಹಿದಾಕೆ.
-ಸರ್ಪ

- sarpa

16 Oct 2016, 05:48 pm

ಹೇಳು ಗೆಳತಿ

ಯಾವ ಭಾವವ ಮೀಟೊ
ವೀಣೆಯಾಗಲಿ ನಾನು!!
ಯಾವ ನಾದವ ಸೇರೊ
ಸ್ವರವಾಗಲಿ ನಾನು !!
‌‌ಹೇಳು ಗೆಳತಿ ನೀ ಹೇಳು
ನನ್ನ ಬದುಕಿನ ಧಾಟಿ ಹೇಳು ನೀನು!!

ಸರಿಗಮದ ಅಂಚಿನ
ಭಾವ ಆಗಬೇಕೇನು !!
ಶೃತಿ ಲಯದ ಒಳಗಿನ
ರಾಘ ಆಗಲೇನು ‌‌ !!
ಹೇಳು ಗೆಳತಿ ನೀ ಹೇಳು
ನನ್ನ ಬದುಕಿನ ಧಾಟಿ ಹೇಳು ನೀನು!!

ತಾಳ ತಪ್ಪಿದ ಶೃತಿಯು
ನಾ ಆಗಲಾರೆನು !!
ದಾರಿ ತಪ್ಪಿದ ಜೀವ ಕೂಡ
ನಾ ಆಗಲಾರೆನು !!
ಹೇಳು ಗೆಳತಿ ನೀ ಹೇಳು
ನನ್ನ ಬದುಕಿನ ಧಾಟಿ ಹೇಳು ನೀನು!!

ಸಂಗೀತದ ಒಂದು
ಪಲ್ಲವಿಯು ನಾನು !!
ಅದರೊಳಡಗಿರುವ
ರಸ ಕಾವ್ಯವು ನಾನು !!
‌ ಈಗ ಹೇಳು ಗೆಳತಿ
ನನ್ನ ಬದುಕಿನ ಧಾಟಿಯನು ನೀನು!!

- ಪಿ.ಜಿ.ಜ್ಯೋತಿ

16 Oct 2016, 02:51 pm