Kannada Poems

Download App from Playstore. | Privacy Policy

ನಕ್ಷತ್ರಗಳು-೧೪.

ನಕ್ಷತ್ರದ ಮೊನಚು
ತುದಿಗಳು-ನನ್ನ ಏಕಾಂತಗಳನ್ನು
ಚುಚ್ಚಿ ಚುಚ್ಚಿ
ಆಕಾಶದಂತಹ ನನ್ನ
ಮನಸ್ಸಿನಲ್ಲಿ
ಶತಕೋಟಿ ಛಿದ್ರಗಳು.!
ಅದರ ತುಂಬ ಬೆಳಕಿನ ಕಿಡಿಗಳು,
ಕತ್ತಲಲ್ಲಿ ಮಾತ್ರ
ಗೂಢವಾಗಿ-ಗಾಢವಾಗಿ
ಮಿನುಗುತ್ತವೆ-ಮೌನವಾಗಿ.

************** ಪದ್ಯಾಣ.

- padyana

09 Jan 2017, 04:56 pm

ನಕ್ಷತ್ರಗಳು-೧೩

ನಿಶಾರಾಣಿಯ
ಮಣಿಹಾರ--ಪದಕ
ಆಗಸದ ಹಾಸಿಗೆಯಲ್ಲಿ
ಸೂತ್ರ ಹರಿದು-ಚದುರಿ
ಬಿದ್ದಿವೆ,ಚೆಲ್ಲಾಡಿವೆ!
ಹರಿದೆಸೆದವನಾರಲ್ಲಿ?

*************ಪದ್ಯಾಣ.

- padyana

09 Jan 2017, 04:18 pm

ಬೇಗ ಬಳಿಬಾರೆ.... [ಓ ಹೃದಯಾ

ನನ್ನ ಸಂಪೂರ್ಣವಾಗಿ ನೀ ಆವರಿಸಿರುವೆ
ಕನಸಲೂ ಸಹ ನಿನ್ನೇ ನಾ ಕಾಣುವೆ
ಹೃದಯ ಸೋತು ಶರಣಾಗಿದೆ ನಿನಗೆ
ಮನದಲಿ ಏನೋ ಭಯವಿದೆ ಸಣ್ಣಗೆ

ನಿನಗೇಳಲು ಬಯಸಿದ ಸಾವಿರ ಮಾತು
ತುಟಿಯಂಚಲೆ ಕಾಯುತಿದೆ ನಿಂತು
ಆ ಮಾತು ಮೌನದಲಿ ಮಣ್ಣಾಗುವ ಮೊದಲು
ಬಳಿ ಬರಬಾರದೆ ನೀನೊಮ್ಮೆ ಕೇಳಲು

ನೀನೀಗ ನನ್ನೊಳಗೆ ತುಂಬಿರುವೆ
ನಿನ್ನ ಕಣ್ಣ ನೋಟಕೆ ನಾ ಸೋತಿರುವೆ
ನಾನು ನೀನಾಗಿ ಬದಲಾಗಿರುವೆ
ಹೆಚ್ಚು ಕಾಡಿಸದೆ ಬೇಗ ಬಳಿಬಾರೆ

- Pb

09 Jan 2017, 04:16 pm

ನಕ್ಷತ್ರಗಳು-೧೨.

ಅಷ್ಟೆಲ್ಲಾ ಸಂಖ್ಯೆಯಲ್ಲಿ
ಇದ್ದರೂ ಪ್ರತಿಯೊಂದೂ
ಯಾಕೋ
ಅನಾಥವಾದವುಗಳಂತೆ
ನಕ್ಷತ್ರಗಳು
ಬಿಕ್ಕಳಿಸುತ್ತವೆ.
ರಾತ್ರಿಯ ನೀರವತೆಯಲ್ಲಿ.
************
ಪದ್ಯಾಣ.

- padyana

09 Jan 2017, 04:12 pm

ನಕ್ಷತ್ರಗಳು-೧೧

ನಕ್ಷತ್ರಗಳು
ಮೌನವಾಗಿವೆ.
ಖಂಡಿತ.
ಅವುಗಳು ಮಾತನ್ನು
ಆಡಲಾರವು.
ಯಾಕೆಂದರೆ
ಅವುಗಳು ಹೊರಳುವ
ನಾಲಿಗೆಗಳಲ್ಲ!
ಮಿನುಗುವ
ಕಣ್ಣುಗಳು!

***********ಪದ್ಯಾಣ.

- padyana

09 Jan 2017, 03:53 pm

ಹಳೆ ಪ್ರೇಮಿ

ದಯವಿಟ್ಟು ತಿರುಗಿ ನೋಡಬೆಡಾ,ಮತ್ತೆ ನನ್ನನ್ನು ಹಳೆ ಪ್ರೇಮಿಯಾಗಿಸಲು ಪ್ರಯತ್ನಿಸಬೆಡಾ

- ಸಂಘರ್ಷ ಎಸ್ ರಾಗಿ

09 Jan 2017, 03:31 pm

ನಗುವ ಹೂವು

ಹಸಿರ ಎಲೆಗಳ ಮೇಲೆ
ನಗುವ ಹೂಗಳ ಕುರಿತು
ಬರೆಯಬೇಕಿದೆ ಕವನ
ಅರಿತು ಅವುಗಳ ಪಯಣ!!

ಗಿಡದಿ ಎಲೆಗಳು ಚಿಗುರಿ
ಎಲೆಯ ಒಡಲಲಿ ಮದುರಿ
ಜನನವಾಗಿದೆ ಮೊಗ್ಗು
ಅರಳಲು ಅವಸರ ಅದಕೆ!!

ಇಬ್ಬನಿಯ ಸ್ಪರ್ಷಕ್ಕೆ
ಬೆಚ್ಚಿ ಎಚ್ಚರಗೊಂಡು
ಉದಯ ರಾಗದ ರವಿಯ
ಕಿರಣಕೆ ಮೈ ಒಡ್ಡಿ ನಿಂದು!!

ಅರಳಿ ಸಂತಸದಿ
ಸುಗಂಧವನು ತಾ ಬೀರಿ
ಮಕರಂದ ಚಿಮ್ಮುತ
ಹರೆಯವ ಏರಿ!!

ವಿರಹದ ಬೇಗೆಯಲಿ
ಬಳಲಿ ತಾ ನೊಂದು
ಪ್ರಣಯದ ಬಯಕೆಯಲಿ
ಕೈ ಚಾಚಿ ನಿಂದು!!

ಪುಳಕವಾಯಿತು ತನುವು
ದುಂಬಿಯ ಸ್ಪರ್ಷಕೆ
ಬೆರೆತು ಹೋಯಿತು ಒಲವು
ಪರಾಗ ಸ್ಪರ್ಷದಿ!!

ಸಡಿಲವಾಗಿಹ ದಳವು
ಗಿಡದ ಬುಡದಲಿ ಉದುರಿ
ಅಡಿಯ ಬೇರನು ಸೇರಿ
ಮರಳಿ ಉದಿಸಲಿ ನಾಳೆ!!

- ಪಿ.ಜಿ.ಜ್ಯೋತಿ

09 Jan 2017, 03:20 pm

ಸಾದನೆ

ಈ ವಿಚಿತ್ರ ಜಗತ್ತಿನಲ್ಲಿ ಬದುಕ್ತಿರೋದೇ ಗ್ರೇಟ್ !!
ಅಂಥದ್ರಲ್ಲಿ ನಾಲ್ಕ್ ಜನ ಏನ ಹೇಳ್ತಾರೆ ಅಂತ ಯೋಚನೆ ಮಾಡ್ಕೊಂಡು ಕೂತಿದ್ರೆ ."
ಅದೇ ನಾಲ್ಕ್ ಜನ ಕೊನೆಗೆ ಹೇಳ್ತಾರೆ ಟೈಮು ಆಯ್ತು ಬೇಗ ಯತ್ತಿ ಅನ್ನೋ ಜನ"
"ಸಾವು ಬೆನ್ನಿಂದೆ ಇರೋದು ವಾಡಿಕೆ
"ಸಾಧನೆ ಕಣ್ ಮುಂದೆ ಬರಬೇಕು ಅನ್ನೋದು ಬೇಡಿಕೆ .
ಸಾಧನೆ ಇಲ್ಲದೆ ಗೆಲುವೇ ಇಲ್ಲಾ
ಸಾಧಿಸದವನಿಗೆ ಸಾವೇ ಇಲ್ಲಾ


ಜೀವನದ ಪುಟಗಳು❣❣❣❣❣❣❣

- Manju

09 Jan 2017, 03:05 pm

ನಕ್ಷತ್ರಗಳು-೧೦

ಈಡೇರದ
ಆಸೆಗಳೆಲ್ಲಾ ನಭೋ
ಮಂಡಲಕೆ ಚಿಮ್ಮಿ
ಮಾತು ಕಳೆದುಕೊಂಡು
ಕತ್ತಲಲ್ಲಿ ಮಿನುಗುತ್ತವೆ.
ಅಣಕಿಸುತ್ತವೆ.
ನಕ್ಷತ್ರಗಳಾಗಿ,
ಗಗನಕುಸುಮಗಳಾಗಿ!
**********
ಪದ್ಯಾಣ.

- padyana

09 Jan 2017, 01:59 pm

ಸ್ವಾಗತ ನಲ್ಲನೇ ಸ್ವಾಗತವು

ಸ್ವಾಗತ ನಲ್ಲನೇ ಸ್ವಾಗತವು
ನನ್ನ ಹೃದಯದ ಗುಡಿಗೆ ಸ್ವಾಗತವು!!

ಮೆಲ್ಲನೆ ಬಂದಿಹ ಈ ಇರುಳು
ನನ್ನನು ಕಾಡಿವೆ ಬಯಕೆಗಳು!!
ನಿಲ್ಲದೇ ಓಡುತ ಕನಸುಗಳು
ಹೊಸ ಹೊಸ ಭಾವನೆ ಮನಸಿನೊಳು!!

ಸ್ವಾಗತ ನಲ್ಲನೇ ಸ್ವಾಗತವು
ನನ್ನ ಹೃದಯದ ಗುಡಿಗೆ ಸ್ವಾಗತವು!!

ಕತ್ತಲ ಕರಗಿಸುವ ಹಗಲು
ಎತ್ತಲೋ ಹೋಯಿತು ನಿಮಿಷದೊಳು!!
ಬೆನ್ನನು ಬಿಡದಿರೋ ಆಸೆಗಳು
ನನ್ನನು ಕಾಡಿವೆ ಹಗಲಿರುಳು!!

ಸ್ವಾಗತ ನಲ್ಲನೇ ಸ್ವಾಗತವು
ನನ್ನ ಹೃದಯದ ಗುಡಿಗೆ ಸ್ವಾಗತವು!!

ಸುಮ್ಮನೇ ಕುಳಿತರೂ ಮಾತುಗಳು
ಪಿಸುಗುಡುತ್ತಿವೆ ನನ್ನ ಭಾವದೊಳು!!
ಸ್ವಾಗತ ಕೋರುತ ನಾ ಕಾದಿರುವೆ
ಜೀವದ ಭಾವವೇ ನೀ ಬರಲು!!

ಸ್ವಾಗತ ನಲ್ಲನೇ ಸ್ವಾಗತವು
ನನ್ನ ಹೃದಯದ ಗುಡಿಗೆ ಸ್ವಾಗತವು!!

- ಪಿ.ಜಿ.ಜ್ಯೋತಿ

09 Jan 2017, 01:23 pm