ರೆಕ್ಕೆ ಇರದ ಹಕ್ಕಿಗೆ ಜೊತೆಯಾದ ನೀವೇ ಕಾರ್ತಿಕ ಮಾಸದ ದೀಪ,
Z ಒಣಗಿದ ನನ್ನೆದೆ ಗೂಡಿಗೆ ನವ ಚಿಂತನೆಗಳನೆ ಸಗುವುದೇ ನಿಮ್ಮ ಸಂಕಲ್ಪ.
ಬಡಿದೆಬ್ಬಿಸುವ ನಿಮ್ಮ ಜೀವನದ ಅನುಭವದ ಸಾಲುಗಳು,
ನನ್ನ ಸಂಕೀರ್ಣ ಸಂಸಾರವ ಸಾಗಿಸಲು ಪ್ರಯೋಗಿಸುವ ವಿವೇಕ ಮಂತ್ರಗಳು.
ನೆನಪುಕುವ ಲತೆಗೆ ನಿಮ್ಮನ್ನು ಅಪ್ಪುವ ಬಯಕೆ,
ನೆರಳ ಕೊಡುವ ಮರ ಅರ್ಥವಾದರೂ, ತಿರಸ್ಕರಿಸಬಾರದು ಮರುಕ ಜೀವದ ಕೋರಿಕೆ.
ಕಣ್ಮುಚ್ಚು ಕೊನೆಯ ಉಸಿರು ನಿಮ್ಮ ಹೆಸರು ಕರೆಯುವಾಗ,
ಅಳಿಲಂತೆ ಪ್ರೀತಿಯ ಗುಟುಕ ನೀಡಬೇಕೆನಿಸದೆ ನಿಮ್ಮ ಹೃದಯಕ್ಕೀಗ..
ಕಿಡಿಗಳ ಕಡುನುಡಿಗೆ ಕುಗ್ಗದಿರಲಿ ಹೊಸ ಪ್ರಯತ್ನದ ಚಿಂತನ,
ಮಾಗಿದ ಸಿಹಿ ಹಣ್ಣಿಗೆ ಜನ ಆಕರ್ಷಿಸುವಂತಿರಲಿ ನಿಮ್ಮ ವೃತ್ತಿ ಜೀವನ.
ಸರ್ವರ ಸಮಾನತೆಗೆ ಬೆಳಕಾದ ನಿಮ್ಮ ಜನ್ಮ ದಿನ,
ಭಾರತೀಯರ ಸ್ವಾಭಿಮಾನದ ಬದುಕಿಗೆ ಸನ್ಮಾರ್ಗ ರಚನೆಗೊಂಡ ಕ್ಷಣ.
ನಕ್ಷತ್ರದಂತೆ ಧರೆಯನ್ನು ಧರಿಸಲು ಉದಯಿಸಿದ ನಿಮಗೆ,
ನನ್ನ ಪ್ರೀತಿಯ ಹುಟ್ಟು ಹಬ್ಬದ ಹಾರ್ದಿಕ ಶುಭಾಶಯಗಳ,
ಮಲ್ಲಿಗೆ ಹಾರ ನಿಮ್ಮ ಕೊರಳಿಗೆ.
ನಸುಕು ಕವಿದ ಮನಕೆ
ತುಸು ಮೆಲ್ಲಗೆ ನುಸುಳಿ,
ಗಾಳಿಗೂ ಆರದ
ಕಾಲಕೂ ಮಾಸದ,
ಒಲವಿನ ಬೆಳಕನು
ಹೊತ್ತು ತಂದ ಹೃದಯವೇ,
ಪಿಸು ಮಾತಲಿ ಪ್ರೀತಿಯ
ಪರ್ವತದಂತೆ ಪಸರಿಸಿ,
ಒಸು ನೊಂದ ಎದೆಗೆ
ಅಪ್ಪುಗೆಯ ದೀವಿಗೆ,
ನನ್ನ ಕನಸಿನ ಅರಮನೆಯಲಿ
ನಿನ್ನ ನಗುವಿನ ನಿತ್ಯ ಮೆರವಣಿಗೆ,
ಕಳೆದುಹೋದ ನನ್ನ ಪ್ರತಿಬಿಂಬವ
ನಿನ್ನ ಕಂಡ ಕೂಡಲೇ ಮನ ತುಂಬುವ,
ಭರವಸೆಯ ಸ್ವಾರಸ್ಯವೂ ನೀ ಸಖಿ
ಪಡೆದು ನಿನ್ನನು ಅನುಕ್ಷಣವೂ ನಾ ಸುಖಿ,
ಜೀವನದ ಎಲ್ಲಾ ಆಯಾಮಗಳ ಸಾಥಿ
ಮರು ಉಸಿರಿಗೂ ನೀನಾಗು ನನ್ನ ಸಂಗಾತಿ,
ಹೃದಯಪೂರ್ವಕ ವಿವಾಹ ವಾರ್ಷಕೋತ್ಸವದ ಶುಭಾಷಯಗಳು ಪುಟ್ಟ.
ನನ್ನಪ್ಪನಿಗೊಂದು ಮಾತು ಜೀವನ ಎಂಬ ರಥದ ಸಾರಥಿ
ಸಂಸಾರ ಎಂಬ ಸಾಮ್ರಾಜ್ಯದ ಅಧಿಪತಿ
ಎಷ್ಟೆ ಕಷ್ಟ ಬಂದರೂ ಮಕ್ಕಳ ನಗುವಲ್ಲಿ ನೋವನ್ನು ಮರೆಯುವ ಗುಣವಂತ
ಪ್ರೀತಿಯ ಲೋಕಕ್ಕೆ ನೀನೇ ಸಿರಿವಂತ
ಮಕ್ಕಳ ಏಳ್ಗೆಗೆ ದಾರಿದೀಪ
ಮುಂದೆ ನಮ್ಮ ಜೀವನಕ್ಕೆ ನೀನೇ ನಂದಾದೀಪ
ಕಲ್ಮಶವಿಲ್ಲದ ಮನಸುಳ್ಳ ದಿಗ್ಗಜ
ನಮ್ಮ ಪಾಲಿಗೆ ನೀನೇ ರಾಜ
ದುಡಿಯುತ್ತಾನೆ ಮೈಯಲ್ಲಿ ರುಧಿರ ಸುರಿಯುವಂತೆ
ಲೆಕ್ಕಿಸದೇ ತನ್ನ ಪ್ರಾಣದ ಚಿಂತೆ
ಆಕಾಶಕ್ಕೂ ಮಿಗಿಲು ನಿನ್ನ ಮೇಲೆ ಪ್ರೀತಿ
ದೇವರಿಗಿಂತ ಹೆಚ್ಚು ನಿನ್ನ ಮೇಲೆ ಪ್ರತೀತಿ
ದಾರುಣ ಸ್ಥಿತಿಯಲ್ಲೂ ಧೈರ್ಯಗೆಡದ ಧೀರ
ಜಗತ್ತನ್ನೇ ಎದುರಿಸುವ ಶಕ್ತಿ ಹೊಂದಿರುವ ರಣಧೀರ
ಚಾಣಕ್ಯನಿಗಿಂತಲೂ ಚಾತುರ್ಯ ಹೊಂದಿರುವ ನನ್ನಪ್ಪ
ಯಾರೂ ಹೋಲಿಕೆ ಇಲ್ಲ ನಿನಗಪ್ಪ
ಸಂಸಾರ ಎಂಬ ರಣಾಜಿರದಲ್ಲಿ ಸೋಲನ್ನು ಕಲ್ಪನೆ ಕೂಡಾ ಮಾಡಿಕೊಳ್ಳದವನು
ಕಗ್ಗತ್ತಲೆಯಲ್ಲೂ ನಮಗೆ ಬೆಳಗಾಗಿ ನಿಂತಿರುವವನು
ಹಗಲು ರಾತ್ರಿ ಎನ್ನದೆ ದುಡಿಯುವ ಕಾಯಕ ಯೋಗಿ
ನಿರುದ್ಯೋಗಿಯಾದರೂ, ಸರ್ವಲೋಕವನ್ನೇ ಕೊಳ್ಳುವ ಉದ್ಯೋಗಿ
ಓ ಸ್ನಾತಕೋತ್ತರ ಪದವೀಧರ
ಹರಿಯುವದು ಜ್ಞಾನ ನನ್ನಲ್ಲಿ ನಿರಂತರ
ನಕ್ಷತ್ರಗಳು ನಾಚುವಂತೆ
ಸುನಾಮಿಗಳು ಅಬ್ಬರಿಸುವಂತೆ
ವಿಶ್ವವೇ ಬೆರಗಾಗುವಂತೆ
ದೈವವೇ ಕಣ್ತೆರೆಯುವಂತೆ
ನಮ್ಮ ಜೀವನಕ್ಕೆ ತನ್ನ ಪ್ರಾಣವನ್ನೇ ಪಣವಿಡುವ ನನ್ನಪ್ಪನಿಗೊಂದು ನಮನ..... ಸುನೀಲ್ ಬಿಜಿಎಂ ಕನ್ನಡ ....✍️