Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ನಾ ಕಂಡ ಪ್ರಪಂಚ

ಪ್ರತಿ ದಿನವೂ ಕಾಣದಂತೆ ಉರುಳುತಿದೆ
ಅರಿತ ಮನವೂ ಅರಿಯದಂತೆ ನಟಿಸುತಿದೆ

ಜಗದಗಲ ಆಗು-ಹೋಗು ನಡೆಯುತಿವೆ
ವನ್ಯಜೀವಿಗಳ ಜೀವನ ಅಯೋಮಯವಾಗಿದೆ

ಬದಲಾವಣೆಯ ಋತುಚಕ್ರ ಸಾಗುತಿದೆ
ಆಡಂಬರದ ಆಟಕೆ ಜಗ ಅಧಃಪತನಕೆ ಹೊರಟಿದೆ

ವೇಗದ ನಡಿಗೆಗೆ ಉದ್ವೇಗ ಹೆಚ್ಚಾಗಿದೆ
ಅರಿವಿನ ಮಾರ್ಗಕೆ ಗುರುವಿಗೆ ಬೆಲೆ ಎಲ್ಲಿದೆ?

ಕೆಸರಿನ ಮನಕೆ ಮೊಸರಂಗಿ ತೊಟ್ಟಿದೆ
ಮಡಿ- ಮೈಲಿಗೆ ಮಾರುದ್ದ ಸರಿದಿವೆ

ತನ್ನ ಹುಳುಕಿಗೆ ಇನ್ನೊಬ್ಬರ ಹುಳುಕು ಮುಚ್ಚಿದೆ
ಕೇಳದೆ- ಹೇಳದೆ ಇರುವ ಪರಿಪಾಠ ಹೆಚ್ಚಾಗಿದೆ

ಪಾಪದ ಕಡಲಿಗೆ ತೀರ್ಥದ ನೀರು ಅಂಜಿದೆ
ಶಕ್ತಿ ಕುಂದಿದೆ ಯುಕ್ತಿಯೂ ಮಾಯವಾಗಿದೆ

ಎಲ್ಲರೂ ಅವರೇ, ಅವರೇ ನಾವಾಗುವುದಾಗಿದೆ
ಹೊಂದಾಣಿಕೆ ಸತ್ಯದ ಬತ್ತಳಿಕೆಯನ್ನು ಮುಚ್ಚಿದೆ

ಕರ್ಮದ ಮುಂದೆ ಧರ್ಮ ಸೊರಗಿದೆ
ಪಾಪದ ಪಿಂಡಕೆ ಸಾಕ್ಷಿ ಇಲ್ಲದಾಗಿದೆ

ಸುತ್ತುವ ಭೂಮಿಗೆ ಸುಸ್ತಾಗುತ್ತಿದೆ
ಬೆಳಗುವ ಸೂರ್ಯನಗೆ ಬೇಜಾರಾಗಿದೆ

ಜಗ ಆಳುವವನ ಕಣ್ಣು ಸದಾ ತೆರೆದಿದೆ
ಹೀಗೆ ಸಾಗಿದರೆ ಮುಂದೆ ತಕ್ಕ ಶಾಸ್ತಿಯಿದೆ

ರಚನೆ: ಎ.ಜಿ.ಕಮತಗಿ(ಶಾಂತಿಪ್ರಿಯ)

- "ಶಾಂತಿಪ್ರಿಯ"

04 Feb 2017, 10:00 am

ಹೆಜ್ಜೆಗುರುತು

ನೀ ಹೋಗಿರಬೇಕು
ಮರೆತು
ನಾ ಬರೆಯುವುದೆಲ್ಲಾ
ನಿನ್ನ ಕುರಿತು
ಅದಕ್ಕೆ ನಾ ನಿಟ್ಟ ಹೆಸರು
ಹೆಜ್ಜೆಗುರುತು. ..

- ವಿಧಾತ್ರಿ ಹರಿತಸ್ಯ

04 Feb 2017, 08:16 am

ಮುಂಜಾನೆ-ಸಾಧನೆ

ಸೂರ್ಯೋದಯದಿಂದಾಗಿದೆ ಮುಂಜಾನೆ
ಹಾಸಿಗೆಯಿಂದ ಎದ್ದೇಳಿ ಜಾಣ-ಜಾಣೆ
ದೇವರಿಗೆ ಮಾಡಿ ಭಕ್ತಿಯ ವಂದನೆ
ಸಿದ್ಧರಾಗಿ ಮಾಡಲು ಮಹತ್ಸಾಧನೆ.

- ಗೌಡ

04 Feb 2017, 07:10 am

ಮೊದಲ ಪ್ರೇಮ

ನಿನ್ನ ನೆನಪೆಂಬುದು ನನ್ನ ಮನಸಲೆಲ್ಲೊ ಇಲ್ಲ...
ಅದು ನನ್ನ ಹೃದಯದಲ್ಲಿ ಅಚ್ಚೊತ್ತಿರುವ ಹಚ್ಚೆ...
ಮರೆಯಲದು ಬರೀ ನೆನಪಲ್ಲ...!
ಅದು ಮೊದಲ ಪ್ರೇಮ. ಅಮರ ಪ್ರೇಮ...

- ಪಿ ಅನಿ...

04 Feb 2017, 07:10 am

ನನ್ನ ಗೊಂಬೆಯ ನನ್ನಪಲಿ

ಹಣೆಬರಹದಲಿ...ಅವಳನ್ನ ನನಗಾಗಿ ಬರೆದಿಲ್ಲ..ತಿಳಿದ ವಿಷಯಕೆ...ಏಕೆ ಈ ಹುಚ್ಚಾಟ..!!
ಅಳುತಿರುವೆ...ಅವಳ ಪ್ರೀತಿಗಾಗಿ..ಉಸಿರುಗಟ್ಟಿಸುತಿದೆ..ಅವಳಿಲ್ಲದ ಪ್ರತಿ ಕ್ಷಣಾಕ್ಷಣವೂ..!!
ಮರುಕಳಿಸುತಿವೆ..ಅವಳಾಡಿದ..ಒಂದೊಂದೂ ಮಾತು..!!
ಬಯಸುತಿದೆ ದುಃಖಗಳಿಗೆ..ಅವಳ ಸಮಾದಾನದ ಸಾಂತ್ವನ..ಬೇಕೆನಿಸಿದೆ...!!
ಅವಳೊಂದಿಗೆ.. ಓಡಾಡಿದ ಒಡನಾಟ..ಪ್ರಯತ್ನೀಸಿಯೂ ಮರೆಯಲಾಗಲಿಲ್ಲ...!!
ನನ್ನ ಅಳುವಿಗೆ..ಸ್ಪಂಧಿಸಿದ ಆ...ಕಣ್ಣುಗಳಾ..ಕಣ್ಣೀರಾ...ಒರೆಸಿದ ಮೃದುವಾದ ಆ..ಕೈಗಳ..!!
ಆಸರೆಯಾಗಿ...ಧೈರ್ಯ ಹೇಳಿದ..ಆ ಬುಜಗಳ..!!
ಸದಾ ನನ್ನೊಡನೆಯಿರುವ..ಭರವಸೆಯ ಅಪ್ಪುಗೆಯ...!!
ಪ್ರೀತಿಯ ಚುಂಭನವಾ..ಅವಳಿತ್ತ ನಂಬಿಕೆಯ ಬಾಷೆಗಳ...ಹೇಗೆ ಮರೆಯಲಿ...??
ನೆರಳಂತೆ...ಹಿಂಬಾಲಿಸುತಿರುವ...ನೆನಪುಗಳ..ಜೊತೆಯಲಿ..!
ಕೇಳದ ಮನಸು....ಕಾಣುತಿದೆ ಕನಸ...ಅವಳ..ಬರುವಿಕೆಗಾಗಿ

"ಮಲ್ಲಿಕಾರ್ಜುನ"

- Mallikarjun

04 Feb 2017, 06:49 am

ನಾನು ಬರೆಯುತ್ತೇನೆ

ನಾನು ಬರೆಯುತ್ತೇನೆ
ನನ್ನನ್ನು ನಾನು ಕಂಡುಕೊಳ್ಳುವುದಕ್ಕೆ
ಮತ್ತೆ ಕಾಣಿಸುವುದಕ್ಕೆ;
ನಿಮ್ಮೊಂದಿಗೆ ಸಂವಾದಿಸುವುದಕ್ಕೆ..

- KiranKiru

03 Feb 2017, 11:15 pm

ನಕ್ಷತ್ರಗಳು-೨೫.

ನಕ್ಷತ್ರಗಳು
ಕಣ್ಣು ತೆರೆದು
ರೆಪ್ಪೆ ಮಿಟುಕಿಸುವ
ಹೊತ್ತು
ಈ ನೆಲದ
ಕಣ್ಣು
ಕತ್ತಲ ರೆಪ್ಪೆಯೊಳಗೆ
ಬಂದಿ!

************
************* ಪದ್ಯಾಣ.

- padyana

03 Feb 2017, 09:50 pm

ನಕ್ಷತ್ರಗಳು-೨೪.

ದೇವರ ನಾಡಿನ ಬಾಗಿಲಿಗೆ
ರಂಗೋಲಿ ಬರೆಯಲು
ಉಷೆ ಇಟ್ಟ
ಪುಟ್ಟ ಪುಟ್ಟ
ಚುಕ್ಕಿ-ಚಿಕ್ಕೆಗಳು
ನಕ್ಷತ್ರಗಳು.

************
************ ಪದ್ಯಾಣ.

- padyana

03 Feb 2017, 09:35 pm

ಕನ್ನಡ ಶಾಯರಿ

ನಿನಗಿಂತ ಮೊದಲು ಈ ಲೋಕದಿಂದ ನಾನು ಹೋಗುವೆ
ಆಕಾಶದಾಚೆಗೆ ನಿನಗಾಗಿ ಸುಂದರ ಮನೆಯ ಕಟ್ಟುವೆ
ಅಲ್ಲಿ ನಮ್ಮಿಬ್ಬರ ಮಧುರ ನೆನಪುಗಳ ಚಿತ್ತಾರ ಬಿಡಿಸುವೆ
ನಿನ್ನ ಬರುವಿಗಾಗಿ ಹೃದಯ ಹಾಸಿ ಕಾಯುವೆ.

- ಕುಮಾರ ಸಿದ್ದರಾಜ

03 Feb 2017, 08:41 pm

ಕನ್ನಡ ಶಾಯರಿ

ಬೇಸರ ಮೂಡುವ ಮುನ್ನ ನಿನ್ನ ನಗು ಮುಖದಲ್ಲಿ
ನನ್ನ ಕಣ್ಣು ಕುರುಡಾಗಾಲಿ
ನನ್ನಲ್ಲಿ ನಿನಗೆ ಕೋಪ ಉಂಟಾಗುವ ಮೊದಲೇ
ನನ್ನ ಉಸಿರು ನಿಂತು ಹೋಗಲಿ
ನನ್ನಿಂದ ನಿನಗೆ ನೋವಾಗಿದೆ ಏಂದರೆ
ನಿನ್ನಿಂದ ನಾನಷ್ಟೆ ಅಲ್ಲ, ನನ್ನ ನೆನಪು ದೂರಗಲಿ.

- ಕುಮಾರ ಸಿದ್ದರಾಜ

03 Feb 2017, 08:29 pm