Kannada Poems

Download App from Playstore. | Privacy Policy

---

ಕನ್ನಡ ಶಾಯರಿ

ಕೋಪದಿ ನೋಡಿದರೆ ಪ್ರೀತಿ ಇಲ್ಲ ಎಂದರ್ಥವಲ್ಲ
ನಗುತ ಮಾತನಾಡಿದರೆ ಪ್ರೀತಿ ಇದೆ ಎಂದರ್ಥವಲ್ಲ
ಜೀವನದ ಪಯಣದಲ್ಲಿ ನೋಟಗಳು ಬೆರಿತಾನೆ ಇರ್ತವೆ
ಪ್ರತಿ ನೋಟದ ಅರ್ಥ ಪ್ರೀತಿ ಎಂದರ್ಥವಲ್ಲ. !

- ಕುಮಾರ ಸಿದ್ದರಾಜ

09 Feb 2017, 08:36 pm

---

ಪ್ರೀತಿಯಲಿ ತೆಲುತಿದೆ ಮನಸು

ಪ್ರೀತಿಯಲಿ ತೆಲುತಿದೆ ಮನಸು
ಯಾಕೋ ಕಾಣೆನು
ಹೃದಯದಿ ನಿನೀನೆ
ಮನದಿ ನಿನೀನೆ
ಎಲ್ಲೆಲ್ಲೋ ನಿನೀನೆ
ಇನ್ನೇನು ಹೇಳಲಿ ನಾನು /

ನೂರಾರು ಜನರ ನಡುವೆ
ನನ್ನ ಕಾಡುತಿರುವಳು ನೀನೆ
ಚಲುವೆಯರಲ್ಲಿ ನೀನು ಚಲುವೆ
ನನ್ನನರಸಿ ಬಂದೆಯಾ ನೀನೇ
ನೋಡುವ ನೋಟದಲ್ಲಿ
ಆಡುವ ಮಾತಿನಲ್ಲಿ
ನಿನೆನೆ ತುಂಬಿರುವೆ
ನಾನೇನು ಮಾಡಲಿ ಹೇಳು ನೀ. /

ನಗುತಿರಲಿ ನೀನು ಒಲವೇ
ಕಂಡೆ ಪ್ರೇಮಧಾರೆಯಂತೆ ನನಗೆ
ಹೂಮನದಂತೆ ನೀನು ನಲಿವೆ
ನನ್ನ ಮನವಾಯ್ತು ದುಂಬಿಯಂತೆ
ಊಸಿರಿನ ಬಿಸಿಯಲಿ
ಎದೆಯ ಮಿಡಿತದಲಿ
ಒಲವೆ ನಿನಿರುವೆ
ನಾನೆಲ್ಲಿಗೆ ಹೋಗಲಿ ಹೇಳು ನೀ /

- ಕುಮಾರ ಸಿದ್ದರಾಜ

09 Feb 2017, 08:26 pm

---

ಎಲ್ಲಿರುವೆ ಅಮ್ಮ

ಎಲ್ಲಿ ಇರುವೆ ಅಮ್ಮ ನೀ ಎಲ್ಲಿ ಇರುವೆಯೇ..
ಎಲ್ಲಿ ಹೋಗಿರುವೆ ನೀನು ಕಾಣದಾದೆಯೇ..

ನಿನ್ನ ತುಂಬು ಗಭ೯ದಿಂದ ..
ಹೊರಬಂದ ನಿನ್ನ ಕಂದ..
ಅಳುವ ನಿನ್ನ ಕೂಸಿನ ನೋಡೆ..
ತೋರೆ ನಿನ್ನ ಪ್ರೀತಿಯ ಭಾವ..
ಎಲ್ಲಿ ಇರುವೆ ಅಮ್ಮ ನೀ ಎಲ್ಲಿ ಇರುವೆಯೇ..

ಬಾಳಿನಲ್ಲಿ ಒಂಟಿ ನಾನು..
ಕರುಣೆ ಬಾರದೇನೆ ನಿನಗೆ..
ಕತ್ತಲಲ್ಲಿ ನೂಕಿ ನನಗೆ..
ಎತ್ತ ಹೋದೆ ಬಾರದೆ ಕೊನೆಗೆ..
ಎಲ್ಲಿ ಇರುವೆ ಅಮ್ಮ ನೀ ಎಲ್ಲಿ ಇರುವೆಯೇ..

ಯಾವ ಜನ್ಮದ ಪಾಪದಲ್ಲೊ..
ಮಿಂದ ನನಗೆ ನೋವಿನ ಶಾಪ..
ಬಂದು ಕೇಳೆ ನನ್ನದೆಯ ಅಳುವ..
ಹೇಳಲಾರೆ..ತಾಳಲಾರೆ..
ಎಲ್ಲಿ ಇರುವೆ ಅಮ್ಮ ನೀ ಎಲ್ಲಿ ಇರುವೆಯೇ..

- B.Shree

09 Feb 2017, 07:36 pm

---

ಸುಮ್ಮನೆ ಬಂದವನೆ

ನಿನ್ನ ಕನಸು
ಕಾಣುವ
ನನ್ನ ಮನಸು

106 ಪ್ರಯನ್ನಗಳಿಗೆ
ಕರಗದ ನಿನ್ನ
ಮುನಿಸು

ನೀ ಕದ್ದು ಹೊಯ್ದ
ನನ್ನ ಸಂತಸ
ಮರಳಿಸು

ನನಗೀಗ ಒಲ್ಲದ
ಊಟ, ನೀ
ಬಂದು ತಿನಿಸು

ನನ್ನ ಹೃದಯದ
ಪಿಸು-ಪಿಸು
ನೀ ಆಲಿಸು

ಬಂದೆನ್ನ ಸಂತೈಸು.‌‌‌‌‌...‌.

vanishree

- Vanishree c p

09 Feb 2017, 06:58 pm

---

ಉತ್ತರ

ಓ ಚೆಲುವೆ
ನಾ ಕೇಳುವ ಪ್ರಶ್ನೆಗೆ ಉತ್ತರ ನೀಡೆ
ನೀಡುವ ಉತ್ತರ ನನಗಾಗಿರಲಿ
ಚೆಲುವೆ ಕೊಡು ನೀ ಉತ್ತರವ...
ಚೆಲುವೆ ನೀ ಹೀಗೆ ಮೌನಿಯಾದರೆ
ನನ್ನ ಪ್ರಶ್ನೆಗೆ ನನ್ನನ್ನೇ ಉತ್ತರವಾಗಿಸಬೇಡ ಓ ಚೆಲುವೆ

- ಸುಬ್ರಹ್ಮಣ್ಯ ಶಾಸ್ತ್ರಿ

09 Feb 2017, 04:22 pm

---

ಗೊಡ್ಡು ಆದರ್ಶ

ಎಲ್ಲರ ಎದೆಯಾಳಕ್ಕೆ
ಗರಡಿ ಹಾಕಿ ಎಳೆದು ಹುಡುಕಿದರೂ ಸಿಗಲಿಲ್ಲ
ಕರುಣೆ, ಅನುಕಂಪ,
ಹಾಳು ಆದರ್ಶಗಳ ತಗಡು ತತ್ವಗಳು

ಕನ್ನಡಿ ಮುಂದೆ ಪೋಜು ಕೊಟ್ಟು
ಕಕ್ಕಲುತನವನ್ನೆಲ್ಲ ಕಾರಿಕೊಂಡು
ಎದೆ ಎದೆ ಬಡಿದುಕೊಂಡು
ಊರಿಗೆಲ್ಲ ನಾನೇ ಗರತಿ ಗಂಗವ್ವನೆಂದರು

ನಾಳೆಗಳನ್ನೆಲ್ಲ ಒಲೆಯೊಳಗೆ ಮಡಚಿಟ್ಟು ಕೊಳ್ಳಿಇಟ್ಟು,
ಕಾ ಕಾ ಎಂದು ಬಂದ ಕಾಗೆಗಳಿಗೆಲ್ಲ ಬಾಡುಟಿಟ್ಟು,
ಉಸಿರುಗಳಿಗೆಲ್ಲ ಉರಿಇಟ್ಟರು

ಬೋರಲು ಬಿದ್ದು ಹಾಳು ತತ್ವಗಳು
ಗಂಟಲು ಹರೆದುಕೊಂಡು ಚೀರಿದ ನ್ಯಾಯನೀತಿಗಳು
ಬಿಕ್ಕಿ ಬಿಕ್ಕಿ ಬಿಕ್ಕಳಸಿ ಎದೆ ಬಿರಿದು
ಚೀರಿ ಚೀರಿ ಚಿಪ್ಪಾಡಿಯಾದ ಹರಕು ಮುರಕು ಬದುಕಗಳು

ರಚನೆ: ರೇವಣಸಿದ್ದ ಗೌಡರ

- Revanasidda Goudar

09 Feb 2017, 02:51 pm

---

ಗಾಳಿ ಗೋಪುರ...

ಅವರಿವರು ಎನೆಂದರೇನು
ನಿನೀದ್ದರೆ ಸಾಕೆಂದುಕೊಂಡಿದ್ದೆ...
ತಂಗಾಳಿಯಂತೆ ಬಂದ ನೀನು,
ಬಿರುಗಾಳಿಯಂತಾಗಿ ಹೋದೆ...
ನನ್ನ ಮನಸೆಂಬ ಹಂದರವಾಯ್ತು ಗಾಳಿ ಗೋಪುರ....
ಪಿ ಅನಿ
9-2-17

- ಪಿ ಅನಿ...

09 Feb 2017, 12:01 pm

---

ಬಾ ನನ್ನ ಸಂಜೀವಿನಿ

ನಿನ್ನ ಕಂಡಾಗಲೆಲ್ಲ
ನನ್ನ ಹೃದಯದ ಬಡಿತ ಹೆಚ್ಚುವುದು!!
ನಿನ್ನ ನೆನೆದಾಗಲೆಲ್ಲ
ನನ್ನ ಉಸಿರಿನ ಏರಿಳಿತ ಹೆಚ್ಚುವುದು!!

ನೀ ಬಳಿ ಬಂದಾಗಲೆಲ್ಲ
ನನ್ನ ಅದರವದು ತೊದಲುವುದು!!
ನೀ ಸ್ಪರ್ಶಿಸಿದಾಗಲೆಲ್ಲ
ನನ್ನ ತನು ಉಲ್ಲಾಸದಿ ಕುಣಿಯುವುದು!!

ನಿನ್ನ ನುಡಿ ಕೇಳಿ
ನನ್ನ ಮತಿ ಮಂತ್ರ ಮುಗ್ಧ ಆಗುವುದು!!
ನಿನ್ನ ಉಸಿರದು ಸೋಕಿ
ನನ್ನ ಉಸಿರು ಮರು ಜನ್ಮ ಪಡೆಯುವುದು!!

ನೀ ಅಮೃತ ಬಿಂದು
ನನ್ನ ಈ ಪ್ರೀತಿಗೆ ಹೆಸರಾದ ಬಂಧು!!
ನೀ ಬಂದೊಮ್ಮೆ ಎಬ್ಬಿಸು
ನನ್ನ ಬದುಕಿಸು ಬಾ ನನ್ನ ಸಂಜೀವಿನಿ!!

- ಪಿ.ಜಿ.ಜ್ಯೋತಿ

09 Feb 2017, 11:01 am

---

ಮನಸ್ಸು

ಓ ಮನಸೇ ನಿನ್ನ ಆಸೆಗೆ ತಕ್ಕಂತೆ ಆಡಿಸುತ್ತಿರುವೆ ನನ್ನನ್ನು.
ಕೇಳುವೆಯಾ ಒಮ್ಮೆ ನಿನ್ನ ಪ್ರತಿದ್ವನಿಯನ್ನು.
ಅದು ಸದಾಕಾಲ ವಿಚಲಿತಗೊಂಡು ಸ್ಮರಿಸುತ್ತೆ
ನೀ ತೋರಿದ ದಾರಿಯ ದಿಕ್ಕಿನ ಪ್ರತಿಫಲವನ್ನು.
ಅದೆಷ್ಟೇ ಕಷ್ಟ, ನೋವುಗಳು ಬಂದರು ಮರೆಯೋಲ್ಲ ನೀ ನಡೆಸಿದ ದಾರಿಯ ಪ್ರತಿ ಹೆಜ್ಜೆಯನ್ನು.

- ಚನ್ನಬಸವ ಅಂಗಡಿ

09 Feb 2017, 10:36 am

---

ಕೋಗಿಲೆ

ಕಾಗೆ ಗೂಡಿಗೆ ಹೋಗಿ
ಕೋಗಿಲೆಯು ಮೊಟ್ಟೆ
ಇಡುವ ಈ ಸೃಷ್ಟಿ
ಕಾಯಕದ ಅರ್ಥ ಏನು!!

ತನ್ನ ಕಂದನ ಸಲಹೋ
ಬಯಕೆಯು ಅದಕಿಲ್ಲ
ಕರುಳ ಕುಡಿ ಎಂಬ
ವ್ಯಾಮೋಹ ಅದಕಿಲ್ಲ!!

ಕಾಗೆ ಗೂಡನು ಅರಸಿ
ಕಪಟದಲಿ ಹೋಗಿ
ಮೊಟ್ಟೆ ಇಡುವ ನಿನ್ನ
ಬಯಕೆ ಎಷ್ಟು ಸರಿಯೇ!!

ತಾಯಿ ಕಾಗೆಯ ಮಡಿಲ
ಕೂಸಾಗಿ ಬೆಳೆದರೂ
ಗುಟುಕಿನ ಪ್ರೀತಿಯ
ತಾ ಮರೆತು ಸಾಗುವದು!!

ಅಭಿಮಾನವೂ ಇಲ್ಲ
ಕೃತಜ್ಞತೆಯು ಇಲ್ಲ
ತಾಯಿ ಎಂಬ ಪ್ರೀತಿಯು
ಕೋಗಿಲೆಗೆ ಇಲ್ಲ!!

ತನ್ನ ಬದುಕಿನ ಸೆಲೆಯ
ಹಾಡಿ ಹೇಳುವ ಕಲೆಯ
ಕಲಿತಿರುವ ಕೋಗಿಲೆಗೆ
ಇದೆಂತ ಶಾಪ!!

ಹರೆಯದ ಪ್ರಣಯದಲಿ
ಫಲಿಸಿದ ವರವನ್ನು ಇಡಲು
ಮತ್ತೆ‌ ಮರಳುವುದು
ಅರಸಿ ಕಾಗೆ ಗೂಡ!!

- ಪಿ.ಜಿ.ಜ್ಯೋತಿ

09 Feb 2017, 09:26 am

---