Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ಮೊದಲ ಭೇಟಿ

ಮೌನ ಗೌರಿ ಮನೆಗೆ ಬಂದ ದಿನವೇ
ಪಾರಿವಾಳ ಹಾರಿ ಹೋದ ಕ್ಷಣವೇ!!
ಮನದಲ್ಲೀ ಮೂಡಿದ್ದ ಆ ರೂಪ
ಕಣ್ಣೆದಿರು ಬಂದಾಗ ಸಂಕೋಚ!!

ಹೂ ಬಳ್ಳಿ ತಲೆ ಬಾಗಿ ನಿಂತಂತೆ
ನಾ ನಿಂತೆ ಅವನೆದಿರು ಇದೇ ಮೊದಲು!!
ನನಗೇಕೆ ಈ ನಡುಕ ಈ ಬೆವರು
ಉಸಿರಿನ ಏರಿಳಿತ ಅದಲು ಬದಲು!!

ಮುಗಿಲೊಮ್ಮೆ ಹೆಗಲೇರಿ ಕುಳಿತಂತೆ
ತಲೆ ಎತ್ತಿ ನೋಡುವುದ ನಾ ಮರೆತೆ!!
ಇಂದೇಕೆ ನನ್ನಲ್ಲಿ ಈ ದಿಗಿಲು
ಮಾತನ್ನೇ ಮರೆಸಿಹುದೇ ಈ ಹಗಲು!!

ಮಧು ಮಗಳು ನಾನಾಗಿ ನಿಂತಿರಲು
ಜೊತೆಯಾಗ ಬಂದಿಹನು ಬದುಕಿನೊಳು!!
ವಿಪರೀತ ಮಿಡಿತ ಈ ಹೃದಯದೊಳು
ನವ ಒಲವ ಬರೆಯುತಲಿ ಬಯಕೆಗಳು!!

- ಪಿ.ಜಿ.ಜ್ಯೋತಿ

19 Feb 2017, 12:03 pm

ಸುಮ್ಮನೇ ಗೀಚಿದ ಅಕ್ಷರ.

ಅಂಗಳದಲ್ಲಿ ಆಟದ ಮಸ್ತಿ ಇತ್ತು
ಮನೆಯಲ್ಲಿ ಅಮ್ಮನ ಪ್ರೀತಿ ಇತ್ತು
ಅಪ್ಪನ ಮಾತಿನಲ್ಲಿ ಕಾಳಜಿ ಇತ್ತು
ಕನ್ನಡ ಶಾಲೆಯಲ್ಲಿ ವಿದ್ಯೆ ಇತ್ತು.

ಇಂದು ಎಲ್ಲವೂ ಮರೆಯಾಗಿದೆ
ಪಂಜರದೊಳಗಿನ ಗಿಣಿಯಂತೆ
ಭವಿಷ್ಯ ಹುಡುಕುವುದೇ ಕೆಲಸ.

ಬರುವವರು ಬಂದು ಸುಮ್ನೆ
ಮೈಯಲ್ಲಿ ಗಾಯ ಮಾಡ್ತಾರೆ
ಕಾರಣ ಹೇಳದೆ ಹೋಗುತ್ತಾರೆ.

ಉಳಿದಿದೆ ಈಗ ಒಂದೇ ಕೆಲಸ
ರಾತ್ರಿ ಸ್ವಚ್ಛ ಬಾನಿನಲ್ಲಿ
ತಾರೆಗಳು ಏಣಿಸುವುದು.
*****

- ಕರಣ್ ಗಾವಡಾ

18 Feb 2017, 10:50 pm

ಕನಸು.‌. ನನಸು...

ಕನಸು..
ಹರೆಯದಾ ನೆನಪುಗಳೆಲ್ಲ ಕನಸುಗಳಾಗಿ ಕಾಡುವುದುಂಟು
ಮರೆಯದಾತ್ಮೀಯರದು ಕನಸುಗಳೊಂದಿಗೇ ನಂಟು
ಈಡೇರಿರದಾ ಆಸೆಗಳೆಲ್ಲ ಸುಷುಪ್ತಿಯಲಿ ಈಡೇರಿದಂತೆನಿಸುತ್ತವೆ
ನೈಜ ಘಟನೆಗಳೇನೋ ಎಂಬಂತೆ ಕನಸಿನಲಿ ಭಾವಿಸುತ್ತೇವೆ..!

- Anu...

18 Feb 2017, 07:31 pm

ಅರಿವು

ಅಮ್ಮನುದರದಿಂ ಭುವಿಯ ಸೇರಿದೆ
ಕಣ್ಣು ತೆರೆಯುವ ಮುನ್ನ ,
ಆಸೆ ಗಂಟ ಹೊತ್ತು ಮುಂದೆ ಸಾಗಿದೆ
ದಾರಿ ಸಿಗದ ಮುನ್ನ ,
ಅರಿತು ಬಾಳದೆ ಹಗೆಯ ಸಾಧಿಸಿದೆ ಅರಿತರೂ ಅರಿಯದೆ ನಿನ್ನ ,
ಸಾಗಿ ಸಾಗಿ ಬೆಸವಳಿದು ಕುಳಿತೆ
ಕಂಡು ಕಾಣದೆ ನಿನ್ನ ,
ಅದನರಿತೇ ಇದನರಿತೇ ಎಂದೆ
ಏನೂ ಅರಿಯದ ಮುನ್ನ ,
ಬಂದ ಮೂರು ದಿನದಿ ಏನು ಸಾಧಿಸಿದೆ
ಸೇರುವ ಮೊದಲು ಮಣ್ಣ ,
ಬಂದ ದಾರೀಲೇ ಹಿಂತಿರುಗಿ ಹೋದೆ
ನೀನೇ ಅರಿಯದೇ ನಿನ್ನ .
- ಬಿ ಸಿ.ಬಸವರಾಜ

- ಬಿ.ಸಿ ಬಸವರಾಜ

18 Feb 2017, 11:42 am

ಮರೆತು ಬಿಡು...ನನ್ನ ನೀನು ಮರ

ನಿನ್ನ ಕೈಗಳಿಂದ ಬಣ್ಣ ಬಣ್ಣದ ಚಿತ್ತಾರ ಹೇಗೆ ಮುಡುತ್ತದೆಯೊ ಹಾಗೆ ನನ್ನ ಮನದಲ್ಲಿ ಕೂಡ ಬಣ್ಣ ಬಣ್ಣದ ಲೋಕವೇ ತುಂಬಿದೆ....

ನಾ ನಿನ್ನ ಪ್ರೀತಿಯ ಸ್ನೇಹಿತನಾಗಿ ಅದೇ ಅರಳಿ ಮರದ ಕೆಳಗೆ ನೀನಗೆ ಒಂದು ಮಾತು ಹೇಳಿದೆ ನೇನಪಿದೆಯಾ ಗೆಳತಿ ನೆನಪಿದೆಯಾ .....

ನಾವಿಬ್ಬರು ಒಂದು ಹೊಳೆಯ ದಡದಲ್ಲಿ ಕುಂತು ಮರಳು ಮನೆಗಳ ಕಟ್ಟಿ ಆಟವಾಡಿದ ದೀವಸ ನೆನಪಿದೆಯಾ ಗೆಳತಿ..........

ನಾ ಮಳೆಯಲ್ಲಿ ನೆನೆಯುತ್ತಿದ್ದಾಗ ನಿನ್ನ ಹೆಗಲ ಮೇಲಿನ ಶಾಲ ಹೊದಿಸಿ ಮತ್ತೆದೆ ಭಾವುಕತೆಯ ಮಾತು ಹೇಳಿದವಳು ನೀನು ನಮ್ಮಿಬ್ಬರ ಸ್ನೆಹನಾ ನಾವಿಬ್ಬರ ಮೆಚ್ಚಿಕೊಂಡ ಪ್ರೀತಿನಾ.....

ಒಡೆದ ಹೋದ ಹೃದಯ ದಲ್ಲಿ ಪ್ರೀತಿಯ ಮಂದಿರ ಕಟ್ಟಿ ಸಂತೋಷ ದ ಹಣತೆ ಹಚ್ಚಿದವಳು ನೀನು ......

ಇಂತಿ ನಿಮ್ಮ .......

- Shiva.S.M...!

18 Feb 2017, 10:10 am

ನಿನ್ನ ಅರಿತುಕೊ...

ಬೆರೆಯವರ ಹಿಂದೆ ಮಾತನಾಡುವ ಮುನ್ನ ..
ತಿಳಿದುಕೋ ಒಮ್ಮೆ ನಿನ್ನ...
ಪರರ ಹೀಯಾಳಿಸುವ ಮುನ್ನ...
ನೀನೇನೆಂದು ಅರಿತುಕೊಂಡರೆ ಚೆನ್ನ..

- ವಿಧಾತ್ರಿ ಹರಿತಸ್ಯ

18 Feb 2017, 08:36 am

ಹೃದಯಗಳ ಮಾತು...

ಎರಡು ಹೃದಯಗಳು ಸೇರಿದರೆ ಮಾತ್ರ ಪ್ರೀತಿ ಹುಟ್ಟೋದು, ಎಲ್ಲಾ ಹೃದಯಗಳು ಮತ್ತೊಂದು ಹೃದಯದ ಪ್ರೀತಿಗಾಗಿ ಮಿಡಿಯುತ್ತಿರುತ್ತವೆ, ಈ ಪ್ರೀತಿಯ ಪಯಣದಲ್ಲಿ ಮಿಡಿದ ಮಿಡಿತವೇ ಈ ಪ್ರೇಮ ಕವನಗಳು,
ಇಂತಿ ನಿಮ್ಮ ಪ್ರೀತಿಯ..
ಅನು..

- Anu...

17 Feb 2017, 10:42 pm

ಹೆಣ್ಣು

ಕೇಳದೇನೆ ಜನ್ಮಕೊಟ್ಟೆ
ಅತ್ತಾಗ ಅಕ್ಕರೆಯ ಅಪ್ಪುಗೆಯಿಂದ ಹಾಲುಣಿಸಿದೆ
ಬಿದ್ದಾಗ ಮೇಲೆತ್ತಿ ಕಣ್ಣೀರು ಒರೆಸಿದೆ
ಅಕ್ಷರ ಜ್ಞಾನ ಮೂಡಿಸಿ ಜೀವನದ ದಾರಿ ತೋರಿಸಿದೆ...

ಜನ್ಮಕೊಟ್ಟ ನೀನೆ ಈಗ ಮರುಜನ್ಮ ಬೇಡುತಿರುವೆ
ಹಾಲುಣಿಸಿದ ನೀನೆ ಈಗ ಅನ್ನವ ಬೇಡುತಿರುವೆ
ಮೇಲೆತ್ತ ನೀನೆ ಈಗ ಮೇಲೆತ್ತಲು ಬೇಡುತಿರುವೆ
ಜ್ಞಾನಕೊಟ್ಟು ದಾರಿ ತೋರಿಸಿದ ನೀನೆ ಅಕ್ಷರದ ಬಿಕ್ಷೆ ಬೇಡುತಿರುವೆ...(ಹೆಣ್ಣಿಗೆ ಶಿಕ್ಷಣ ದೇಶಕ್ಕೆ ರಕ್ಷಣ)

- ಕೆ.ಕೆ.ನಂದಾದೀಪ್(ಕೋಲಾರದ ಕಂದ)

17 Feb 2017, 08:42 pm

ಬಾಳ ತೊಟ್ಟಿಲು

ಬಾಳ ತೊಟ್ಟಿಲು
ಮನವ ಮುಟ್ಟಲು
ಹೃದಯ ತಟ್ಟಲು
ಮುಗ್ದ ಮಗುವ ಮುಟ್ಟಲು //

ತಾಯಿಯ ಒಲವು
ತಂದೆಯ ಒಲವು
ಎರಡು ಒಂದೇ ಆದವು //

ನನ್ನಯ ಕಂದ
ನಕ್ಕರು ಚಂದ
ಅತ್ತರು ಅಂದ
ನಮಗಾಗಿ ತಂದೇ ಆನಂದ //

ಮಗುವಿನ ಆಟ
ಅದರ ನೋಟ
ನಿಲ್ಲದ ತುಂಟಾಟ
ನಮಗೆ ಹರುಷದ ಊಟ //

ತೊದಲ ನುಡಿಗಳು
ಮುತ್ತಿನ ಮಳೆಗಳು
ಮೈ ಮೇಲೆ ಕಂದನಿಟ್ಟ ಹೆಜ್ಜೆಗಳು //

ಹೇಳಲಾಗದ ಆನಂದ
ನೀ ಬಂದ ಗಳಿಗೆಯಿಂದ
ಮನೆ ಮಂದಿರವಾಯಿತು ನಿನ್ನಿಂದ //


"""""""”"""""""""""""^^^^^^""""""""""""""""

- ಕುಮಾರ ಸಿದ್ದರಾಜ

17 Feb 2017, 08:38 pm

ಕನ್ನಡ

ಕನ್ನಡ ಕನ್ನಡ ಕನ್ನಡ
ನಮ್ಮಯ ಭಾಷೆಯು ಕನ್ನಡ|
ಎಕ್ಕಡ ಎನ್ನಡ ಏತಕೆ
ಆಡಲು ಸಾಲದೇ ಕನ್ನಡ||ಪಲ್ಲವಿ||

ನಾ ಆಡುವ ನುಡಿಯು ಕನ್ನಡ
ನಾ ಹಾಡುವ ಹಾಡು ಕನ್ನಡ|
ನಾ ಬಾಳುವ ನಾಡು ಕನ್ನಡ
ನಾ ಉಸಿರಾಡುವ ಗಾಳಿಯು ಕನ್ನಡ||೧||

ಕನ್ನಡವೆನೆ ಕುಣಿದಾಡುವೆನು
ಕನ್ನಡವೆನೆ ಕೂಗಾಡುವೆನು|
ಕನ್ನಡ ನಾಡಲ್ಲೆ ಮೆರೆಯುವೆನು
ಕನ್ನಡ ಮಣ್ಣಲ್ಲೆ ಮಡಿಯುವೆನು||೨||

ನಮ್ಮಯ ತಾಯಿಯು ಕನ್ನಡ
ನಮ್ಮಯ ನುಡಿಯು ಕನ್ನಡ|
ನಮ್ಮಯ ನಾಡೇ ಕನ್ನಡ
ನಮ್ಮಯ ನೆಲೆಯೆ ಕನ್ನಡ||೩||

ಕುವೆಂಪು ಬರೆದ ಕನ್ನಡ
ರಾಜಣ್ಣ ಹಾಡಿದ ಕನ್ನಡ|
ಕರುನಾಡಿನ ಜನ ನುಡಿದ ಕನ್ನಡ
ನಮ್ಮಯ ಬದುಕೆ ಕನ್ನಡ||೪||

ಜನಮನ ತಣಿಸಿದ ಕನ್ನಡ
ತನುಮನ ಬಣ್ಣಿಸಿದ ಕನ್ನಡ|
ಶಾಸ್ತ್ರೀಯಪಟ್ಟ ಧರಿಸಿದ ಕನ್ನಡ
ಧರೆ ಏರಿದ ಭಾಷೆಯು ಕನ್ನಡ||೫||

ದೊರೆಗಳು ಆಳಿದ ಕನ್ನಡ
ಕವಿಗಳು ಹೊಗಳಿದ ಕನ್ನಡ|
ರವಿ ಸೂಸಿದ ಕಿರಣವೆ ಕನ್ನಡ
ಕನ್ನಡ ಕಸ್ತೂರಿ ಕನ್ನಡ||೬||

ಬೆಳದಿಂಗಳು ಉಣಿಸಿದ ಕನ್ನಡ
ಕಾವೇರಿ ತಣಿಸಿದ ಕನ್ನಡ|
ಶ್ರೀಗಂಧ ಸುಗಂಧ ಕನ್ನಡ
ಕರುನಾಡೇ ಕೂಗಿದ ಕನ್ನಡ||೭||

ವಿಜಯನಗರ ಐಸಿರಿಯ ಕನ್ನಡ
ಹಚ್ಚ ಹಸಿರಿನ ಕನ್ನಡ|
ಶಿಲ್ಪಕಲೆಗಳ ಕನ್ನಡ
ನಮ್ಮಯ ಹೆಮ್ಮೆಯ ಕನ್ನಡ||೮||

ಕೋಗಿಲೆ ಹಾಡಿದ ಹಾಡು ಕನ್ನಡ
ನವಿಲು ಮಾಡಿದ ನರ್ತನೆ ಕನ್ನಡ|
ನಾ ಮೆಟ್ಟುವ ನೆಲವೇ ಕನ್ನಡ
ನಾ ಹುಟ್ಟುವ ಮಡಿಲೇ ಕನ್ನಡ||೯||

- ಕೆ.ಕೆ.ನಂದಾದೀಪ್(ಕೋಲಾರದ ಕಂದ)

17 Feb 2017, 08:24 pm