Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ಅಮ್ಮ

ನನ್ನ ಬದುಕಿನ ದೇವತೆ
ಕೊಡುವಳು ಪ್ರೀತಿ ವಾತ್ಸಲ್ಯ ಮಮತೆ
ಹೊತ್ತಳು ನನ್ನ ನವ ಮಾಸ
ಇತ್ತಳು ಸಂಪೂರ್ಣ ಸುರಕ್ಷತೆಯ ವಾಸ
ಸಹಿಸಿದಳು ನೋವಿನ ಕಡಲ
ಗ್ರಹಿಸಿದಳು ಕೋಡುವೆಂದು ಒಡಲ
ಕೊಟ್ಟಳು ತನ್ನ ಪೂರ್ಣ ಮನಸ
ಬಿಟ್ಟಳು ತನ್ನ ಹಾದಿಯ ಕನಸ
ಹಿಡಿದಳು ಕೈ ಯ ಪ್ರತಿ ಹೆಜ್ಜೆಯಲಿ
ನುಡಿದಳು ದೈರ್ಯ ಪ್ರತಿ ನಡೆಯಲ್ಲಿ
ತಿದ್ದಿದಳು ನನ್ನ ಪ್ರತಿ ನುಡಿಯಲ್ಲಿ
ವಿತ್ತಳು ಬೆಂಬಲವ ಪ್ರತಿ ಕ್ಷಣದಲ್ಲಿ
ಸಾಧ್ಯ ವಿಲ್ಲ ನನ್ನಿಂದಾಳೆಯಲಾ ಪ್ರೇಮವ
ಸವಿಯುವೆನಾ ಮುಗ್ದತೆಯ ಮಾಧುರ್ಯವ

- ಅರುಣ್. ಕೆ. ಗಟ್ಟಿ. ಕಾಪಿಕಾಡ್

28 Feb 2017, 12:55 pm

ನನ್ನವರು ಯಾರು

ಕತ್ತಲಲ್ಲಿ ಉದಿಸಿ ಬೆತ್ತಲಾಗಿ ಬಂದೆ
ಬೆಳಕ ಅರಸಿ ನೀ ಈ ಜಗಕ್ಕೆ!!
ಸುತ್ತಲಲ್ಲಿ‌ ನಿಂತಿಹರು ನೀ ಅರಿಯದ ಜನರು
ಬಗೆ ಬಗೆಯ ಭಂಗಿಯಲಿ ನಿನ್ನ ನೋಡುತ!!

ನನ್ನವರು ಯಾರೆಂದು ಹುಡುಕುವ ಬರದಲ್ಲಿ
ಕಣ್ಣ ಹೊರಳಿಸಿ ಅಳಲು ನೀನು ನೊಂದು!!
ಮೃದುವಾದ ಸ್ಪರ್ಶವು ಬೆಚ್ಚಗಿನ ಹಿತ ನೀಡಿ
ಸುತ್ತುವರಿಯಿತು ನಿನ್ನ ಹಿತವ ಬಯಸಿ!!

ಕಣ್ಣ ತೆರೆದು ನೋಡಲು ಕ್ಷಣವನ್ನೂ ನೀಡದೇ
ಅದರದಲ್ಲಿ ಚಿಮ್ಮಿತ್ತು ಅಮೃತ ಪಾನ!!
ಕಿವಿಗಳಿಗೆ ಕೇಳಿದ್ದು ಜೋಗುಳದ ಹಾಗಿತ್ತು
ನಿದ್ರಿಸಲು ನೀನು ಸಮಾಧಾನ!!

ಬೆಚ್ಚಿ ಎಚ್ಚರಗೊಂಡು ಮತ್ತೆ ಅಳುವುದ ಕಂಡು
ಬಿಸಿ ಉಸಿರು ಸ್ಪರ್ಶಸಿತು ನಿನ್ನ ತನುವ!!
ಮಮತೆಯ ಕರವೊಂದು ಎತ್ತಿ ಮುದ್ದಿಸಿ ನಿನ್ನ
ಎದೆಗೊತ್ತಿ ಹೇಳಿತು ಕಂದಾ ಎಂದು!!

- ಪಿ.ಜಿ.ಜ್ಯೋತಿ

28 Feb 2017, 03:20 am

ಮನಸ್ಸು

ಬೆಳಗಿನ ಇಬ್ಬನಿಯಂತೆ ಮನಸ್ಸು...
ಅರಳಿದ ತಾವರೆಯಂತೆ ಸೂಗಸು...
ಕಷ್ಟ ಎಂದಾಗ ಮಂಜಿನಂತೆ ಕರಗುವುದೂ...
ಖಷಿಯಾದಾಗ ಚಿಟ್ಟೆಯಂತೆ ಜಿಗಿಯುವುದು...

ಹರೆಯದ ವಯಸ್ಸಿನಲ್ಲಿ ನೂರೆಂಟು ಕನಸು...
ಕನಸಿನ ತುಂಬೆಲ್ಲಾ ನಿನ್ನದೆ ಸೊಗಸು...
ಕಂಡ ಕನಸೆಲ್ಲಾ ನನಸಾಗಲಿ ಮುಗ್ಧ ಮನಸ್ಸಿಗೆ ಎಂದು ನೋವಾಗದಿರಲಿ...

- chinmayi

27 Feb 2017, 02:34 pm

ಒಂಟಿ ಹಂಸ

ಕೊಳಕು ಕೊಳದಲಿ ಬಿಳಿಯ ಹಂಸ
ಮನೆಯ ಮಾಡಿ ಅದರ ವಾಸ!!
ಬಿದಿರ ಬುಡದಲಿ ಕೆದರಿದ ಗುಳಿ
ಮೊಟ್ಟೆ ಇಹುದು ಅದರ ವಂಶ!!

ಜೊತೆಗೆ ನಡೆದ ಪತಿಯ ಮರಣದಿ
ನೊಂದು ಬದುಕಿದೆ ಒಂಟಿತನದಲಿ!!
ಗರ್ಭದಿ ಇರುವ ಕುಡಿಯ ಸಲಹಲು
ಅರಸಿ ಬಂದಿತು ಪುಟ್ಟ ಆಶ್ರಯ!!

ಎಲ್ಲ ಕೊಳದಲೂ ಜೋಡಿ ಹಂಸವ
ಕಂಡು ಮರುಗಿತು ನೆನೆದು ಇನಿಯನ!!
ದೂರ ಹೋಗುವ ಮನಸು ಮಾಡಿ
ಹುಡುಕಿ ಬಂದಿದೆ ಕೊಳಕು ಕೊಳವನು!!

ಕೊಳಕು ಕೊಳದಲಿ ಈಜುತ ಆಡುತ
ಒಂಟಿತನದಲಿ ಸುಖವ ಹುಡುಕಿದೆ!!
ಕರುಳ ಕುಡಿಗಳ ಹೊಣೆಯ ಹೊತ್ತು
ಬದುಕುತಿರುವುದು ಅರಸಿ ತುತ್ತು!!

- ಪಿ.ಜಿ.ಜ್ಯೋತಿ

27 Feb 2017, 10:50 am

ಮೊದಲ ಮಳೆ

ತಂಪಿನ ಗಾಳಿಯು ಬೀಸುತ ಇರಲು
ಕಪ್ಪಿನ ಮೋಡವ ಒಯ್ಯುತ ಬರಲು
ಬೆಳ್ಳಿಯ ಗೆರೆಗಳು ನಭದಲಿ ಮಿನುಗಲು
ಗುಡುಗಿನ ಸದ್ದದು ಕೆಳುತ ಇರಲು
ಉದುರಿತು ಹನಿಯದು ಮುತ್ತಿನ ಹರಳು
ಹರಿಯಿತು ಭೂ ತಾಯಿಯ ಒಡಲು
ಮಳೆಯದು ನಿಂತಿತು ಕೊಡೆಯನು ಹಿಡಿಯಲು

- ಅರುಣ್. ಕೆ. ಗಟ್ಟಿ. ಕಾಪಿಕಾಡ್

27 Feb 2017, 10:05 am

ನಿನ್ನ ನೆನಪಲ್ಲಿ ಕವಿತೆ

ಗೆಳೆಯ ಬರೆಯಲೇನು ನಾನು
ಸಾವಿರ ಪದಗಳ ಒಂದು ಕವಿತೆ!!
ಕೇಳದೇ‌ ನೀ ಸುರಿದ‌ ಒಲವಿನ
ಧಾರೆಯ ಸುಂದರ ಕವಿತೆ!!

ಕಪಟವಿಲ್ಲದೇ‌ ನೀ ನುಡಿದ
ನುಡಿ ಮುತ್ತುಗಳ ಕವಿತೆ!!
ನಿನ್ನನ್ನು ಕಂಡು ನನ್ನ ಹೃದಯ
ನಲಿದು ಮಿಡಿದು ನುಡಿದ ಕವಿತೆ!!

ನಿನ್ನನ್ನು ನೆನೆದು ನನ್ನ ಮನ
ಸಾವಿರ ಕನಸನ್ನು ಹೆಣೆದ ಕವಿತೆ!!
ನಿನ್ನ ನೆನಪಿನಲ್ಲಯೇ ನಾ ಅದೆಷ್ಟೋ
ಇರುಳನ್ನು ಕಳೆದಿರುವ ಕವಿತೆ!!

ನಿನ್ನನ್ನು ಹುಡುಕುತಲಿ ಈ ನನ್ನ
ಕಣ್ಣುಗಳು ಅಲೆದಾಡಿದ ಕವಿತೆ!!
ನಾ ಮೌನವಾಗಿದ್ದೇ ನಿನ್ನ ಪ್ರೀತಿಗೆ
ಸಮ್ಮತಿ ನೀಡಿದ್ದ ಕವಿತೆ!!

ಕೊನೆಗೊಮ್ಮೆ ನೀ ದೊರೆತಾಗ ನಿನ್ನ
ಜೊತೆಗೂಡಿ ಸಂಭ್ರಮಿಸಿದ ಕವಿತೆ!!
ನಿನ್ನ ಬಾಹುಬಂಧದಲ್ಲಿ ನಾನು
ಈ ಲೋಕವನ್ನೇ ಮರೆತ ಕವಿತೆ!!

- ಪಿ.ಜಿ.ಜ್ಯೋತಿ

27 Feb 2017, 09:35 am

ಅಂತಿಮ ಸಾಲುಗಳು

ಹೇ ಗಾಲಿಬ್ ಸಂಗಡಿಗರೇ,
ಮಸಣದೂರಿಗೆ ದಿಬ್ಬಣ ಕಟ್ಟಲು
ಅವಳದೊಂದು ಹೂ ಕೀಲಿ ಇಡಿ
ಜಡೆ ಸಂಧಿಯಲ್ಲಿ ಎಂದಿಗೂ
ಬಾಡದಿರುವ ಮುಷ್ಠಿಯಷ್ಟಿರುವುದು
ಕೊಟ್ಟು ಬಂದಿರುವೆ
**
ಕಡಲೂರಿನವಳು ಅಲೆಗಳಂತೆ
ಕುಣಿಯುತ್ತಾಳೆ ತುಸು ಸಾವಧಾನ ನಿಮಗಿರಲಿ
ಜೋರು ಮಾಡುವ ಜರೂರತ್ತೇನು ಇಲ್ಲ
ಮೆಹರ್ ಕೇಳುವ ದಿನವೇ ಬಹುಶಃ
ಅವಳೇ ಕೊಡಬಹುದು ತಾಳ್ಮೆ ನಿಮಗಿರಲಿ
**
ತೂತು ಮನಸಿನ ಫಕೀರನ ಗೋರಿ
ಸದ್ಧು ಮಾಡುತ್ತಿದೆ ಅಂದು ಬಿಡಿ
ಗಡಿಬಿಡಿಯಲ್ಲಿ ಕೊಡುವಳು ಅವಳೋ
ಅನಾಮತ್ತಾಗಿ ತಿರಸ್ಕರಿಸಿ ಹೋದವಳು
ಕರುಣೆ ನಿಮಗಿರಲಿ
**
ಅವಳೆದುರು ಹೆಸರನ್ನೇನು ಕರೆಯದಿರಿ
ಮುಂಗುರುಳಿನ ಅಡಿ ಹುಬ್ಬಿನ
ನಿರ್ದಿಷ್ಟ ಬಲಗಡೆ ಮಚ್ಚೆಯನ್ನು
ಅರಿವಿಲ್ಲದೇ ಮುಟ್ಟುವಳು
ಗುಳಿಕೆನ್ನೆಗೆ ನನ್ನ ಮುತ್ತು ಬೀಳುತ್ತಿದ್ದದ್ದೇ ಅಲ್ಲಿಗೆ
ನೋಟ ತಿರುಗಿಸುವ ಗುಣ ನಿಮ್ಮಲ್ಲಿರಲಿ

ಅವಿಜ್ಞಾನಿ

- ಅವಿಜ್ಞಾನಿ

27 Feb 2017, 07:48 am

ಪ್ರೀತಿ ಒಂದು

ಪ್ರೀತಿ ಒಂದು ಅದ್ಭುತ
ಪ್ರೇಮಿಗಳ ಮನದಲ್ಲಿ ಶಾಶ್ವತ
ಇಂದೇ ನಿಂತರು ನನ್ನ ಎದೆಬಡಿತ
ಪ್ರೀತಿಯೊಂದಿಗೆ ಆತ್ಮವಾಗಿ ಸುತ್ತುವೆ
ನಾ ನಿನ್ನ ಶಾಶ್ವತ...!

- Rahul manoj v r

27 Feb 2017, 12:40 am

ಹಲ್ಲಿ

ಗೋಡೆ ಎಂಬ ಅರಮನೆಯಲ್ಲಿ
ವಾಸವಾಗಿತ್ತು ಹಲ್ಲಿ!!
ಓಡುತಿತ್ತು ಅಲ್ಲಿ ಇಲ್ಲಿ
ಬೇಟೆಯನ್ನು ಹುಡಿಕುತಲಿ!!

ನಮ್ಮ ಮನೆಯ ಚಾವಣಿಯಲ್ಲಿ
ಜೋತು ನಡೆವ ಕಾಯಕವು!!
ನೋಡುತಿರಲು ನಾನು ಅದನೇ
ಬಿದ್ದರೆನ್ನುವ ಭಯವು!!

ನೀಳವಾದ ದೇಹಕ್ಕೆ ಒಂದು
ನೀಳವಾದ ಬಾಲದ ಬೆಸುಗೆ!!
ಬಳುಕಿ ನಡೆವ ಮೈಯ ಮಾಟ
ಕಂಡು ನನ್ನಲೇಕೆ ಈ ನಡುಕ!!

ಎರಡು ಕೈ ಎರಡು ಕಾಲು
ಐದೈದು ಬೆರಳು ಸಮ ಪಾಲು!!
ನೀಳವಾದ ನಾಲಿಗೆ ಒಡ್ಡಿ
ಬೇಟೆಯಾಡ ಹೊರಟಿತು ನುಗ್ಗಿ!!

- ಪಿ.ಜಿ.ಜ್ಯೋತಿ

26 Feb 2017, 11:32 pm

ಮರುಭೂಮಿ ಕಥೆ

ನಾ ನೋಡಿದೆ ನೊಡಿದೆ
ಕುರುಚಲು ಗಿಡವ,
ಅದು ಕಾಡಿತು ಕಾಡಿತು
ಎನ್ ಮೌನದ ಮನವ.

ಎನ ಕಾಡ ಬೇಡಿತು ತಿಂದೆಯ
ಎನ ಫಲವ,
ನಾ ಹೇಳಿದೆ ಹೇಳಿದೆ
ಮರ ಭೂಮಿಯ ಕಥೆಯ.

ಹಸಿರು ಗಾಳಿಯು
ತಂಪು ವನದಲಿ,
ಪಸರ ಬೇಡುವೆ
ನಿನ್ನನ್ನು.

ನಗೆಯ ತಂದಿತು
ಪಚ್ಚ ವನಕೆ, ಅಳುವು ತಂದಿತು ನನ್ನ ಮನಕೆ.

ಏಕೆಂದರೆ?

ST

- ST

26 Feb 2017, 08:09 pm