ಓ ನನ್ನ ಒಲವೇ
ಹೃದಯದ ಪುಟದಿಂದ ಹಾಕದಿರು ನನ್ನ ಅಳಿಸಿ
ಉಸಿರಿರುವ ತನಕ ಜೊತೆಗಿರುವ ಮಾತುಕೊಟ್ಟು
ನನ್ನ ನಡು ನೀರಲ್ಲಿ ಕೈ ಬಿಟ್ಟು ಹೋಗುವೆಯಾ...???
ನನ್ನೊಲವೆ ನನ್ನಾಸೆ ಏನೆಂದು ಕೇಳೆಯಾ...?
ನನ್ನ ಹೃದಯ ಬಡಿತ ನೀನು
ನನ್ನ ಪ್ರಾಣ ನೀನು ನನ್ನುಸಿರು ನೀನು
ಸಾವು ಬರುವತನಕ ಉಸಿರು ನಿಲ್ಲುವತನಕ
ದೇಹ ಉರುಳುವ ತನಕ
ನನ್ನ ಜೊತೆಗಿರಲಾರೆಯಾ ನೀನು ...???
ನಿನ್ನ ಉಸಿರಲ್ಲಿ ಉಸಿರು ನಾನಾಗುವ ಆಸೆ
ನಿನ್ನ ಪ್ರತಿ ಕನಸಲ್ಲಿ ನಾ ಕಾಣುವ ಆಸೆ
ನಿನ್ನ ನೆನಪಲ್ಲಿ ಸವಿ ನೆನಪಾಗುವ ಆಸೆ
ನನಗೊತ್ತು ನಿನಗೂ ಅದೇ ಆಸೆ
ಈ ದೇಹ ನಿನಗಾಗಿ ಈ ಪ್ರಾಣ ನಿನಗಾಗಿ
ನನ್ನ ಈ ಹೃದಯ ನಿನಗಾಗಿ
ಈ ಉಸಿರು ನಿನಗಾಗಿ
ನೀ ಇಲ್ಲದ ಬದುಕು ನನಗೆ ಬೇಡದ ಬದುಕು
ಯಾರಿಗೆ ಹೇಳಲಿ..? ನನ್ನ ಮನಸ್ಸಿನ ವೇದನೆ
ಹೇಗೆ ಹೇಳಲಿ..? ನನ್ನ ಮನದ ತಳಮಳ
ಗುರಿಯ ಬಗ್ಗೆ ನನಗಿಲ್ಲ ಅರಿವು
ಉತ್ತರವಿಲ್ಲದ ಪ್ರಶ್ನೆಗಳೊಂದಿಗೆ
ಸಾಗಿದೆ ಜೀವನ...
ಸಾವಲ್ಲಿ ಮುಗಿಯುವುದೊಂದೆ
ಈ ಬದುಕಿನ ಪ್ರೀತಿಯ
ಪಯಣ??????
ಸುಡುವ ಬೇಸಿಗೆಯಲಿ ತಂಗಾಳಿಯ ತಂಪಂತೆ ನೀನು
ಬೆಂದು ಬಸವಳಿದ ಬಡಜೀವಕೆ ಅಮೃತದ ಜಲದಂತೆ ನೀನು
ಜಗನೋಡದೆ ಕುಳಿತಿರುವ ನನಗೆ ಕಣ್ಣಂತೆ ನೀನು
ದುಃಖಿತ ಜೀವನದ ಕ್ಷಣ ತೊರೆಯುವ ಆನಂದ ಚಿಲುಮೆಯಂತೆ ನೀನು
ಹಾಡಲಾಗದೆ ಕುಳಿತಿರುವ ಕೋಗಿಲೆಯ ಧ್ವನಿ ಸ್ಪೂರ್ತಿ ನೀನು
ಕಾನನದ ಸೌಂದರ್ಯಕ್ಕೆ ಹಸಿರು ಸೀರೆಯಂತೆ ನೀನು
ಸಪ್ತಸ್ವರ ನುಡಿಗಳ ನಾದವಿನೋದ ಆಲಾಪದಂತೆ ನಿನ್ನ ನುಡಿಗಳು
ನನ್ನ ಬದುಕಿನ ಕಥೆಯಲಿ ಬಂದ ನನ್ನ ಜೀವನ ಜ್ಯೋತಿಯು ನೀನು....