ಹೆಣ್ಣಿಗೆ ಸ್ವಾತಂತ್ರವೆಲ್ಲಿ ?
ಸ್ವತಂತ್ರತೆ ಇಲ್ಲದ ಬದುಕಿನಲಿ
ಬಣ್ಣವೆಲ್ಲಿ ?
ನಿನ್ನ ಮನಸ್ಸೀಗಾಕಿರುವ
ಬೇಲಿಯ ಕಿತ್ತೆಸೆದು ಬಾ.
ನಿನ್ನ ಭಾವನೆಗಳ ಕಣ್ಣೀರಿಗೆ
ಬೆಲೆಯಿರದು ಈ ಜಗದಲ್ಲಿ
ಸ್ತ್ರೀಶಕ್ತಿ ತೋರಲು ನೋವಿಸುವ
ಭಾವಗಳ ಕಿತ್ತೆಸೆದು ಬಾ .
ಎಲ್ಲಿರುವೆ ನೀನು ಬಚ್ಚಿಕೊಂಡಿರುವೆ
ನಿನ್ನಲ್ಲಿಯೇ ನಿನ್ನನು ಹುಡುಕಾಡುತಿರುವೆ
ಮೌನದಿಂದ ಮನಸ್ಸಿನಡಿ ಬಳಲಬೇಡ .
ನಿಜರೂಪವ ನಿನ್ನಾಕಲೆಯ
ನಿನ್ನ ಜೀವನದ ಮರ್ಮವ
ಹೊರಗೆಳೆದು ತಾ.
ಗಂಡು-ಹೆಣ್ಣು ಮೇಲೂ ಕೀಳಿಲ್ಲ
ಹೆಣ್ಣಿರದೆ ಗಂಡಿಗೆ
ಗಂಡಿರದೆ ಹೆಣ್ಣಿಗೆ
ಒಳ್ಳೆಯ ಸಾಟಿಯಾರಿಲ್ಲ.
ಕೊಂದುಬಿಡು ಹೆದರಿಸುವ ಹೆಬ್ಬಾವನು
ಸುತ್ತಿಕೊ ದೈರ್ಯದಿಂದ ಹೋರಾಡುವ ಹಾವನು
ವಿಷಉಣ್ಣಿಸದಿರು ನೀ ಹೆಮ್ಮೆಯ ಹೆಣ್ಣು
ಸಂರಕ್ಷಿಸು ಹುಟ್ಟುವ ಮುಂಚೆಯೆ ಕಿತ್ತೆಸೆಯುವ ಭ್ರೂಣವನ್ನು .
ಬಾಳಿನಲಿ ಗೌರವದಿಂದಿರು
ದೇವರ ಕಿರೀಟದ ಹಾಗೆ
ಸಂಬಂದದಲಿ ಪ್ರೀತಿ ತುಂಬಿರು
ಕರುಣಾಮಯಿ ನೀನಾಗಿರುವೆ
ಮನ ಮನಗಳ ಜೊತೆ
ಮನೆ ಮನೆ ಬೆಳಗುವ
ಹಣತೆ ನೀನು
ಸಂಸಾರಕೆ ಸೊಬಗು ನೀನು
ಸೌಂದರ್ಯದ ಶಿಲೆ ನೀನು
ಸಂತೋಷಕೆ ಶಿಖರ ನೀನು
ಕ್ಷಮಿಸುವಲ್ಲಿ ಎತ್ತಿದ ಕೈ ನೀನು
ಗುಣದಲ್ಲಿ ಬಂಗಾರ ನೀನು
ಸಂಸ್ಕಾರದಲಿ ಕೀರ್ತಿ ನೀನು
ಗೌರವದಿ ಕಾಣುವ ಮೂರ್ತಿ ನೀನು
ಹೆಣ್ಣೆ - ನೀನು ಹೊಣ್ಣು
ಹೊಳೆಯುತಿರು ಈ ಜಗದಲ್ಲಿ
ತುಕ್ಕ ಹಿಡಿಯದ ಎಲ್ಲ ಗುಣ,ಶಕ್ತಿ ನಿನ್ನಲ್ಲಿದೆ
ನಾರಿ ಶಕ್ತಿಯನ್ನು ನಾಡಿಗೆ ತೋರುಸು
ನಿನ್ನ ಒಳ್ಳೆತನದಿ
ಸ್ತ್ರೀಕುಲದ ಜೊತೆ ಮನುಕುಲವ ಸ್ವರ್ಗವಾಗಿಸು
ಬದುಕಿನ ಅರಮನೆಯಲ್ಲಿ ಹೃದಯದ ಬಾಗಿಲ
ಮೇಲೆ ನೀ ಬಿಡಿಸಿದ ಭಾವನೆಗಳ ಚಿತ್ರ,
ನಿನ್ನ ಮರೆಯಲಾಗದಂತೆ ಕಟ್ಟಿಹಾಕಿದೆ
ನೀನೆ ಬರೆದ ಪ್ರಾಸಗಳ ಪತ್ರ,
ಮಾತುಗಳ ಜೊತೆಗೆ ನೋಟ ಬೆರೆಸಿ
ಸೆಳೆದುಕೊಂಡೆ ನಿನ್ನ ಹತ್ರ,
ಹುಚ್ಚು ಮನಸಿನ ಸಾಗರದಲ್ಲಿ ಉಳಿದದ್ದು
ನಿನ್ನ ನೆನಪುಗಳು ಮಾತ್ರ,
ನೆನಪುಗಳ ಹಾಯುತ್ತಿದಾಗ ಮತ್ತೆ ಮತ್ತೆ
ಕಂಡದ್ದು ನಿನ್ನ ಹೆಜ್ಜೆ ಗುರುತುಗಳು ಮಾತ್ರ!
ಎಲ್ಲಿದೆ ಜಾತಿ ತಿನ್ನುವ ಅನ್ನಕ್ಕಿಲ್ಲದ ಜಾತಿ...
ಕುಡಿಯುವ ನೀರಿಗಿಲ್ಲದ ಜಾತಿ...
ಉಸಿರು ನೀಡುವ ಗಾಳಿಗಿಲ್ಲದ ಜಾತಿ...
ಸುಡುವ ಬೆಂಕಿಗಿಲ್ಲದ ಜಾತಿ...
ಉಡುವ ಬಟ್ಟೆಗಿಲ್ಲದ ಜಾತಿ...
ನೀಡುವ ಕೈಗಳಿಗಿಲ್ಲದ ಜಾತಿ...
ಪ್ರಾಣಿ ಪಕ್ಷಿಗಳಿಗಿಲ್ಲದ ಜಾತಿ...
ತಿನ್ನುವ ಅನ್ನಕ್ಕೆ ಕೇಳುವೀರಾ ಯಾವ ಜಾತಿಯ ರೈತ ಬೆಳೆದಿರುವನೆಂದು
ಬೀಸುವ ಗಾಳಿಗೆ ಕೇಳುವೀರಾ ನಿನ್ನದು ಯಾವ ಜಾತಿ ಎಂದು
ಕುಡಿಯುವ ನೀರಿಗೆ ಕೇಳುವೀರಾ ನಿನ್ನದು ಯಾವ ಜಾತಿ ಎಂದು
ಉಡುವ ಬಟ್ಟೆಗೆ ಕೇಳುವೀರಾ ನೀನು ಯಾವ ಜಾತಿಯ ಕಾರ್ಮಿಕನ ಕಲೆ ಎಂದು
ಹಸಿವು ನೀಗಿದರೆ ಸಾಕು...
ದಾಹ ತೀರಿದರೆ ಸಾಕು...
ಮಾನ ಮುಚ್ಚಿದರೆ ಸಾಕು...
ಕಷ್ಟಕ್ಕೆ ದಾರಿ ಸಿಕ್ಕರೆ ಸಾಕು...
ಬೆಚ್ಚಗಿದ್ದರೆ ಸಾಕು...
ಮತ್ತೇಕೆ ನಮಗೆ ಜಾತಿ ಎಂಬ ಪದ ಬೇಕು?
ಬೇಸಿಗೆಯ ಬೇಗೆಯಲಿ ಸೂರ್ಯ ಇಂದೇಕೋ
ಮೋಡಗಳ ಮರೆಯಲಿ ಅವಿತಿದ್ದಾನೆ
ಮಳೆ ಹನಿಯ ಮತ್ತಲ್ಲಿ
ಮೈ ಮನವ ತೋಯಿಸಿದ ವರುಣರಾಜ
ಮತ್ತೆ ಸುಮಧುರ ನೆನಪುಗಳ
ಹೊತ್ತು ತಂದಿದ್ದಾನೆ...
ಮಳೆಯಲಿ ನೆನೆಯುತ ನಿನ್ನನು ನೆನಸುತ
ತಂಪು ಗಾಳಿಯಲಿ ಬಿಸಿ ಅಪ್ಪುಗೆ ಬಯಸುತ
ಮುತ್ತಿನ ರೂಪದಲಿ ಮಳೆ ಹನಿ
ಭೂಮಿಯ ಚುಂಬಿಸಿದಾಗ
ಮತ್ತೆರಿಸಿದ ನಿನ್ನ ಚುಂಬನ ನೆನಪಾಯಿತು
ನನ್ನಿಂದ ದೂರ ನೀನಿದ್ದರೆ ಏನಂತೆ...??
ನನ್ನೆದೆಯಲಿ ಉಸಿರಾಗಿ ನಿನ್ನದೇ ಉಸಿರಿದೆ...
ಜೀವನದ ಪ್ರತಿ ಪುಟದಲೂ ನಿನ್ನದೇ ಹೆಸರಿದೆ...
ಹಗಲು ರಾತ್ರಿ ಒಂದೇ ಯೋಚನೆ..
ಮುಗಿಯದ ಮೋಹ ತೀರದ ದಾಹ
ಋತುಗಳು ಬದಲಾಗಬಹುದು.
ನೀ ನನ್ನ ಮರೆಯಲೂಬಹುದು
ನೋವಲ್ಲಿ ನಾನು ಸಾಯಲೂ ಬಹುದು
ಆದರೆ...
ನಿನ್ನ ಪ್ರೀತಿಯಿಲ್ಲದೇ ನಾನಿಲ್ಲ...
ನನ್ನ ಪ್ರೀತಿಗೆಂದೂ ಸಾವಿಲ್ಲ...!!!