ಬಣ್ಣ ಬಣ್ಣದ ಹಬ್ಬ ಹೋಳಿ ಹಬ್ಬ...
ಬಾಲ್ಯದಲ್ಲಿ ಆಡುತ್ತಿದ್ದೆವು...
ಗಂಡು ಹೆಣ್ಣೆಂಬ ಬೇಧವಿಲ್ಲದೆ...
ಜಾತಿ ಮತವೆಂಬ ಮಾತಿಲ್ಲದೆ...
ಮೇಲು ಕೀಳೆಂಬ ಗರ್ವವಿಲ್ಲದೆ...
ಹಬ್ಬವೆಂದರೆ ಎಲ್ಲಿಲ್ಲದ ಸಂಭ್ರಮ...
ಬಂಧು ಬಾಂಧವರೆಲ್ಲ ಒಂದೆಡೆ ಸೇರಿ...
ಹಬ್ಬದ ಅಡುಗೆಯ ಮಾಡಿ ಉಣಬಡಿಸುವರು...
ಇಂದು ಮರುಕಳಿಸಿದಂತೆ ನೆನಪುಗಳು...
ಮರಳಿ ಬರಲಿ ಆ ದಿನಗಳು.....
* ತರಲಿಲ್ಲವೇನು ನಾನು ನನ್ನ ಸ್ವಂತದೆಂಬುವುದನ್ನು
* ಕಣ್ತೆರೆದು ನೋಡಿದೆ ನನ್ನ ತಾಯಿಯ ಮುಖವನ್ನು
* ಆರಂಭವಾಯಿತು ಅಂಬೆಗಾಲಿನ ದಿನಗಳಂದು
* ಮುನ್ನುಡಿ ಬರೆಯಿತು ತಾಯಿಯ ಮೊದಲ ಪಾಠವು "ಅಮ್ಮ" ಎಂಬ ಸ್ವರ್ಣದ ಅಕ್ಷರದಿ
* ತುಂಟತನದಿ ಸಾಗಿತು ಅಮ್ಮನ ಜೊತೆಯಾಟವು
* ಸಾಗಿತು ಬಾಲ್ಯದಿಂದ ಯವ್ವನದೆಡೆಗೆ ನನ್ನ ಅಂಬೆಗಾಲಿನ ಓಟವು
೨) ಸಾಧನೆ:
* ಮುಗಿಯಿತು ಬಾಲ್ಯದ ದಿನಗಳಂದು ಶುರುವಾಯಿತು ಜಟಿಲ ಜೀವನದ ಹೆಜ್ಜೆಗಳು
* ಪಡೆದೆ ನಾನು ಸ್ನೇಹ ಪ್ರೀತಿಯನ್ನು ಸಾಗಿತು ಸಾಧನೆಯ ಪಯಣವು
* ಏರಿಳಿತಗಳು ಬಂದವು ಸಾಧನೆಯ ಕಡಲಲ್ಲಿ
* ಅಳುಕಿತು ಮನವು ಗುರಿ ಮುಟ್ಟುವೆನಾ? ಎಂಬ ಆತಂಕದ ಆಳದಲ್ಲಿ
* ಮುನ್ನುಗ್ಗಿದೆ ನಾ ಅಲೆಗಳೆತ್ತರವ ಮೆಟ್ಟಿ ನಿಂತು
* ಜೊತೆಗೂಡಿ ಬಂದಿರಲಿಲ್ಲ ಕೈ ತುತ್ತು ತಿಂದೆನಲ್ಲ. ನನ್ನ ಗೆಳೆತನವೆಂಬ ದೇಗುಲದಲ್ಲಿ
* ಭಯವೆಂಬ ಮಾಯಾ ನಗರಿಯಲ್ಲಿ ಒಂಟಿ ಇರಲು ಬಯಸಲಿಲ್ಲ
* ಸ್ವಾಭಿಮಾನದ ಬಟ್ಟೆ ತೊಟ್ಟು, ಸಾಧನೆಯ ಶಿಖರದತ್ತ ಧೈರ್ಯವೆಂಬ ಆಯುಧ ಹಿಡಿದು ಸಾಧಿಸಲು ಅಣಿಯಾದೆನಂದು
* ಸಾಗುತಲಿದೆ ಸಾಧನೆಯ ಪಯಣವು ಇಂದಿಗೂ
೩) ಮರಣ:
* ಸಂಸಾರದ ಸಂಕಟಗಳು, ಜೀವನದ ಜಿಗುಪ್ಸೆಗಳನ್ನು ದಾಟಿ ನಡೆದೆನು ಏಕಾಂಗಿಯಾಗಿ ಇರುಳಿನ ಮನೆಗೆ
* ಬರುವಾಗ ಬೆತ್ತಲೆ ಹೋಗುವಾಗ ಬೆತ್ತಲೆ ಬಂದು ಹೋಗುವ ನಡುವೆ ಕಂಡೆನು ಅನಂತ ದೀವಿಗೆಯ ಬೆಳಕನ್ನು
* ನಾನು ನನ್ನದು ಎಲ್ಲವನ್ನೂ ಮೀರಿ ಜಯಿಸಿದೆ ನನ್ನವರನ್ನು
* ಜೀವನವು ಸಾಕಾರವಾಯಿತು ಸ್ನೇಹ ಜೀವಿ ನಾನಾಗಿ
* ಎಲ್ಲರೊಳಗೊಂದಾಗಿ ಎಲ್ಲರಿಗೂ ಬೇಕಾಗಿ ಎಲ್ಲವರಿಯುವ ಲೋಕಕ್ಕೆ ನಡೆದೆನು ನಾನಿಂದು.....
ಕಾಲೇಜು ಎಂಬುವುದು ರಸದೂಟ
ಕಾಲುಜಾರಿ ಬಿದ್ದರೆ ವಿಷದಾಟ
ಹೊರಗಡೆ ಗೆಳೆಯರ ಕಾಟ
ಕ್ಲಾಸನಲೀ ಗುರುಗಳ ಪಾಠ.
ಪೇಲಾದ್ರೆ ಮನೆಯವರ ಕಾಟ
ಪಾಸ ಆದರೆ ಕೆಲಸದ ಹುಡುಕಾಟ
ಇದು ವಿದ್ಯಾರ್ಥಿಯ ಜೀವನದ ಗೇೂಳಾಟ
ಇದ್ದಂನೇಲ್ಲ ಮರೆತು ಆಡಿರಿ ಹೇೂಳಿ ಆಟ.....
ನಿನ್ನ ಉಸಿರು ನನ್ನ ಉಸಿರಾಗುತ
ನಿನ್ನಲಿ ನನ್ನ ನಾ ಮರೆಯುತ
ನೂರೆಂಟು ಕವನ ಗೀಚುತ
ಈ ಹೃದಯ ನಿನ್ನನೆ ನೆನೆಯುತಿದೆ
ಪದೆ ಪದೆ ನೆನಪಾಗುವ ನೀನು
ನಿನ್ನ ಪ್ರತಿ ಘಳಿಗೆ ಬಿಡದಂತೆ
ನಿನ್ನನೆ ಹುಡುಕುತ್ತಿದೆ ಈ ಮನಸ್ಸು
ನೀನೆ ಬೇಕೆಂದು ಹಂಬಲಿಸುತಿದೆ
ನಿನ್ನ ಪ್ರೀತಿಯ ಸೆರೆಯಲಿ
ನನ್ನ ನಾ ಮರೆತು
ಬಂಧಿಯಾಗಿರುವೆ ನನಗರಿವಿಲ್ಲದೆ...
ನೀ ಬಿಟ್ಟು ಹೋಗದಿರು ನನ್ನ
ನಿನ್ನ ಮರೆತು ಬದುಕುವ
ಕ್ಷಣಗಳ ಕಲ್ಪನೆಯೂ ನನಗಿಲ್ಲದೆ
ನನ್ನ ನಾ ಮರೆತಿರುವೆ
ಬತ್ತಿದೆ ನನ್ನೆದೆಯ ಮಾತು
ಬಿಕ್ಕಳಿಸುತಿದೆ ನನ್ನ ಹೃದಯ
ಅಳಿವು ಉಳಿವು ನಿನ್ನಲ್ಲಿದೆ
ಓ ಒಲವೇ ಉಳಿಸು ಈ
ಹೃದಯದ ಬಡಿತ ನಿಲ್ಲುವ ಮುನ್ನ
ನನ್ನಲಿ ಬೆರೆತು ಒಂದಾಗು
ಪ್ರಾಣ ಪಕ್ಷಿ ಹಾರುವ ಮುನ್ನ...
ನಿನ್ನ ಎದೆಯ ಬಾಗಿಲಿಗೆ
ನಾ ಬಂದು ನಿಂತಿರುವೆ.
ಕದ ಬಡಿಯುವ ಆಸೆಯು ನನಗೆ
ಆದರೂ ಏನೋ ತಿಳಿಯದ
ಅಂಜಿಕೆ ಎದೆಯೊಳಗೆ.
ನಿನ್ನ ಮೊದಲ ನೋಟಕೇ
ಮರುಳಾಯ್ತು ನನ್ನ ಮನ.
ತುಡಿತ ತುಂಬಿದ ಮನದ
ಮಿಡಿತ ಮುನಿಯುವ ಮುನ್ನ
ಕದವ ತೆರೆದು ಬಾಚಿ ತಬ್ಬಿಕೋ ಎನ್ನ.
ನಿನ್ನೆದೆಯ ಕದವನು ತಟ್ಟಿ
ಸದ್ದು ಮಾಡುವ ದೈರ್ಯ ಎನಗಿಲ್ಲ.
ನೀನಾಗೆ ಮನಸು ಮಾಡಿ
ಸ್ವಾಭಿಮಾನದ ಚಿಲಕವ ಬದಿಗೆ ಸರಿಸಿ
ನನ್ನನು ನಿನ್ನೊಳು ಬರಮಾಡಿಕೋ.
-- ನಿನ್ನ ನೆರಳು ಮೂಡಿದ
ದಾರಿಯನೇ ಹಿಂಬಾಲಿಸುತ.
ನಿನ್ನ ಮೌನಯಾನದ ಪ್ರತೀ ಹೆಜ್ಜೆಯ ಸದ್ದು
ನಾನಾಗಬೇಕೆಂದು ಹಂಬಲಿಸುತ.
ನಿನ್ನ ಹೃದಯರಾಗದ ನಲುಮೆಗಾನವನೇ
ಅನುಕ್ಷಣವೂ ಆಲಾಪಿಸುತ.
ನಿನ್ನೆದೆಯ ಬಾಗಿಲಲೇ ಕಾದು ಕಳಿತಿರುವ
ನಿನ್ನ ಪ್ರೀತಿಯ ನಲ್ಲೆ.
-ಮಾಧುರಿ