Kannada Poems

Download App from Playstore. | Privacy Policy

ಕಾರಣ

ಕಾರಣ ಇಲ್ಲದೇನೆ ಕೆಲವರು "ಇಷ್ಟ ಆಗ್ತಾರೆ"
ಕಾರಣ ಹೇಳದೇನೆ ಕೆಲವರು "ದೂರ ಆಗ್ತಾರೆ"
ಪ್ರೀತಿ ಮಾಡೋದಕ್ಕೆ ಕಾರಣ 'ಇರಲ್ಲ'
ದೂರ ಆಗೋದಕ್ಕೆ ಕಾರಣ 'ಇರಲ್ವಾ'?
RS

- *RS*

18 Mar 2017, 05:52 pm

#ಪ್ರೀತಿ #

ಮನದಾಳದ ಮಾತೇ 'ಪ್ರೀತಿ'
ಮೌನದ ಆಳವೇ 'ಪ್ರೀತಿ'
ವಿಶ್ವಾಸದ ಮರವೇ 'ಪ್ರೀತಿ'
ಸ್ನೇಹದ ಹೂವೇ 'ಪ್ರೀತಿ'
ಮರೆಯದ ನೆನಪೇ 'ಪ್ರೀತಿ'
ಸುಂದರ ಕವನವೇ 'ಪ್ರೀತಿ'
ದಡವಿಲ್ಲದ ಸಮುದ್ರವೇ 'ಪ್ರೀತಿ'
ಮುಗಿಯದ ಕಥೆಯೇ 'ಪ್ರೀತಿ'

"ಪ್ರೀತಿ ಪ್ರೀತಿಗಾಗಿ ಪ್ರೀತಿಸುತ್ತದೆ
ಪ್ರೀತಿಗೆ ಪ್ರೀತಿಯು ಪ್ರೀತಿಸುತ್ತದೆ
ಪ್ರೀತಿಗೆ ಪ್ರೀತಿಸೋ ಪ್ರೀತಿ ಪ್ರೀತಿಯು ಪ್ರೀತಿಯನ್ನು ಪ್ರೀತಿಸುತ್ತೆ"
RS

- *RS*

18 Mar 2017, 05:38 pm

ಹಿಂತಿರುಗಿ ಬಾ ನೀನು

ಪ್ರೀತಿಯ ಮೇಣದ ಬತ್ತಿ ಕರಗುವ ಮುನ್ನ
ಮುಗಿಲ ಹೆಗಲ ಏರಿ ಕುಳಿತೆ ನೀನು!!
ನನ್ನ ಕಣ್ಣೀರಿನ ಹನಿ ಹುಡುಕುತ್ತಿದೆ ನಿನ್ನ
ಮುಗಿಲಿಂದ ಜಾರಿ ಒಮ್ಮೆ ಎದಿರು ಬಾ ಸಾಕು!!

ಬರಡಾಗುತ್ತ‌ಲಿ ಇರುವ ಈ ಬದುಕಿನಲ್ಲಿ
ಮತ್ತೊಮ್ಮೆ ನೀ ಬಲಗಾಲಿಟ್ಟು ಒಳಗೆ ಬಾ!!
ಹಿಂದೆ ಆಗಿರುವ ತಪ್ಪು ಮತ್ತೆಂದೂ ಆಗದೆಂದು
ಭರವಸೆಯ ನೀಡಿ ನಿನ್ನ ಬರಮಾಡುತ್ತೇನೆ!!

ಮುಂಜಾವಿನ ಇಬ್ಬನಿಯಂತೆ ನೀ ಬಾ
ಬರದಿದ್ದರೆ ಸಂಜೆಯಲಿ ತುಂತುರುವಾಗಿ ಬಾ!!
ಮರುಭೂಮಿಯಲ್ಲಿ ನೀರಿನ ಹನಿಗಾಗಿ
ಅಲೆಯುತ್ತಿರುವ ಬದುಕಲ್ಲಿ ಹನಿ ನೀರಾಗು ಬಾ!!

ಚಳಿಯೇ ಇರದೇ ನನ್ನಲ್ಲಿ ಏಕೆ ಈ ನಡುಕ
ನೀನು ಇರದೇ ನಾ ಒಬ್ಬಂಟಿ ಈ ಬದುಕು ನರಕ!!
ಎದೆಯ ವಳಗೆ ಏಕಾಂತದ ಅಳಲು ಸಾಕು
ಸಂಗಾತಿ ನೀ ದಯಮಾಡಿ ಹಿಂತಿರಿಗಿ ಬಾ ಸಾಕು!!

- ಪಿ.ಜಿ.ಜ್ಯೋತಿ

18 Mar 2017, 11:26 am

ಕವಿಗಾರ ನಾನಲ್ಲ...,

'ಕಲೆಗಾರ ನಾನಲ್ಲ'
'ಕವಿಗಾರ ನಾನಲ್ಲ'
'ಭಾವನೆಗಳೊಂದಿಗೆ ಬದುಕುತ್ತಿರುವುದನ್ನು ಬಿಟ್ಟು ಬೇರೇನು ಗೋತ್ತಿಲ್ಲ'
'ಆಸ್ತಿಯೂ ನನಗಿಲ್ಲ'
'ಆಸೆಯೂ ನನಗಿಲ್ಲ'
ನಿಮ್ಮ ಸ್ನೇಹ - ಪ್ರೀತಿ ಬಿಟ್ಟು
ಬೇರೇನು ಬೇಕಿಲ್ಲ:
(RS)

- *RS*

18 Mar 2017, 06:58 am

ಈಗಿನ ಹುಡುಗಿಯರು

ಈಗಿನ
ಕಾಲದ ಹುಡುಗಿಯರ
ಬಗ್ಗೆ ಬಣ್ಣಿಸಲು
ನಿಂತರೆ ಬಿಳಿ
ಹಾಳೆಯು ವಣಗಿ
ಲೇಖನಿ ಇಕ್ಕುವ
ಮುನ್ನವೇ
ಪದ ಕಿಚ್ಚು ಹತ್ತಿ
ಹಾಳ್ಗಚ್ಚಿಗೆ
ಬುದಿಯು ಸಿಕ್ಕದಾಗಿತು,,,

ಹುಡುಗಿಯರ
ಹಿಂದೆ ಬಿದ್ದಾ
ಮನಸು
ನಿಲ ನಕನದ
ಮರು ಭೂಮಿಯಲ್ಲಿ
ಮೌನ ಪದಗಳೊಂದಿಗೆ
ಬಿಕ್ಕಳಿಸಿ
ಅತ್ತತ್ತು ಸೊರಗಿತು,,,,,

ಪ್ರವೀಣ್ ಯಾದವ್

- ಪ್ರವೀಣ್ ಯಾದವ್

17 Mar 2017, 11:24 pm

ಹುಡುಕಲೇ ...........

ಏನನ್ನೊ ಕಳೆದುಕೊOಡ ಭಾವನೆ ನನ್ನಲಿ.
ಅನಿಸುತ್ತಿದೆ ನನ್ನನ್ನೇ ನಾ ನಿನ್ನಲ್ಲಿ
ಕಳೆದುಕೊOಡೆನಾ ಎಂದು .

ಹುಡುಕಲೇ ನನ್ನನ್ನು ನಾ ನಿನ್ನ
ಉಸಿರಲ್ಲಿ ....ಸಿಗಬಹುದೇನೊ
ನನ್ನ ಬಿOಬವಾದರೂ ನಿನ್ನ ಕಣ್ಣಲ್ಲಿ .

ಯಾರಿಗೆ ಗೊತ್ತು ನೀನೇ ನನ್ನ
ನಿನ್ನ ಹ್ರುದಯದಲ್ಲಿ ಬಚ್ಚಿಟ್ಟು
ನಗುತಿರುವೆಯೆನೊ ..........******

- ಚುಕ್ಕಿ

17 Mar 2017, 08:55 pm

ಬರಹ ರಾಗ

ಮನಸಿನ ತುಂಬ ನೀನೇ ನೀನೇ
ಗೀಚಿದೆ ಪ್ರೀತಿಯ ಬರಹದ ಸಾಲು!!
ಹೃದಯದ ತುಂಬಾ ನೀನೇ ನೀನೇ
ನುಡಿಸಿದೆ ಪ್ರೀತಿಯ ರಾಗದ ಹಾಡು!!

ಗೀಚಿದ ಆ ಸಾಲಿಗೆ
ಬೆರೆಯಿತು ಈ ರಾಗ!!
ಹಾಡಿದ ಆ ಹಾಡಿಗೆ
ಮಿಡಿಯಿತು ಅನುರಾಗ!!

ಇಂದು ನಿನ್ನ ಸೇರೋ
ಬಯಕೆಯಿಂದ ಬರೆದ ಸಾಲು!!
ನಿನ್ನ ವಿನಹ ಬೇರೆ ಇಲ್ಲ
ಎಂದೂ ನುಡಿದ ರಾಗ!!

ನಿನ್ನ ಹೆಸರು ಗೀಚಿ
ಕಲ್ಪನೆಗಳ ಬರೆದು ನುಡಿದಮೇಲೆ
ಆಗಿ ಹೋಯ್ತು ಬರಹ
ಸ್ವರದಿ ಬೆರೆತು ಪ್ರೇಮ ರಾಗ!!

- ಪಿ.ಜಿ.ಜ್ಯೋತಿ

17 Mar 2017, 06:34 pm

ಮೋಹದ ನಾರಿ

ಕರಿಯ ಮೋಡದ ಮೇಲೆ
ಜರಿಯ ಸೀರೆಯನ್ನು ಉಟ್ಟು
ನಿಂತ ನಾರಿಯ ನೆರಳ
ಅರಸಿ ಹೊರಟಿದೆ ಮನವು!!

ಪ್ರೀತಿ ಕಾಮನೆಯ ಮದದಲ್ಲಿ
ಮೈ ಮರೆತು ಹುಡುಕುತಲಿ ನೆರಳ
ಅಲೆದಿರುವುದು ಮನವು
ಇರುಳು ಎಂಬುದನ್ನು ಮರೆತು!!

ಮೋಹದ ನಾರಿಯ‌
ಮಾದಕ ಮೈಮಾಟ ಕಂಡು
ತಲ್ಲಣಗೊಂಡು ಮನವು ಜಾರಿತು
ಇಂದು ಹರಯದ ಬಯಕೆಯಲಿ!!

ಮೋಹದಿ ಆ‌ ನಾರಿಯ
ನೆರಳ ಅಪ್ಪಲು ಹೋಗಿ
ತಿಳಿಯದೇ ತಾ ಜಾರಿ ಬಿದ್ದಿತು
ಮನವು ಆಳ ಕಂದಕದಲ್ಲಿ!!

ಮೋಡದಿ ತಾ ನಿಂತು ನಗುತಿರುವ
ಮಾಯೆ ಅವಳು ಚದುರಿ ಹೋದಳು
ಅಲ್ಲೇ ಮೋಡದೋಡನೆ
ಕರಗಿತು ಆ ನೆರಳು ಕನಸಿನಂತೆ!!

- ಪಿ.ಜಿ.ಜ್ಯೋತಿ

17 Mar 2017, 06:30 pm

ಹೆಣ್ಣೆಂದರೆ

ತಡರಾತ್ರಿ ಎಚ್ಚೆತ್ತ ಮಗಳಿಗೆ
ಸುಳ್ಳುಗಳನ್ನು ಪೋಣಿಸಿ ನಿದ್ದೆ ಹತ್ತಿಸ
ಬೇಕಾಗಿ ಹವಣಿಸುವ ಇವಳ ಉಮೇದು ನೋಡಿ ನಾನು ಒಂದೆರಡು ಮಗ್ಗುಲು ಬದಲಾಯಿಸಿದ್ದಲ್ಲದೇ ಮತ್ತೇನೂ ಮಾಡಿಲ್ಲ

ನಿತ್ಯ ಅಪರಾತ್ರಿಯಲ್ಲಿ ಮೊಲೆಕೊಟ್ಟು
ಕೂಸಿನ ಕನಿಷ್ಟ ಕೂಗನ್ನು ನನ್ನ ಕಿವಿಯೊಳಗೆ ಬರದಂತೆ ಮಾಡುವ ಇವಳ ಜಾಣ್ಮೆಗೆ ನಾನಂತೂ ಒಮ್ಮೆಮ್ಮೆ ಹುಬ್ಬೇರಿಸಿದ್ದುಂಟು

ಹೆಣ್ಣಿನ ಪೇಚಾಟ ರಾತ್ರಿಗಳಲ್ಲಿ ಒಮ್ಮೆ
ಎಚ್ಚೆತ್ತು ನೋಡಿ ಸೂರ್ಯನಿರದ ರಾತ್ರಿಯಲ್ಲಿ ಮಗುವಿಗೆ ಸೂರ್ಯ ಕಿರಣ ತೋರಿಸುವ ಜಾಣತನಕ್ಕೆ ಬಿಗಿದಪ್ಪಿ ಕೃತಜ್ಞತೆ ಸಲ್ಲಿಸಿ ಬಿಡಿ

ನಿಮ್ಮಗಳ ಜವಾಬ್ದಾರಿ ತೀರಿಸಿ
ಸುಖನಿದ್ರೆಗೆ ಜಾರಿದರೂ ಹೆಣ್ತನದ
ಪಾಡು ಮಗುವಿಗೆ ಅಲ್ಪ ಜ್ವರ ಬಂದಾಗ ರುಜುವಾತು ಆಗುತ್ತದೆ
ನಿಮ್ಮಲ್ಲಿ ತೋರಿಸದ ಒಂದು ವೈದ್ಯೆ
ಸರಿಸುಮಾರು ಮುಕ್ಕಾಲು ರಾತ್ರಿ ಸರಿದ ಮೇಲೆ ಹುಟ್ಟಿಕೊಳ್ಳುತ್ತಾಳೆ
ಗಂಡಸರೇ,ಹೆಣ್ಣೆಂದರೆ ಸರ್ವಾಂತರ್ಯಾಮಿ

ಅವಿಜ್ಞಾನಿ

- ಅವಿಜ್ಞಾನಿ

17 Mar 2017, 03:06 pm

ಮರಳಿ ನೀ ಬರುವ ದಿನದಂದು.

ಮರಳಿ ನೀ ಬರುವ ದಿನದ
ನಿರೀಕ್ಷೆಯಲ್ಲಿ ಎಷ್ಟೂಂದು
ಸಡಗರ ಗೊಂಡಿದೆ ನನ್ನ ಮನ

ನಿನ್ನಿಗಿಷ್ಟದ ಸಂಗಂತಿಗಳ ಸಂತೋಷ
ಗಳ ಬೇಕು ಬೇಡಗಳ ಸಂಗ್ರಹದಿ
ಮೆಲುಕು ಹಾಕುತ್ತಿದೆ ಆ ದಿನಗಳ

ನೆನಪಿನ ಅಂಗಳದಿ ಅಡ್ಡಾಡುತ್ತಿದೆ
ನಿನ್ನ ಕಂಡ ಮೊದಲ ದಿನದ ಆಭೂತ
ಪೂರ್ವ ಆ ಕ್ಷಣ

ಅಯಸ್ಕಾಂತ ಸೆಳೆತದ ಕಂಗಳು
ಕೆಂಪು ರಂಗಿನ ತುಟಿಗಳು ಹೊಂ
ಬಣ್ಢದ ಕದಪುಗಳು

ಅಂದದ ಮೊಗದಲ್ಲಿ ಪೂರ್ಣ
ಚಂದಿರನ ಕಳೆ ತುಂಬಿಕೊಂಡಿದ್ದ
ಚಂದ್ರಮುಖಿ

ಸೌಂದರ್ಯದ ಗಣಿ ನೀ ಅಂದೇ
ಆದೆ ನನ್ನ ಎದೆ ಅರಮನೆಯ
ಮಹಾರಾಣಿ.....
ಅನು...

- Anu...

17 Mar 2017, 02:10 pm