ಅಂದಿನ ರಾಜ ಮಹಾರಾಜರು
ಜಾತಿ ಧರ್ಮಕ್ಕೆ ನೀರೆದರು
ಬುಡ ಬುಡಿಕೆ ಮಾತು ಕೇಳಿ ಕುಣಿದರು
ಕಡಲೆಕಾಳು ವರ್ಗದವರಿಗೆ ಕಾಲಿಗೆ ಬೀಳಿಸಿದರು
ಸಾಸಿವೆಕಾಳು ವರ್ಗಕ್ಕೆ ಪೋಷಿಸಿದರು
ಇಂದಿನ ರಾಜಕೀಯ ಸೂತ್ರಧಾರರು
ಜೀವನ ನಡೆಸಲು ಜಾತಿಗೆ ಶರಣಾದರು
ಜಾತಿ ಸಂಘರ್ಷಕ್ಕೆ ನಮ್ಮನ್ನು ಆಹುತಿಮಾಡಿದರು
ಮಾನವೀಯತೆಯ ಮೌಲ್ಯಗಳನ್ನು ಮರೆತರು
ತಂಪಾದ ಗಾಳಿಗೆ ಸೆಳೆಯಾದರು
ಅವರ ವಂಶವಾಹಿಗಳಿಗೆ ನೆಲೆ ನಿಂತರು
ನಾವೆಲ್ಲರೂ....
ಕುರಿಯಂತೆ ಪಾಠ
ಗಿಳಿಯಂತೆ ರಾಮನ ಭಜನೆ
ಮಂಗನಂತೆ ಆಟ
ನಾಯಿಯಂತೆ ವಾಸದ ಮನೆ
ನಮ್ಮ ದುರ್ಬಲರ ನೋಟ
ಮುಗಿಯಿತ್ತಿದೆ ನಮ್ಮ ಆಟ
ಕೊನೆಗೆ ಅವರ ಹಟ್ಟಹಾಸ
ಮುಗಿಯದು ನಮ್ಮ ಉಪವಾಸ
ಜಂಟಿ ಪಾದ ಒಂದಾಗುವ ಉಮೇದಿಗೆ
ಹಿತ್ತಲ ಮೊಗ್ಗು ಬಿರಿಯುತ್ತದೆ
ಕಾಡ ದಾರಿಯಲ್ಲಿ ಏಕಾಂತ
ಸರಿಯುವುದು ಆ ಕ್ಷಣದಲ್ಲಿಯೇ
**
ಬೀಜಯೊಡೆಯುವ ಪ್ರಕ್ರಿಯೆಗೆ
ಅವಳೊಂದು ನೆಪ ಆಗುತ್ತಾಳೆ
ಬಿಂಕ ಸರಿದ ರಾತ್ರಿ
ಶುರುವಾಗವುದು ಅವಳಿಂದಲೇ
**
ಒಮ್ಮೊಮ್ಮೆ ಪುಳಕವೊಂದು
ಸರಿಯುತ್ತಿರುತ್ತದೆ
ಎದೆ ಗೀರಿನ ಅಚಾನಕ್
ತೋರ್ಪಡಿಕೆ ಬೆಚ್ಚಗಿಸಿರುವ
ಪ್ರಯತ್ನವಷ್ಟೇ
**
ಮೊದಲ ಮಳೆಗೂ ಮೊದಲಿನ
ಹನಿಯವಳು
ಮೂಡಿದ ವಿಷಯ ತಿಳಿಯದ
ವಿಚಾರ ನನ್ನೊಳಗೆ..
**
ಮುಂದಿನ ಎಲ್ಲಾ ಪ್ರಮಾದಗಳಿಗೆ
ಅಧಿಕೃತ ಹೊಣೆಗಾರ್ತಿ
ಜಾಮೀನು ರಹಿತ ಸಜೆಗೂ
ಒಡಂಬಡಿಕೆ ಮಾಡುವುದೇ
ಒಪ್ಪಂದಗಳಿರದ ವಿಶೇಷಣಗಳು
ಅಮಾವಾಸ್ಯೆ ಕಪ್ಪಿಗೆ ಹುಣ್ಣಿಮೆ
ಮುತ್ತನೊಂದು ಆಶಿಸುವ ಹೃದಯ
ಒಡಂಬಡಿಕೆ ಮುರಿಯದ ರಾಗಿಣಿ
ರಾಗ ನೀ ಆಗಬೇಕು
ಪರವಶಳಾಗದ ಒಲವಿನ ರೆಕ್ಕೆಗೆ
ಪುಳಕ ನಾ ಕೊಡುವುದು ಅನಾಮಧೇಯ ಸತ್ಯ
ಟಾರು ದಾರಿಯ ಬೆಳಕ ನೆರಳಿಗೆ
ಇರುವೆಗಳೆರಡು ಗಸ್ತು ತಿರುಗುತ್ತದೆ
ಕೂಲಂಕುಷ ನಡೆಯ ಬಳಿಕ
ಅನಂತ ಪಯಣಕೆ ನನ್ನೊಳಗೆ
ಆವಾಹನೆ ನೀ ಅರಿಯದ ವಿಚಾರ
ಎದೆಯುಬ್ಬಿ ಹೆಸರನ್ನೊಮ್ಮೆ ಉಸುರಿ
ಬಿಡುತ್ತೇನೆ ರೋಮ ಸೆಟೆಯುವುದು
ನಾ ಕಳೆದು ಹೋದ ಸ್ಪಷ್ಟ ನಿದರ್ಶನ
ನೀ ಸೋಕದ ಬಟ್ಟೆಯನ್ನೊಮ್ಮೆ
ತದನಂತರ ಅಣುಕಿಸುತ್ತೇನೆ
ನಿನ್ನ ಹೆಸರ ನೆಪದಿಂದ ಘಮವೊಂದು
ಗಾಳಿಗೆ ಸೇರುವುದು ಗೊತ್ತಾಗದೇ