Kannada Poems
ಅಂಗದಲ್ಲಿ ಅಡಗಿದೆ ಅಂದ
ಅಂದಗಾತಿ ನೀ ಬಲು ಚೆಂದ!!
ಕಂಡು ನಿನ್ನ ಈ ಬಿನ್ನಾಣ
ಶಿರ ಬಾಗಿತು ಹೂವಿನ ಬಾಣ!!
ಮನಸೋತನೇ ಆ ದೇವ ಮದನ
ಕಂಡು ನಿನ್ನಯ ಮೋಹಕ ವದನ!!
ನುಡಿಯಲು ನೀ ಮಾದಕ ನುಡಿಯ
ಸರಿಸಿದ ಆ ಸಾಗರ ತೆರೆಯ!!
ನಿನ್ನ ತನುವ ಬೆವರ ಅಳಿಸಲು
ಸುರಿದನು ಆ ಮೇಘ ಮಳೆಯನು!!
ನೆನೆದ ನಿನ್ನ ತೇವ ಕಳೆಯಲು
ಚೆಲ್ಲಿದ ಆ ಸೂರ್ಯ ಕಿರಣವ!!
ನಿನ್ನ ಕಂಡ ಇಂದ್ರ ಚಂದ್ರರು
ತಪವಗೈದರು ನಿನ್ನ ಪಡೆಯಲು!!
ನಿನ್ನ ತನುವನು ಒಮ್ಮೆ ಸೋಕಲು
ಹೊತ್ತು ಬಂದನು ವಾಯು ತಂಪನು!!
ನಿನ್ನ ಅಂದಕೆ ಸೋಲದೇ ಇರುವ
ಪುರುಷನಿಲ್ಲ ಚಂದ ಚೆಲುವೆಯೇ!!
ನನ್ನ ಕಾಡಿದ ಸ್ವಪ್ನ ಸುಂದರಿ
ಬೆಳಗ ಬಂದೆಯಾ ನನ್ನ ಬದುಕನು!!
- ಪಿ.ಜಿ.ಜ್ಯೋತಿ
18 Apr 2017, 08:10 am
ಯಾರಿಗೆ ಹೊಲಿಸಲಿ ಗೆಳತಿ ನಾ ನಿನ್ನನ್ನು..,
ಆಕಾಶವೆಂದರೆ ನೀ ನನ್ನಿಂದಾ ದೂರಗುವೆ,
ತಾರೆ ಎಂದರೆ ನನಗೆ ಸಿಗದೇ ಹೋಗುವೆ..,
ಮುತ್ತೆಂದರೆ ನೀರಲ್ಲಿ ಮುಳುಗಿ ಹೋಗುವೆ
ಕೊನೆಗೆ ಕೊನೆಗೆ ನಿನ್ನ ವರ್ಣಿಸಲು ನಾನೇ
ಸೋತು ಹೋಗುವೆ ಗೆಳತಿ....
- Kanakamurthi
18 Apr 2017, 07:35 am
ಸುರಿವ ಮಳೆಯಲ್ಲಿ ಕಳೆದ ದಿನಗಳ ಹರುಷ.....
ಮತ್ತೆ, ಮತ್ತೇ ನೆನಪಾಗುವುದು ಪ್ರತಿ ನಿಮಿಷ,ನಿಮಿಷ......
ಕೃಷ್ಣ .....
- krishna Billadi melbailu
18 Apr 2017, 07:28 am
ಕಪ್ಪು ಗಗನದ ಆಗಮನ
ನಿದ್ರಾದೇವಿಯ ಆಹ್ವಾನ
ನಿದ್ರದೇವಿಯ ಮಡಿಲೊಳಗೆ ಜಾರಿರಲು ಸೋಪಾನ ಇಲ್ಲದಿದ್ದರೇನು
ಎಲ್ಲವು ಸುಖದ ಸೋಂಪಾನ
ನಿನಗಾಗಿ ಕಾದಿಹುದು ಸಿಹಿಗನಸಿನ ಝೇಂಕಾರ
ನನಸಾಗದಿದ್ದರೇನು ಕನಸು
ಕಟ್ಟು ಕನಸೊಳಗೊಂದು ಕನಸು
ನಾಳೆಗಿನ ಬದುಕಿಗಾಗಿ ಕನಸು
ಸುಖ ಸಂತೋಷ ನೆಮ್ಮದಿಯ ಕನಸು
ಕನಸೇ ನನಸೆಂದು ಬೀಗದಿರು
ಆ ಕನಸಲೇ ಕಾಲ ಕಳೆಯದಿರು
ಕನಸೊಂದೆ ಕಟ್ಟದು ಬದುಕು
ಕನಸೇನಿದ್ದರು ನಾಳಿನ ಬದುಕಿಗೆ ಬೆಳಕು
- ಶ್ರೀಕಾವ್ಯ
17 Apr 2017, 09:24 pm
ನಾವು ಸುಮ್ನೆ ಹೇಳತಿವಿ...?
ಯಾರ ಯಾರಿಗೊ
ನಿನೇ ನನ್ನ ಉಸಿರು ಅಂಥ..!
ನಮ್ಗೆ ಗೊತ್ತಿಲ್ಲ ನಾವು
ಪ್ರತಿದಿನ ಉಸಿರು ಕೊಡೊ
ಎಷ್ಟೋ ಮರಗಿಡಗಳನ್ನ
ಕಡಿತಿವಿ ಅಂಥ.....!!!
.... ಪಿ ಅನಿ....
- ಪಿ ಅನಿ...
17 Apr 2017, 08:24 pm
ರಚ್ಚೆ ಹಿಡಿಯುವ ಮಗ
ಮಗುವಾಗಿದ್ದಾಗ..
ತಾಯಿಯ ನೋಟ
ತನ್ನತ್ತ ಸೆಳೆಯಲು....
ರಗಳೆ ಮಾಡುವಳು ತಾಯಿ
ವಯಸ್ಸಾದಾಗ..
ಮಗನ ನೋಟ
ತನ್ನತ್ತ ಸೆಳೆಯಲು....
ಈ ಎರಡರ ಅರ್ಥ
ಅರಿತ ಮಗ..
ಪರಿಸ್ಥಿತಿ ನಿಭಾಯಿಸುವನು
ಜಾಣನಾದಾಗ....
- KR Sreekamala
17 Apr 2017, 08:18 pm
ಮೌನ ಹುಟ್ಟಿದ ರಾತ್ರಿಯಲ್ಲಿ
ಕಂದೀಲು ನೆತ್ತರ ಕಾರಿ
ಕೆಂಪಾಗುತ್ತದೆ
ನೆತ್ತಿ ಬೊಟ್ಟಿನಲ್ಲಿ ಮಾತಿನ ಬುತ್ತಿ
ತೆರೆಯದ ಖಾತೆ ಉಳಿಸಿಕೊಂಡಿದೆ
ಕೆನ್ನಾಲೆಗಳು ವಿರಹಗೀತೆ
ಹಾಡುವಾಗ ಮುಂಗುರುಳು
ಗಾಳಿಯನ್ನು ಮುತ್ತುತ್ತಿರುತ್ತದೆ
ಕಾಜುಗಳ ತರಹೇವಾರಿ ನಿನಾದಗಳಿಗೆ
ಕಾರ್ಗತ್ತಲೂ ಹದಿಹರೆಯವಾಗುವುದು ಗೊತ್ತಾಗದೇ
ಅವನ ಹೆಸರ ನವೆಯೊಂದು
ಪುಳಕ ಹುಟ್ಟಿಸಿ ಪರಾರಿಯಾಗುವಾಗ
ಒಣಗಿದ ತುಟಿಯಿಂದ ಮಾತುಗಳ
ಬಹಿಷ್ಕಾರವಾಗುತ್ತದೆ
ಹುಬ್ಬುಗಳು ಆಲಿಂಗನ ಬಯಸಿದ್ದು
ನೆಟ್ಟ ದೃಷ್ಟಿಯ ವಂಚಿಸಿ ನಡೆದ
ಆಚಾತುರ್ಯ ಕಾರ್ಯಕ್ರಮ
ಎಡೆಬಿಡದೆ ಕಾಡುವ ನೆನಪುಗಳ
ಅಲೆಗೆ ಕಾಡಿಗೆಯ ಉತ್ತರ
ಮರೀಚಿಕೆಗೆ ಬಯಕೆಗೊಂದು
ಹೊಸ ಆಯಾಮ
ಅವಿಜ್ಞಾನಿ
- ಅವಿಜ್ಞಾನಿ
17 Apr 2017, 07:03 pm
ನೂರೊಂದು ಚುಟ್ಟ
ಕಿಸೆದಾಗ ಇಟ್ಟ
ಒಂದೊಂದು ಸೇದಿ ಆನಂದಪಟ್ಟ
ಆಮೇಲೆ ಅವನಿಗೆ ಕಟ್ಟಿದರು ಚಟ್ಟ.
- PARASHURAM B
17 Apr 2017, 11:07 am
ನನ್ನ ತಾಯಿ ಕಣ್ಣೊರೆಸುತ್ತ
ಮೂಲೆ ಸೇರಿದಳು
ನಿನಗೆ ಹೆಣ್ಣಾಯಿತೆ ಎಂದು....
ನನ್ನಕ್ಕನ ಮೊಗದಲ್ಲಿ ಮಂದಹಾಸ
ಮರೆಯಾಗಿ,ಮೌನ ಆವರಿಸಿತು
ನಿನಗೆ ಮಗಳಾದಳೆ ಎಂದು....
ಹೇಗೊ ಇದ್ದ ನನ್ನ ಅಂತರಂಗ
ನನ್ನ ಅಣಕಿಸಿ ಹೇಳಿತು
ನೀ ಹಡೆದವಳು ಹೆಣ್ಣೆಂದು....
ಬಂಧು- ಬಳಗದವರಲ್ಲಿ
ಬಲವಂತದ ಹುಸಿ ನಗು
ನನ್ನ ಮಗಳ ಬರಮಾಡುವಲ್ಲಿ....
ಕೈ- ತುತ್ತ ಕೊಟ್ಟು ಆಡಿಸಿ ಬೆಳೆಸಲು
ಅವ್ವನ ಆಸರೆ ಬಯಸುವರು
ನೋವು- ನಲಿವಲಿ ಒಂದಾಗಿ
ಬಾಳು ಬೆಳಗಲು ಮಡದಿಯಾಸರೆ ಬಯಸುವರು
ಜನುಮ ಕೊಟ್ಟ ಮಗಳನು ಬೇಡವೆನುವರು?
ಮೌನ ಮುರಿದು ಬೆಳೆಸುವರು ಮಗಳನು
ಮಗನಿಗಂತ ಹೆಚ್ಚು ಎಚ್ಚರಿಕೆಯಲಿ
ಏನಾಗುವುದೋ, ಎಂಬ ಭಯದಲಿ
ಒಂದು ದಿನ ಸೇರುವಳು ಅನ್ಯರ ಅಂಗಳನು
ಎಲ್ಲೊ- ಹುಟ್ಟಿ,ಎಲ್ಲೊ- ಹರಿದು
ಎಲ್ಲೊ- ಸೇರುವ ನದಿಯಂತೆ
ಹುಟ್ಟಿದ- ಮೆಟ್ಟಿದ ಮನೆಗು
ಬೆಳಕಾಗಿ ಕರಗುವಳು ಮೇಣದಂತೆ
ಶಾರಧ
- ಶಕುಂತಲಾ
17 Apr 2017, 10:23 am
ನಲೇ಼
ಕಾಯುವೆನು ವರುಷವೇನು
ಜನ್ಮ ಜನ್ಮ ನಿನ್ನನೆ
ನಿನ್ನ ಮಧುರ ನೆನಪಲೇ಼
ಮರುವೆ ನಾನು ನನ್ನನೆ ........
**** ಇಂತಿ******
- chinnadana ni kosam
17 Apr 2017, 08:55 am