ಸಾವಿನಾಚೆಗೂ ನಾನು
ನನ್ನಯ
ಗೋರಿಯ ಮೇಲೆ
ಹೂವಾಗಿ ಹುಟ್ಟುತ್ತೇನೆ
ಹುಡುಗಿ
ಅಪ್ಪಿ ತಪ್ಪಿ ನೀ ಏನಾದರೂ
ನಿನ್ನ ಮುತ್ತಾತಂದಿರ
ಗೋರಿಗಳಿಗೆ ಹಾಲೆರೆಯಲು
ಬಂದಾಗ ಆ ಹೂವ ಕಿತ್ತು
ಮುಡಿದುಬಿಡು
ಕ್ಷಣದ ಬದುಕೇ ಸಾಕೆನಗೆ
ಮತ್ತೆ ಸತ್ತುಬಿಡುತ್ತೇನೆ!
ಅನಾಮಿಕ........✍
ಮನಸ್ಸಿಗೆ ಅತೀ
ನೋವು ಆದಾಗ
ಮತ್ತೆ ನಮ್ಮ ಆತ್ಮೀಯರು
ನಮ್ಮಿಂದ ದೂರಾದಾಗ,
ಮತ್ತೆ ಏನೋ ಒಂದು
ಅಮುಲ್ಯ ವಸ್ತು
ಕಳೆದು ಹೊದಾಗ,
ಎನ್ಮಾಡಬೇಕು
ಅಂತಾ ಗೊತ್ತೆ ಆಗಲ್ಲ,
ಈ ಜೀವನಾ ನೇ
ಬೋರ್ ಅನಿಸುತ್ತೆ
ಮತ್ತೆ ಈ ಜಗವೇ ಬೇಡ ಅನಿಸುತ್ತೆ, ಅಂತಹ ಸಮಯದಲ್ಲಿ
ಎಂತವರೇ ಸಮಾಧಾನ ಹೆಳಿದ್ರು ಕೂಡಾ ಮನಸ್ಸು ಕೆಳಲ್ಲ ಒಬ್ಬಂಟಿಯಾಗಿರ್ಬೆಕು
ಅನಿಸಿಬಿಡುತ್ತೆ,
ಮತ್ತೆ ಜೀವನದಲ್ಲಿ ಯಾರನ್ನೂ ಅತೀಯಾಗಿ
ಹಚ್ಚಕೋಬಾರ್ದು,
ಪ್ರೀತಿಸಬಾರ್ದು ಅನಿಸಿಬಿಡುತ್ತೆ ಅಂತಹ ಸಮಯದಲ್ಲಿ
ನಾವೂ ಒಬ್ರೇ ಪ್ರಶಾಂತ ವಾತಾವರಣ ಇರೋಕಡೆ ಹೊಗಿ ನಮ್ಮ ಮನಸ್ಸೀಗೆ
ಆತ್ಮಸ್ಥೈರ್ಯ ತುಂಬಿಕೊಂಡ್ರೇ
ಮತ್ತೆ ಛಲ ಬರತ್ತೆ ಅಂತಾ ನನ್ನ ಅನಿಸಿಕೆ.
ಅನಾಮಿಕ.........✍
ಮೌನವೆಂಬ ಸಾಗರದ ಅಂಚಲಿ ನಿಂತು
ನಾನು ಹೇಳದೆ ಹೇಳಿದ್ದು ಪ್ರೀತಿಯ ಕುರಿತಾಗಿತ್ತು
ಹಗಲು ಕನಸಿನ ಬೆನ್ನೇರಿ ಸಾಗುವ ವೇಳೆ
ನೀನು ಕೇಳದೆ ಹೋದದ್ದೂ ಅದೇ…
ಆದರೂ ಕಾಯುತ್ತಿದ್ದೇನೆ ..
ನೀನು ನನ್ನನ್ನು ಅರಿಯುವ ಕಾಲಕ್ಕಾಗಿ…
ನನಗೋ ಮುಗಿಲೆತ್ತರಕೆ ಏರುವಾಸೆ
ಮಳೆಹನಿಗೆ ಭೂಮಿಗೆ ಮುತ್ತಿಡುವಾಸೆ
ಭೂಮಿಯ ಮಡಿಲ ಸೇರುವ ಹನಿ ಮತ್ತೆ ಬರಬಹುದು ಅಂತರ್ಜಲವಾಗಿ
ಮುಗಿಲಿಂದ ಎತ್ತರಕ್ಕೆ ಹಾರಿದ ನಾನು ಬರಬಹುದೇ ಮತ್ತೆ -?
ಮುಗಿಲ ಮಡಿಲಿಂದ ಬರುವ ಹನಿ ಪರಿಶುಧ್ಧ
ಮುಗಿಲಿಂದ ಮೇಲೆ ಏರಿದ ನನ್ನಾತ್ಮ ಎಷ್ಟುಶುದ್ಧ
ಹೋಲಿಸಬಹುದೇ ನನ್ನನ್ನು ಮಳೆ ಹನಿಗೆ
ಮೇಲಿಂದ ಕೆಳಗೆ ಬಂದ ಹನಿಯದು ಸಾರ್ಥಕ್ಯದ ಭಾವ
ಕೆಳಗಿಂದ ಮೇಲಕ್ಕೆ ಹಾರಿದ ನನ್ನದು ತೀರದ ಸ್ವಾರ್ಥದ - ?
ಸ್ವಾರ್ಥದ ಆತ್ಮ ನರನದಾದರೆ
ನಿಸ್ವಾರ್ಥದ ಹನಿ ಪರಮಾತ್ಮನ ಕರುಣೆ
ಆತ್ಮ ಹನಿಯಾಗ ಬೇಕಾದರೆ ಬೆತ್ತಲೆಯಾಗು ಮನುಜ
ಅರಿಷಡ್ವರ್ಗಗಳ ಪರದೆಯ ಸರಿಸಿ
ರಾಗ ದ್ವೇಷಗಳ ಕಳೆಯ ಸುಟ್ಟು, ಸ್ನೇಹ ಪ್ರೀತಿಯ ಹಣತೆಯ ಹಚ್ಚಿ.