Kannada Poems

Download App from Playstore. | Privacy Policy

ಇಂತಿ ನಿನ್ನ ಪ್ರೀತಿಯ

ಸುಂದರ ಕಾನನದೊಳು,ಕವಿದಿದೆ ಕಾರಿರುಳು,
ನಿದಿರೆಯ ಅಮಲು,ನನ್ನವಳ ತುಂಬಿರಲು,
ಕಿಟಕಿಯೊಳು ತೂರಿ ಆ ಬಂದ ಬೆಳದಿಂಗಳು,
ಎನ್ನ ಮನದನ್ನೆಯ ಮೊಗವ ಚುಂಬಿಸಲು,
ಮುಸುಕೆಳೆದು ಮಲಗಿದ ನನ್ನರಸಿಯ,
ಮುಖ ಕಾಣದೆ ಮುನಿಸಿಕೊಂಡ ಚಂದ್ರಮನು,
ತಾರೆಗಳ ತೊಟ್ಟಿಲಲಿ ಮೋಡದ ಹೊದಿಕೆ ಹೊದ್ದು,
ಮುಂಜಾವಿಗೆ ಕಾದಿರುವನು...
ಇಂತಿ ನಿನ್ನ ಪ್ರೀತಿಯ...
ಅನಾಮಿಕ.............

- ಅನಾಮಿಕ..........

02 May 2017, 08:14 am

ಉಸಿರು

ಉಸಿರು ನೀನಲ್ಲಿರುವಾಗ ಕೃತಕ ...
ಉಸಿರಾಟದಲಿ ಬಳಲಿ ಬೆಂಡಾಗಿ
ನಾನಿಲ್ಲಿ ಜೀವಂತ ಶವವಾಗಿ ದಣಿದು
ಜೀವವ ಹಟದಿ ದೂಡುತಿರೆ ಗೆಳತಿ ....
ಅನಾಮಿಕ.......✍

- ಅನಾಮಿಕ..........

02 May 2017, 07:23 am

ನೆನಪಿನಲ್ಲಿ. ........

ಊರಾಚೆಯ ಬಂಡೆಕಲ್ಲಿನ ಬಿಸಿಯಿನ್ನು ಆರಿಲ್ಲ
ನಿನ್ನ ನೆನಪಾಗಿ ನಾ ಮೊದಲೇ
ಬಂದಿರಬೇಕು...
ಸಂಜೆ ನಸು ನಾಚಿ ನಗುತ್ತಿದೆ
ಬಾರದ ನಿನ್ನ ಕಾಯುವ
ನನ್ನ ಸಂಯಮ ಕಂಡು...
ಕತ್ತಲೆಯು ಸನಿಯಕೆ ಬರಲು
ಅವಸರಿಸುತ್ತಿಲ್ಲ
ಅದಕ್ಕೂ ಒಂಟಿತನದ ಬದುಕು
ಬೇಸರವೆನಿಸಿರಬೇಕು..!! ಅನಾಮಿಕ......✍

- ಅನಾಮಿಕ..........

02 May 2017, 07:18 am

ಆದರ್ಶದರಮನೆ

ಮನೆಯ ನೋಡಿದಿರಾ ಇಂತಹ ಮನೆಯ ನೋಡಿದಿರಾ
ಪ್ರೀತಿ ಪ್ರೇಮದ ಇಟ್ಟಿಗೆಯಿಂದ
ಮಮತೆಯ ಮಣ್ಣಿಂದ
ನಿಷ್ಠೆಯ ನೀರನ್ನು ಹಾಕಿ
ನಿರ್ಮಿಸಿದ ಮನೆಯ ನೋಡಿದಿರಾ

ರಾಮಸೀತೆಯರಂತ ಸತಿಪತಿಯಿರುವ
ನನ್ನವ್ವಳಂತ ತಾಯಿಯಿರುವ
ಕರ್ಣನಂತ ಸೋದರನಿರುವ
ಮನೆಯ ನೋಡಿದಿರಾ

ರೈತನ ಕಾಲ್ಮುಗಿದು
ಯೋಧನ ಕೈ ಹಿಡಿದು
ಜಾತಿ ಭೇದವನರಿಯದ
ಮನುಜರಿರುವ ಮನೆಯ ನೋಡಿದಿರಾ

ಸಹಬಾಳ್ವೆಯನರಿತು
ಸಂಭಂಧಗಳಿಗೆ ಬೆಲೆಕೊಟ್ಟು
ಚೆಂದದಿ ಬಾಳ್ವೆಮಾಡುವ
ಮನು ಕುಲದ ಮಾಣಿಕ್ಯರಿರುವ
ಮನೆಯ ನೋಡಿದಿರಾ

ಮೌನಿ(9739651101)

- ಮೌನಿ

01 May 2017, 10:25 pm

ಸ್ನೇಹ

ಸ್ನೇಹವೆಂಬುದು ಶುಭ್ರವಾದ
ನೀಲಿ ಅಗಸದಂತೆ
ಹರಿಯುವ ತಿಳಿ ನೀರಿನ ಕಲರವದಂತೆ
ಇಲ್ಲಿ ಕೊಂಕು ಬಿಂಕಗಳಿಲ್ಲ .

ಜಾತಿ ಮತಗಳಿಲ್ಲ
ನಾನು ತಾನು ಎಂಬುದಿಲ್ಲ.
ನವ ಚೇತನ ನಿತ್ಯ ನೂತನ
ಅನುದಿನ ವಸಂತಮಯ ಈ ಗೆಳೆತನ.
ಈ ಸ್ನೇಹಕ್ಕೆ ಎಲ್ಲೇ ಇಲ್ಲ

ಎರಡು ಜೀವಗಳ ಆತ್ಮ ಸಂಬಂಧವಿದು
ಎಲ್ಲೋ ಇರುವ ಒಂದು ಜೀವ
ಇನ್ನೆಲ್ಲೋ ಇರುವ ಇನ್ನೊ೦ದು ಜೀವದ
ನಡುವೆ ಬೆಸೆಯುವ ಆತ್ಮ ಸಂಯಮವಿದು
ಸುವರ್ಣ ಸೇತುವೆಯಿದು.

ನೋವು ನಲಿವಿಗೂ ಸ್ಪಂದಿಸುತ
ದಿಕ್ಕು ತಪ್ಪಿದಾಗ ದಾರಿ ತೋರುತ ನಿನ್ನ ಏಳ್ಗೆಯೇ ನನ್ನ ಏಳ್ಗೆ ಎಂಬುದೇ ನಿಜವಾದ ಸ್ನೇಹ
ಈ ಸ್ನೇಹ ಅಮೃತ ಜಲದಂತೆ ಸದಾ ಜೀವಂತಧಾರೆ.frnds

- Anukumar

01 May 2017, 06:06 pm

ಇನಿಯ....

ಇನಿಯನಿರಬೇಕು ಕಾಡದಂತೆ
ನಿರ್ಮಲ ನಗುವಿನ ಅಲೆಯ ಸೃಷ್ಟಿಸುವಂತೆ

ಅಮ್ಮನ‌ ಮಡಿಲ‌ ಎರವಲು ಪಡೆದಂತೆ
ನೋವುಗಳೆಲ್ಲವ ಅದರಲಿ‌ ಮರೆಸುವಂತೆ

ಅಪ್ಪನ ಒಲವ ಸಾಕಾರ ಮೂರ್ತಿಯಂತೆ
ಹುಸಿ ಮುನಿಸ ತೋರಿಸಿದಾಗಲು ಸಂತೈಸಿ ಸಲಹುವಂತೆ

ಗುರುವಿನ ಮನಿಸಿರಬೇಕು ದೈವದಂತೆ
ತಪ್ಪುಮಾಡಿದಾಗ ಸೋತಾಗ ದಾರಿ ತೋರುವಂತೆ

ಗೆಳೆಯರ ತುಂಟತನವಿರಬೇಕು ಹಕ್ಕಿಗಳಂತೆ
ಕೆಣಕಿ ಕಿತ್ತಾಡಿ ನಗಿಸಿ ಕನಸುಗಳಿಗೆ ‌ರೆಕ್ಕೆಯ ಕಟ್ಟಿ ಹಾರಿಸುವಂತೆ

ಎಂದು ಕದಡದ ಸಹನೆಯಿರಬೇಕು ತಪಸ್ವಿಯಂತೆ
ನೋವುಗಳನು ಒಪ್ಪಿ ನಗುನಗುತ ಸಾಗುವಂತೆ

ನಗುತ ನಗಿಸಿ ಸದಾ ಸುಳಿದಾಡಬೇಕು ರೇಗಿಸಿ‌ ರಮಿಸಿ ಅಳಿಸಿ ಕಣ್ಣೀರ ಒರೆಸಿ ಅನುರಾಗದ ತಂಗಾಳಿಯಂತೆ
ಆತ್ಮಕೆ ಸಂಗಾತಿಯಂತೆ

- ಶ್ರೀಕಾವ್ಯ

01 May 2017, 04:39 pm

ಕಲ್ಪವೃಕ್ಷ....

ಕಂಡ ಕನಸುಗಳ ಲೆಕ್ಕಿಗ ನೀನು
ನನಸಾದ ಕನಸುಗಳ ದಾಖಲೆಗಾರನು ನೀನು
ನೆನಪಿಟ್ಟ ನೆನಪಾದ ನೋವುಗಳ ಪಾಲುದಾರ ನೀನು
ಮರೆಯಲಾದ ನೋವುಗಳಿಗೆ ಒಡೆಯನು ನೀನು
ಗುಟ್ಟುಗಳಿಗೆಲ್ಲ ಶಾಮೀಲುದಾರನು ನೀನು
ನನ್ನೊಳಗೆ ಮತ್ತೆ ಜನಿಸಿದ ಬಾಲ್ಯಕೆ ಜನಕನು ನೀನು
ಕಣ್ಣೀರನು ನಿನಗೆ ಅರಿಯದೆ ಅಳಿಸಿದ ಸೊಗಸುಗಾರನು ನೀನು
ಭಾವಗಳ‌ ಅರಿತು ಯಾರಿಗು‌ ಸಾರದ ಮೌನಿಯು ನೀನು
ಸರಿದ ಸಮಯದ ಜೊತೆ ನಗುವ ಕಲಿಸಿದ ನಗೆಗಾರನು ನೀನು
ನನ್ನ ಭಾವಗಳ‌ ಮನುಷ್ಯರಿಗಿಂತ ಜತನವಾಗಿ ಕಾಪಾಡಿದ ಕಲ್ಪವೃಕ್ಷವು ನೀನು

- ಶ್ರೀಕಾವ್ಯ

01 May 2017, 01:53 pm

ಈ ಜಗತ್ತು.....

ಕೆಲವೊಂದು ಭಯಾನಕ
ಖಾಯಿಲೆಗಳಿಗೆ
ಔಷಧಿ ಕಂಡು ಹಿಡಿದ
ಈ ಜಗತ್ತು
ನಮ್ಮನ್ನ ಪ್ರೀತಿಸಿ
ಆ ನಂತರ ತಿರಸ್ಕರಿಸಿ
ಹೋದವರನ್ನ ಮರೆಯೋಕೆ
ಯಾವುದೇ ರೀತಿಯ
ಮದ್ದು ಕಂಡುಹಿಡಿಲಿಲ್ಲ
ಅನ್ನೋದೇ ತುಂಬಾ ನೋವಿನ
ಸಂಗತಿ!
ಅನಾಮಿಕ............✍

- ಅನಾಮಿಕ..........

01 May 2017, 09:23 am

ಸಾಗರದ ತೀರದಲ್ಲಿ

ಭಾವ ಸಾಗರದ ತೀರದಲಿ ಒಂಟಿ ನಾನು
ಎನ್ನೋ ಭಾವನೆಗಳನ್ನು ದೂರ ಮಾಡುತ್ತಿರುವ
ನೆನಪುಗಳೆಂಬ ಓ ತೆರೆಗಳೇ ಕಾಲಿಗೆ
ಮುತ್ತಿಕ್ಕುತ್ತಿದ್ದೀರಾ ಅಥವಾ ಅವಳಂತೆ
ಕಾಲು ಎಳೆಯುತ್ತಿದ್ದೀರಾ..?

ಅನಾಮಿಕ............✍

- ಅನಾಮಿಕ..........

01 May 2017, 09:19 am

ಗೆಳತಿ.......

ಬಿಟ್ಟು ಹೋದ ಗೆಳತಿಗೆ......
ನಿನ್ನ ಹೂವಂತಹ ಹೃದಯದಲ್ಲಿ
ಬಾಡಿ ಹೋದ ಪ್ರೀತಿಯ ನೆನಪುಗಳೇಕೆ...?
ಆದರೆ ನೀ ಬಿಟ್ಟು ಹೋದ ನೆನಪುಗಳು ನನಗೆ ಸಾಕೇ...?
ಅನಾಮಿಕ............✍

- ಅನಾಮಿಕ..........

01 May 2017, 09:13 am