ಕಪ್ಪು ಬಿಳುಪಿನ ಮನಸು
ಪಡೆದಿರುವುದು ಬಣ್ಣ ಬಣ್ಣದ ಕನಸು
ಹೋಗುವ ಆಸೆಯು ಅದಕೆ ಕಾಮನಬಿಲ್ಲನೆ ಹರಸಿ
ತನ್ನೊಳಗೆ ತುಂಬಿದ ಕಪ್ಪು ಬಿಳುಪಿನ ಚಿತ್ರವ ಸರಿಸಿ
ಯಾರೊ ಮನಸೊಳಗೆ ಕುಂಚವ ತಂದು ಇಟ್ಟರು
ಮತ್ಯಾರೋ ಬಣ್ಣವ ಕೊಂಡು ತಂದರು
ಇನ್ಯಾರೋ ರಂಗಿನ ಕಾಮನಬಿಲ್ಲ ಬಿಡಿಸಿದರು
ಕಾಮನಬಿಲ್ಲ ನೋಡಿ ಮನಸು ಮಾಡುವುದು ತಕರಾರು
ಕಾಮನೆಗಳದೊ ಕಣ್ಣಮುಚ್ಚಾಲೆ ಆಟ
ಕಣ್ಣ ಮುಚ್ಚಿ ಬಿಡುವುದರೊಳಗೆ ತರುವವು ತೊಳಲಾಟ
ಇವುಗಳ ಪಡೆಯಲು ಮನಸಲಿ ಹುಟ್ಟಲು ಹಠ
ಮನಸೊಳಗೆ ಶುರು ಎಂದು ನಿಲ್ಲದ ಹುಡುಕಾಟ
ಗೆಲ್ಲಿಸ ಬಲ್ಲವು ಬದುಕ, ಮನಸ ಮೇಲೆ ಮಾಡಿ ಸವಾರಿ
ಕಾಮನೆಗಳು ಆಗುವವು ಆಗಾಗ ವೇಷ ಧರಿಸಿ ಪುಡಾರಿ
ಎಚ್ಚರ ತಪ್ಪಿ ಅಪ್ಪಿದರೆ ಮಾಡುವವು ಪ್ರಪಂಚದಿಂದಲೆ ಪರಾರಿ
ಆಗ ಕಾಪಾಡಲು ಆಗದು ಧರೆಗಿಳಿದು ಬಂದರು ಮುರಾರಿ
ಹವಣಿಸುತ್ತಿರುವೆವು ಸಾಧಿಸಲು "ಆರ್ಥಿಕತೆಯಲಿ ಎತ್ತರದ ಸ್ಥಾನ"
ಅದರಿಂದ ಆಗುವುದೇನಿದೆ ಪ್ರಯೋಜನ
ಕೆಲವರ ಮನೆಯಲ್ಲಿಯೇ ಕೊಳೆಯುತ್ತಿದೆ ಕಾಂಚಣ
ಬದುಕುತ್ತಿರುವರು ಕಟ್ಟಿಕೊಂಡು ಅವರದ್ದೆ ಒಂದು ಬಣ
ಅವರಿಗೆ ಅರಿವಾಗಿವುದೆ ಆಗುತಿರುವ ಸಮಸ್ಯೆಗಳ ಉಲ್ಬಣ
ಇನ್ನೂ ಅರ್ಧದಷ್ಟಿದೆ ದೇಶದಲಿ ತೀರ ಬಡತನ
ಆ ಜನರದ್ದು ಹೃದಯ ಶ್ರೀಮಂತಿಕೆಯ ಮನ
ಅವರು ಪ್ರಾಪಂಚಿಕ ಹಕ್ಕುಗಳ ಅರಿವಿಲ್ಲದ ಜನ
ಅವರತ್ತಿರ ಎಲ್ಲಿ ಬರಬೇಕು ಬದುಕಲು ಬೇಕಿರುವಷ್ಟು ಹಣ
ಎಳೆಯಲಾಗದೆ ಜೀವನ ಬಂಡಿಯ ಆಗುತ್ತಿರುವರು ಹೆಣ
ರಾಜಕೀಯದವರು ಹೊತ್ತಿಕೊಂಡಿರುವರು ಅವರ ಋಣ
ಆದರು ತೋರರು ಆಸಕ್ತಿ ಜನ ಹೊಂದಿದರು ಮರಣ
ಅವರೇನಿದ್ದರು ಚುನಾವಣೆ ಸಮಯದಲ್ಲಷ್ಟೆ ಬರುವರು ಹಿಡಿಯಲು ಚರಣ
ಆಮೇಲೆ ಅವರ ಸಿಗುವುದಿಲ್ಲ ಹುಡುಕಿ ಜನರು ಸೇರಿದರು ಮಣ್ಣ
ಇದ ನೋಡಿ ನೋಡಿ ಬಡಜನ ಆಗಿರುವರು ಹೈರಾಣ
ಇದೆಲ್ಲ ಕಂಡರು ಕಾಣದಂತೆ ನೋಡುತ ತೋರುತಿರುವೆವು ಸಣ್ಣತನ
ಪ್ರತಿಭಟಿಸಿ ನೊಂದವರ ಜೊತೆ ನಿಂತು ಯಾವಗ ಸಾರುವುದು ಹಿರಿತನ
ಎಲ್ಲರೂ ಜೊತೆ ಸೇರಿ ಸಮನಾಗಿ ಒಂದೇ ಮನದಿ ಗುರಿಯೆಡೆಗೆ ಸಾಗುವುದಲ್ಲವೆ ಜೀವನ
ಆಗಲೇ ಆಗುವುದು ನಿಜವಾದ "ಆರ್ಥಿಕತೆಯ ಅರ್ಥ" ಸಂಪೂರ್ಣ
ಯಾವಾಗ ಬರುವುದು ಭಾರತ ದೇಶದಲಿ ಅಂಥ ಸುಂದರ ಕ್ಷಣ