Kannada Poems
ಅತಿ ವ್ಯಾಮೋಹಿ ನಾನು
ಎದುರು ಬಂದಾಗ ನೀನು
ನೀನೆನೆ ನನ್ನ ಒಲವಿನ ಜಾನು
ಸೇರಬಹುದೇನು ನಿನ್ನ ನಾನು.......
ನಿನ್ನ ಮುಂಗುರುಳು ಆಡಲು ಜೋಕಾಲಿ
ಸೋತು ಬರುವನು ನೋಡಲು ಆ ತಂಗಾಳಿ
ತನುವ ಸೋಕಿ ತರುವ ನಗುವ ಮುಖದಲಿ
ಆ ಮುದ್ದು ನಗುವಿಗೆ ಶರಣು ನಾನು ನಿನ್ನಲಿ.........
ಕೊಂಚ ಜಾಸ್ತೀನೆ ಮೌನಿ ನೀನು
ಮೌನದ ಗಾಂಭೀರ್ಯ ಚೆಲುವಿಗೆ ಅನುರಕ್ತನು ನಾನು
ನುಡಿಯುತಿರಲು ನಿಲ್ಲದ ಮಳೆಯಂತೆ ನೀನು
ಮಾತಿನಲೆ ಮಾಡಿದೆ ಅನುರಾಗಿಯಾಗಿ ನನ್ನನು......
ನಿನ್ನ ಕಿರುಬೆರಳ ನನ್ನ ಕಿರುಬೆರಳಲಿ ಸೇರಿಸಲೇನು
ನನ್ನ ಉಸಿರಂತೆ ಕಾಯುವೆನು ನಿನ್ನ ನಾನು
ಈ ಉಸಿರಿನ ಹೆಸರೇನೆ ನೀನು
ಮಾಡಬೇಡವೆ ನನ್ನ ವಿರಹಿ ಇನ್ನೂ......
- ಶ್ರೀಕಾವ್ಯ
06 Jun 2017, 11:21 pm
ಮಾಂದಳಿರು ತೋರಣ ಕಟ್ಟಿ
ಮನಸಾರೆ ಮೋಹವ ಬಿತ್ತಿ
ಮುಂಗಾರು ಮೋಡದೊಲುಮೆಯ ನೆಚ್ಚಿ
ಕಾದು ಕುಳಿತೆನಲ್ಲೇ,
ನೀ ಬರುವಿಯೆಂದು ನಲ್ಲೇ...
ಬಂಡೆ ಮೇಲಿನ ಕಿರು
ಬಿರುಕಿನೊಳಗಿನ ಚಿಗುರು
ಹನಿ ನೀರು ಬಿದ್ದರೆ ಕೊನರು
ಅಲ್ಲೇ ಹಸಿ ಪ್ರೀತಿಯ ಬಿಸಿಯುಸಿರು.
ಬತ್ತಿ ಹೋದ ಕಂಗಳಲ್ಲಿ
ಇಲ್ಲ ಹನಿ ದುಃಖದ ಸೆಲೆ
ನೆತ್ತಿ ಕಾದ ಬಿರು ಬಿಸಿಲಲ್ಲಿ
ಬಾಚಿ ತಬ್ಬಿತು ಮೋಸದ ಬಲೆ.
ಮುರಿದು ಬಿದ್ದ ಒಣ ಮುದಿ ಮರ
ಮರಳಿ ತೋರಿದ ಬದುಕುವ ಛಲ
ಕೊರಡು ಕೊನರಿತು
ಎಂಬಂತಾಯಿತು...
- ಶ್ರೀಗೋ.
06 Jun 2017, 10:57 pm
ಬರೆದಿತ್ತು ಮನ ನೆನಪಾದಾಗ
ಪುಟ್ಟದೊಂದು ಕವನ
ಮೋಡದ ಮರೆಯಲಿ
ಸೂರ್ಯನ ಕಿರಣಗಳಂತೆ
ಮನಸ್ಸಿನ ಆಳಕೆ ನೀ ಇಳಿದೆ
ಮನಸ್ಸಿಗ ಎಲ್ಲೊ ಮರೆಯಾಗಿ
ನಿನ್ನುಸಿರು ನನ್ನ ಉಸಿರಾದಾಗ
ಉಸಿರು ಕಟ್ಟಿತು ಸುಮ್ಮನಾಗಿ ದೂರವಾದಾಗ
ಓಡುತಿದೆ ಮನದಲಿ ನೆನಪುಗಳ ಹಿಂಡು
ನರಳಿ ನರಳಿ ಸಾಯುತಿರುವೆ
ನಾನೇಕೆ ಇಂದು...???
- Pb
06 Jun 2017, 10:22 pm
ಜನುಮ ದಿನವು ನಿನದು
ಹರಸುವಾಸೆ ನನದು!!
ನೀ ಕೇಳಲು ನಾ ಹೇಳುವೇ
ಸವಿಮಾತಿನ ಶುಭಾಶಯ!!
ಹರಸುವೆನು ನಾನು ಇಂದು
ನೂರು ಕಾಲ ನೀ ಬಾಳೆಂದು!!
ಸವಿಮಾತಿನ ಸವಿಪ್ರೀತಿಯ
ಆಶಯ ಸುಭಾಶಯ!!
ನೀ ಜನಿಸಿದ ಈ ದಿನವು
ನನ್ನ ಒಲವಿನ ಹಾರೈಕೆ!!
ಹರುಷದಿ ನೀ ನಗುತಿರೆ
ಈ ಬದುಕಿಗೆ ಶುಭೋದಯ!!
ಈ ಬದುಕಿನ ಸಂಧಾನಕೆ
ಸಂಬಂಧವು ಚಿರನೂತನ!!
ಜನುಮ ಜನುಮ ಹೀಗೆಯೇ
ಬೆಸೆದುಕೊಳ್ಳಲಿ ಈ ಬಂಧನ!!
ನೀ ನಗುತಿರು ಖುಷಿಯಾಗಿರು
ಅನುಗಾಲವೂ ಸುಖವಾಗಿರು!!
ಸವಿಮಾತಿನ ಶುಭಾಶಯ
ಹೇಳುವುದೇ ನನ್ನ ಆಶಯ!!
- ಪಿ.ಜಿ.ಜ್ಯೋತಿ
06 Jun 2017, 06:43 pm
ನಿನ್ನ ಕಣ್ಣೋಟಕೆ
ಯಾವ ಬಾಣ ಸಾಟಿಯು!!
ನನ್ನ ಬೆನ್ನ ಬಿಡದೇ
ಹುಡುಕಿ ಬಂದ ಬೇಟೆಯು!!
ನನ್ನ ಏಕಾಂತವನ್ನು
ತಿವಿದು ನೀನು ಕೆಡುವಿದೆ!!
ಬಾಳ ಸಂಗಾತಿ
ಎಂಬ ಮಂತ್ರ ಪಠಿಸಿದೆ!!
ಈ ಯವ್ವನದ ಕುದುರೆನು ಏರಿ
ಓಡಿಸ ಬಂದೆಯಾ ನೀ ಸವಾರಿ!!
ನನ್ನ ಈ ತನುವನು ಮೀಟಿ ನೀನು
ನುಡಿಸ ಬಂದಯಾ ವಾದ್ಯಗಾರ!!
ನಿನ್ನ ತಾರುಣ್ಯದ ರೂಪ ಕಂಡು
ಮನಸೋತು ಮರುಳಾದೆ ನಾನು!!
ನಿನ್ನ ಈ ಮೋಹದ ಮೋಡಿಗೆ ಸಿಲುಕಿ ಮರೆಯಾಯಿತು ನನ್ನ ಏಕಾಂತ!!
- ಪಿ.ಜಿ.ಜ್ಯೋತಿ
06 Jun 2017, 06:24 pm
ಮಂಜಲಿ ಮಿಂದ ಶ್ವೇತಾಂಬರವೆ
ಮುಗ್ಧನಗೆಯ ಕನಕಾಂಬರವೆ
ಸ್ಫಟಿಕಮನದ ನೀಲಾಂಬರವೆ
ನನ್ನಕ್ಕರೆಯ ಸ್ನೇಹಾಂಬರವೆ
ಮರೆಯಲಾಗದ ಸ್ನೇಹವು ನೀ..
ಬಾಳ ಯಾನದ ದಿಕ್ಸೂಚಿ ನೀ..
ಮತ್ತೆ ಮತ್ತೆ ನೆನಪಾಗುವ
ನಲ್ಮೆಯ ಭಾವಬಿಂದು ನೀ...
- Indushekar Chinivar
06 Jun 2017, 06:01 pm
ತಂಪು ಗಾಳಿಯೇ ನೀ
ಗಗನ ಸೋಕಿ ಬಾ!!
ಆ ಮೇಘರಾಜನ ನೀ
ಧರೆಗೆ ಕರೆದು ತಾ!!
ಮೇಘರಾಜನೇ ನೀ
ಕರಗಿ ಸುರಿದು ಬಾ!!
ಈ ಧರೆಯ ಒಡಲಿನ
ಧಗೆಯ ತಣಿಸು ಬಾ!!
ಮಿಂಚು ಬಳ್ಳಿಯೇ
ನಿನ್ನ ಸಂಚು ಅರಿಯೆ ನಾ!!
ಕೊಂಚ ದೂರವೇ ನೀ
ಮಿಂಚಿ ಹೋಗಯಾ!!
ಗುಡುಗ ಸದ್ದಿಗೆ ನಾ
ಬೆದರಿ ಹೋಗುವೆ!!
ಸದ್ದು ಮಾಡದೇ ನೀ
ಮಳೆಯ ಸುರಿಸಯಾ!!
- ಪಿ.ಜಿ.ಜ್ಯೋತಿ
06 Jun 2017, 05:49 pm
ತಿಳಿ ನೀರ ಬಾವಿಯಲ್ಲಿ ಇಣುಕಿ
ನಾ ನೋಡುತ್ತಿದ್ದೆ ನಿನ್ನಯ ಬಿಂಬ!!
ಕಲ್ಲು ಎರಚಿ ಚದುರಿಸಿದೆ ನೀ
ಏತಕೆ ನಿನಲ್ಲಿ ಈ ಒಣ ಜಂಬ!!
ತಿಳಿಯಾದ ಈ ನನ್ನ ಹೃದಯದ
ಕನ್ನಡಿಯಲ್ಲಿ ನಿ‌ನ್ನದೇ ಪ್ರತಿಬಿಂಬ!!
ಹಿತವಾಗಿ ನೀ ಒಮ್ಮೆ ನೋಡು ಎಂದು
ನುಡಿದಿಹುದು ನನ್ನ ಅಂತರಂಗ!!
ನಿನ್ನ ಕಂಡ ಮೇಲೆ ಅರಿಯದೇ
ಆಯಿತು ನನ್ನ ಮನದ ಏಕಾಂತ ಭಂಗ!!
ಅದ ಅರಿತೂ ಕಾಡುವೆ ಏತಕೆ ನೀ
ಬಯಸಿ ಬರಬಾರದೇ ನನ್ನ ಸಂಗ!!
- ಪಿ.ಜಿ.ಜ್ಯೋತಿ
06 Jun 2017, 05:45 pm
ನಿತ್ಯ ಸಂತೋಷ ನೀ ತಂದ ಮೇಲೆ
ಸ್ವರ್ಗವಾಗೋಯ್ತು ಈ ನನ್ನ ಬಾಳು!!
ಬಾಳ ಸಂಗಾತಿ ನೀ ಜೊತೆ ನಡೆದರೆ
ಕಲ್ಲು ಮುಳ್ಳೆಲ್ಲ ಹೂವಂತೆ ಕೇಳು!!
ನಿನ್ನ ನಗೆಗಾಗಿಯೇ ನಿನ್ನ ನುಡಿಗಾಗಿಯೇ
ಕಾದು ಕಳೆದಿರುವೆ ನಾ ಹಗಲು ಇರುಳು!!
ನೀನು ನನಗಾಗಿಯೇ ನಾನು ನಿನಗಾಗಿಯೇ
ಬಾಳು ಸಿಹಿಯಾಯ್ತು ಈ ಒಲವು ಬೆರೆತಾಗಲೇ!!
ಜಿಗಿಯುವ ನಾವೀಗಲೆ ಇರುಳ ಆ ಬಾನಿಗೆ
ತಾರೆಯ ತೋಟದಲ್ಲಿ ಇಂದು ಬೆಳದಿಂಗಳು!!
ಚಲಿಸುವ ಮೋಡದಿ ನಿಂತು ನಾವಿಬ್ಬರೂ
ಕರಗಿ ಮಳೆಯಾಗಿ ಸುರಿದೊಮ್ಮೆ ಧರೆಗಿಳಿಯುವ!!
ಜೋಡಿ ನಗುವಾಗುವ ನಗುವ ಕನಸಾಗುವ
ಕನಸು ನನಸಾಗಿ ಎಂದೆಂದೂ ಜೊತೆ ಬಾಳುವ!!
ಬಾಳ ಈ ಪಯಣದಿ ದುಃಖವ ಮರೆಸುತ
ಸುಖವು ನಮ್ಮದಾಗಲಿ ಎಂದೂ ಹಾರೈಸುವ!!
- ಪಿ.ಜಿ.ಜ್ಯೋತಿ
06 Jun 2017, 05:37 pm
ಜೊತೆಯಲ್ಲಿ ನೀನಿಲ್ಲದೇ
ಏಕಾಂತ ನನ್ನ ಕಾಡಿದೆ!!
ಬದುಕಲ್ಲಿ ನೀ ಬಾರದ
ವನವಾಸ ಸಾಕಾಗಿದೆ!!
ಆ ಕಾಣದ ದೇವರಿಗೆ
ಕೈ ಮುಗಿದು ನಾ ಬೇಡಿದೆ!!
ಬೇರೇನೂ ನಾ ಕೇಳದೇ
ನಿನ್ನನ್ನೇ ನಾ ಕೇಳಿದೆ!!
ಕಣ್ಣೀರು ಕಣ್ಣ ತೊರೆದು
ತಾ ಧರೆಗೆ ಜಾರಿದೆ!!
ಇಬ್ಬನಿಯ ಸಾಲನ್ನು
ಸೇರದೇ ಅದು ಆರಿದೆ!!
ನಿಂತಲ್ಲೇ ನಾ ನಿಂತರೂ
ಮನಸೆಲ್ಲಿಗೋ ಓಡಿದೆ!!
ಕಣ್ಣೆದಿರು ನೀ ಕಾಣದೇ
ಈ ಜಗವೆಲ್ಲ ಬರಿದಾಗಿದೆ!!
- ಪಿ.ಜಿ.ಜ್ಯೋತಿ
06 Jun 2017, 05:31 pm