ಈಗ ಹಕ್ಕಿಗಳಿಲ್ಲ ಕೇಳಲು ಚಿಲಿಪಿಲಿ ಹಾಡು
ಎಲ್ಲೆಲ್ಲೂ ಗುಜು ಗುಜು ವಾಹನಗಳದೆ ಸೌಂಡು
ಅಂದು ಮುಂಬಾಗಿಲಲೆ ಎಷ್ಟೊ ಹಕ್ಕಿ ಹಾಕುತ್ತಿದ್ದವು ರೌಂಡು
ಗದರಿದರು ಹಾರದೆ ಕುಳಿತಿರುತ್ತಿದ್ದವು ಹಿಡಿದು ಮೊಂಡು
ಎಲ್ಲೂ ಕಾಣಲಾಗದು ಈಗ ಒಂದೆ ಒಂದು ಗುಬ್ಬಚ್ಚಿ ಗೂಡು
ಅಂತರ್ಜಾಲದಲಿ ಹುಡುಕುತ್ತಿರುವರು ಅವುಗಳ ಜಾಡು
ಅಳಬೇಕೊ ನಗಬೇಕೊ ತಿಳಿಯದು ನೋಡಿ ಈ ಪಾಡು
ನಳನಳಿಸಿ ಮನೆ ಮುಂದೆಲ್ಲ ಹಬ್ಬಿದ್ದ ಹಸಿರ ಅಳಿಸಿ
ಕಾಡು ನೋಡಲು ದೇಶ ಸುತ್ತುವರು ಹಣವ ಬರಿಸಿ
ಅಭಿವೃದ್ಧಿಯ ನೆಪವ ಎಲ್ಲೆಲ್ಲೂ ಪಸರಿಸಿ
ಕಂಡ ಕಂಡ ಮರಗಳನೆಲ್ಲ ಕೊಂದರು ತರಿಸಿ
ಹುಡುಕಾಡುತಿರುವರು ಎಲ್ಲೆಲ್ಲೊ ಶುದ್ಧ ಗಾಳಿಯ ಹರಸಿ
ಉಸಿರಾಡುತಿರುವೆವು ನಾವು ಕೆಟ್ಟ ಗಾಳಿನೆಂದು ಅಬ್ಬರಿಸಿ
ನಾಡು ಕಟ್ಟತ್ತೇವೆಂದು ಕಾಡು ಕತ್ತರಿಸಿದರು
ಹಣದ ಲಾಲಸೆಗೆ ಕಾಡಿಗೆ ಬೆಂಕಿ ಹೊತ್ತಿಸಿ ಉರಿಸಿದರು
ತಿನ್ನಲು ಹರಸಿ ಕಾಡುಪ್ರಾಣಿ ನಾಡಿಗೆ ಬಂದರೆ ಹೌಹಾರಿದರು
ಅವುಗಳ ಕೊಂದು ಉಳಿಸಿ ಎಮ್ಮನು ಎಂದು ಬೇಡುವರು
ಹನಿ ಹನಿ ನೀರಿಗೂ ಪರದಾಡೊ ಸ್ಥಿತಿ ತಂದಿರುವರು
ಅಳಿದುಳಿದ ಮರಗಳಿಗೂ ನೀರಿಲ್ಲದೆ ಕೊಳ್ಳಿ ಇಡುತ್ತಿರುವರು
ನೀರಿಗೂ ಹೊಡೆದಾಡುತ್ತಿರುವ ನೋವಿಗೆ ನಾವೆ ಕಾರಣರು
ಪರಿಸರ ದಿನವೆಂದು ಆಚರಿಸುವುದರಲ್ಲಿ ಏನಿದೆ ಫಲ
ಎಲ್ಲಿ ಸಿಗುವವು ನಮಗೀಗ ಶುದ್ಧ ಗಾಳಿ, ಕುಡಿಯಲು ಜಲ
ಅವುಗಳು ಸಿಕ್ಕಾಗಲೆ ಆಚರಣೆಯಾಗುವುದು ಸಫಲ
ಇತರೆ ಜೀವ ಜಂತುಗಳಿದ್ದರೆ ಮಾತ್ರ ಮಾನವನಿಗೆ ಸಾವಿಲ್ಲ
ಅಳದುಳಿದವ ಉಳಿಸಿಕೊಳ್ಳುವುದರಲಿ ಅವನಾದರೆ ವಿಫಲ
ಮಾನವನಿಗೆಂದು ಭೂಮಿ ಮೇಲೆ ನೆಲೆಯಿರುವುದಿಲ್ಲ
ಸುಡು ಬಿಸಿಲಲ್ಲಿ ತನ್ನಪ್ಪನಿಗೆ
ನೆರವಾಗಿ ದುಡಿವಳು ತಾಯಿ
ಸುಂದರ ಮನೆಯ ನಿರ್ಮಾಣಕ್ಕೆ
ಅವರು ಕೊಡುವ ಕಾಸಿಗೆ
ಜೆಲ್ಲಿ-ಸಿಮೆಂಟು,ಇಟ್ಟಿಗೆಗಳೆ
ಗೆಳೆಯರಾಗಿ ಬಿಸಿಲಲ್ಲಿ
ರಸ್ತೆಯ ಇಕ್ಕೆಲಗಳಲ್ಲಿ
ನಯ- ನಾಜೂಕಿಲ್ಲದೆ
ಅಮ್ಮನ ತೋಳಿನ ಆಸರೆಗಾಗಿ
ಅಂಬಲಿಸುವ ಪುಟ್ಟ ಕಂದಮ್ಮನು ನಾನು,ಬಲ್ಲವರಾರು ನನ್ನ ನೋವನು?
ನಾ- ಅಮ್ಮನಿಗಾಗಿ ಹಟಮಾಡಿದಾಗ
ಅವಳು ನನ್ನ ಬಡಿದು ಗದರಿಸುವಳು
ಒಡೆಯನು ಏನೆಂದಾನೊ?
ಎಂಬ ಬೀತಿಯಲಿ.....
ನೀ ಯಾಕೆ ಬಂದೆಯೊ
ನನ್ನ ಒಡಲಲ್ಲಿ.......
ಎಂದು ಕಂಬನಿ ಸುರಿಸವಳು
ನೋವಿನಲಿ.....