Kannada Poems

Download App from Playstore. | Privacy Policy

ಅಮ್ಮ, ನಿನ್ನ ನೆನಪು

ಅಮ್ಮ, ನೀನಿರುವಾಗ ಬರಲಿಲ್ಲ ನಿನ್ನ ನೆನಪು,
ನೀ ಬಿಟ್ಟು ಹೋದ ಮೇಲೆ ಕಾಡುತಿದೆ ನಿನ್ನ ನೆನಪು,
ನೀನಿರುವಾಗ ಅರಿಯಲಿಲ್ಲ ನಿನ್ನ ಮಹತ್ವ,
ಇಂದು ನೆನಪಾಗುತಿದೆ ನೀ ತಿಳಿಸಿದ ತತ್ವ,
ಬದುಕಿ ಬಾ ಇನ್ನೊಮ್ಮೆ ನೀನು ನನಗಾಗಿ,
ಸಲಹುವೆನು ಶ್ರಮಪಟ್ಟು ಎಂದೆಂದು ನಿನಗಾಗಿ.

- ರವೀಂದ್ರಬಾಪೂರ(GNL)

19 Jun 2017, 09:20 pm

ಸುರಿಯುತ್ತಿರುವ ಸೋನೆ ಮಳೆಯಲ್ಲಿ

ಸುರಿಯುತ್ತಿರುವ ಸೋನೆ ಮಳೆಯಲ್ಲಿ
ಮುತ್ತಿಡು ಒಮ್ಮೆ
ಸಿಡಿಲು ಮಿಂಚು ಗುಡುಗು
ಇವುಗಳ ಭಯವಿಲ
ನೀ ಜೊತೆಯಲ್ಲಿ ಇರುವಾಗ
ಪ್ರತಿ ಕ್ಷಣವೂ ನಿನ್ನೊ೦ದಿಗೆ ಇರುವೆ

- santhosh

19 Jun 2017, 09:14 pm

ಧೈರ್ಯ

ಧೈರ್ಯವೆಂಬ ಪದಕೆ
ನೀ ಕಾಯುವ ಬದಲಾಗಿ
ನೀ ತಿಳಿಸು ಆ ಧೈರ್ಯಕೆ
ನನ್ನಿಂದ ನೀನೆಂದು........

ಯಾವ ದಾರಿಯು ಕಾಣದ
ಸಮಯದಲ್ಲಿ ನಿನ್ನದಾದ
ದಾರಿಮಾಡು ಜೀವನವೆಂಬ
ಪಯಣದಲ್ಲಿ............

ಬದಲಾವಣೆಗಾಗಿ ಕಾದುನೋಡುವ
ಬದಲಾಗಿ ನಿನ್ನಿಂದ ಶುರುಮಾಡು
ಆ ಬದಲಾವಣೆ ನಿನ್ನ ಉಜ್ವಲ
ಭವಿಷ್ಯಕ್ಕಾಗಿ...........

- ಚುಕ್ಕಿ

19 Jun 2017, 09:12 pm

ಮೋಡದ ಮರೆಯಲಿ...

ಮೋಡದ ಮರೆಯಲಿ
ಸೂರ್ಯನ ಕಿರಣಗಳಂತೆ
ಮನಸ್ಸಿನ ಆಳಕೆ ನೀ ಇಳಿದೆ
ಮನಸ್ಸಿಗ ಎಲ್ಲೊ ಮರೆಯಾಗಿದೆ
ನಿನ್ನ ಹೆಸರೀಗ ನನ್ನ ಉಸಿರಾಗಿದೆ...

- Pb

19 Jun 2017, 08:31 pm

ಹಾರೈಸುವೆ ನಾ ನಿನ್ನ ಮಗುವೆ!

ಬೆಳೆದು ನಿಂತ ಹೆಮ್ಮರವು ನಾನು
ಅರೆ - ಕಾಲ ಒಣಗಿದರೇನು
ಚಿಗುರೊಡೆಯಬಲ್ಲೆನು
ಇಂದಲ್ಲ- ನಾಳೆ........

ನನ್ನಿಂದ ಬಿದ್ದ ಬೀಜವು ನೀನು
ಮೊಳಕೆ ಒಡೆಯಬೇಕಲ್ಲವೇನು
ನಿನ್ನ ರಕ್ಷಣೆ ನನ್ನ ಹೊಣೆಯಲ್ಲವೇನು
ನೀ ನೆರಳಾಗಬೇಕು ಇಳೆಗೆ......

ನೀ ಬೆಳೆಯಬೇಕು
ಜಗದೊಡೆಯನಾಗಿ
ನಾ ಅದ ನೋಡಬೇಕು
ತನ್ಮಯಳಾಗಿ.......

ನಾ ಕಟ್ಟಿಡುವೆ ನಾ ಕಂಡ ಕನಸುಗಳೆಲ್ಲವ ,ತಾತ್ಕಾಲಿಕವಾಗಿ
ನಿನಗಾಗಿ ಮಗುವೆ......

ಆಸರೆಯಾಗು ಅನಾಥರಿಗೆ
ಪೋಷಿಸುವನಾಗು ಪ್ರತಿಭೆಯುಳ್ಳವರನ್ನು
ಸತ್ಪ್ರಜೆಯಾಗು ಇಳೆಗೆ
ಆದರೆ,ದೋಚುವನಾಗದಿರು
ಸೂರ್ಯ- ಚಂದ್ರ ರಿರುವವರೆಗು!


ಶಾರಧ

- ಶಕುಂತಲಾ

19 Jun 2017, 06:24 pm

ಮಿಡಿಯುವ ಹೃದಯ

ನಿನ್ನ ಕನಸು
ನನ್ನ ಕನಸು
ಒಂದೇ ಬಳ್ಳಿಯ ಹೂವ
ನನ್ನ ಪ್ರಾಣ
ನಿನ್ನ ಪ್ರಾಣ
ಎರಡು ಒಡಲ
ಒಂದು ಜೀವ
ತಾಳಲಾರೆ ಇನ್ನು ತಾಳಲಾರೆ
ಬೇಗ ಬಂದು ಈ ವಿರಹ ಬೇಗೆಯ ದೂಡು ಬಾರೆ
ಕೂಡು ಬಾರೆ ನನ್ನ ಕೂಡು ಬಾರೆ
ಈ ನಾಡ ಬಿಟ್ಟು ಆಗೋಣ
ಇಬ್ಬರು ಮಿನುಗೋ ಆಕಾಶ ತಾರೆ.........
ಚೆಲುವೆ ಈ ಹೂವು ನಗುವಾಗ
ದುಂಬಿಗಳ ದಾಳಿಯಂತೆ
ಒಲವೇ ಈ ಮಾವು ಹಿಗ್ಗಿ ಬಿರಿವಾಗ ಕೋಗಿಲೆಗಳ ಗಾನಸುಧೆಯಂತೆ
ಕಣ್ಣಿನ ತುಂಬಾ
ನಿನ್ನಯ ಬಿಂಬ
ಕ್ಷಣ ಕ್ಷಣ ಕಾಡಿದೆ ನನ್ನ....

- ಅಂಜಲಿ

19 Jun 2017, 12:04 am

ತುಂತುರು / ಸೆಳೆತ

ಕುಡಿ ನೋಟಕೆ ಶರಣದೆ ನಾ
ಮೊದಲ ಪ್ರೇಮದ ಸಂಚಲನ
ಮೈಯೆಲ್ಲ ರೋಮಾಂಚನ
ಕಾಡುವೇ ನೀ ಅನುಕ್ಷಣ

ನಡೆಸಬೇಕಾಗಿದೆ ನಿನ್ನೊಡನೆ
ಜೀವನದಲಿ ಒಲವಿನ ಪಥಸಂಚಲನ
ಅಂಗೈಯಲಿಟ್ಟು ನಿನ್ನ ಹೆಜ್ಜೆ ನಡೆಸುವೆ
ನಿನ್ನ ಮುದ್ದಿಸಿ ನಾ ಬೀಗುವೆ

ಕನಸಿನ ಲೋಕದ ಕಿನ್ನರಿ ನೀನು
ನನ್ನೆದೆಯ ಆಗಸದ ಬೆಳದಿಂಗಳೆ
ಧನ್ಯಾಗಿಸು ಗೆಳತಿ ನನ್ನ ಪ್ರೇಮಿಸಿ
ಆಲಿಸು ನನ್ನ ಎದೆ ಬಡಿತ ನನ್ನೆದೆಗೆ ಒರಗಿ .

ಕಣ್ಣಲೆ ಕರಗುತಿದೆ ಇರುಳು
ಹಗಲರಿದರೆ ನಿನ್ನೋಲವಿನ ಅಮಲು
ಬೇಡವಾಗಿದೆ ಯಾರ ಒಡನಾಟ ಇನ್ನೂ
ಬೇಡುವೆ ನಾ ಕೇವಲ ನಿನ್ನನು.

ಏಕಾಂಗಿ ನನಗೆ ಏಕಾಂತ ಸನಿಹ
ಬೇಕಿಲ್ಲ ಯಾರು ನಿನ್ನ ವಿನಹ
ಆಡಿ ಕಾಡದಿರು ಕನಸಲಿ
ಬಂದು ನೆಲೆಸು ನೀ ನನ್ನ ಜೀವನದಲಿ .

- Chandni

18 Jun 2017, 11:39 pm

ನನ್ನ ಒಂದು ಕ್ಷಣ ಬಿಟ್ಟು ಹೋಗುವುದಾದರೆ................

ಒಂದು ಕ್ಷಣ ನನ್ನ ಬಿಟ್ಟು ಹೋಗುವುದಾದರೆ
ಹೇಳಿಹೋಗೋ ನಿನ್ನ ನೆರಳಿಗೆ ನನ್ನವಳ ಜೊತೆಗಿರು ನೇರಳೆ ಅವಳು ಒಂಟಿಯಾಗುವಳೆಂದು...................

ನೆನೆದು ನೆನೆದು ಆ ಒಂದು ಕ್ಷಣ ನಿನ್ನ ಮಾತನು ನನ್ನ ನಾನು ಮರೆತೊಗುವೆ ನಿನ್ನಲ್ಲಿ................
ಕಪ್ಪಾದರು ನಿನ್ನ ನೆರಳು ಕಾಣುವೆ ನಾನು ಅದರಲ್ಲಿ ನಿನ್ನ ಮುದ್ದಾದ ನಗುವನ್ನು.................

ನೀನೇ ನನ್ನೊಡನೆ ಇರುವೆಯೆಂದು ನೆನೆದು ಮಾತನಾಡುವೆ ,ಆಟವಾಡುವೆ, ನಗುವೆ ಅಳುವೆ
ಕೋಪಿಸಿಕೊಳ್ಳುವೆ ,ಸ್ನೇಹಿತಳಾಗುವೆ ಪ್ರೇಯಸಿಯಾಗುವೆ................

ನನ್ನಲ್ಲಿನ ನಿನ್ನನ್ನು ಆ ನೆರಳಿಗೆ ತೋರಿಸುವೆ
ನಿನ್ನಲ್ಲಿ ನಾ ನೋಡಿದ ನನ್ನ ಮೇಲಿನ ಪ್ರೀತಿಯ ಭಾವನೆಗಳನ್ನು ಒಂದೊಂದು ಬಣ್ಣವಾಗಿ ಬದಲಿಸಿ
ನಿನ್ನ ನೆರಳಿಗೆ ರೂಪ ಕೊಡುವೆ ನಿನ್ನನ್ನಾಗಿ ಮಾಡಿ ನನ್ನ ಎದೆಯಲ್ಲಿ ಬಚ್ಚಿಡುವೆ ಎಲ್ಲಿಗೂ ಹೋಗದಂತೆ ನಿನ್ನ ಕಟ್ಟಿ ಹಾಕುವೆ....................

- ಚುಕ್ಕಿ

18 Jun 2017, 08:52 pm

ನಮ್ಮನೆ ದ್ಯಾವ್ರು

Wish you happy Fathers day
___________________

ನಿನ್ ಹೆಗ್ಲ್ ಮ್ಯಾಲೆ ಕೂರಿಸ್ಕೊಂಡು
ತೋಳಿನ್ ಮರೇಲಿ ಮಲ್ಗಿಸಿ
ಬರೇ ಉಪ್ಪು ಮೆಣಸಿನ್ಕಾಯಿ ಗೊಜ್ಜ್ಗಾಲಿ
ಹಾಲು ತುಪ್ಪ ತಿಂದಂಗ್ ತಿನ್ಸಿ
ನಮ್ನ್ ಬೆಳ್ಸಿ ಸಾಕಿದ್ ನನ್ನಪ್ನೇ
ನೀನ್ ನಮ್ಮನೆ ದ್ಯಾವ್ರು

ನನ್ನಪ್ಪ್ನೇ ನೀನು ಕಲ್ಬಾವಿ ಕಬ್ಬಿನ್ಗದ್ದೆ
ಸಂಪಾರ್ಸ್ದಿದಿದ್ರೂ
ಆದ್ರೂ ಅದೇಟ್ ಕಷ್ಟ್ವ ಬಂದ್ರು
ಅದನ್ನ್ ಬೇವಿನ ಕಷಾಯ ಕುಡ್ದಂಗೆ
ಗಟ ಗಟನೇ ಕುಡ್ದು
ನಮ್ಗೆಲ್ಲಾ ಬೆಲ್ದ್ ಪಾನ್ಕ
ಕುಡಿಸಿದ್ ಮಾರಾಯ ನೀನು

ಹೊಲ್ದಾಗ್ ಬೆಂದ್
ಮನೇಗ್ ನೊಂದು
ಬಾಳ್ನಾಗ್ ಕಷ್ಟ್ಗಳು
ನಿನ್ಗೇ ಆಕಾಸ್ದಾಗಿರ ಸುಕ್ಕಿಗ್ಳಂಗಿದ್ರು
ಮುಗಿಲ್ ಮ್ಯಾಗಿನ್ ಚಂದ್ರ್ನಂಗೆ
ಮಿನುಗ್ದೋನ್ ನೀನು

ಅವತ್ತಿನ್ ಬಂದ್ಗಳ್ಳಿ ಅಂತಾ ಬದುಕ್ನಾ
ಇವತ್ ಮಲ್ಗೆ ಹೂಬಳ್ಳಿ
ಮಾಡ್ದೋನ್ ನೀನು
ನಮ್ಮನೆ ಸಂಸಾರದ್ ಬಂಡಿಗೆ
ಕಡಾಣಿಯಾಗಿ
ನಿನ್ ಸಂತೋಸ್ವ ಕಡಿಕ್ ಸರ್ಸಿ
ಮಕ್ಳುಗಾಗೆ ನಿನ್ ಜೀವ್ನಾನ
ಗಂಧ ತೇದ್ದಂಗೆ
ತೇದ್ದೋನ್ ನೀನು

ನಿನ್ ಪಿರೀತಿ
ಆಕಾಸ್ದಷ್ಟೇ ಇಸ್ರಾಮು
ನಿನ್ ಮಮ್ಕಾರ ಅಂತೂ
ಹಾಲ್ ತುಂಬಿರಾ ಸಮುದ್ರ್ದಂಗೆ

ನಿನ್ ಈ ಮಮ್ಕಾರಕ್ಕೆ
ಋಣಿಯಾಗಿರ್ತೀನಿ
ನಿನ್ನ್ ಎದ್ಯಾಗ ತುಸು
ಸೂರ್ ಕೊಡು ನನ್ನಪ್ನೇ

- ಪ್ರಕುಲ್

18 Jun 2017, 07:30 pm

ಅಪ್ಪನ ಕಣ್ಣಲ್ಲಿ

*ಅಪ್ಪನ ಬಗ್ಗೆ ಒಂದಿಷ್ಟು.....*
➖➖➖➖➖➖➖➖
ಅಪ್ಪನ ಕಣ್ಣಲ್ಲಿ
ಯಾವತ್ತೂ
ನೀರಿಲ್ಲ
ಅಪ್ಪ ನೋವು
ನುಂಗಿ
ಇಂಗಿದ ಬಾವಿ !

ನಾವು
ಅಳುವಾಗಲೆಲ್ಲಾ
ಅಪ್ಪ ಸಂತೈಸುತ್ತಿದ್ದ
ಅಪ್ಪ ಅಳುವುದಿಲ್ಲ
ಸಂತೈಸಲು
ಅಪ್ಪನಿಗೆ ಅಪ್ಪನಿಲ್ಲ !

ಅಪ್ಪ ಒಬ್ಬನೇ
ನಕ್ಕಿಲ್ಲ
ನಗುವಾಗ ನಗಿಸುತ್ತಿದ್ದ
ನೋವು ಹಂಚಲಿಲ್ಲ
ಮರೆಯಲ್ಲೇ
ನುಂಗಿದ್ದ !

ಅಮ್ಮನ ಕಣ್ಣೀರಿಗೆ
ಅಪ್ಪ ಕರಗುವ
ಮೌನಿಯಾಗಿ....
ಗೋಡೆ ನೋಡುತ್ತಾ
ಸೋತು
ಒರಗುವ !.

ಅಪ್ಪನ ಮಾತಿಗೆ
ಮನೆ ತುಂಬಾ
ಮೌನ
ಅಪ್ಪನ ಮೌನಕ್ಕೆ
ಮನೆಯೇ
ಸ್ಮಶಾನ !.

ಅಪ್ಪನ ಸಾಧನೆಗೆ
ಅಮ್ಮನಿಗೂ
ಸನ್ಮಾನ
ಅಪ್ಪ ಸೋತಾಗ
ಅಮ್ಮನಿಗೂ..
ಅನುಮಾನ !

ಅಪ್ಪ ಗಂಧದ
ಕೊರಡು...
ಮನೆ ತುಂಬಾ
ಪರಿಮಳ
ತೇದು ತೇದು
ಸವೆದಿದ್ದು
ಯಾರಿಗೂ
ತಿಳಿಯಲಿಲ್ಲ!

ಅಪ್ಪನ ಏಟು
ನಮ್ಮ ತಪ್ಪಿಗೆ
ನೋವು ಮರೆಸಿದ್ದು
ಮದ್ದಲ್ಲ....
ಅಪ್ಪನ ಅಪ್ಪುಗೆ!

ಅಪ್ಪನ ಬಗ್ಗೆ
ಒಂದಿಷ್ಟು
ಸಣ್ಣವನ ಮಾತು
ಅಪ್ಪ
ಸಣ್ಣವನಲ್ಲ
ದೇವರಿಗೂ ಗೊತ್ತು!

ಅಪ್ಪಾ ....
ಲೋಕ ಮೆಚ್ಚದಿರಬಹುದು
ನಿನ್ನ.....
ನನಗಂತೂ
ನೀನು ಅಪರಂಜಿ
ಅಪ್ಪಟ
ಚಿನ್ನ !!.


✍

- Rahul manoj v r

18 Jun 2017, 07:17 pm