ಜೀವನವೆಂಬ ದಾರಿಯಲಿ ಓಂಟಿಯಾಗಿ ನಡೆಯುತ್ತಿರುವೆ ಅದರ ನಡುವಿನಲಿ .
ಕಣ್ಣಿಗೆ ಕಂಡ್ಡದ್ದೆಲ್ಲ ಮರೆಯಾಯಿತಲ್ಲ.
ದೊರೆತ ಪ್ರೀತಿಯು ನಶ್ವರ ವಾಯಿತಲ್ಲ.
ಕತ್ತಲು ಕವಿದಿರುವ ಮನಸ್ಸಿನಲ್ಲಿ ಎಣ್ಣೆ ಬತ್ತಿ ಇಡಿದು ನನ್ನ ಜೀವನದಲ್ಲಿ ಬೆಳದಿಂಗಳ ದೀಪವನ್ನು ಹಚ್ಚಲು ಯಾರು ಇಲ್ಲ.
ನನ್ನ ಬಾಳು ಕತ್ತಲಿನ ಕೊಟೆಯಾಯಿತಲ್ಲ.
ನಾ ಕತ್ತಲಿನಲಿ ಕಣ್ಣಿದ್ದರು ಕುರುಡನಾಗಿ ಬದುಕುತ್ತಿರುವೆನಲ್ಲ.
ಕಾಲವೆಂಬ ಚಕ್ರದಲ್ಲಿ ಸುತ್ತುವ ಬುಗುರಿಯಾಯಿತಲ್ಲ ನನ್ನ ಈ ಜೀವನ
ಹ್ರುದಯವೆಂಬ ಅರಮನೆಯಲ್ಲಿ ನನ್ನವಳ ನೆನಪಿಗಾಗಿ ಓಂದು ಸುಂದರ ಸೌಂದರ್ಯ ಬರಿತ ಶಿಲ್ಪವನ್ನು ಕೆತ್ತಿ ಅದರಲ್ಲಿ ಅವಳ ಅಂದವ ಕಡೆನು ನಾನು .
ನಿನ್ನ ಸುಂದರವಾದ ಶಿಲೆಯನ್ನು ಕಂಡಾಗ ಅದರಲ್ಲಿರುವ ನಿನ್ನ ಭಂಗಿಯು ಸೌಂದರ್ಯ ಲಹರಿಯ ಇಂಪಾದ ಸಂಗೀತ ಸುಧೆ ನಿನ್ನೊಳಗೆ ಅಡಗಿ ಕುಳಿತಿದ್ದಂತೆ ನನ್ನ ಮನದಲ್ಲಿ ಸ್ವರಗಳ ಇಂಪಾದ ನಾದವು ಕೇಳಿಸಿತು. ಓ ನನ್ನ ಅಪ್ಸರೆಯೆ ...
ನೋಡಲು ಹೋದೆನು ನವ ವಧುವನ್ನು
ಘಂ ಎಂದು ಮಲ್ಲಿಗೆ ಹೂವಿನ ಪರಿಮಳ
ಇಣುಕಿ ನೋಡಿದೆನು ಸುಂದರ ಹುಡುಗಿಯ
ಬಾಗಿಲ ಮರೆಯಲ್ಲಿ ಪರದೆ ಸರಿಯುವಾಗ
ಅಂದದ ಬೆಡಗಿ ನಾಚಿಕೆ ತುಂಬಿದ ವದನ
ಆದರೂ ಕಿರು ನೋಟದಿಂದ ನೋಡಿದಳು
ಇಹ ಲೋಕದ ಚೆಲುವಿನ ಚಿತ್ತಾರ ಕಣ್ಣೆದುರು
ಇವಳೊಂದಿಗಿದ್ದರೆ ಜೀವನ ಆಹಾ ಎಂತಹ ಸುಖ
ಕಲ್ಪನಾ ಲಹರಿ ಮನದಾಳದಲ್ಲಿ ಹರಿಯುತಿತ್ತು
ಕೊಡುತೆಗೆಯ ವಿಚಾರ ವಿನಿಮಯ ನಡೆಯುತಿತ್ತು
ಮಾತುಕತೆ ನೆಗೆದು ಬಿತ್ತು ಸಂಬಂಧ ಕುಸಿಯಿತು
ಮನದಲ್ಲೇ ಶಾಪವ ಹಾಕುತ್ತಾ ಹೆಜ್ಜೆ ಸಾಗುತ್ತಿತ್ತು ಮುಂದಿನ ಆನ್ವೇಷಣೆಯ ನೆನೆಯುತ್ತಾ