ಬಾನ ಹಕ್ಕಿ ಹಾರುವ ವೇಳೆ
ಉದಯ ರವಿಯು ಮೂಡುವ ವೇಳೆ
ಈ ನನ್ನ ಹೃದಯ ಮಿಡಿಯುವ ವೇಳೆ
ಆಕಾಶದಲ್ಲಿ ಚಂದ್ರನ ಉದಯವನ್ನೆ
ಕೊಲ್ಲುವಂತ ನಿನ್ನ ಪಾದದ ನಡುಗೆಗೆ
ನನ್ನ ಈ ಹೃದಯ ಹಾಸಿ ನಿಲ್ಲುವೆ
ನನ್ನ ಪ್ರೀತಿಯ ಒಡತಿ
ಮೌನದಲಿ ಕೂಡಿಡಲಾಗದ
ಮಾತಿನಲಿ ಹೇಳಲಾಗದ
ಸ್ವರಗಳು ತಟ್ಟುತ್ತಿವೆ ಮನಸಿನ ಕದ
ಹೇಳಲೆಂದೆ ಬರೆಯಬೇಕಿದೆ ಕಾಗದ
ಬರೆಯಲೆಂದು ಕೂಡಿಸಿರುವೆ ಲೆಕ್ಕವಿಲ್ಲದಷ್ಟು ಪದ
ನೂರಾರು ಕಾಗದ ಗೀಚಿದರು
ಹೇಳೆಲೆಂದು ಕೂಡಿಟ್ಟ ಪದಗಳು ಕಳೆದು ಹೋದರು
ಎಂದೂ ಈ ಕಾಗದಕೆ ಕೊನೆಯಿಲ್ಲವೆಂದು ತಿಳಿದರು
ಮತ್ತೆ ಮತ್ತೆ ಬರೆಯುವೆ ತುಂಬಿ ನನ್ನೆಲ್ಲ ಭಾವಗಳ ಉಸಿರು
ಹೇಳಬೇಕು ತುಂಬಾ ನಿನಗೆ
ಮಾತಾಗದ ಮೌನವು ಮನಸಿನೊಳಗೆ
ಕೊನೆಯಿಲ್ಲ ಹೇಳಬೇಕೆನಿಸುವ ಮನಸಿನ ಮಾತಿಗೆ
ತೋಚದಾಗಿರುವೆ ಹೇಗೆ ಹೇಳಲಿ ಕನಸುಗಳ ನಿನಗೆ
ನೀ ಜೊತೆಯಾಗಿರುವ ಕ್ಷಣವೆಲ್ಲ ನನಗೆ ವಿಸ್ಮಯ
ನನ್ನ ನಗುವೆ ನೀನಾಗಿರಲು ನಿನ್ನಲಿ ನಾನು ತನ್ಮಯ
ಕೈ ಹಿಡಿದು ನಡೆಸು ನನ್ನ ನಿನ್ನ ಜೊತೆಯಲಿ,
ನಿನ್ನ ಹೊರತು ಬೇರೇನು ಬೇಡ ಜಗದಲಿ
ನಿನ್ನ ಉಸಿರೆ ನನ್ನ ಜೀವಕೆ ಹೆಸರಾಗಲಿ