ಹೊರಟಿರುವೆನಮ್ಮ ಹೊಸ್ತಿಲ ದಾಟಿ
ಎಲ್ಲರದೆಯಲ್ಲೂ ಬೀಳ್ಕೊಡುವ ನೋವ ಮೀಟಿ
ನಾ ಕಂಡ ತಾಯ ಮಡಿಲಾಗುವುದಿನ್ನು ಅಪರಿಚಿತ
ಎತ್ತಾಡಿಸಿದ ಅಪ್ಪನು ದೂರಾಗುವುದು ಖಚಿತ
ಈ ಎಲ್ಲ ನೋವುಗಳು ನಂಟಿನ ಹೆಸರಲಿ ನನಗೆ ಉಚಿತ
ಹೇಳಿ‌ರುವರು ಕೊಟ್ಟ ಹೆಣ್ಣು ಕುಲಕೆ ಹೊರಗೆಂದು
ತಾವು ಕಂಡ ಕೂಸೆ ನಮ್ಮವಳಲ್ಲವೆಂದು ನೊಂದು
ಪರರ ಮನೆಯ ಸೊತ್ತಂತೆ ಇನ್ನೂ ನಾನೆಂದು
ಆಡಸಿ ಬೆಳೆಸಿದವರೆ ಪರರಾಗುತಿರುವರು ನನಗಿಂದು
ಹುಟ್ಟಿದ ಮನೆಗೆ ಅತಿಥಿಯಾಗುವೆ ತಿಳಿಯೆನು ಯಾಕೆಂದು
ಉಡುಗೆ ತೊಡುಗೆ ಬದಲಾಗಬೇಕಿದೆ ಅಪ್ಪನ ಬೀಳ್ಕೊಡುಗೆಯಲಿ
ಇನ್ಯಾರೊ ಜೊತೆಯಾದವರ ಸಲಹಬೇಕು ಅಮ್ಮನ ಕಾಳಜಿ ಅಕ್ಕರೆಯ ನೆನಪಿನಲಿ
ಒಡಹುಟ್ಟಿದವರು ಕಾಣೆಯಾಗುವರು ಬೇರೆ ಮನೆಯ ಸ್ವತ್ತೆಂಬ ಆತಂಕದಲಿ
ನನ್ನೊಳಗಿನ ನನ್ನನೆ ಮರೆಯಬೇಕಿದೆ ಇನ್ಯಾರದೊ ಮನೆಯ ಸೇರುವ ನೆಪದಲಿ......
ಅಳಿಸಿಬಿಡಲೇ ನಿನ್ನ ಹೆಸರು
ಬಿಗಿ ಹಿಡಿದು ಈ ನನ್ನ ಉಸಿರು
ಮರೆತಂತ ನೆನಪು ಸಾಲಾಗಿ ನಿಂತಿದೆ
ಕನಸಲ್ಲಿ ಆಗಾಗ ಎದುರು
ಮನಸಲ್ಲಿ ನೀನಿನ್ನು ಹಸಿರು
ನೀ ಮಾಡಿ ಹೋದಂತ ಕತ್ತಲ ಬದುಕಿಂದ
ಅಳಿಸಿಬಿಡಲೇ ನಿನ್ನ ಹೆಸರು
ಬಿಗಿ ಹಿಡಿದು ಈ ನನ್ನ ಉಸಿರು
ತೊರೆದುಬಿಡಲೇ ಬೇಗ ನಿನ್ನ
ನೀ ಸನಿಹ ಬರುವ ಮುನ್ನ
ಕರೆದಂತೆ ನೀನು ದೂರದಿ ಎಲ್ಲೋ
ನನ್ನನ್ನೇ ಮತ್ತೆ ಮತ್ತೆ ಈಗ
ಕಾಣಿಸು ನೀ ಒಮ್ಮೆ ಬೇಗ
ಒಂಟಿಯಾಗಿ ಸಾಗುವ ಈ ನನ್ನ ಬದುಕಿಂದ
ತೊರೆದುಬಿಡಲೇ ಬೇಗ ನಿನ್ನ
ನೀ ಸನಿಹ ಬರುವ ಮುನ್ನ
ಮನ್ನಿಸಲೇ ನಾನೇ ಸೋತು
ಕೈ ಚಾಚಲೇ ಎಲ್ಲಾ ಮರೆತು
ಹಿಂತಿರುಗಿ ತೆಗೆದ ಪುಟಗಳಲ್ಲಿ ಮಲಗಿದೆ
ನನ್ನೆದೆಯ ಮೊದಮೊದಲ ಮಾತು
ಅಳುತ್ತಲಿದೆ ನೆನಪೊಂದು ಕುಳಿತು
ನೀ ಬಿಟ್ಟು ಹೋದಂತ ಕುಂಟು ಕನಸೊಂದನ್ನು
ಮನ್ನಿಸಲೇ ನಾನೇ ಸೋತು
ಕೈ ಚಾಚಲೇ ಎಲ್ಲಾ ಮರೆತು
ಬೆಳಕರಿದು ಇಬ್ಬನಿಯ ಚಳಿಯಲ್ಲಿ
ನೀ ನಡುಗುತ್ತಿದ್ದರೆ ಆ ಚಳಿಯ ತಂಗಾಳಿಗೆ
ಚಾವಡಿಯಲ್ಲಿ ಚಹವಿಡಿದು ಕುಂತಾಗ ನಿನ್ನ
ಜೊತೆಗೆ ಕಂಬಲಿಯೋದ್ದು ಚಹಾವನ್ನು ಕುಡಿಯುವಾಸೆ ನನಗೆ................
ಬೆಚ್ಚಗೆ ನಿನ್ನ ಮಡಿಲಲ್ಲಿ ತಲೆಯಿಟ್ಟು ಮಲಾಗುವಾಸೆ ನಿನ್ನ ಉಸಿರ ಬಿಸಿಯಲ್ಲಿ ತುಂತುರು ಮಳೆಯ ಗಮ್ಮತ್ತಿಗೆ
ಸೋತ ನನ್ನ ಮನಕೆ.................
ಅರೇಬಿಚ್ಚಿದ ಕಣ್ಣಿಂದ ನಿನ್ನ ಕಣ್ಣಲ್ಲಿ ಕಣ್ಣಿಟ್ಟು ನೋಡುತ್ತಾ ಚಳಿಯ ತಂಪಿಗೆ ಅದುರುತಿರುವ
ತುಟಿಗಳಿಗೆ ಚಹಾದ ರುಚಿಯ ಸವಿಸುತ್ತಾ ಮಲೆನಾಡ ಚೆಲುವನ್ನು ಆನಂದಿಸುವ ಆಸೆ ನನಗೆ..
ಎತ್ತ ನೋಡಿದರೂ ಉದ್ದನೆಯ ಮರಗಳು ಆಕಾಶದ ತುದಿ ಮುಟ್ಟಿ ನೆಲಕ್ಕೆ ಮುತ್ತಿಡುವಂತೆ
ಎದ್ದು ನಿಂತಿವೆ ಹಸಿರು ತುಂಬಿ ವಾರಂಗಣದ ತುಂಬೆಲ್ಲ...............
ಮಂಜು ಮುಸುಕಿದೇ ಸುತ್ತಲಿನ ಪರಿಸರವೆಲ್ಲಾ ನಾವು ನೋಡಬಾರದೆಂದು ತಾನು ಮೆಚ್ಚಿದ ಪ್ರಕೃತಿಯ ಮನೋಹರ ಸೊಗಸನ್ನು
ನಿನ್ನ ಪ್ರೀತಿಯ ವಿಸ್ತಾರದಷ್ಟು..............
ಕೈಯಲ್ಲಿನ ಹಬೆಯಾಡುವ ಚಹಾ ಮುಗಿಯುವಷ್ಟರಲ್ಲಿ ನಿನ್ನ ಸೇರಲೆಂದು ಹೊರಟಿರುವೆ ಗಾಳಿಯಿಂದ ಬೇರಾಗದ
ನೀರಿನಅಂಶ ನಾನಾಗುವಂತೆ..................