ನೀ ಬಂದೆ ನನ್ನ ಕನಸಲ್ಲಿ
ನನ್ನ ಅನುಮತಿ ಇಲ್ಲದೆ
ತುಂಬಿದೆ ಬೆಳದಿಂಗಳು ಮನದಲ್ಲಿ
ಚಂದ್ರನ ಅವನತಿ ಇಲ್ಲದೆ
ಆ ಬೆಳದಿಂಗಳಲ್ಲಿ ಮಿಂದು ಬಂದರೆ ಮಾತ್ರ
ನಿನಗಿಲ್ಲಿ ಉಚಿತ ಪ್ರವೇಶ
ಬಣ್ಣಗಳಿಗೆ ಕೊನೆಯಿಲ್ಲದ ಲೋಕ
ಬಯಕೆಗಳು ಕೈಗೂಡುವ ಲೋಕ
ಕನಸುಗಳು ನನಸಾಗುವ ಲೋಕ
ಎಲ್ಲರಿಗೂ ಬಲು ಇಷ್ಟವಾದ ಆ ಕನಸಿನ ಲೋಕ
ನನ್ನ ಕನಸಿಗೆ ಬಣ್ಣ ತುಂಬುವುದಾದರೆ ಮಾತ್ರ
ನಿನಗಿಲ್ಲಿ ಉಚಿತ ಪ್ರವೇಶ
ಬಾಡುವುದಿಲ್ಲ ಹೂಗಳು ಅಲ್ಲಿ
ಚಿಟ್ಟೆಗಳ ಓಟ ನಿಲ್ಲದು ಅಲ್ಲಿ
ಸೂರ್ಯನ ಶಾಖ ಮುದ್ರಿಸದು ಅಲ್ಲಿ
ಸಂತೆ-ಗದ್ದಲವಿಲ್ಲ
ಭ್ರಮೆ-ವಾಸ್ತವದ ಅರಿವಿಲ್ಲ
ಈ ಕನಸನ್ನು ನಿಜವೆಂದು ನಂಬಿ ಬಂದರೆ ಮಾತ್ರ
ನಿನಗಿಲ್ಲಿ ಉಚಿತ ಪ್ರವೇಶ
ಒಲವು ಕುಣಿದು ಕುಪ್ಪಳಿಸುವ ಪ್ರೇಮಲೋಕ
ಸಾವು ಸವರಿದರೂ ತಿಳಿಯದ ಮಾಯಾಲೋಕ
ಕಾದಿರುವೆ ನಲ್ಲ ನೂರು ಮಾತನ್ನಾಡಲು
ಮರೆತಿರುವೆ ಎಲ್ಲಾ ನೀ ನನ್ನ ನಗಿಸಲು
ಕನಸುಗಳು ಮತ್ತೆ ಮರುಕಳಿಸುವ ಬಯಕೆಗಳು
ಸಾವಿರ ಮುತ್ತಿಟ್ಟು ನಂಬಿಕೆಯ ನೆರಳಾಗಿ ಕೂನೆವರೆಗೂ ನನ್ನೊಡನೆ ಇರುವುದಾದರೆ ಮಾತ್ರ
ನಿನಗಿಲ್ಲಿ ಉಚಿತ ಪ್ರವೇಶ
ಪ್ರೀತಿ ತೊರೆದು ಒಲವು ಬಚ್ಚಿಡಲು ಅನಿವಾರ್ಯ
ಜೋತೆಗಿದ್ದು ದೂರ ಬಾಳುವುದು ಅನಿವಾರ್ಯ
ಮಾತು ಬಂದರು ಸನ್ನೆ ಮಾಡುವ ಅನಿವಾರ್ಯ
ಕಷ್ಟವಾದರು ಸಹಿಸಿಕೊಳ್ಳಬೇಕಾದ ಅನಿವಾರ್ಯ..
ದುಃಖವಿದ್ದರು ಸಮಾಜದೆದುರು ನಗುವ ಅನಿವಾರ್ಯ
ಇಷ್ಟವಿದ್ದರು ಕಳೆದುಕೊಳ್ಳುವ ಅನಿವಾರ್ಯ
ಪ್ರಾಮಾಣಿಕವಾಗಿರ ಬೇಕೆಂದರು ಸುಳ್ಳು ಹೇಳುವ
ಅನಿವಾರ್ಯ
ಅವಶ್ಯವಾಗಿರುವುದನ್ನು ಗಳಿಸಲು ಸಂಬಂಧಗಳನ್ನು ನಾಶಮಾಡಿಕೊಳ್ಳುವ ಅನಿವಾರ್ಯ..
- aish
ಮೊಡದ ಮರೆಯಲ್ಲಿ.ಸಿಡಿಲೊಡೆಯುತಿದೆ ಅದರ ನಡಿವಿನಲಿ.
ಮಿಂಚೊಂದು ಹಾದು ಹೊಗುತಿದೆ ಈ ಕ್ಷಣದಲ್ಲಿ.
ತುಂತುರು ಮಳೆ ಹನಿಯು ಮೈ ಸೊಕುತಿದೆ ಇ ಧರೆಯಲ್ಲಿ.
ನಾ ನಡೆಯುತಿರುವೆ ಅದರ ನಡುವಿನಲಿ .
ಇ ಮುಸ್ಸಂಜೆ ಹೊತ್ತಿನಲಿ.
ನನ್ನ ಗೆಳೆಯರಿಗೆ ಹೆಳುತಿರುವೆ ನಾ ಇ ಕ್ಷಣಲ್ಲಿ.
ಜಿನುಗುತಿರುವ ಮಳೆಯಲ್ಲಿ .ಅವರನ್ನು ನೆನೆಯುತಿರುವೆ ನನ್ನ ಮನದಲ್ಲಿ.
ಶುಭಕೊರುತಿರುವೆ ಇ ಸಂಜೆಯಲಿ
ಶುಭಸಂಜೆ ಗೆಳೆಯರೆ
ಹೇಳಿ ಹೋಗಬಾರದಿತ್ತೆ ಕೂಸೆ
ತಾಯಿಯ ಮಮತೆಗಿಂತ
ಪ್ರೀತಿಯ ವ್ಯಾಮೋಹ ಹೆಚ್ಚು ಆಯಿತೇ ?
ನೀ ಬಯಸಿದವಳನ್ನು ನಾ ಮಗಳಾಗಿ ನೋಡಿಕೊಳ್ಳಲಾಗದವಳೇನು
ನನ್ನ ಹೃದಯ ಬಡಿತ ಗಿಂತ
ಪ್ರೀತಿಯ ಮಿಡಿತ ಮಿಗಿಲಾಯಿತೇ ?
ನಿನ್ನ ಅಪ್ಪನ ಆಕ್ರೋಂದನ ನಾ ಹೇಗೆ ಸಮಾಧಾನ ಮಾಡಲಿ ಕೂಸೆ
ಒಡಹುಟ್ಟಿದವರ ಆಸೆಗಳಿಗೆ ತಣ್ಣೀರು ಎರಚಿ ಹೊರಟು
ಹೋಗುವ ಮುನ್ನ ಅರೆಕ್ಷಣ ಯೋಚಿಸಬಾರದಿತ್ತೇ ಕೂಸೆ ?
ಮುಪ್ಪಿನಲ್ಲಿ ನೀನೆ ಆಸರೆಯಾಗುವೆಂದು ಹಂಬಲಿಸಿ
ಕಷ್ಟಗಳ ಮರೆಮಾಚಿ
ಸದಾಕಾಲ ನಿನ್ನ ನಗು ಬಯಸುತ್ತೀದೆ
ನೋವುಗಳಿಂದ ಸವೆದಿರುವ ಮನಕೆ
ಮತ್ತಷ್ಟೂ ನೋವಿನ ಕೊಳ್ಳಿ ಇಟ್ಟು ಹೋಗುವ ಮುನ್ನ ಒಮ್ಮೆ ಯೋಚಿಸಬಾರದಿತ್ತೇ ಕೂಸೆ ?