Kannada Poems

Download App from Playstore. | Privacy Policy

ಸಾಲು ಕಂಬಗಳ ಹಾದಿಯಲ್ಲಿ

ಸಾಲು ಕಂಬಗಳ ಹಾದಿಯಲ್ಲಿ
ಸಾಲು ದೀಪಗಳ ನಡುವೆ ರಾತ್ರಿಯಲ್ಲಿ!!
ಏಕಾಂಗಿಯಾಗಿ ನನ್ನವಳು
ಸಾಗಿ ಬರುತಿಹಳು ನಾನು ಇರುವಲ್ಲಿ!!

ಆ ಮೋಡದ ರವಿಕೆಯನು ಹೊದ್ದು
ನೀಲ ಬಾನಿನ ಸೀರೆ‌ ಮೈಗೆ ಸುತ್ತಿಸಿಕೊಂಡು!!
ತಾರೆಗಳ ಒಡವೆಯ ಮಣಭಾರ ಹೇರಿಕೊಂಡು
ಬೀಗುತಲೇ ನನ್ನೆಡೆಗೆ ಸಾಗಿ ಬಂದಿಹಳು!!

ಚಂದ್ರನ‌ನೇ ಹಣೆಬೊಟ್ಟಾಗಿಸಿ ನಗುನಗುತಲೇ
ಬೆಳದಿಂಗಳ ತಾ ಹೊತ್ತು ತಂದಿಹಳು!!
ನೈದಿಲೆಯ ನಾಚಿಕೆಯು ತುಂಬಿರುವ ಕಣ್ಣುಗಳು
ಅನುರಾಗದಿಂದ ನನ್ನ ಬಾ ಎಂದು ಕರೆದಿಹವು!!

ಆ ಮದನ ಕನ್ನಿಕೆಗೆ ಶರಣಾಗಿ ನಿಂತಿರುವೆ
ವಲಿದು ಬಂದವಳ ನಾ ದೂರಲಾರದೇ!!
ಭಾವದಲಿ ಮೈ ಮರೆತು ಬೆಸೆದುಕೊಂಡಿಹ
ಒಲವು ಬೆರೆತು ಹೋಯಿತು ಈ ಬದುಕಿನೊಡನೆ!!

- ಪಿ.ಜಿ.ಜ್ಯೋತಿ

17 Jul 2017, 09:45 am

ಜನ್ಮ ನಿಂದನೆ...

ದೇವರು ಮಾಡಿದ ಮೋಸಕೆ ನನ್ನ ಈ ಜನ್ಮ ಮತ್ತು ಈ ಜನ,
ಕೊಳಕು ಮನಸ್ಸಿನ ಮನುಜರಿಗೆ ದೇವಸ್ಥಾನದಲ್ಲಿ ಮಜ್ಜನ,
ನಾ ಬಯಸಿದ್ದೆನೆ ಈ ರೀತಿ ಜನ್ಮ..??
ಸಾಕು ಸಾಕಾಯಿತು ಈ ನಯವಂಚಕ ಜನರ ಜೊತೆ ಈ ಜನುಮ,
ಕರುಣಿಸು ದೇವಾ ಪ್ರಾಣಿಪಕ್ಷಿ ಸಂಕುಲದಲ್ಲಿ
ನನ್ನ ಮುಂದಿನ ಮರುಜನ್ಮ.....

Spb..@#

- Spb...@#

17 Jul 2017, 01:01 am

ಕಲ್ಲು ಮನಸು..

ಕರಗಿದರೂ ಕಲ್ಲು,
ಕರಗದೆ ನಿನ್ನ ಕಲ್ಲು ಮನಸು,
ಕರಗದ ಆ ಮನಸು,
ಕರಗುವ ಕಲ್ಲಿಗಿಂತ ಕಡೆ
ಓ ಮನಸೇ...

- Spb...@#

16 Jul 2017, 06:03 pm

ನೀ ನಗಲು ಸ್ವರ್ಗ

ಬಾ ಬಾ ನನ್ನ ಚೆಲುವಿನ ತಾರೆ
ಬೊರ್ಗರೆವ ಕಡಲ ತೊರೆಯಂತೆ
ಉಕ್ಕುವ ಹಾಲಿನ ನೊರೆಯಂತೆಣ್
ನಲುಮೆಯ ಭಾವ ಸೊಗಸಾದ
ಹೂವಂತೆ .

- shree

16 Jul 2017, 05:41 pm

ಹಗಲುವೇಷ

ಸಿರಿವಂತಿಕೆಯ ಬಡಿವಾರ ತುಂಬಿರಲು ಮನಕೆ
ಕಾಣದು ಬಡತನದ ವೇದನೆಯು ಕಣ್ಣಿಗೆ

ಆಡಂಬರದ ಜೀವನ ಬರಿ ಕ್ಷಣಗಳ ಎಣಿಕೆ
ಆಗಸದೆತ್ತರಕೆ ಹಾಕುವ ಕನಸುಗಳ ಹೆಣಿಕೆ

ದುಡ್ಡಿನ ದರ್ಪದ ಪೊರೆ ಕಣ್ಣ ಮೇಲಿರಲು
ಪ್ರೀತಿ ಅಕ್ಕರೆಯ ಸಿಹಿಯ ಸವಿಯದು ಮನವು

ಕ್ಷಣ ಸನಿಹ ನೀರ ಮೇಲಿನ ಗುಳ್ಳೆ ಮಾಯವಾಗಲು
ಬೇಡುವುದು ಮನಸು ಬರಿ ಆಸೆಗಳ ಹವಣಿಕೆಯ

ಸಂಪದವ ಗಳಿಸಿ ಸಾಹುಕಾರರಾದರೇನು
ತೂರಿದರು ಸಂಬಂಧಗಳ ಬಿರುಗಾಳಿಯ ಒಡಲಿಗೆ

ಎಲ್ಲವನು ಗೆಲ್ಲಲು ಬೇಕಿಲ್ಲ ಈ ಹಗಲುವೇಷ
ಸಾಕು ಪ್ರೀತಿಯ ನಡೆ ನುಡಿಯ ನಾಲ್ಕು ಮಾತು ಜೀವಕೆ ....

- Irayya Mathad

16 Jul 2017, 04:17 pm

ಕವನ ಮನಸ್ಸು

ಹಣ್ಣೆಲೆ ಉದುರಲೇಬೇಕು,
ಮಣ್ಣಿಲ್ಲಿ ಬೆರೆತು ಅಮೃತವಾಗಲು,
ಕವನ ಮನಮುಟ್ಟಬೇಕು,
ಕವಿಯ ಮನಸ್ಸು 'ಸಂಜೀವಿನಿ' ಆಗಲು.

- Srinivasakavana

16 Jul 2017, 10:45 am

ಬಿಂಬ

ಕಣ್ಣಿಂದ ನೋಡಿದ ಬಿಂಬ ನಿನ್ನದು
ಅಲ್ಲಿಂದ ಹೊರಡಿದ ಮಾತಿನ ಮಧುರ
ನನ್ನ ಮನಸ್ಸಿನಲ್ಲಿನ ನಿನ್ನ ಪ್ರೀತಿಯದ್ದು........

- ಚುಕ್ಕಿ

16 Jul 2017, 10:15 am

ಆಷಾಢ ಗಾಳಿ ಬಿಸಿರಲೂ

ಆಷಾಢ ಗಾಳಿ  ಆಗಸದಿ ಬಿಸಿರಲು
ಆನಂದ ಬೋಜನವಾ ಉದರದಲ್ಲಿ ಸರಿದಿರಲು
ಕಾಲಗಳ ಸರಿದುಗಿಸೋ ಗಳಿಗೆಯ
ಸಂಗಮವ ಸಡಿಲಿಸೋ  ಕಾಲ ಆಷಾಢಗಾಲ....

ಹೊಟ್ಟೇಲಿ ಕಾಲಕೆಜಿ ಮನೆಯಲಿ ಪಾವಕೆಜಿ
ಬಿದಿಬಂಡೀಲಿ ಪೌಣಾಕೇಜಿ ಒಟ್ಟನಲ್ಲಿ ಕೈಬಾಯಿಗೆ
ಕೆಲಸದ  ಕಲಿಸುವಕಾಲ
ಜಗಳವಾಡುವಗಾಲ ಆಷಾಢಗಾಲ ಆಷಾಡಗಾಲ್.....

ಶುದ್ದ ಗಾಳಿಯ ಗುಳಿಗೆಯ ನುಂಗಿ
ಸತ್ತು ಸೌರಗಿರುವಾ ದ್ರಾಕ್ಷವಾ ಅಮಲ ಸವಿದು 
ಬ್ರುಸ್ಟಾನ ಬಾಡೂಟ ಉಂಡು 

ಸದ್ದು ಮಾಡದೆ ಕುಂಡೆಯುರಿ ಮುಂಡೆದಿದಿರು 
ನಾಕಾಣೆ ನಾಚಿಕೆಯ ನಾಲಿಗೆಯ ಒಳಹಿಡಿದು
ಗಬ್ಬನ್ನೇ ಗಮ್ ಗಮಿಸಿಸೋ ಸುವಾಸಮಾನಗಾಲ್..
ಕಿತ್ತೊದ ರಂಧ್ರಗಳ ಕಿಡಕಿಯ  ಮುಚ್ಚಿಸೋಗಾಲ....

ಅದುವೇ ....ಆಶಾಡ....ಗಾಲ್ಲ ಮಜೆಯ ತರುುುವ 
ಇದುವೇ ಆಷಾಢ . ಕಾಲ...........

- ಪ್ರದೀಪ.ಮ.ಪಾಡಮುಖೆ

16 Jul 2017, 06:22 am

ಬೆಂಕಿ ಹಚ್ಚುವವರು

ತನ್ನ ಬಲವಾದ
ಏಟಿಗೆ
ಬಲಿಯಾದವನ್ಯಾರೆಂದು
ಪಾಪ
ತಲವಾರಿಗೆ ಗೊತ್ತಿಲ್ಲ...
ಆದರೆ ತನ್ನನ್ನು
ಕ್ರೌರ್ಯಕ್ಕೆ
ಬಳಸಿದ ಕಟುಕನ
ಮೇಲೆ ಕೋಪವಿದೆ ...

ತಾನು ಯಾಕೆ
ಕೊಂದೆನೆಂಬುದು
ಕೊಲೆಗೆಡುಕನಿಗೆ
ಗೊತ್ತಿಲ್ಲ
ಕಷ್ಟದಲ್ಲಿದ್ದವರನ್ನು
ಮತ್ತಷ್ಟು ಕಷ್ಟಕ್ಕೆ
ನೂಕಿ ಜೈಲು
ಪಾಲಾದವನಿಗೆ
ಕುಟುಂಬದವರ
ಶಾಪವಿದೆ..

ತನ್ನಷ್ಟಕ್ಕೆ ಇದ್ದ
ತನ್ನನ್ನು ಯಾಕೆ
ಕೊಂದರೆಂದು
ಬಲಿಯಾದವನಿಗೂ
ಗೊತ್ತಿಲ್ಲ
ಹೆತ್ತ ಕರುಳ
ಉಸಿರು ನಿಲ್ಲುವವರೆಗೂ
ಶಾಶ್ವತವಾದ
ನೋವಿದೆ...

ಕೊಂದವನು
ಎರಡು ಕುಟುಂಬವನ್ನು
ನೋವಿನ ಕಡಲಿಗೆ
ನೂಕಿ, ಜೈಲಿಗೆ ಹೋಗಿ
ಸಾಧಿಸಿದಾದರೂ
ಏನು ???

ಹೆತ್ತವರ ನೋವಿನ
ಲಾಭ ಪಡೆದವರು
ನಾಡಿಗೆ ಬೆಂಕಿ
ಹಚ್ಚುವವರ
ಹುಡುಕಾಟದಲ್ಲಿ
ತೆರೆಮರೆಯಲ್ಲಿ
ಹೊಂಚು ಹಾಕುತ್ತಿದ್ದಾರೆ
ಸಾಯುವವನಿಗಾಗಿ
ಜೈಲಿಗೆ
ಹೋಗುವವನಿಗಾಗಿ.

- ಅಲ್ತಾಫ್ ಬಿಳಗುಳ

- ಅಲ್ತಾಫ್ ಬಿಳಗುಳ

15 Jul 2017, 11:45 pm

ಹೊಂಗನಸ ಬಾಳಿಗೆ ಹೊಸ ಚಿಲುಮೆ ಚಿಮ್ಮಲಿ

ಹಸಿರಾಗಲಿ ಚಿಗುರೊ ಬಳ್ಳಿಯ ಬಾಳಲಿ
ತಿಳಿಆಗಸದಿ ನದಿಹರಿಯಲಿ ಸುಳಿಸಿಗದೇ ಝರಿ ಝರಿಯಾಗಿ ಪಸರಿಸಲಿ ನವಜೋಡಿಯ ಹೊಂಗನಸ ಹೊಸ್ತಿಲ ಹೊಂಬಾಳಲಿ

ಆ ಬಾನಂಗಳದಿ ಸುಡುತಿರಲಿ ಸೂರ್ಯಕಿರಣ್
ಈ ಭೂಮಂಡಲದ ಕಿರಣ ತಂಪೆರೆಯಲಿ ಸರು ಮನದ ಮನೆಯ ಅಂಗಳದಿ


ಜಿನುಗೊ ತುಂತುರು ಮಳೆ ಹನಿ ಹನಿಯ
ಅರಿವ ಬಾಳಲಿ ಬೆಳಗಲಿ ಜಿಟಿಮಳೆಯ ಬೆಳದಿಂಗಳವಾ 
ಇದೆಲ್ಲವ ಜರುಗಲಿ ನಿಮ್ಮಿಬರ  
ಶುಭ ಗಳಿಗೆಯ ದಿನದಿ

✍✍ಪ್ರದೀಪ✍✍

- ಪ್ರದೀಪ.ಮ.ಪಾಡಮುಖೆ

15 Jul 2017, 11:05 pm