Kannada Poems

Download App from Playstore. | Privacy Policy

---

ಪಾಲಿಸಬೇಕು ಬದುಕಲಿ

ಚಂದನಕೆ ಸಿರಿ ಚಂದನಕೆ
ಕಸ್ತೂರಿ ಕಂಪನದ ಬಂಧನವೇ!!
ಚಿಗುರಿನ ಎಲೆಗಳಿಗೆ
ವಸಂತ ತುಂಬಿದ ಸಂಭ್ರಮವು!!

ಹೂಗಳಿಗೆ ಹೂಬನದೊಳಗೆ
ಪರಿಮಳದ ಸರಿಗಮವೇ!!
ಶ್ರೀಗಂಧವೇ ಸುಗಂಧವೇ
ಘಮಿಸಿ ಹೊರಡಿಸು ಸಂಗೀತವ!!

ಆಲ ಬೇಲ ಮಾವು ಬೇವು
ಹಸಿರಿನ ನೀಡೋ ಮರಗಳೇ!!
ಹಸಿರಿ‌ನ ಈ ಉಸಿರಲಿ
ಬೆರೆತ ಜೀವದ ವರಗಳೇ!!

ಸಸಿ ನಡುತಿರೇ ನೀ ಖುಷಿಯಲಿ
ಕಸಿದು ಕೊಳ್ಳದ ಹರುಷವು!!
ವನ ಬೆಳೆಸಲು ಮನ ತಣಿವುದು
ನೀ ಪಾಲಿಸಬೇಕು ಬದುಕಲಿ!!

- ಪಿ.ಜಿ.ಜ್ಯೋತಿ

19 Jul 2017, 12:29 pm

---

ಕನವರಿಕೆ

ನಿದಿರೆಯಲಿ ಕನವರಿಕೆ
ಏನೋ ಚಡಪಡಿಕೆ!!
ಎದ್ದಾಗ ಮನವರಿಕೆ
ಕನಸಿನ ಚಟುವಟಿಕೆ!!

ಯಾರದೋ ನೆರಳಿನ
ಗೋಚರವು ಕನಸಲ್ಲಿ!!
ಎದ್ದಾಗ ಯಾರೆಂಬ
ಯೋಚನೆಯು ಮನದಲ್ಲಿ!!

ಸದ್ದಿಲ್ಲದಂತೆ ನಿದ್ದೆಯಲಿ
ಬಂದು ಹೋಗುವರಾರೋ!!
ಎದ್ದಾಗ ಎದುರಲ್ಲಿ
ಇಲ್ಲದಿರುವವರು ಯಾರೋ!!

ಏನು ಮಾಡಲೀ ಕನಸೇ
ಕಲುಕದಿರು ಮನಸನ್ನು!!
ಬರುವುದಾದರೆ ಬಂದು
ಕಾಣೊಮ್ಮೆ ನೀ ನನ್ನನ್ನು!!

- ಪಿ.ಜಿ.ಜ್ಯೋತಿ

19 Jul 2017, 12:25 pm

---

ಪ್ರತಿ ಮಿಡಿತ ಅವಳು

ಮಲ್ಲಿಗೆಯ ಮೈ ತೂಕದ
ಚೆಲುವೆಯು ಅವಳು!!
ಮೆಲ್ಲಗೆ ಬಂದು ನನ್ನೆದೆಯಲಿ
ಅಡಿಪಾಯ ಹಾಕಿದಳು!!

ಹಾಲು ಬೆಳದಿಂಗಳಿನ
ಓಕುಳಿಯಲಿ ಮಿಂದವಳು!!
ಬಳ್ಳಿಯ ಮೈ ಮಾಟದ
ಅಪರೂಪದ ಚೆಲುವೆ ಅವಳು!!

ನೀಲ ಮೇಘಗಳ ಕಂಡು
ಮೈ ಮರೆತವಳು!!
ಮಳೆಹನಿಗಳ ಸೆರಗ
ಹೊದ್ದು ನಗುತಿರುವವಳು!!

ಅಪರೂಪದ ಕನ್ಯೆ ನನಗಾಗಿ
ಅವ‌ನಿಯಲ್ಲಿ ಜನಿಸಿಹಳು!!
ಅವಳೇ ನನ್ನವಳು
ನನ್ನೆದೆಯ ಪ್ರತಿ ಮಿಡಿತ ಅವಳು!!

- ಪಿ.ಜಿ.ಜ್ಯೋತಿ

19 Jul 2017, 12:13 pm

---

ಹಳೆಯ ನೆನಪು

ಮರೆತಿರುವ ವಿಷಯವೊಂದು
ಅಸ್ಪಷ್ಟ ಕನಸಿನಲಿ
ಮತ್ತೆ ನೆನಪಿಗೆ ಬರುವ
ರಣ ಪ್ರಯತ್ನ ನಡೆಸಿಹುದು!!

ಮರೆತು ಹೋಗಿರುವ
ಬಹಳ ಹಳೆಯ ವಿಷಯವದು
ಎಷ್ಟೇ ಪ್ರಯತ್ನಿಸಿದರೂ
ಮತ್ತದೇ ಅಸ್ಪಷ್ಟತೆಯ ಉತ್ತರ!!

ಏನು ಮಾಡಲಿ ಹೇಳು
ಹೇಗೆ ಹುಡುಕಲಿ ನಾ
ಮರೆತಿರುವ ಆ ಹಳೆಯ ನೆನಪಿನ
ಸ್ಪಷ್ಟತೆಯ ರೂಪ!!

ಕನಸಿಗಾದರೂ ಸರಿಯಾಗಿ
ಇಲ್ಲ ನೆನಪಾಗಿಯಾದರೂ
ಬಂದುಬಿಡು ಒಮ್ಮೆ ನೀ
ನಾ ಮರೆತಿರುವ ಹಳೆಯ ನೆನಪೇ!!

- ಪಿ.ಜಿ.ಜ್ಯೋತಿ

19 Jul 2017, 10:03 am

---

ಮಳೆಯ ಬರಿಸು ಮನುಜ

ಮಳೆಯ ಬರಿಸು ಮನುಜ
ನೀ ಬರವ ನೀಗಿಸು ಮನುಜ!!
ಮರವ ಬೆಳೆಸು ಮನವ ತಣಿಸು
ಧರಣಿಗೆ ನೀ ನೀರ ಉಣಿಸು!!

ಚಿಗುರೆಲೆಗಳಲ್ಲಿ ಆನಂದ
ಆ ಹರುಷದಿ ಮಳೆಯ ಆರಂಭ!!
ಗಿರಿ ವನಗಳಲ್ಲಿ ಹಸಿರು ತುಂಬಿ
ಹಸಿರಿನಲ್ಲಿ ಉಸಿರು ತುಂಬಿ!!

ನದಿ ತೊರೆಗಳೆಲ್ಲ ಪುಳಕಗೊಂಡು
ಮೈದುಂಬಿ ಉಕ್ಕಿ ಹರಿದು!!
ಧರಣಿಗೆ ಹೊಸ ಹರುಷವನ್ನು
ಬರುವ ನೀಗಿಸಿ ಕರೆತರಲಿ!!

ನವ ಉಲ್ಲಾಸದಿ ಬದುಕ ಕಟ್ಟಿ
ಬದಿಕಿಗೊಂದು ಮರವ ನೆಟ್ಟು!!
ವರವ ಕರುಣಿಸು ಮನುಜ
ನೀ ಮಳೆಯ ಬರಿಸು ಮನುಜ!!

- ಪಿ.ಜಿ.ಜ್ಯೋತಿ

19 Jul 2017, 09:42 am

---

ಕವನವೇ

ಕವನವೇ ಕವನವೇ
ಕವಿಯು ಬರೆದ ಕವನವೇ!!
ಕವಿಯ ಮನದ ಭಾಷೆ ಅರಿತು
ಪದಗಳಾಗಿ ಬಂದೆಯಾ!!

ಕವಿಯ ಕಲ್ಪನೆಯ ಕೂಸಿನಂತೆ
ನೀನು ರೂಪುಗೊಂಡೆಯ!!
ಕವಿಯು ನಿನ್ನ ಜನುಮ ದಾತ
ಅವ‌ನಿಗೇನು ಕೊಡುವೆ ನೀ!!

ಕವಿಯ ಉಸಿರ ಭಾಶೆಯೇ
ನೀ ಪದದಿ ಬೆರೆತ ಕವಿತೆಯೇ!!
ಕವಿಯ ಬದುಕಿನ ಚರಿತೆಯ
ನೀ ಸ್ವರದಿ ಕಲೆತ ರಾಗವೇ!!

- ಪಿ.ಜಿ.ಜ್ಯೋತಿ

19 Jul 2017, 09:31 am

---

ಯಾಕ ಬಂದಿ ಸರದಾರ

ಯಾಕ ಬಂದಿ ನೀ ಸರದಾರ
ಏನ ಹೆಸರು ನಿಂದು!!
ಏನ ಕೇಳಿ ನಂಬಲಿ ನಾನ
ಈ ನಿನ್ನ ವರಸೆಯನ್ನ!!

ದುಂಡು ಮೊಗದ ಚಲುವಿನ
ಮ್ಯಾಲ ಚಿಗುರು ಮೀಸೆ ಕಾಣ!!
ನಟನಿ ಎಂದು ಉಹಿಸಲೇ ಬೇಕು
ನಿನ್ನ ನಗುವ ಕಂಡು!!

ನುಂಗಿ ಬಿಡುವ ನೋಟ ಯಾಕ
ಆಚೆ ಹೊರಳಿಸ ನಿನ್ನ ಕಣ್ಣ!!
ನಿಲ್ಲದಿರು ನೀನ ಇಲ್ಲಿ
ದೂರ ಸರಿದು ಹೋಗು!!

ಬೇಲಿ ಮ್ಯಾಗಿನ ಮುಳ್ಳಿನ ಗಿಡದ
ಹೂವಿನಂಗ ನಾನು!!
ನನ್ನ ಸಂಗ ಬಯಸಿದರ ನೀ
ನೋಯಬೇಕು ಚಲುವ!!

- ಪಿ.ಜಿ.ಜ್ಯೋತಿ

19 Jul 2017, 09:17 am

---

ಮತ್ತೆ ಹಾಡಿತು ಕೋಗಿಲೆ

ಪುನಃ ನೀ ನನ್ನೋಡೆ ಸೇರಿ ಆಡಿದ ಮಾತು,,,
ಹಾಲು ಜೇನಿನಂತೆ ಹೃದಯದಲಿ ಬೆರೆತು,,,

ಉಲ್ಲಾಸ ಉತ್ಸಾಹದ ಚಿಲುಮೆಯೊಂದು ಜೀವ ಪಡೆದಿದೇ
ನನ ತುಂಟ ಯೋಜನೆಗಳಿಗೆ ಕಣ್ಣಲೇ ಸಹಿ ಬೇಕಿದೆ

ಕಿಲರುಬೆರೆಳಲೇ ನಿನ್ನ ಮೈಯ ಸೋಕಲೇ,,,
ಸೋತಿರುವ ಈ ಜೀವಕೆ ಉಷ್ಣ ನೀಡು ನಿನ ಬಿಸಿ ಉಸಿರಲೇ,,,

ಆಡದ ನೂರುಮಾತು ಕೇಳದ ಭಾವನೆಗಳ ವಿವರಿಸಿ ಹೇಳಬೇಕಿಲ್ಲ,,,
ನನ್ನಲಿ ನೀನು ನಿನ್ನಲಿ ನಾನು
ಇರುವಾಗ ಮೌನವೇ ಎಲ್ಲಾ,,

ಪುನಃ ನನ್ನೋಡೆ ಸೇರಿ ನೀ ಆಡಿದ ಮಾತು
ಹೊಸ ಕನಸ ಬಿತ್ತಿದೆ ಹೃದಯದಲೇ ಕೂತು

- pavan

19 Jul 2017, 08:06 am

---

ನಗಬೇಡ ನನ ಮುಂದೆ

ದಯವಿಟ್ಟು ನಗಬೇಡ ನೀನೆಂದಿಗೂ ನನ ಮುಂದೆ
ಹೃದಯವ ಹಿಡಿದಿಡಲಾರೆ ನಕ್ಕರೆ ನೀ ನನ ಮುಂದೆ

ನಿನ್ನ ನಗುವು ಬರಿ ನಗುವಾಗಿ ಉಳಿಯದೆ
ನನ್ನ ಕನಸಿಗೂ ಎಟುಕದಷ್ಟು ಸೊಗಸಾಗಿ ಬೆಳೆದಿದೆ

ಅದು,
ನನ್ನ ಹೃದಯ ಮಿಡಿತವ ಹೆಚ್ಚಾಗಿಸಿದೆ
ನನ್ನ ಮನಸ್ಸನ್ನು ಹುಚ್ಚಾಗಿಸಿದೆ
ನನ್ನ ತನುವನು ಬೆಚ್ಚಗಾಗಿಸಿದೆ
ನನ್ನ ಬಾಳಿಗೆ ನೆನಪುಗಳ ಅಚ್ಚೊತ್ತಿದೆ
ನನ್ನ ಜೀವಕೆ ಪ್ರೀತಿಯ ಕಿಚ್ಚು ಹಚ್ಚಿದೆ

ನೀ ನಕ್ಕಾಗ ನನ್ನ ಹೃದಯಕೆ
ಸಾವಿರಾರು ಸಿಡಿಲುಗಳು ಬಡಿದಿದೆ

ಸಿಡಿಲುಗಳು ಬಡಿದರೂ ಕಡಲುಗಳೇ ಹುಕ್ಕಿದರೂ
ನನ್ನ ಹೃದಯ ನಿನ್ನ ನಗುವ ಬೇಡುತಿದೆ

- ಅಕವಿ

18 Jul 2017, 09:47 pm

---

ಪದೇ ಪದೇ....

ಪದೇ‌ ಪದೇ ಭಾನ‌ ನೋಡಿ
ಕರೆದಿದೆ ಭುವಿಯು ಹಾಡಿ
ದೂರದಲಿ ಸೇರಿವೆ ಜನುಮಗಳ ಜೋಡಿ
ಹಿಂಬಾಲಿಸಲು ಮರೆಯಾಗುವರು ದೂರ ಓಡಿ

ಪ್ರೇಮ ಸಂದೇಶ ವಿನಿಮಯಿಸಿವೆ ಆ ಬಾನಾಡಿ
ತಂಪೆರೆದಿದೆ ಇಬ್ಬರಿಗೂ ಮೋಡಗಳೆಂಬ ಒಡನಾಡಿ
ಮುತ್ತಿನ ಮಳೆ ಹರಿದಿದೆ ಹನಿಗಳ‌ ರೂಪ ಧರಿಸಿ
ಹಚ್ಚ ಹಸಿರಾಗಿಸಿರುವನು ಅವನು ಅವಳ ರಮಿಸಿ‌

ಬಿಸಿಲಲಿ ಕಣ್ಣಾಮುಚ್ಚಾಲೆಯಲಿ ಸುರಿಸಲು ಮುತ್ತಿನ ಮಳೆ
ಕಾಮನಬಿಲ್ಲ ಉಡುಗೊರೆಯ ಕಂಡು‌ ರಂಗೇರುವಳು ಇಳೆ
ಅವರೊಳಗೆ ಉಳಿದಿದೆ ಎಂದಿಗೂ ಕೊನೆಯಾಗದ ಸೆಳೆತ
ಅತಿ ಸುಂದರ ಜಗದಲಿ ಅವರಿಬ್ಬರ ಮಿಳಿತ

ಇನಿಯಳಿಗಾಗಿ ಅವನು ಕೈಯ ಚಾಚೆ
ಸಂಧಿಸಿರುವರು ಇಬ್ಬರು ಅಪ್ಪಿ ಕಡಲ ಆಚೆ
ಸಮಯದ ಪರಿಮಿತಿಯೇ ಇರದೆ ಇರುವರು ಜೊತೆಗೂಡಿ
ಎಂದಿಗೂ ಇವರೆ ಒಬ್ಬರಿಗೊಬ್ಬರು ದೂರಾಗದ ಒಡನಾಡಿ

- ಶ್ರೀಕಾವ್ಯ

18 Jul 2017, 06:46 pm

---