Kannada Poems

Download App from Playstore. | Privacy Policy

ಪ್ರೀತಿಯ ನೆನಪಲಿ...

ಪ್ರೀತಿಯ ನೆನಪಲಿ
ಮನಸಿನ ಮನೆಯಲಿ
ಬಿಡಿಸಿರುವೆ ಕನಸುಗಳ ರಂಗೋಲಿ
ಕಟ್ಟಿರುವೆ ಪ್ರೀತಿ ತೂಗಲು ಅಲ್ಲೊಂದು ಜೋಕಾಲಿ
ನೀ ಬರುವ ದಾರಿಯಲ್ಲೆಲ್ಲ ಹೂವುಗಳ ಚೆಲ್ಲಿ

ನಿನ ಬಾಳಲೆಂದು ತರುವೆ ಮೃದು ಮಲ್ಲಿಗೆಯ ಕಂಪು
ನನ್ನೆದೆಯ ವನದಲಿ ನಿನಗೆಂದು ಹೊಂಗೆ ನೆರಳ ತಂಪು
ತುಂಬುವೆನು ಮನಸಿನ ಮಾತಿಗೆ ಹಕ್ಕಿಗಳ ಇಂಪು
ಕಾಯುವೆ‌‌ ನಾ ನಿನ್ನ ಪ್ರೀತಿಗೆ ತಾಗದಂತೆ ಮುಪ್ಪು

ಜಗವೇನೆ ಜರಿದು ಅಂದರೂ
ನಾವಗೋಣ ಕಿವುಡರು
ಯಾರು ಕಂಡು ನಕ್ಕರು
ನಾವಿ ಜಗದ ನೋಟಕೆ‌ ಅಂಧರು

ಬಂದರೆ ಅರಿಯದ ಎಡರು ತೊಡರು
ಜೊತೆಯಾಗಿ ನಡೆಯುವ ಪ್ರೀತಿಯೆ ನಮಗೆ ದೇವರು
ಇರುವವರೆಗೆ ಕೊನೆಯ ಉಸಿರು
ಇರಬೇಕು ಜೊತೆಗೆ ಎಂದಿಗೂ ನಾವಿಬ್ಬರು

- ಶ್ರೀಕಾವ್ಯ

20 Jul 2017, 09:37 am

ಇದೆಂಥ ರೋಗ.....

ಇದೆಂಥ ರೋಗ ನನ್ನ ಕಾಡುತಿದೆ
ಊಟ ಸೇರುತ್ತಿಲ್ಲ
ನಿದ್ದೆ ಬರುತ್ತಿಲ್ಲ
ಮನಕೆ ಸಮಾಧಾನವಿಲ್ಲ...

ಯಾವ ವೈದ್ಯರಲ್ಲಿಗೆ ಹೋದರು
ವಾಸಿಯಾಗದ ಖಾಯಿಲೇ ಇದು
ಹೃದಯ ಕದ್ದ ಚೋರಿ ಬರಬೇಕು
ಎದುರಲಿ ನನ್ನ ಉಳಿಸಲು....

ಹೃದಯ ಸಿಲುಕಿರುವಾಗ ಸುಳಿಯಲಿ
ಅಳೆದರೆಸ್ಟು ಗುಡಿಗಳಿಗೆ
ಹೊತ್ತರೆಸ್ಟು ಹರಕೆ ದೇವರಿಗೆ
ಜೀವ ಉಳಿಯದು ಅವಳು ಸಿಗದೇ...

ಗೆಳತಿಯ ಸನಿಹವೆ ಮದ್ದು
ಪ್ರೀತಿಯ ಖಾಯಿಲೆಗೆ
ಮನದಲಿ ಪ್ರೀತಿಯ ಜಲಧಾರೆ
ಗೆಳತಿ ಮಾಡುವ ಮುದ್ದಿಗೆ...

- ಕುಮಾರ ಸಿದ್ದರಾಜ

19 Jul 2017, 09:25 pm

ಗೋಳಾಟ

ಮುಸ್ಸಂಜೆ ಕವಿದರೆ ಸಾಕು
ಮನವೇಕೋ....ಗೋಳಾಡುತ್ತೆ
ಇದ್ದವರು ಇಲ್ಲದಾಗ ಮಾತು ಮೌನವಾಗುತ್ತೆ
ಖುಷಿಯಲ್ಲಿರಬೇಕಾದ ಬದುಕು ಕರಾಬ್ ಆಗಿ ಹೋಗಿರುತ್ತೆ
ಕಣ್ಣೀರು ಸುರಿ ಮನಸ್ಸನ್ನೇ ಮನಸ್ಸು ಸಮಾಧಾನಿಸುತ್ತೆ

- ಎಸ್.ಬಿ

19 Jul 2017, 08:32 pm

"ನಾನು ಏಕಾಂಗಿ...!!

ಬದುಕಲ್ಲಿ ಬಂದವರು ಭಾರವನ್ನು ತುಂಬಿ ಹೋದರು
ಭಾವನೆಗೆ ಬೆಲೆಯೇ ನೀಡದೆ ಭಾಂದವ್ಯವನ್ನು ಬರಡಾಗಿಸಿ ಹೋದರು
ಬದುಕಿಗೆ ಬಹು ದೊಡ್ಡ ಪಾಠ ಕಲಿಸಿ ಹೋದರು

- ಎಸ್.ಬಿ

19 Jul 2017, 08:05 pm

ಜೀವನದ ಹಾದಿ

ನಾವೇ ನಿರ್ಮಿಸಿ
ನಾವೇ
ನಿರ್ದೇಶಿಸಿ
ನಾವೇ ನಟಿಸಿ
ನಾವೇ ನೋಡುವ
ನಮಗೇ ಅರ್ಥವಾಗದ
ಮತ್ತು ಅರ್ಥವಿಲ್ಲದೇ
ಅಂತ್ಯ ಹೇಗೇಂದು
ತಿಳಿಯದೆ
ಸಾಗುವ ಕಪ್ಪು ಬಿಳುಪಿನ
ಚಿತ್ರವೇ
ಜೀವನ

- ಅಂಜಲಿ

19 Jul 2017, 05:37 pm

ಅವ್ವ ನಿನ್ನ ಕಂಡೊಡೆ..

ಬೋರ್ಗರೆವ ಮಳೆಯಲಿ,
ಹರಿಯುವ ಝರಿ ನೀರಲಿ,
ಅತ್ತಿತೆನಗೆ ಉಂಬಳವು(ಜಿಗಣೆ),
ಮೈಯೆಲ್ಲಾ ಕಥಕಲಿ,
ಮನಸಿಗೆ ಭಯದ ಹಾವಳಿ,
ಅವ್ವ ನಿನ್ನ ಕಂಡೊಡೆ
ನನ್ನ ಮನದಿ ಕಚಗುಳಿ...

- Spb...@#

19 Jul 2017, 05:32 pm

ಚಿತ್ರ ಕಲೆ

ಕಲೆಗಾರನ ಕುಂಚದಲ್ಲಿ
ಮೂಡಿ ಬಂದ ಚಿತ್ರ ಕಲೆಯೇ
ನೀ ಜೀವ ತಳೆದು ಕಲೆಗಾರನ
ಬದುಕಿಗೆ ಬಣ್ಣ ತುಂಬು ಬಾ!!

ಅವನ ಕಲ್ಪನೆಯ
ವಿಧ ವಿಧದ ಭಂಗಿಯಲಿ
ರೂಪುಗೊಂಡಿರುವೆ ಅಪೂರ್ವ
ಪ್ರತಿಭೆಯ ತೇಜಸ್ಸು ನೀನು!!

ಅವನ ಕಲಾ ಲೋಕದಲ್ಲಿ
ಬೀಗಿ ಮೆರೆಯುತ್ತಿರುವ
ಅಪರೂಪದ ಸುಂದರ
ಕಲೆಯ ಆಕೃತಿ ನೀನು!!

ಕುಂಚದಲೇ ‌ನಿನಗೆ ಜನುಮವಿತ್ತ
ಆ ಮಹಾ ಕಲೆಗಾರನಿಗೆ
ನಿನ್ನ ಕೃತಜ್ನತೆಯ ತಿಳಿಸಲು
ನೀನು ಜೀವ ತಳೆದು ಬಾ!!

- ಪಿ.ಜಿ.ಜ್ಯೋತಿ

19 Jul 2017, 05:03 pm

ನಲ್ಲ‌‌ ಬರುವ

ಮುಂಜಾನೆ ಮಂಜಿನ ಹನಿಗಳೇ
ತಂಗಾಳಿ‌ ತೂಗಲು ಕೆನೆಗಳೇ!!
ನನ್ನ‌ ನಲ್ಲ ಬರುವನು‌ ಎಂಬ
ಸಂತಸ ನ‌ನಗೆ ಈ ದಿನ!!

ಮನದುಂಬಿ ಹಾಡುವೆ ಈಗಲೇ
ಮೈದುಂಬಿ ನಲಿಯಿರಿ ಗಿಣಿಗಳೇ!!..
ಮಧು ತಂದು ಸುರಿಯಿರಿ
ಅದರದಿ ಜೇನು ಹುಳುಗಳೇ!!

ಬಾಡದಿರಿ ಅರಳಿರೋ ಹೂಗಳೇ
ಉದುರದಿರಿ ಮರದಿ ಎಲೆಗಳೇ!!
ಅವನಿಲ್ಲಿ ಬರುವನು ಈಗಲೇ
ಅದಕಾಗೇ ಸಂತಸ ನನಗೆ ಈ ದಿನ!!

ಇರುಳಲ್ಲಿ ಕನಸಿನ ಕಚಗುಳಿ
ಹಗಲಲ್ಲಿ ನೆನಪಿನ ಚಿಲಿಪಿಲಿ!!
ಮನಸಲ್ಲಿ ಅವನದೇ‌ ಗಲಿಬಿಲಿ
ಅವನನ್ನೇ ಕಾದಿದೆ ಈ ತನು ಮನ!!

ಎದೆಯಲ್ಲಿ ಬಣ್ಣದ ಓಕುಳಿ
ಚೆಲ್ಲಡಿದೆ ನಲ್ಲನ ಹಾದಿಗೆ!!
ಪ್ರೀತಿ ಹೊತ್ತು ಬರುವ ನನ್ನ ನಲ್ಲ
ಎಂಬ ಸಂತಸ ನನಗೆ ಈ ದಿನ!!

- ಪಿ.ಜಿ.ಜ್ಯೋತಿ

19 Jul 2017, 04:59 pm

ಮೌನದ ಸಮ್ಮತಿ

ಮೀಸೆ ಮರೆಯಲ್ಲಿ ನೀನು ನಗುವಾಗ
ಓರೆ ಕಣ್ಣಿಂದ ನಾ ನೋಡಲೇನು!!
ಕಣ್ಣ ರಪ್ಪೇಗೂ ಏನೋ ಆನಂದ
ನಾಚಿ ನೀರಾಯಿತು ನಿನ್ನನ್ನು ಕಂಡು!!

ಬಳಿ ನೀನು ಬರುವಾಗ
ಮನ‌ಕೇನೋ ಆನಂದ!!
ನಿಂತು ಬಿಟ್ಟೆ ನಾನು ಇಲ್ಲಿ
ಅರಿವಿಲ್ಲದ ಹಾಗೆ!!

ಕಾಲ ಬೆರಳು ರಂಗೋಲಿ
ಬಿಡಿಸಿತು ನೆಲದಲ್ಲಿ!!.
ನನ‌್ನ ಮುಂಗುರುಳು ಕಾದಿಹುದು
ಹಂಬಲಿಸಿ ನಿನ್ನ ಬೆರಳ!!

ಅಂಗೈಯ ಮರೆಯಲ್ಲಿ
ಅದರವದು ತಡವರಿಸಿಹುದು!!
ಏನನ್ನೂ ಹೇಳಲಾರದೇ
ಸೋತಂತೆ ಆಗಿಹುದು!!

ನನ್ನ ಮೌನದ ಉತ್ತರವೇ
ನಿನ್ನ ಎಲ್ಲ ಪ್ರಶ್ನೆಗಳಿಗೂ!!
ಏನನ್ನೂ ಕೇಳದಿರು ನೀ
ಎಲ್ಲವೂ ಸಮ್ಮತಿಯೇ ನನಗೆ!!

- ಪಿ.ಜಿ.ಜ್ಯೋತಿ

19 Jul 2017, 02:17 pm

ಬದಲಾವಣೆ

ತುಳುನಾಡಿನ ನಾಗಾರಾಧನೆ

ಅದೊಂದು ರೀತಿಯ ನಿಸರ್ಗರಾಧನೆ

ಈಗ ಎಲ್ಲಿದೆ ನಾಗನಿಗೆ ವನ-ಬನಗಳ

ಅರಮನೆ?

ಈ ಕಾಲದ ನಾಗನೂ ಇರುವುದು

ಬರೀ ಕಾಂಕ್ರಿಟ್ ಮನೆಯೊಳಗಡೆನೆ

- ಎಸ್.ಬಿ

19 Jul 2017, 12:43 pm