ದಯವಿಟ್ಟು ನಗಬೇಡ ನೀನೆಂದಿಗೂ ನನ ಮುಂದೆ
ಹೃದಯವ ಹಿಡಿದಿಡಲಾರೆ ನಕ್ಕರೆ ನೀ ನನ ಮುಂದೆ
ನಿನ್ನ ನಗುವು ಬರಿ ನಗುವಾಗಿ ಉಳಿಯದೆ
ನನ್ನ ಕನಸಿಗೂ ಎಟುಕದಷ್ಟು ಸೊಗಸಾಗಿ ಬೆಳೆದಿದೆ
ಅದು,
ನನ್ನ ಹೃದಯ ಮಿಡಿತವ ಹೆಚ್ಚಾಗಿಸಿದೆ
ನನ್ನ ಮನಸ್ಸನ್ನು ಹುಚ್ಚಾಗಿಸಿದೆ
ನನ್ನ ತನುವನು ಬೆಚ್ಚಗಾಗಿಸಿದೆ
ನನ್ನ ಬಾಳಿಗೆ ನೆನಪುಗಳ ಅಚ್ಚೊತ್ತಿದೆ
ನನ್ನ ಜೀವಕೆ ಪ್ರೀತಿಯ ಕಿಚ್ಚು ಹಚ್ಚಿದೆ
ನೀ ನಕ್ಕಾಗ ನನ್ನ ಹೃದಯಕೆ
ಸಾವಿರಾರು ಸಿಡಿಲುಗಳು ಬಡಿದಿದೆ
ಸಿಡಿಲುಗಳು ಬಡಿದರೂ ಕಡಲುಗಳೇ ಹುಕ್ಕಿದರೂ
ನನ್ನ ಹೃದಯ ನಿನ್ನ ನಗುವ ಬೇಡುತಿದೆ
ಪದೇ ಪದೇ ಭಾನ ನೋಡಿ
ಕರೆದಿದೆ ಭುವಿಯು ಹಾಡಿ
ದೂರದಲಿ ಸೇರಿವೆ ಜನುಮಗಳ ಜೋಡಿ
ಹಿಂಬಾಲಿಸಲು ಮರೆಯಾಗುವರು ದೂರ ಓಡಿ
ಪ್ರೇಮ ಸಂದೇಶ ವಿನಿಮಯಿಸಿವೆ ಆ ಬಾನಾಡಿ
ತಂಪೆರೆದಿದೆ ಇಬ್ಬರಿಗೂ ಮೋಡಗಳೆಂಬ ಒಡನಾಡಿ
ಮುತ್ತಿನ ಮಳೆ ಹರಿದಿದೆ ಹನಿಗಳ ರೂಪ ಧರಿಸಿ
ಹಚ್ಚ ಹಸಿರಾಗಿಸಿರುವನು ಅವನು ಅವಳ ರಮಿಸಿ
ಬಿಸಿಲಲಿ ಕಣ್ಣಾಮುಚ್ಚಾಲೆಯಲಿ ಸುರಿಸಲು ಮುತ್ತಿನ ಮಳೆ
ಕಾಮನಬಿಲ್ಲ ಉಡುಗೊರೆಯ ಕಂಡು ರಂಗೇರುವಳು ಇಳೆ
ಅವರೊಳಗೆ ಉಳಿದಿದೆ ಎಂದಿಗೂ ಕೊನೆಯಾಗದ ಸೆಳೆತ
ಅತಿ ಸುಂದರ ಜಗದಲಿ ಅವರಿಬ್ಬರ ಮಿಳಿತ
ಇನಿಯಳಿಗಾಗಿ ಅವನು ಕೈಯ ಚಾಚೆ
ಸಂಧಿಸಿರುವರು ಇಬ್ಬರು ಅಪ್ಪಿ ಕಡಲ ಆಚೆ
ಸಮಯದ ಪರಿಮಿತಿಯೇ ಇರದೆ ಇರುವರು ಜೊತೆಗೂಡಿ
ಎಂದಿಗೂ ಇವರೆ ಒಬ್ಬರಿಗೊಬ್ಬರು ದೂರಾಗದ ಒಡನಾಡಿ
ಸುತ್ತಿ ಸುತ್ತಿ ಬರುತ್ತಿದ್ದೆ ನಿನಗಾಗಿ,
ಸದಾ ಬೆನ್ನು ಬಿಡದ ಕರಿನೆರಳಾಗಿ,
ಕಷ್ಟದಲ್ಲಿ ನಿನ್ನ ಕಣ್ಣೀರ ಹನಿಯಾಗಿ,
ನಗುವಾಗ ನಿನ್ನ ಕೆನ್ನೆಯೊಳಗಿನ ಗುಳಿಯಾಗಿ,
ಪ್ರತಿ ದಿನವು ತಳಮಳ ನನ್ನೊಳಗೆ
ಹೀಗೆ,
ವಿಪರ್ಯಾಸ ಇದು ನನಸಲ್ಲ,
ಬರೀ ಕನಸು...
ಬಾಗಿಲಲ್ಲಿ ನಿಂತು ನೋಡುತ್ತಿರುವೆ ನನ್ನ ಬಾಳ ಸಂಗಾತಿಗೆಂದು ದಿನ ಪೂರ್ತಿ ಬಿಸಿಲಲ್ಲಿ ಭೂ ತಾಯಿಯ ಮಡಿಲಲ್ಲಿ ನಿಂತು ಕೆಲಸ ಮಾಡಿ ಬರುವನೆಂದು.............
ಊಟದಲ್ಲಿ ನೂರು ರೀತಿಯ ತಿನಿಸುಗಳನ್ನು ಮಾಡಿರುವೆ
ನನ್ನ ಪ್ರೀತಿಯ ಸವಿ ಸೇರಿರಿ ಪಾಯಸವನ್ನು ಸಿದ್ದಗೊಳಿಸಿರುವೆ ನಿನ್ನ ಮಾತಿನ ಸವಿಯ ನಾನುಂಡು ನಿನಗೆ ಉಣಬಡಿಸಲೆಂದು....................
ಕೈಯ್ಯಲ್ಲಿ ರುಮಾಲು ಕಣ್ಮುಂದೆ ತೊಟ್ಟಿಯಲ್ಲಿ ತುಂಬಿದ ನೀರು ನಿನ್ನ ಕಾಲ ತೊಳೆದು ನನ್ನ ಮನಸ ಮನೆಯೊಳಗೆ ನಿನ್ನ ಕರೆತರಲೆಂದು............
ಸಿಂಗಾರಿಸಿಕೊಂಡು ನಿನ್ನ ಒಳವ ಚಂದ್ರ ಚಕೋರಿಯಂತೆ
ಶಿಗೆಯಲ್ಲಿ ಗುಲಾಬಿ ಮುಡಿದು ತುಟಿಯಲ್ಲಿ ನಿನ್ನ ಕರೆಯುವ ಬಯಕೆ ತಡಿದು ಕಾದು ಕುಳಿತಿರುವೆ ಹೊಸಲಲ್ಲಿ ನಿನ್ನುಸಿರ ಹೆಸರಂತೆ..........
ನನ್ನೆದುರು ನಿನ್ನ ನೋಡಿ ನಿಂತು ಹೊದೆನು ನಾನು ಮಾತಿಲ್ಲದೆ ನಿನ್ನ ಮಡದಿಯಾದರು ದಿನನಿತ್ಯ ನಿನ್ನ ಜೊತೆಗೆ ಇರಲು ಬಯಸುವ ನಿನ್ನ ಪ್ರೀತಿಯ ಪ್ರೇಯಸಿ ನಾನು ಇಂದಿಗೂ ಎಂದಿಗೂ................