Kannada Poems

Download App from Playstore. | Privacy Policy

ಪ್ರೀತಿಯ ಗುಟ್ಟು

ಮನ ಮರುಗಿದಾಗೆಲ್ಲ ನನ್ನ ಮನ ನಿನ್ನ ಹೆಗಲ ಬೇಡುವುದರ ಗುಟ್ಟೇನು.. ಕೂಡಿ ಬೆಳಯಲಿಲ್ಲ,, ಕುಡಿ ಹುಟ್ಟಲಿಲ್ಲ ಆದರು ಅರೆಕ್ಷಣಾ ನಿನ್ನ ಅಗಲಿರಲಾರದ ಮಧುರ ನೋವಿನ ಗುಟ್ಟೇನು‌‌!!!

- ಪ್ರವೀಣ್(OLLEHUDGA)

11 Aug 2017, 03:24 pm

ಕನ್ನಡ ಪ್ರೇಮ

ಹೊರದಬ್ಬೋಣ ಹೊರದಬ್ಬೋಣ ಹಿಂದಿ ಭಾಷೆಯನ್ನ
ಉಳಿಸಿಕೊಳ್ಳೋಣ ಎಂದೆಂದಿಗೂ ನಾವ್ ಕನ್ನಡ ತನವನ್ನ

ಪರಭಾಷಾ ಮೋಹವ ಇಂದೇ ತ್ಯಜಿಸಿರಿ
ಕನ್ನಡ ಮಹತ್ವವ ತಿಳಿಯುತ ಸಾಗಿರಿ
ಕನ್ನಡಕ್ಕಾಗಿ ನಾವ್ ಒಗ್ಗೂಡೋಣ
ಜಾತಿ-ಭೇದವ ಮರೆತು ಹೋರಾಡೋಣ

ಕನ್ನಡ ನಾಡು ಅಂದದ ಗೂಡು
ಕವಿ-ಕೋಗಿಲೆಗಳ ನೆಲೆಬೀಡು
ಕನ್ನಡ ಬೇರು -ಕನ್ನಡ ಸೂರು
ಎಳೆಯುವೆ ಏಕೆ ಆಂಗ್ಲದ ತೇರು

ಗೆಳೆಯನ ಪ್ರೀತಿಯ ಮಾಡುವ ಮೊದಲು
ತಾಯಿಯ ರಕ್ಷಣೆ ನೀ ಮಾಡು
ಕನ್ನಡ ಕಲಿಸಿ-ಕನ್ನಡ ಬೆಳೆಸಿ
ಕನ್ನಡ ಉಳಿಸಿ ನೀ ಬೀಗು

-ಅರೆಯೂರು ಚಿ.ಸುರೇಶ್

- ಅರೆಯೂರು ಚಿ. ಸುರೇಶ್

11 Aug 2017, 12:01 pm

ಮೆಲುಕು

ನೆನಪೆಂಬ ಪುಸ್ತಕವ ತೆರೆದು
ಪ್ರೀತಿ ಪುಟಗಳ ಹುಡುಕಿ
ಮತ್ತದೇ ಹಾಳೆಗಳ ತಿರುಗಿಸಿ ಮುರುಗಿಸಿ
ಆ ಚೆಂದದ ದಿನಗಳ ಮತ್ತೆ ಮತ್ತೆ ನೆನಪಿಸಿ
ನಮ್ಮಿಬ್ಬರ ಪಟವ ನಾ ನೋಡುತಿರಲು
ಕಣ್ಣಂಚಿನಲ್ಲಿ ನೀರಾದೆ ನೀನು

ನಿನ್ನ ನೋಡುತಿರಲು ಮನಕುಣಿಯುತಿತ್ತು,
ತುಟಿ ನಗುತಲಿತ್ತು, ಕಣ್ಣರಳುತಿತ್ತು
ನಿನ್ನ ನೆನದರಿಂದು ಮನಶೋಕವಾಯ್ತು,
ತುಟಿ ಬಾಡಿಹೋಯ್ತು, ಕಣ್ಣೀರು ಬಂತು

ಕಣ್ಣೀರಿನ ಜೊತೆಗೆ ದಿನ ಬಳಿಗೆ ಬರುವೆ
ಕೆನ್ನೆ ಮೇಲೆ ಮುತ್ತಿಟ್ಟು ನೀ ಜಾರಿ ಹೋಗುವೆ
ಎದೆಗೂಡನಿಂದು ಖಾಲಿ ಮಾಡಿ ಹೋದೆ
ಎಲ್ಲರಿದ್ದರೂ ನೀನಿಲ್ಲ, ನಾ ಒಂಟಿಯಾದೆ

ಪ್ರೀತಿ ಎಂದರೇನಂತ ನೀ ಕಲಿಸಿಕೊಟ್ಟೆ
ಆಕಾಶ ಮುಟ್ಟಿಸಿ ಕೆಳದೂಡಿಬಿಟ್ಟೆ
ಈ ಮುರಿದ ಹೃದಯವ ನಾ ಹೇಗೆ ಜೋಡಿಸಲೇ?

-ಅರೆಯೂರು ಚಿ.ಸುರೇಶ್

- ಅರೆಯೂರು ಚಿ. ಸುರೇಶ್

11 Aug 2017, 11:49 am

ಬಂಜೆ ಎನ್ನುವ ಪಟ್ಟ

ತಾಯ ಮಮತೆ ನನ್ನಲ್ಲಿ ಇದ್ದರೂ
ನಾ ಕಂದನ ಮುದ್ದಿಸಲಿಲ್ಲ!!
ಮುದ್ದಿಸುವ ಮನಸಿದ್ದರೂ
ನನ್ನ ಮಡಿಲಲ್ಲಿ‌ ಕಂದನಿಲ್ಲ!!

ಕಂದನ ಹೆರುವ ಬಯಕೆ ಇದ್ದರೂ
ಆ ಯೋಗ್ಯತೆ ನನ‌ಗೆ ಇಲ್ಲ!!
ನನ್ನ ಬಂಜೆ ಎನ್ನುವರು ಎಲ್ಲ
ಪುಟ್ಟ ಮ‌ಕ್ಕಳಿಂದ ದೂರ ಇರಿಸಿದರಲ್ಲ!!

ಮಡಿಲಲ್ಲಿ ನಗುವ ಕಂದನ ಬಯಸಿ
ಮನಸು ಹಂಬಲಿಸುತ್ತಿದೆ!!
ಈ ತಾಯ ಮಮತೆಯ ವೇದನೆ
ಯಾರಿಗೂ ಹೇಳ ತೀರದು!!

ಮಕ್ಕಳಿಲ್ಲವೆಂದು ‌ನನ್ನ ಪ್ರೀತಿಯ ಪತಿ
ನನ್ನ ತೊರೆದು ಹೋದನಲ್ಲ!!
ಗಂಡನ ಬಿಟ್ಟವಳು ಎಂದು
ನನ್ನ ಹೆತ್ತವರು ನನ್ನ ದೂರಿದರಲ್ಲ!!

ಒಡ ಹುಟ್ಟಿದವರಿಗೂ ನನ್ನ
ಒಡಲಿನ ವೇದನೆ ಅರ್ಥವಾಗಲಿಲ್ಲ!!
ಬಂಜೆ ಎನ್ನುವ ಪಟ್ಟ ಹೊತ್ತು
ನಾ ಬದುಕ ಸಾಗಿಸುತ್ತ ಇರುವೆನು!!

- ಪಿ.ಜಿ.ಜ್ಯೋತಿ

11 Aug 2017, 11:24 am

ನೀ ಬಾ...

ಏಕಾಂತ ತುಂಬಿದ ಈ ಬದುಕಿನಲ್ಲಿ
ಬಲಗಾಲಿಟ್ಟು ನೀ ಒಳಗೆ ಬಾ!!
ಮಂದಮತಿಯಾದ ಈ ಮನಸಿನಲ್ಲಿ
ಮಂದಹಾಸ ನೀ ತುಂಬು ಬಾ!!

ಇರುಳಿನಲ್ಲಿ ಕಂಗೆಟ್ಟು ನಾ ನಿಂತಾಗ
ಭರವಸೆಯ ಬೆಳಕಾಗಿ ನೀ ಬಳಿಗೆ ಬಾ!!
ಮರಳು ಗಾಡಿನಲ್ಲಿ ಅಲೆಯುತ್ತಿರುವಾಗ
ಕೈ ಹಿಡಿದು ನೀ ದಾರಿ ತೋರು ಬಾ!!

ಭಾವನೆಗಳನ್ನೇ ಮರೆತು ಕುಳಿತ
ಮನಸಿಗೆ ನೀ ಕನ್ನಡಿ ಹಿಡಿಯ ಬಾ!!
ಅರ್ಥವಿಲ್ಲದ ಈ ಬದುಕನು ಅರ್ಥೈಸುವ
ಮುನ್ನುಡಿ ನೀ ಆಗು ಬಾ!!

- ಪಿ.ಜಿ.ಜ್ಯೋತಿ

11 Aug 2017, 10:59 am

ಗೆಳೆಯ....

ಗೆಳೆಯ........
ಮರು ಜನುಮದಲ್ಲಿಯಾದರೂ
ನೀ ನನ್ನ ಕಂಬನಿಯಾಗುವ ಬದಲು
ನನ್ನ ನಗುವಾಗಿ ಬಾ......!!

ಇರುಳಿನಲ್ಲಿ ಚಂದಿರನಂತೆ
ಹಗಲಿನಲ್ಲಿ ನೆರಳಿನಂತೆ
ಸದಾ ನನ್ನ ಜೊತೆ ಬೆಂಗಾವಲಾಗಿರುವ
ಆತ್ಮ ವಿಶ್ವಾಸವಾಗಿ ಬಾ..!!

- ಪಿ.ಜಿ.ಜ್ಯೋತಿ

11 Aug 2017, 10:37 am

ಸ್ವಾತಂತ್ರ್ಯ ಎಂಬ ಸೊತ್ತು

ಸ್ವಾತಂತ್ರ್ಯ ಎಂಬ ಸೊತ್ತು
ಯಾರಪ್ಪನ ಮನೆಯ ಆಸ್ತಿಯಲ್ಲ!!
ಭಾರತ ಮಾತೆಯ ಮಡಿಲಲ್ಲಿ
ಹುಟ್ಟುತ್ತಲೇ ದೊರೆತ ಭಾಗ್ಯ!!

ಸ್ವಾತಂತ್ರ್ಯ ಎಂಬ ಸೊತ್ತು
ಯಾರೂ ನೀಡಿದ ಭಿಕ್ಷೆ ಅಲ್ಲ!!
ಸದಾ ನಮ್ಮ ಆತ್ಮ ವಿಶ್ವಾಸದ
ಏಣಿಯ ಮಜಲುಗಳು!!

ಸ್ವಾತಂತ್ರ್ಯ ಎಂಬ ಸೊತ್ತು
ಸೊಕ್ಕಿ ಮೆರೆವ ಅಹಂಕಾರವಲ್ಲ!!
ನೆಚ್ಚಿನ ಕಾಮನೆಗಳನ್ನು
ಸ್ವಚ್ಛವಾಗಿ ನಿರ್ವಹಿಸುವುದು!!

ಸ್ವಾತಂತ್ರ್ಯ ಎಂಬ ಸೊತ್ತು
ಯಾರ ಮೇಲಿನ ದಬ್ಬಾಳಿಕೆಯಲ್ಲ!!
ಎಲ್ಲರೂ ಒಂದಾಗಿ ಕಟ್ಟಬೇಕಾದ
ಸಹಬಾಳ್ವೆಯ ಬದುಕಿನ ಸಂಪತ್ತು!!

- ಪಿ.ಜಿ.ಜ್ಯೋತಿ

11 Aug 2017, 08:53 am

ಪ್ರೀತಿ

ಆಕಾಶದಷ್ಟು ಪ್ರೀತಿ ಇದೆ ಅನ್ನೋ ಎದೆಯಲ್ಲಿ
ಎಳ್ಳಷ್ಟು ಪ್ರೀತಿ ಇಲ್ದೇ ಇರಬಹುದು
ಎಳ್ಳಷ್ಟು ಪ್ರೀತಿ ಇಲ್ಲ ಅನ್ನೋ ಎದೆಯಲ್ಲಿ
ಆಕಾಶದಷ್ಟು ಪ್ರೀತಿ ಇರಬಹುದು
ಆ ಬಾನಲ್ಲಿ ಒಮ್ಮೆ ಅಮವಾಸೆ ಬಂತು ಅಂತ
ಚಂದ್ರನ ಜಾಗ ಬದಲಾಯಿಸಬಾರದು
ಅಮವಾಸೆ ಬಂದ ಮೇಲೆನೆ ಹುಣ್ಣಿಮೆ ಬರೋದು

- ಅಗಸ್ತ್ಯ

11 Aug 2017, 08:23 am

ಕಾಣದಾ ಕಡಲಿಗೆ ಹಂಬಲಿಸಿದೆ ಮನ.......

ಮುಸ್ಸಂಜೆ ಮಂಜಿನಲಿ , ಕೋಗಿಲೆಯ ಕಂಪಿನಲಿ
ಬಿಡಿಸಲಾರದ ಒಗಟಲಿ ಮುಳುಗಿದ್ದೆ ನಾನು
ನೀರಿರದ ಊರಿನಲಿ , ಮುಂಗಾರ ರೀತಿಯಲಿ
ಮುಂಗುರುಳ ಸರಿಸುತ್ತ ಸುಳಿದವಳು ನೀನು.

ಕಂಡೊಡನೆ ಸೌಂದರ್ಯ , ಮನಕೇನೊ ಆಶ್ಚರ್ಯ
ಮನವನ್ನೆ ಕದ್ದಿತು ನಿನ್ನದಾ ಮಾಧುರ್ಯ
ಏನೀ ಅಚಾತುರ್ಯ , ಏನೀ ಅನಾದರ್ಯ
ಹೀಯಾಳಿಸಿ ನಗುತಿದೆ ನಿನ್ನದಾ ಚಾತುರ್ಯ

ಕುಗ್ಗಿರುವೆ ಒಳಗೆ , ಸೋತಿರುವೆ ನಿನಗೆ
ಚುಚ್ಚಿಯೇ ಕೊಲ್ಲುತಿದೆ ಆನಿನ್ನ ಮುಗುಳ್ನಗೆ
ಮನದಲ್ಲಿ ಕೆಂಧಗೆ , ಬಯಸುತಿದೆ ಒಪ್ಪಿಗೆ
ಮನ ಹಂಬಲಿಸುತಿದೆ ಕಾಣದ ಕಡಲಿಗೆ

‌‌‌‌‌ -ಇಂತಿ ನಿನ್ನ ಪ್ರೀತಿಯ ಬಂಗಾರ..

- ನಾಗು

11 Aug 2017, 06:29 am

ತಂಗಾಳಿ

ಈ ತಣ್ಣನೆಯ ತಂಗಾಳಿ ತಂದು
ನಿನ್ನೆದೆಯಲ್ಲಿ ನನ್ನುಸಿರಂತೆ ಸುರುಯುವ
ಆಸೆಯಾಗಿದೆ ನನಗೆ...............

ಬೆಳಕನ್ನು ಕಳೆದುಕೊಂಡ ಅಮಾವಾಸ್ಯೆ
ಚಂದಿರನಿಗೆ ನಿನ್ನ ಪ್ರೀತಿಯ ಔತಣವ ಏರ್ಪಡಿಸಿ
ಉಣಬಡಿಸುವ ಆಸೆಯಾಗಿದೆ ಹುಣ್ಣಿಮೆಯ ಬೆಳಕನ್ನು ತುಂಬಲು ಅವನಲ್ಲಿ................

ನಿನ್ನ ಚೆಲುವಿನಿಂದ ಮೊಗಸಿರಿಗೆ ನನ್ನ ಸೊಗಸಿರಿಯ ಸೇರಿಸಿ ಕಂಕಟ್ಟುವಂತೆ
ಬಣ್ಣಗಳನ್ನು ನಮ್ಮ ನಗುವಲ್ಲಿ ತುಂಬಿ........

- ಚುಕ್ಕಿ

10 Aug 2017, 11:44 pm