ಹುಣ್ಣಿಮೆಯ ಚಂದಿರನಿಗೆಕೋ
ಬೆಳದಿಂಗಳ ಕೊರತೆಯಿದೆಯಂತೆ,
ಮೊಗದ ಅಂದವ ಸಾಲ ಕೊಡುವೆಯಾ ಗೆಳತಿ,
ಮರುಪಾವತಿಗೆ ಚಂದಿರನೇ ಬಂದು ನಿನ್ನ ಮನೆಮುಂದಿನ ಬೀದಿದೀಪವಾಗುವನಂತೆ...
ಸಾಗರದ ಅಲೆಗಳಿಗೆಕೋ ಸರದಿಯ ದ್ವಂದ್ವವಿದೆಯಂತೆ,
ಶಾಂತತೆಯ ಕಳಿಸಿ ಕೊಡುವೆಯಾ ಗೆಳತಿ,
ದಿನವೆಲ್ಲವೂ ನಿನ್ನ ಮುಂಗುರುಳ ತುದಿಯಲ್ಲೇ ಅವಿತು ಮೊಗದ ಮೇಲೆ ಹರಿಯುವವಂತೆ..
ಮುತ್ತುರತ್ನಗಳ ಹೊಳಪೆಲ್ಲವೂ ಕಳೇಗುಂದಿದೆಯಂತೆ,
ನಿನ್ನ ಮಾತುಗಳನ್ನೇ ಧಾರೆಯೆರೆಯುವೆಯಾ ಗೆಳತಿ,
ಮರುಉತ್ತರಿಸದೆ ಬಿಂಕಬಿಟ್ಟು ನೀ ನಡೆವ ದಾರಿಗೆ ಹಾಸಾಗಿ ಸಾಲ ತೀರಿಸುವುದಂತೆ..
ಬೆಟ್ಟ ಶಿಕರಗಳಿಗೆಕೋ ಮೌನದ ದೂಷವಿದೆಯಂತೆ,
ಮೌನದ ಅಂಚನ್ನು ತುಸು ನೀಡುವೆಯಾ ಗೆಳತಿ,
ಈ ಕಾಣಿಕೆ ಅರಿತು ನೀ ಎಲ್ಲೇ ಹೋದರು ತಂಗಾಳಿ ಬೀಸಿ,ನೆರಳು ಧನ್ಯವಾದ ತಿಳಿಸುವುದಂತೆ...
ನದಿ ಕಲ್ಯಾಣಿಗಳಿಗೆಕೋ ಪವಿತ್ರತೆಯ ದೋಷವಿದೆಯಂತೆ,
ನಿನ್ನ ಪಾದದ ದನಿಯ ಸ್ಪರ್ಶಿಸುವೆಯಾ ಗೆಳತಿ,
ಪ್ರತಿಯಾಗಿ ನೀ ಎಲ್ಲೇ ನಡೆದರು ಪಾದ ತೊಳೆದು ಸತ್ಕರಿಸುವುದಂತೆ....
ಭುವಿಯ ಗುಣಗಳಿಗೆಕೋ ಕ್ಷಮೆಯ ಮರೆವಿದೆಯಂತೆ,
ನಿನ್ನ ಕ್ಷಮೆಯ ಕಣವನು ಉದಿರಿಸೆ ಗೆಳತಿ,
ನಿನ್ನ ಕ್ಷಮೆಯ ಉದಾರತೆಗೆ ತನ್ನ ಸ್ಥಾನ ಮರೆತ ಭುವಿ ವಂದಿಸುವುದಂತೆ...
ಎಲ್ಲಾ ದೇವರುಗಳಿಗೆಕೋ ನಂಬಿಕೆಯ ಕೊರತೆಯಿದೆಯಂತೆ,
ಒಂದು ದಿನದ ನಂಬಿಕೆಯ ಪಾಠ ಹೇಳುವೆಯಾ ಗೆಳತಿ,
ನಿನ್ನ ಪಾಠಕ್ಕೆ ನಂಬಿಕೆಯ ಪದಕ್ಕೆ ನಿನ್ನ ಹೆಸರನ್ನೇ ಅನುಮೋದಿಸಲು ಆಜ್ಞೆ ಮಾಡುತ್ತವಂತೆ.
ತಾರೆ ಪ್ರಕೃತಿ ಮಳೆ ಸಿರಿಯು ಕೋರಿಕೆಯನ್ನು ನೀ ನೀಗಿಸ ಬೇಕಂತೆ ಗೆಳತಿ,
ಸರದಿಯಲ್ಲಿ ನಿಂತು ಕೈ ಮುಗಿದು ಬೇಡುತ್ತವಂತೆ ನೀ ಎಂದೂ ನಗು ಹೊತ್ತ ಮೊಗದಲ್ಲಿ ಸುಮ್ಮನೆ ನಡೆದಾಡ ಬಾರದಂತೆ...
ಬಂದಿ ನಾನು ನನ್ನೊಳಗೆ ಪದಗಳ ರೂಪದಲ್ಲಿ
ಮುಂದೊಂದು ದಿನದಂದು ಕೃತಿಯಾದರು ಉಸಿರಲ್ಲೇ ಉಳಿಯುತ್ತೆ ಮನಸಲ್ಲೇ ಕುತಿರುತ್ತೆ ನನ್ನ ಕವನ ನನಗಾಗಿ.....................
ಕವನ ನನ್ನ ಕನಸಾಗಿ ಕೈಹಿಡಿದಿಲ್ಲ ಅಂದು ನಿದ್ದೆಯಿಂದೆದ್ದು ಮರೆತರೆ ಮರೆಯಾಗಲು ಇಂದು ನನ್ನ ಕಣ್ಣಿರಲ್ಲಿ ಒನ್ನೊಂದು ಅಕ್ಷರವೂ ಮಿಂದು ಪದಗಳಾಗಿ ಕಾಣುತ್ತಿದೆ ನಿಮ್ಮ ನಯನಕೆ ಇಂದು.......................
ಕಲೆದೋದ ಕಹಿ ದಿನಗಳ ನನ್ನಲ್ಲಿ ನೆನೆಯಲು
ಮತ್ತೆ ಅವನ್ನು ಮರೆಯಲು ನಿನ್ನ ನೆರವು ಬೇಕಾಗಿದೆ ಕವನ ನಿನ್ನ ಅಕ್ಕರೆ ನನಗಿಂದು ಅತ್ಯವಶ್ಯಕವಾಗಿದೆ ಕವನ..................
ಜಾರಿರಲು ಕಣ್ಣ ಹನಿಗಳು
ಸೇರಿಹೋಗಿವೆ ಉಳಿದೋದ ಮಾತುಗಳು
ತಂಪಾದ ಗಾಳಿಗೂ ಅನಿಸಿದೆ ಕೊಂಚ ಕಂಪನ
ಆಗಿರಲು ನೋವಿನ ಬಿಸಿಯುಸಿರಿನ ಸಿಂಚನ
ಮೈ ಸೋಕಿದ ತಂಪು ಗಾಳಿಯೂ
ತಂದಿದೆ ಎದೆ ಸುಡುವ ನೋವುಗಳ ನೆನಪಿನ ಹಾವಳಿಯ
ಹಕ್ಕಿಗಳ ಕಲರವು ಕಾಡಿದೆ ಮನಸ
ಏನನೊ ಹೇಳಲು ಹವಣಿಸಿ ಮೌನವಾದಂತೆ
ಎಲ್ಲಿಂದಲೊ ಬೀಸಿ ಬಂದ ತಂಗಾಳಿಯು
ಕದ್ದು ಹೋಗಲು ಯತ್ನಿಸಿದಂತನಿಸುತಿದೆ ನನ್ನುಸಿರ
ಸೂರ್ಯನು ಮಂಕಾಗುತಿರುವನು ಕತ್ತಲೆಯ ನೆನೆಪಿಸಿ
ಬೆಳಕು ಕೊಡಲು ಆಗುವುದೇನು ಆ ಶಶಿಗೂ ಕೊಂಚ ಕಸಿವಿಸಿ
ಚುಕ್ಕಿ ತಾರೆಗಳು ಕಾಣಲು ಸಿಗದೆ ಬೇಕಂತಲೆ ಮರೆಯಾದಂತೆ
ಮಾತಿಗೆ ಶುರುವಿಟ್ಟಿದ್ದ ಮರಗಿಡಗಳು ಸ್ಥಬ್ಧವಾದಂತೆ
ದೃಷ್ಟಿ ನೆಟ್ಟಲೆಲ್ಲ ನೀರವ ಮೌನ ಆವರಿಸಿದಂತೆ
ಮನಸೊಳಗೆ ತುಂಬಿರಲು ಮೌನ ಬೆಳಕಿನ ಕಿಂಡಿಯೇ ಇರದ ಕತ್ತಲೆಯಂತೆ