Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ನೆನಪುಗಳ ಮೆರವಣಿಗೆ

ಒಮ್ಮಿಂದೊಮ್ಮೆ ಅಬ್ಬರಿಸುವ
ಅಲೆಗಳಂತೆ
ಹಚ್ಚಹಸಿರಾಗಿವೆ ಇಂದು
ಮನಸಿನ ಪುಟದ ಮೂಲೆಯಲ್ಲಿ!

ದಿನವಿಡೀ ನೆನಪಿಸಿದರೂ
ನೆನಪಾಗದ ನೆನಪುಗಳು!
ಕಾಡುತಿಹುದು ನೆನಪಿನಂಗಳದಿ
ಜಿನುಗುತ್ತಿರುವ ಮಳೆಹನಿಯಂತೆ
ಮರೆಯಬೇಕೆಂದಿರುವ ನೆನಪುಗಳು!

ಮತ್ತೆ ಮತ್ತೆ ಮರುಕಳಿಸುವ
ಬಾಲ್ಯದ ನೆನಪುಗಳು!
ಕನಸಿಗೆ ಕಚಕುಳಿ ನೀಡುವ
ಪ್ರೀತಿಯ ನುಡಿಮುತ್ತುಗಳು!

ಜೊತೆಗಿರದೆ ದೂರದಲ್ಲಿದ್ದರೂ
ಒಂದುಗೂಡಿಸುವ ನೆನಪುಗಳು!
ಮರೆತರೂ ನೆನಪಾದಂತೆ ನಟಿಸಿ
ಮತ್ತೆ ಮರೆಯಾಗದ ನೆನಪುಗಳು!

ಒಮ್ಮೊಮ್ಮೆ ಸಂತೋಷಪಡಿಸಿ
ಮತ್ತೊಮ್ಮೆ ದುಃಖದಲ್ಲಿ ಮುಳುಗಿಸಿ
ಬಹುದೂರ ಹೊತ್ತು ಸಾಗುವ
ನೆನಪುಗಳೇ ಶಾಶ್ವತ!

- ಪ್ರಿಯಾಂಕ

20 Aug 2017, 08:14 pm

ಹಾಗೇ ಗಿಚಿದ್ದು

ಹೊರ ಸುರಿಯುವ ಜಿಟಿಜಿಟಿ ಮಳೆಯೊಂದಿಗೆ
ಮನ ತೇಲಿ ಹೋಗಿದೆ ತಂಪಾದ ಇಬ್ಬನಿಯ ಹನಿಯೊಂದಿಗೆ
ಕಿವಿಗಪ್ಪಳಿಸುತಿದೆ ಸುಮಧುರ ಗಾನ
ಮನವೊಂದು ಬರೆಯಲು ಕುಳಿತಿದೆ
ಕವನವ ಜೊತೆಗೊಂದು ಕಥೆಯ
ಏಕಾಂಗಿಯ ಬದುಕಲ್ಲಿ ಬರಹದ ಮೆರವಣಿಗೆಯೊಂದೇ
ಪ್ರತಿ ನಿಮಿಷ ಪ್ರತಿ ಕ್ಷಣ ಕಾಗುಣಿತ

- ಎಸ್.ಬಿ

20 Aug 2017, 05:58 pm

ಮನವೇ...........

ನಾನೇಳುವುದಾದರು ನಂಬೆ ಮನವೇ
ಎಲ್ಲರೂ ನಿನ್ನ ಹಾಗೆ ಯತಾರ್ಥವನ್ನು ನುಡಿಯುವುದಿಲ್ಲ.................

ಸುಳ್ಳುಗಳ ಬುನಾದಿಯ ಮೇಲೆ
ನಿರ್ಮಿತವಾದ ಮಿಥ್ಯಾಲೋಕವಿದು..........

ಎಷ್ಟು ಮಂದಿ ಮನಸೋಡೆಯುವ ಸಂಗೀತಿಗಳನ್ನು ಸುಳ್ಳಾದರು ನಿಜವೆಂದು ಹೇಳುವರು ನಂಬಿ ನೀನು ನೊಂದುಕೊಳ್ಳುವೆ...............

ಮುಗ್ದೆ ನೀನು ಮುಖವಾಡದ ಜನರನ್ನು ಪೂರ್ತಿಯಾಗಿ ನೋಡಿಲ್ಲ ಇನ್ನು ತಿಳಿಯೇ ಮನವೇ............

ಎಲ್ಲರ ಹುಸಿನುಡಿಯು ನಿಜವೆಂದು ನೀ ನಂಬಿ ಕೂತಿರುವರೆಗೂ ಸತ್ಯದ ಅರಿವು ನಿನಗಾಗುವುದಿಲ್ಲ....................

- ಚುಕ್ಕಿ

20 Aug 2017, 03:43 pm

ಹೋ ಮನವೆ..

ಹಳೆಯ ನೆನಪುಗಳ ರಸ್ತೆಯಲ್ಲಿ ನಡೆದೆ. ಚಿಕ್ಕ ವಯಸ್ಸಿನ ನೆನಪು ಅಯಿತು. ಕೆಳಗೆ ನೋಡಿ ನಕ್ಕಿದೆ!!
ಏಕೆಂದರೆ ಕಲ್ಲು ನೊಡಿ...ಕಲ್ಲು ಎಂಬ ಮನ ನೊಡಿ, ಎಡವಿದೆ.!!!
ಕಲ್ಲು ಮನ ಹೇಳಿದ ಮಾತ್ಅಗಿತ್ತು.
ನಾನು ಇಲ್ಲಿಯೆ ಇದ್ದಿನೆ. ಹೀಗೆಯೆ ಇದ್ದಿನೆ ನೀನು ಬದಲಾಗಿ ಹೋದೆ
ಚಿಕ್ಕ ವಯಸ್ಸಿನ ನೆನಪು ಏಕಾಂತ ಅಳಿಸಿ ಹೊಯಿತ.. ಹೋ ಮನವೆ...

ರಾಜೇಶ್..

- ರಾಜೇಶ್

20 Aug 2017, 12:36 pm

ಪ್ರೆಯಸಿ

ಕಣ್ಣುಗಳು ಮರೆತರು ನಿನ್ನನ್ನು
ಹೃದಯಕ್ಕಾಗದು ಮರೆಯಲು ನಿನ್ನನ್ನು

ವರ್ಣಿಸಲಾಗದ ನಿನ್ನ ಅಂದವನ್ನು
ಬಣ್ಣಿಸಲಾದಿತೆ ನಿನ್ನ ಗುಣವನ್ನು

ಕೂಡುವೆಯ ಅವಕಾಶ ಮತ್ತೊಮ್ಮೆ
ನಿನ್ನನ್ನೆ ಪ್ರೀತಿಸಲು ಮಗದೊಮ್ಮೆ

- jaleel mustaq

20 Aug 2017, 12:16 pm

ಮೌನದ ಆಚರಣೆ

ಉರಿಯುತ್ತಿರುವ ಮೇಣದ ಬತ್ತಿ ಕೈಯಲ್ಲಿ‌
ಹಿಡಿದು‌ ನಾ ಮಾಡುತ್ತಿರುವ ಮೌನದ ಆಚರಣೆ
ಬದುಕಿನ ಯಾವದೇ ಶೋಕ ಕ್ಕಾಗಿ ಅಲ್ಲ!!

ನಿನ್ನ ಪ್ರೀತಿ ಮಾಡಿ ಮೋಸ ಹೋದ ತಪ್ಪಿಗೆ
ನನ್ನ ಆತ್ಮದ ನೆಮ್ಮದಿಗಾಗಿ‌ ಇಂದು ನಾನು ಮಾಡುತ್ತಿರುವ ಅಪರೂಪದ ಪ್ರಾಯಶ್ಚಿತ್ತ!!

ಅರಿತೋ ಅರಿಯದೆಯೋ ನನ್ನ ಬದುಕಿನಲ್ಲಿ
ಬಂದ ನಿನ್ನ ತೊಡೆದು ಹಾಕಿದ ಈ ನನ್ನ
ಅಂತರಂಗಕ್ಕೆ ನಾ ಸಲ್ಲಿಸುತ್ತಿರುವ ಅಭಿನಂದನೆ!!

ಅಗ್ನಿಯಂತೆ ಉರಿಯುತ್ತಿರುವ ನಾನು
ಹಾಗೆಯೇ ಮೇಣದಂತೆ ಕರಗುತ್ತಿರುವ ನೀನು
ಇನ್ನೆಂದೂ ಸೇರಬಾರದೆಂಬುದೇ ನನ್ನ ಶಪಥ!!

- ಪಿ.ಜಿ.ಜ್ಯೋತಿ

20 Aug 2017, 11:13 am

ನಾ ಮೌ‌ನಿ ಆದಾಗ

ನಾ ಮೌನಿ ಆದಾಗ
ಮಾತಾಡಿ ಸರಿಮಾಡು!!
ನಾ ನಿದ್ದೆಯಲ್ಲಿ ಇರುವಾಗ
ಕನಸಲ್ಲಿ ನೀ ಕಾಡು!!

ಸದ್ದಿಲ್ಲದಂತೆ ಎದೆಗೆ ಇಳಿದು
ನನ್ನನು ನೀ ಆಳು!!
ಈ ಮನದ ದೊರೆಯೇ
ನೀನು ನನ್ನ ಬದುಕಾಗು!!

ಹೆಸರನ್ನು ಕೂಡಿಸುವ
ಆಟಕ್ಕೆ ನೀ ಸೇರು!!
ಜೊತೆಯಾಗಿ ಬರೆವ ಬರಹದ
ಜೋಡಿಯ ಪದವಾಗು!!

ಬಿರು ನುಡಿಯ ಹೊರ ನೂಕು
ಕಿರು ನಗೆಯ ನೀ ಬೀರು!!
ಬದುಕಿನ ತುಂಬೆಲ್ಲ ನೀನು
ಬಂದು ಸಂತಸವನ್ನೇ ಚೆಲ್ಲು!!

- ಪಿ.ಜಿ.ಜ್ಯೋತಿ

20 Aug 2017, 10:47 am

ಕನ್ನಡಿಯ ಮೇಲಿನ ನವಿಲು ಗರಿ

ಅಂದು ಕನ್ನಡಿಯ ಮೇಲೆ‌ ನೀನು
ಇಟ್ಟು ಹೋದ ನವಿಲುಗರಿಯು
ರಾರಾಜಿಸುತ್ತ ಇತ್ತು ನಿನ್ನ ನೆನಪಿಂತೆ!!

ನನ್ನ ಎದುರಿಗೆ ನೀ ನಿಂತು ನಗುವಂತೆ
ಆ ನವಿಲು ಗರಿಯ ಪ್ರತಿಬಿಂಬವ
ಕನ್ನಡಿಯಲ್ಲಿ ನೋಡಿ ಭಾಸವಾಗುತಿತ್ತು!!

ತನ್ನ ಸುಂದರ ರೂಪವ ನೋಡಿ
ಆ ನವಿಲು ಗರಿಯೂ ಬೀಗುತ್ತಿದ್ದ ಪರಿ
ಕ್ಷಣ ಕ್ಷಣಕ್ಕೂ ನಿನ್ನನ್ನು ನೆನಪಿಸುತ್ತಿತ್ತು!!

ಆದರೆ ‌ಅದಾವುದೋ ಬಿರುಗಾಳಿ
ಸದ್ದಿಲ್ಲದೇ ಬಂದು ನಿನ್ನ ನೆನಪಿನ
ನವಿಲು ಗರಿಯನ್ನು‌ ಹೊತ್ತು ಹೋಯಿತು!!

ಇಂದು ಮನಸಾರೇ ಪ್ರೀತಿಸಿದ ನೀನೂ ಇಲ್ಲ
ನಿನ್ನ ನೆನಪಾಗಿ ಕನ್ನಡಿಯ ಮೇಲೆ
ನಗುತ್ತಿದ್ದ ಆ ನವಿಲು ಗರಿಯೂ ಇಲ್ಲ!!

‌

- ಪಿ.ಜಿ.ಜ್ಯೋತಿ

20 Aug 2017, 10:31 am

ಸಾಗರ ಪ್ರೇಮ

ಸಾಗರದ ನೀರಿನಂತೆ ನಾನು
ಗಿರಿ ಪರ್ವತದ ಹಾದಿಯಂತೆ ನೀನು!!
ಮಳೆಯಾಗಿ ಸುರಿಯಲೇ ನಾನು
ಇಂದು ನಿನ್ನ ಸೇರಲು!!

ನಿನ್ನ ಸೇರುವ ಬಯಕೆಯಲ್ಲಿ ನಾನು
ಮುಗಿಲ ಸೇರಿ ಮೋಡವಾದೆ!!
ಅಲ್ಲಿಂದ ಕರಗಿ ಒಲವೇ ನಾನು
ಸುರಿದು ಪ್ರೇಮದಿಂದ ‌ನಿನ್ನ ಸೇರಿದೆ!!

ತಿರಸ್ಕರಿಸಿ ಜರಿ ತೊರೆಯಾಗಿ
ನನ್ನ ಹಿಂದಿರುಗಿ ಕಳುಹಿಸಬೇಡ!!
ನಿನ್ನೋಳಗೇ ಇಂಗಿಸಿ ನನ್ನ
ಹೊಸ ಸೃಷ್ಟಿಯನ್ನು ನೀ ಉಗಮಿಸು!!

- ಪಿ.ಜಿ.ಜ್ಯೋತಿ

20 Aug 2017, 10:18 am

ದಾಸವಾಳದ ಹೂವು

ದಾಸವಾಳದ ಹೂವಿನ
ದಾಸಾಗಲು ಬಂದೆ
ರಾಶಿ ಹೂಗಳ ಕಂಡು
ಗೊಂದಲದಿ ನಾ ನಿಂತೆ!!

ಅರಳುತ್ತಲಿ ಇರುವ
ಹೂವೊಂದ ನಾ ಕಂಡೆ!!
ಮುತ್ತಿಡಲು ಹೋದಾಗ
ಭಯದಿಂದ ಹಿಂದೆ ಸರಿದೆ!!

ಆಗತಾನೇ ಮುಗಿದ ಹೂ
ದುಂಬಿಯ ಪರಾಗ ಸಂಗಮ!!
ಬೆಚ್ಚಿ ಬೀಳಿಸಿತು ನನ್ನ
ದುಂಬಿ ಹೊರ ಬರುವಾಗ!!

ಮೆಚ್ಚಿದ ಮನಸಿನಲಿ
ನಿರಾಸೆಯ ಕಳೆ ಇಂದು!!
ದೂರ ಸರಿಸಿತು ನ‌‌ನ್ನ
ಸೇವೆಯನ್ನು ನಿರಾಕರಿಸಿ!!

- ಪಿ.ಜಿ.ಜ್ಯೋತಿ

20 Aug 2017, 09:22 am