ಕಣ್ಣಗಸಿ
-------------
ನಾ ಕಣ್ಣು ಮುಚ್ಚಿದಾಗಲೊಮ್ಮೆ
ತಿರುಗಾಡುತ್ತಾನೆ ನನ್ನ ಒಡೆಯ
ನನ್ನ ಕಣ್ಣಗಸಿಯ ಮುಂದೆ.
ಕಣ್ಣು ಮುಚ್ಚಿ ಮನದಲ್ಲೇ ಬಚ್ಚಿಡುತ್ತೇನೆ
ಕಳೆದು ಹೋಗುತ್ತಾನೆಂಬ ದುಗುಡದಿಂದ.
ನೋವುಗಳು ಕತ್ತಲು ಕವಿಯುತ್ತವೆ
ರಾತ್ರಿ ಅತ್ತು ದಹಿಸುವ ಚುಕ್ಕೆಗಳಂತೆ
ಅವನು ಮಾತ್ರ ತಾಯಿಯಾಗುತ್ತಾನೆ
ನೋವ ನುಂಗಿ ಅತ್ತಾಗಲೊಮ್ಮೆ.
ನಾ ಅಂಜುವೆ ಎದೆಗುಂದುವೆ
ಪ್ರತಿ ದಿನ ಪ್ರತಿ ಕ್ಷಣ
ಭಿಕ್ಷೆ ಬೇಡಲು ತುಂಡು ರೊಟ್ಟಿಗೆ
ಅವನು ಹೂಮಳೆಗರೆಯುತ್ತಾನೆ
ಗಂಗೆಯಲ್ಲಿ ಚಿಮುಕಿಸುವ ನೀರಿನಂತೆ.
ಪ್ರಲೋಭನೆಗಳ ಬದಲಿಗೆ ದಹಿಸಲು
ನಾನು ಜ್ವಾಲೆಯನ್ನು ಬೇಡುತ್ತೇನೆ.
ಆಸ್ತಿ,ಅಂತಸ್ತು,ಕೊಟ್ಟು ಹೀಯಾಳಿಸುತ್ತಾನೆ
ಗಂಗೆಗೂ ನಾಚಿಕೆ ನೀರು ಬೇಡಿದಂತೆ.
---- ಸುರೇಶ ಜಕಾತಿ.ಜಮಖಂಡಿ
8746086658
ಪ್ರೀತಿಯಲಿ
ಸೂರ್ಯನ ಎಳೆಬಿಸಿಲ ತಂಪು
ಚಂದ್ರನ ಬೆಳಕಿನ ಇಂಪು
ಕೋಪದಲಿ
ಮಧ್ಯಾನ್ಹದ ಬಿಸಿಲ ಧಗೆ
ಒಲವಿನಲಿ
ಹಣೆಗೆ ಹೂಮುತ್ತಿನಲಿ ಶೃಂಗರಿಸಿ
ಜಗವ ಮರೆಸುವ
ಶೃಂಗಾರದಲಿ
ತೋಳಿನಲಿ ಬಳಸಿ
ತುಟಿಗೆ ತುಟಿ ಬೆಸೆದು
ಮನ ಮೂಕವಾಗಿಸುವ
ಅವನೆಂದರೆ ನನ್ನವನು
ನನ್ನಲ್ಲೇ ಅವನು ..!
ಅಂದು,
ಬಾಗಿಲ ಬಳಿ ನಿಂತು
ಅದೆಷ್ಟೋ ಹೊತ್ತಿನಿಂದ
ಕಾಯುತ್ತಿದ್ದೆವು ಅಮ್ಮ ತರುವ
ಮುದ್ದಾದ ಗೊಂಬೆಗಳಿಗೆ
ಅಲಂಕಾರ ಮಾಡಿ ಆಟ ಆಡಲು!
ಇಂದು,
ಮುಚ್ಚಿಕೊಂಡಿರುವ ಬಾಗಿಲು
ಸ್ವಾಗತವನ್ನು ಕೋರುತ್ತಿವೆ
ತಂದ ಬೊಂಬೆಗಳು
ಮನೆಯ ಅಂದವನ್ನು ಹೆಚ್ಚಿಸಲು
ಉಪಯೋಗವಾಗುತ್ತಿವೆ!
ಕಾಲ ಬದಲಾಗಿದೆ...ಆದರೆ
ತಾಯಿ ಪ್ರೀತಿ ಮಾತ್ರ
ಬದಲಾಗದೆಂದು!