ಧರ್ಮಗಳು ನಮ್ಮನ್ನು ಬಲೆಯಲ್ಲಿಡುವವು
ದೇವರುಗಳು ನಮ್ಮನು ಬಯಲಿಗೆ ತಂದು ನಿಲ್ಲಿಸುವವು
ಜಾತಿಗಳು ನಮ್ಮ ಕನಸ್ಸುಗಳ ಕಿತ್ತುಕೊಳ್ಳುವವು
ಗಡಿ ಗುಡಾರಗಳು ನಮ್ಮನ್ನು ದೂರ ಇಡುವವು
ನಾನು ಕಾಯುತ್ತಿದ್ದೇನೆ ಓಡಿಯಲು ಆ ಗೋಡೆಗಳನ್ನು
ಕೈ ಜೋಡಿಸುವಿರ ನನ್ನೊಟ್ಟಿಗೆ ನೀವು...
ಪ್ರಿಯತಮೆಯ ನೆನಪಿನಲ್ಲಿ
ಕವಿತೆ ಬರೆಯುತ್ತಿಹೆನು ನಾನಿಲ್ಲಿ
ಮುದ್ದಾಗಿ ಬರೆದ ಪದಗಳೆಲ್ಲ
ನಾಚಿಕೆಯಿಂದ ಮರೆಯಲ್ಲಿ ಅಡಗಿರಲು
ಖಾಲಿ ಪುಟದ ಬಿಳಿಯ ಹಾಳೆಯಲ್ಲಿ
ನನ್ನ ನೋಡಿ ನಗುತ್ತಿರಲು
ನಾ ಕಳೆದುಹೋದೆನು
ಕನಸುಗಳ ಮೆರವಣಿಗೆಯಲ್ಲಿ...
ನಾ ಅರಿಯಲಿಲ್ಲವೇಕೆ ಅವಳ
ಅಂತರಾಳದ ತಾತ್ಪರ್ಯಗಳ
ನಾ ಅರಿಯಲಿಲ್ಲವೇಕೆ ಅವಳ
ಹುಚ್ಚು ಪ್ರೀತಿಯ
ನಾ ಅರಿಯಲಿಲ್ಲವೇಕೆ ಅವಳ
ಹೃದಯದ ಗುಣವಂತಿಕೆಯ
ನಾ ಅರಿಯಲಿಲ್ಲವೇಕೆ ಅವಳ
ಕಷ್ಟದ ನೋವುಗಳ
ನಾ ಅರಿಯಲಿಲ್ಲವೇಕೆ ಅವಳ
ಸಮಯ ಪ್ರಜ್ಞೆಯ
ನಾ ಅರಿಯಲಿಲ್ಲವೇಕೆ ಅವಳ
ನಿರ್ಬಂಧನೆಗಳ ಬೆಲೆಯ
ನಾ ಅರಿಯಲಿಲ್ಲವೇಕೆ ಅವಳಿಟ್ಟ
ಜೀವನದ ಸಲಹೆಗಳ
ನಾ ಅರಿತೇನು ಅವಳ ಪ್ರೀತಿ ಗುಣ ಸಲಹೆಗಳ
ಅವಳು ದೂರವಾದ ಈ ಕ್ಷಣದಲ್ಲಿ
ನಾ ಹೇಗೆ ತೋರಿಸಲಿ ಈ ಪಾಪದ ಮುಖವ
ಅವಳು ಅರಿವಳ ನನ್ನ ಆತುರತೆ ನಿರ್ಧಾರಗಳನ್ನ
ಸುಂದರ ಹಳ್ಳಿಯ ಸುಂದರ
ಸೊಬಗಲ್ಲಿ ಹುಟ್ಟಿಹಳು ನನ್ನೊಡತಿ
ಹಸಿರಿನ ಸಂಕೇತವಾಗಿ ಹಸಿರು ಸಿರೆಯನ್ನುಟು
ಹೊಳೆವ ತೊರೆಗಳ ಕಣ್ಣಲ್ಲಿ ತುಂಬಿಕೊಂಡು
ಬೆಳದಿಂಗಳ ಚಂದ್ರನ್ನ ಮುಗುತಿಯಾಗಿ ಧರಿಸಿ
ಸಂಸ್ಕೃತಿಯನ್ನು ಬೋಟ್ಟಾಗಿ ಇಟ್ಟುಕೊಂಡು
ಕಪ್ಪುನೇಲದ ಕುರುಹಾಗಿ ಕಾಡಿಗೆ ಇಟ್ಟು
ಯಾವ ಪೇಟೆಯ ಬಣ್ಣಭಿನ್ನಾಣಗಲಿಲ್ಲದೇ
ನಾಟಕೀಯ ಪ್ರೀತಿಯ ಅರಿವಿಲ್ಲದವಳು
ನನ್ನೊಡತಿ ನನ್ನ ಮನದೊಡತಿ..........