Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

*ಪ್ರೀತಿ*

ಈ ಸುಂದರ ಜಗದಲ್ಲಿ
ನಿನಗಿಂತ ಯಾರೂ ಸುಂದರಿಯಿಲ್ಲ.
ನಾನಂತೂ ನಿನ್ನ ಆರಾಧಕ
ನಿನ್ನ ಮೇಲಿನ ಸೌಂದರ್ಯಕ್ಕಲ್ಲ!..

ನೀ ಬರುವ ದಾರಿಯಲ್ಲಿ
ಕಾದಿರುವೆ ಪ್ರತಿದಿನ
ನೀ ಬಾರದೇ ಹೋದಾಗ
ನೊಂದು ಅಳುವುದು ನನ್ನ ಮನ!

ಕಣ್ಣರೆಪ್ಪೆಯ ಮುಚ್ಚದೇ
ನಿನ್ನನೇ ನೋಡುವುದು ಈ ನಯನ.
ನೀ ಕಾಣದೇ ಹೋದಾಗ
ಪರಿತಪಿಸುವುದು ನನ್ನೀ ಹೃದಯ!

ನಿನ್ನ ಪ್ರೀತಿಯ ಬಂಧನದಲ್ಲಿ
ನಾ ತೇಲಿಹೋದಂತೆ,
ನಿನ್ನೊಲುಮೆಯ ಮಾತು ಕೇಳಿದಂತೆ
ಕನಸು ಕಾಣುತ್ತಿರುವೆ ನಾನಿಲ್ಲಿ!

ಓ ನನ್ನ ಪ್ರೀತಿಯ ಸಖಿ
ನೀನಾಗ ಬಯಸುವೆಯ ಬಾಳಸಂಗಾತಿ
ನೀ ಜೊತೆಗಿದ್ದರೆ ನಾನು ಸುಖಿ
ನೀ ದೂರವಾದರೆ ಸಾವೇ ಗತಿ!

- ಪ್ರಿಯಾಂಕ

05 Oct 2017, 05:59 pm

ಬಣ್ಣದ ಸೋಗಲ್ಲಿ ಮರೆಯಾದ ಮಾನವೀಯತೆ ...

ಬದುಕೆಂಬ ರಂಗಿನಾಟದಲ್ಲಿ
ಬಣ್ಣ ಬಳಿದುಕೊಂಡವರೇ ಬೆಳಿದಿರುವರು
ಬಣ್ಣ ಬೇಡವೆಂದು ತಲೆ ಎತ್ತಿ ನಡೆದೇವರೆಲ್ಲ
ನೆರಳಿಗೂ ಗುರುತು ಸಿಗದೇ
ಕತ್ತಲಲ್ಲೇ ಮರೆಯಾಗಿ ಹೋದರು
ಕುಡಿಯದೆಯೇ ಕುಡಿದ ಹಾಗೇ
ಖುಷಿಯಲ್ಲಿಯೇ ಅಳುವಿನ ಸೋಗು
ಎಲ್ಲರು ತಮ್ಮದಲ್ಲದ ಪಾತ್ರದಲ್ಲಿ ತಲ್ಲೀನರಾಗಿರಲು
ಸೂತ್ರದಾರನಿಗೆ ಮರೆತೇ ಹೋಗಿದೆ
ತಾ ಕೊಟ್ಟ ಪಾತ್ರಗಳು

ಕುಲವೆಂಬ ಕಪ್ಪು ಬಣ್ಣ
ಆಸ್ತಿಯೆಂಬ ಕೆಂಪು ಬಣ್ಣ
ಸ್ವಾರ್ಥವೆಂಬ ನೀಲಿ ಬಣ್ಣ
ಅಧಿಕಾರವೆಂಬ ಕೇಸರಿ ಬಣ್ಣ
ಅನೀತಿಯೆಂಬ ಹಳದಿ ಬಣ್ಣ
ಎಲ್ಲ ಬಣ್ಣ ಒಟ್ಟಿಗೆ ರಾಚಿರಲು
ಮನುಷ್ಯತ್ವವೆಂಬ ಮೂಲ ಬಣ್ಣವೇ
ಆಕಾಶದಲ್ಲಿ ಮಾಯವಾಗಿತ್ತು
ಗಾದೆಪ್ಪ

- ಗಾದೆಪ್ಪ

05 Oct 2017, 05:34 pm

ನಾ ಒಬ್ಬ ಕವಿಯಾಗಬಾರದಿತ್ತೇ..?

ನಿನ್ನ ತುಟಿಯಲ್ಲಿ
ಅಡಗಿ ಕುಳಿತಿಹೆನು
ಕಾಣುವೆ ಒಮ್ಮೆ ನೀ ನಕ್ಕರೆ
ಹಾಗೆಂದು ನೀನು
ತುಂಬಾನೇ ನಗಬೇಡ
ಬಂದಾರು ಬೇರೆಯವರು ನನ್ನ ಜಾಗಕೆ

ತುಂಬಾನೆ ಒಳ್ಳೆಯವ್ನು
ಅನ್ಕೊಂಡಿದ್ದೆ ನನ್ನ ನಾನು
ನಿನ್ನನ್ನು ಕಾಣೋ ಮೊದಲು ..
ಆಮೇಲೆ ತಿಳಿಯಿತು
ನಾ ಒಬ್ಬ ನರಮನುಷ
ಬಿಳುತಿಹುದು ಪೋಲಿ ಕನಸು..

ಕೆಂದಾವರೆ ತುಟಿಯು
ನೀಳ ನಿನ್ನ ಜಡೆಯೂ
ಉಯ್ಯಾಲೆ ಆಡೂತೈತಿ ಗಾಳಿಗೆ
ಬಿಗುಮಾನದ ನಡೆಯು
ನಗು ತುಂಬಿದ ಮೊಗವು
ಚೆಲ್ಲೈತಿ ಹುಣ್ಣಿಮೆಯ ಬೆಳಕು

ಯಾವ್ದುಕ್ಕು ನಿನ್ಮೇಲೆ
ಕೇಸ್ ಅನ್ನು ಹಾಕಿಬಿಡಲೇ
ಕೊಲ್ತಿಯ ನನ್ನ ಕ್ಷಣ ಬಿಡದೆ
ಹೃದಯಾನೇ ಜೈಲು
ಅಲ್ಲಿ ಸಿಗಲ್ಲ ಬೈಲು
ಇರಬೇಕು ಕೊನೆಯವರೆಗೆ....

ಹೊಗಳಿಕೆಯ ಹೂಮಾಲೆ
ಕಟ್ತಾನೇ ಇರುವೆನು
ನಿನೀಗೇ ನಗ್ತಾನೇ ಇದ್ರೆ
ಪದಗಳೇ ಸಾಲ್ತಿಲ್ಲ
ಯಾರನ್ನು ಬೇಡ್ಲಿ
ನಾ ಒಬ್ಬ ಕವಿಯಾಗಬಾರದಿತ್ತೇ
ಗಾದೆಪ್ಪ

- ಗಾದೆಪ್ಪ

05 Oct 2017, 05:19 pm

.......

ಬಾನಂಗಳದ್ಯಾಗೆ ಬಿಡಿಸ್ಯಾನೆ
ಸೂರ್ಯನು ಬಣ್ಣದ ಚಿತ್ತಾರವನ್ನ
ರವಿವರ್ಮ ನೋಡಿ ನಾಚವ್ನೆ ನಗುತ್ತಾ ಹೊಗಳುತ್ತಾನಿಸರ್ಗದ ಮೈ ಮಾಟವನ್ನ

ತೆಲ್ಯಾವೆ ಮೋಡಗಳು ಗಾಳಿಲಿ ತೂರಾಡತ
ಬಿದ್ದಾವೇ ಜಗಳಕ್ಕೆ ಒಂದಕ್ಕೊಂದು ಗುದ್ದುತ್ತ
ಮರತಾವೇ ಮರುಕ್ಷಣವೇ ತಮ್ಮೆಲ್ಲ ಜಗಳನ
ಸುರಿಸುತ್ತ ಮಳೆಹನಿಯ ಭೂದೇವಿ ಮಡಲಿಗೆ

ಮರಗವ್ನೆ ಸೂರ್ಯನು ಧರೆಯನ್ನು ನೋಡುತ್ತಾ
ಹೇಳವ್ನೆ ನಿಲ್ಸೋಕೆ ತಿರುಗೋದುತನ್ನ ಸುತ್ತ
ನಗ್ತಾನೇ ನುಡಿದವಳೇ ಭೂದೇವಿ ತಿರುಗುತ್ತ
ನನ್ನ ಮಕ್ಳ ಕಾಯೋಕೆ ನಾ ಎಲದಕ್ಕೂ ಸಿದ್ದ.

ಹುಟ್ಟುತ್ತಾ ಕೆಂಪು,ಮುಳುಗುತ್ತ ಕೆಂಪು
ನಡುವೆ ಹುರಿಯುತ್ತ ಬೆಳಗವ್ನೆ ಲೋಕನಾ
ಇರುವರೆಗೂ ನಂದು ಒಂದೇನೆ ಬಣ್ಣವು
ಸಾರವ್ನೆ ನೇಸರನು ಬದುಕಿನ ಮರ್ಮ

ನಗ್ತವ್ನೆ ಚಂದ್ರನು ನೀರಲ್ಲಿ ನೋಡುತ್ತಾ ಪ್ರತಿಬಿಂಬ
ಆ ನಗುವೇ ಬೆಳಕಾಗಿ ಹರಡೈತಿ ಭೂಮಿಮ್ಯಾಗ
ನಳಿದಾವೆ ನಕ್ಷತ್ರ ಬಾನನ್ನು ಚುಂಬಿಸುತಾ
ಅಂಧಕಾರಕ್ಕೂ ಅಲಂಕರಿಸಿ ಒಳಿತನ್ನೇ ಬಯಸುತ್ತ

- ಗಾದೆಪ್ಪ

05 Oct 2017, 05:16 pm

ಇರಬೇಕು ಹೇಗೆ ನೀನಿಲ್ಲದೆ?

ಕನಸೆಲ್ಲವಾ ಕರೆದೊಯ್ಯುವೆ
ಕಣ್ಣೀರಿನ ಜೊತೆಯಲ್ಲಿಯೇ
ತಿಳಿದು ಕೂಡ ಬಯಸುವೆಯ
ಮಸಣದ ಗೂಡು ಈ ಹೃದಯ

ಮರೆತೋಗಿರೋ ಮಾತೆಲ್ಲವ
ಮತ್ತೆತೇಕೆ ನೀ ನೆನಪಿಸುವೆ
ಎಂಥ ಕಲ್ಲು ಹೃದಯವು
ಕರಗಲೇಬೇಕು ಈ ಕಥೆಗೆ

ಬಳಿ ಬಂದರೆ ನೀ ಕೊರುಗುವೆ
ದೂರ ತಾಳದೆ ನಾ ಸಾಯುತಿರುವೆ
ಬೇಕೇ ಹೇಳು ಈ ಅಗ್ನಿಪರೀಕ್ಷೆ
ವಿರಹ ವೇದನೆಯ ತಾಳುವುದೇಗೆ

ನಿಜವಾಗಿಯೂ ನಾ ಸತ್ತರೂ
ನೆನಪಾಗಿಯೇ ನಿನ್ನ ಜೊತೆಯಿರುವೆನು
ಬಿಟ್ಟು ಬಿಡು ನೀ ಆತಂಕ
ಪ್ರೀತಿಗೇ ಗೆಲುವುಂಟು ಕೊನೆತನಕ

ಹುಸಿರಾಟವ ನಾ ಮರೆತರೆ
ಜ್ಞಾಪಿಸುವುದು ನಿನ್ನ ಕೆಲಸವು
ಸವಿಯುತ್ತ ನಿನ್ನ ಸೌಂದರ್ಯ
ಮರೆತೋಗ್ತಿದೆ ನನ್ನ ಸಾಹಿತ್ಯ.
ಗಾದೆಪ್ಪ

- ಗಾದೆಪ್ಪ

05 Oct 2017, 05:14 pm

ಭಯ

ಏನಕ್ಕೂ ಭಯವಿಲ್ಲವಂತೆ
ನನ್ನ ಮುದ್ದು ಹುಡುಗಿಗೆ.
ಬಂದು ಅವಿತುಕೊಂಡಳು
ನನ್ನೆದೆಯಲಿ, ಒಂದೇ ಗುಡುಗಿಗೆ !!

- ಶ್ರೀಗೋ.

05 Oct 2017, 02:30 pm

ಚೆಲುವು ಮೆಚ್ಚಿದ ಚೆಲುವೆ

ಚೆಲುವು ಕಂಡ ಕನಸಿಗೆ ರೂಪ ನೀನೆಂದು
ತಿಳಿದು ನಿನ್ನೆಡೆಗೆ ನಡೆದಂತಿದೆ ಚೆಲುವೆ..........

ಬಂಗಾರದ ಬಣ್ಣ ನಿನ್ನ ನೋಡಿ ಚಿನ್ನ ತಾನು ಹೊಳಪು ಕಳೆದು ಕೊಳ್ಳುವ ಭಯವಾಗಿ ನಿನ್ನಲ್ಲೇ ನೆಲೆಯಾದಂತಿದೆ...........

ನೀಲವೆನಿ ನಿನ್ನ ನಯನ ಮನೋಹರ ಮಾಯೆಯಂತೆ ಮತ್ತನ್ನು ಹರಿಸುತ್ತಿದೆ............

ಅಂಕು ಡೊಂಕು ನಿನ್ನ ನಡಿಗೆ ಸೊಂಟದ ಬಳುಕಲ್ಲಿ ನನ್ನ ಎದೆಯ ಬಡಿತ ಬಿದ್ದು ಕಾಡಿದೆ ನನ್ನ ಕನಸಲ್ಲಿ...............

ನಿನ್ನ ಕೋಮಲ ಕೇಶ ರಾಶಿ ಗಮ್ಮತ್ತಾಗಿ ನನ್ನ ಕದಿಯುತ್ತಿದೆ ವಯ್ಯಾರದ ಸರಣಿಯಲ್ಲಿ ಸಾಲದ ವರ್ಣನೆಯ ಪದಗಳಲ್ಲಿ...............

ಕಾಲ್ನಡಿಗೆ ಗೆಜ್ಜೆ ಸದ್ದು ಭುವಿಗೆ ನೀಕೊಡುವ ಸಿಹಿಯಾದ ಮುತ್ತು ಅದೃಷ್ಟ ನನಗಿಲ್ಲವೇ ಸೊಗಸಾದ ಸುಕುಮಾರಿ ನಿನ್ನ ಕೈಯಲ್ಲಿ ಜಲ್ಲೆನ್ನುವ ಬಳೆಯಾಗಳು...................

ಪ್ರತಿಯೊಂದು ಹೆಜ್ಜೆಗೆ ಜೊತೆಯಾಗುವ ನೆರಳಾಗಳು..........

ಅನು ಕ್ಷಣ ನಿನ್ನ ಕೆನ್ನೆಯ ಮುದ್ದಾಡುವ
ಸಿಂಗಾರದ ಕಿವಿಯೋಲೆಯಾಗಳು.........

- ಚುಕ್ಕಿ

05 Oct 2017, 01:24 pm

ನೀನಗಾಗಿಯೇ.

ಏನೆಂದು ಹೇಳಲಿ ಗೆಳತಿನೀನಿಲ್ಲದೇ
ಮನದ ತಾವರೆಯೂ ಮುದುಡಿ ಹೋಗಿದೆ
ತುಂತುರು ಸೂನೇಯು ಹವೆಯಾಗಿ ಸುಡುತ್ತಿದೆ
ನೀ ಬರುತಿದ್ದ ಹಾದಿಯು ಇಂದೇಕೋ
ಭೀಕೋ ಎನ್ನುವಂತಿದೆ

ನಿನ್ನ ಹೆಜ್ಜೆಯ ಗೆಜ್ಜೆಯ ಸದ್ದು
ಮರೆಯಾಗಿ ಅಡಗಿದೆ
ಇನ್ನೇನು ನಿನಗಾಗಿ ಚಂದಿರ ಬರುವನು
ನಿನ್ನ ಮುಗುಳು ನಗೆಯ ನೋಡಲು
ತಾರ ಬಳಗ ಹಾದಿ ಕಾಯುತ್ತಿವೆ
ನಿನ್ನ ಪಿಸು ದ್ವನಿ ಕೇಳಲು

ಬೆಳಕರಿದ ನಂತರ ಮರೆಯಾಗುವವೆನೊ
ಆದರೇ ನಾ ನಿನಗಾಗಿ ಕೊನೆವರೆಗೂ
ಕಾಯುತ್ತಾ ಇರುವೇನು ನೀ ಬರುವೆಯಲ್ಲವೇನು.

- ಅನಿಲಕುಮಾರ್.ಜಿ.

05 Oct 2017, 07:24 am

ಏರು ಜವ್ವನೆ !

ಚಿಗರೆಯ ಕಣ್ಣಿನವಳು
ಚೆಂದುಳ್ಳಿ ಹೆಣ್ಣಿವಳು
ಚೆಲ್ಲು ಚೆಲ್ಲು ಮಾತಾಡಿ
ಮನವನ್ನು ಮುದಗೊಳಿಸುವಳು.

ತಾರುಣ್ಯ ತುಂಬಿ ತುಳುಕಿದ ಕೆನ್ನೆ
ತುಳುಕಾಡುವ ಕುಡಿಕೆಯೊಳಗಿನ ಬೆಣ್ಣೆ
ನೀಳ ನುಣುಪಿನ ಮೂಗು
ನಯ ನಾಜೂಕಿನ ಬಾಗು
ಹಣೆಯ ಮೇಲಣ ಮೊಡವೆ
ಮುಗ್ದ ಚೆಲುವೆಗದೇ ಒಡವೆ

ಗುಲಾಬಿ ಎಸಳಿನ ತುಟಿಗೆ ಬಣ್ಣ
ತಂದು ಹಚ್ಚಿದರೇನೋ ತೊಂಡೆ ಹಣ್ಣ
ಚಂದ್ರಮುಖಿಯಿವಳ ಗಲ್ಲ
ಚೆಂದವನರಿತವನೆ ಬಲ್ಲ !

ಮಲ್ಲಿಗೆ ಮೃದುವಿನ ಪಾದ
ಜೊತೆಗೆ ಝಲ್ ಎನುವ ಗೆಜ್ಜೆ ನಾದ.
ಗುಂಗು ಹಿಡಿಸುವ ದನಿಯ ಮೋದ,
ಇವಳೊಂದು ಪ್ರೇಮದ ವೇದ!

ಶಿಲ್ಪದಲ್ಲಿ ಕಲೆಯನು ಕೆತ್ತಿ
ಕಡೆದಂತ ಯೌವ್ವನಗಿತ್ತಿ.
ಏರು ಜವ್ವನೆಯ ಬಣ್ಣಿಸಲು
ಹೊರಟ ಪದಗಳೆ ಹಳಸಲು!

- ಶ್ರೀಗೋ.

05 Oct 2017, 02:12 am

ಜೋತೆಗಾರರು ನಾವು........

ಜೋತೆಯಲಿ ಹುಟ್ಟಲಿಲ್ಲ
ಆದರು ನಾವು ಒಂದೇ
ತಾಯಿಯ ಮಕ್ಕಳು......

ಒಂದೇ ಮಡಿಲಿನಲ್ಲಿ
ನಿದ್ರೀಸಲಿಲ ಆದರು ನಾವು
ಒಂದೇ ಮಡಿಲಿನ ಕೂಸುಗಳು......

ಜೋತೆಗೂಡಿ ಒಟ್ಟಿಗೆ
ಆಡಲಿಲ್ಲ ಆದರು ನಾವು
ಜೋತೆಗಾರರು.........

ಒಂದು ಗೂಡಿ ಎಂದು ಬಾಳಲಿಲ
ಆದರು ನಾವು ಜೋತೆಗಾರರು.....

ಒಬ್ಬರ ಮನಸ್ಸು ಒಬ್ಬರು
ಅರಿಯ ಬಲ್ಲೆವು ನಾವು
ಆದರು ಅವರ ನೂವುನಲಿವಲು
ಜೋತೆಯಲಿ ಇರುವೆವು ನಾವು.....

ಎಂದಿಗೂ ದೂರ ಆಗದ
ಒಂದೆ ಮಡಿಲಿನ ಕೂಸುಗಳು ನಾವು......
ಸಹೂದರ ಸಹೂದರಿಯರು.....

- ರಾಗಸಿರಿ....

04 Oct 2017, 09:57 pm