Kannada Poems

Download App from Playstore. | Privacy Policy

ಹನಿಗವನ

ನಗುತಿದ್ದಳು ನನ್ನ ಹುಡುಗಿ
ನನ್ನ ಕಂಡಾಗಲೆಲ್ಲ
ಕಾರಣ ಗೊತ್ತಿದಿಲ್ಲ
ಮೊನ್ನೆ ಮದುವೆಯಾಗುವವರೆಗೆ
ಹೇಳಿದಳು ಕೊನೆಗೆ
ಕಾರ್ಟೂನ್ ಕಂಡರೆ ಅವಳಿಗೆ ನಗೆ

ಚುನಾವಣೆ ಪ್ರಚಾರಕೆಂದು
ಹೆಂಗಸರಿಗೆಲ್ಲ ಸೀರೆ
ಹಂಚಿದ್ದ ರಾಜಕಾರಣಿಯೊಬ್ಬ
ಸೀರೆ ತೊಟ್ಟು
ಕನ್ನಡಿ ಮುಂದೆ ನಿಂತ ನಾರಿಯರು
ಮರೆತೇ ಬಿಟ್ಟರು ಮತದಾನವನ್ನು..

ಅವಳ ನೋಡಿದಾಗಲೆಲ್ಲ
ಹೇಳುತಿದ್ದ ಇವ
ಅವಳೆಂದು ನನ್ನವಳೇ
ಮದುವೆ ಆಗಿ
ಅವಳಿಗೆ ಎರಡು ಮಕ್ಕಳು
ಇವನು ಇನ್ನು ಸಿಂಗಲ್ಲೇ ….

ರೇಡಿಯೋದಲ್ಲಿ ಪ್ರಕಟಣಾ
ಮೋಡ ಕವಿದ ವಾತಾವರಣ
ಭಾರಿ ಮಳೆ ನೀರಿಕ್ಷೆ
ಸುಡುವ ನೆಲವ
ಕಣ್ಣು ಕುಕ್ಕೋ ಸೂರ್ಯನ
ನೋಡಿ ನಕ್ಕನು ತಿಪ್ಪೇಶಿ ..
ಗಾದೆಪ್ಪ.

- ಗಾದೆಪ್ಪ

12 Oct 2017, 09:14 am

ಕಣ್ಣೀರು

ಕಣ್ಣೀರೆ,
ನಿನಗೇಕೆ ನನ್ನ ಕೆನ್ನೆಯ ಮೇಲೆ
ಅಷ್ಟೊಂದು ಪ್ರೀತಿ ?
ಒಂದು ದಿನವಾದರೂ ಬಿಟ್ಟಿರಲಾರದೆ
ಮತ್ತೆ ಮತ್ತೆ ಇಣುಕಿ ನೋಡುತಿ.

ನಿನಗೆಷ್ಟು ಗೆಳೆಯರು,
ಬಂದು ಬಾಂಧವರು,
ಎಲ್ಲರೂ ನನಗೆ ನಿನ್ನ
ಉಡುಗೊರೆಯಾಗಿ ಕೊಡುವರು !

ಅಪ್ಪನಿಂದ ಅಷ್ಟು,
ಅಮ್ಮನಿಂದ ಇಷ್ಟು,
ಮನಸಿಗೆ ಬಂದ ಹುಡುಗನಿಂದ ಇನ್ನಷ್ಟು.
ನಂಬಿಕೊಂಡ ಗೆಳೆಯರಿಂದ
ಮೊಗೆದಷ್ಟು, ಸುರಿದಷ್ಟು...

ಕಣ್ಣೀರೆ ನಿನಗೆ ಊರೆಲ್ಲ ನೆಂಟರು,
ನನಗೆ ನಿನ್ನನೇ ದಿನವೂ ಧಾರೆಯೆರೆವರು.
ಸಾಕು ನಿನ್ನ ಸಹವಾಸ,
ಬೇಡ ಈ ವನವಾಸ.
ಬಿಟ್ಟು ಹೋಗು ಕಣ್ಣೀರೆ
ಬಿಡಿಸು ನನ್ನ ದುಃಖದ ಸೆರೆ !

- ಶ್ರೀಗೋ.

12 Oct 2017, 07:23 am

ನನ್ನುಸಿರೆ ನೀನು .....

ಅವನ ನಗುವ ಮುಖವ ಕಂಡು ಚಿಟ್ಟೆಯಾಗಿ ಹಾರುತಿದೆ
ಹೂವಿನಂತ ನನ್ನ "ಮನಸ್ಸು"

ಪ್ರೀತಿಯ ಪಲ್ಲಕ್ಕಿಯಲ್ಲಿ ತೇಲುತಿದೆ
ನೂರಾರು ಸುಂದರ "ಕನಸು"

" ನನ್ನುಸಿರಿಗೆ ನೀನೇ ಜೀವ ವಾಗಿರುವಾಗ ನಿನ್ನನ್ನುಅಗಲಿ ನಾ ಹೇಗೆ ಬದುಕಲಿ ಹೇಳು "

ನನ್ನುಸಿರೆ .......

- Shilpa

11 Oct 2017, 10:14 pm

ಸೋದರಿ

ಓ ಸೋದರಿ
ನೀ ಇಂದು ನನ್ನ ಜೀವ

ಈ ಬರಿದಾದ ಹೃದಯದ ಕಡಲಿನಲಿ
ನಿನ್ನ‌ಪ್ರೀತಿಯ ಅಲೆ ಏಬ್ಬಿಸಿದೆ
ಆ ಅಲೆಯೊಳಗೆ ನಾ ಗೊತ್ತಿಲ್ಲದೆ ಬಂಧಿಯಾದೆ..
ನಿನಗೊಮ್ಮೆ ಹುಸಿಮುನಿಸು
ಬಂದಿರಲು
ನಾ ನೀರಿನಿಂದ ಹೊರಗೆ ಬಿದ್ದ
ಮೀನಿನಂತೆ
ನೀ ಒಮ್ಮೆ ಮಾತನಾಡಿದರೆ
ನನಗಾಗುವುದು
ಆ ಕ್ಷೀರ ಸಾಗರವೇ ಕುಡಿದಂತೆ

ಅಷ್ಟೊಂದು ಪ್ರೀತಿಯಿದೆ
ನನಗೆ ನಿನ್ನಲ್ಲಿ‌
ಪದಗಳೇ ಸಾಲುತ್ತಿಲ್ಲ
‌‌ ‌ ‌ನಿನ್ನ ವರ್ಣಿಸಲು ನನಗಿಲ್ಲ...
ಮುಗ್ಧ ಮನಸು

- mahesh

11 Oct 2017, 08:37 pm

ನಗು

ಅನುದಿನವು ಕಾರ್ಯಗಳಿಗೆ ಅಲೆದಾಟ
ಜೀವನ ಬೇಸರದಿ ಈ ಜಂಜಾಟ
ಆಪ್ತರ ಮನ ಮನಸೊಳಗೆ ಬರೀ ಹೊಡೆದಾಟ
ಈ‌ ಮುಖದಲಿ‌ ಸದಾ ನಗುವಿಗಾಗಿ ಹುಡುಕಾಟ..
ಮುಗ್ಧ ಮನಸು

- mahesh

11 Oct 2017, 05:29 pm

ನನ್ನೊಲವು ನಿನಗಾಗಿ

ಒಲವಿನಿಂದ ಬರೆದ ಕವಿತೆ
ಸಾಗರದ ಅಲೆಗಳಲ್ಲಿ ಸಿಲುಕಿರಲು
ಹೃದಯಗೀತೆ ಹಾಡಬೇಕಿದೆ
ಮನದಲ್ಲಿ ನೀ ತುಂಬಿರಲು!

ಕನಸು ಕಾಣುವ ಕಣ್ಣಿಗೆ
ಕಣ್ತುಂಬಿಕೊಳ್ಳಬೇಕಂತೆ ನಿನ್ನ ಚೆಲುವು
ಕಾದು ಕುಳಿತಿರುವ ಹೃದಯಕೆ
ಹೊತ್ತು ತರುವೆಯಾ ಪ್ರೀತಿಯ ಒಲವು!

ನನ್ನ ಉಸಿರಿನ ಕಣಕಣದಲ್ಲಿ
ಸೂಚನೆ ಇಲ್ಲದ ನಿನ್ನದೇ ಯೋಚನೆ
ನಿನ್ನ ನೆನಪಿನ ಜೊತೆಯಲ್ಲಿ
ಕಾಯುತ್ತಿದೆ ನನ್ನೀ ಹೃದಯದರಮನೆ!

ನಿನ್ನೊಲುಮೆಯ ಒಂದು ನೋಟಕಾಗಿ
ಈ ಜೀವ ಮಿಡಿಯುತಿದೆ ಇಂದು
ಕೊನೆಯುಸಿರುವ ನಿಲ್ಲುವ ಮೊದಲೇ
ಒಂದು ಬಾರಿ ಬರಬಾರದೇ ನೀನಿಂದು!

ಪ್ರಿಯಾಂಕ✍

- ಪ್ರಿಯಾಂಕ

11 Oct 2017, 02:40 pm

ಕಾಲೇಜಿನ ಮೋಜು

ಯಾರೋ ಹೇಳಿದಯೂ ಕಾಲೇಜಿನಲ್ಲಿ ಮೋಜು !!
ಅಂದೆ ಸೇರಿದೆ ನಾ ಕಾಲೇಜು
ಕಾಲೇಜಿನಲ್ಲಿ ಇಂಗ್ಲಿಷೆ ಸ್ಪೀಚು!!
ಹುಡುಗಿಯರ ಹಿಂದ್ದೆಯೇ ನನ್ನ ಬೆಂಚು
ಹುಡುಗಿಯ ಕಾಲಿಗೆ ತಗುಳುತ್ತಿತ್ತು ನನ್ನ ಕಾಲ ಅಂಚ್ಚು!!
ಅಂದೆ ಆಯಿತು ನನ್ನ ಮೈ ಬ್ಯಾಂಡೇಜು
ಮರುದಿನವೇ ನಮ್ ಅಪ್ಪ ಬಿಡಿಸಿದರು ಕಾಲೇಜು !!
ಅಂದೆ ಆಯಿತು ನನ್ನ ಮ್ಯಾರೇಜು

ರಾಜೇಶ್

- Rajesh

10 Oct 2017, 09:15 pm

ಮದರಂಗಿ ಕೈಯವಳು !

ಅಂದದ ಚೆಂದದ ಬಾಲೆಯೇ
ಯಾರು ಬರೆದರು ಹೇಳೇ ಚಿತ್ತಾರವ ||
ಆನೆಯ ದಂತದೊಲು ನುಣುಪಾಗಿ ಹೊಳೆದಂತ||
ಅಂಗೈಗೆ ಬಂದೈತೆ ರಂಗಿ,
ಯಾರು ಬರೆದರು ಹೇಳೇ ಮದರಂಗಿ ||

ಹೂವಿನ ಎಸಳಂತ ಕೈಯಿ.
ಹೊನ್ನ ಕಳಶದಂತಹಾ ನಿನ್ನ ಮೈಯಿ.
ಬೆರಳುಗಳ ಶೃಂಗಾರ, ಯಾಕೆ ಬೇಕು ಬಂಗಾರ||
ಮರಳಿ ನೋಡಿಕೊ ನಿನ್ನ ಕರವ
ಅರಳಿ ನಿಂತಿಹುದಲ್ಲೇ ಕೆಂಪು ಹೂವ ||

ಚೆಲುವಾತಿ ಚೆನ್ನಿಯೇ ಕೇಳು,
ನಿನ್ನ ಮದರಂಗಿ ಗುಟ್ಟು ಕೊಂಚ ಹೇಳು.
ಒಬ್ಬಳೇ ಇರುವಾಗ, ದೇವ ಕಿನ್ನರ ಬಂದು||
ಬರೆದು ಹೋದನೋ ಏನೋ ಹೂವ.
ನೀ ಜಾರಿ ಬಿಡಲಿಲ್ಲ ತಾನೇ ಮನವ||

- ಶ್ರೀಗೋ.

10 Oct 2017, 08:52 pm

ಪ್ರೀತಿ ಶಾಶ್ವತನಾ...??

ಮರೆತರು ಮರೆಯಲಾಗದ ನೆನಪು,ಸುಟ್ಟರೂ ಸುಡದಿರುವ ಕನಸು,ಕೊಂದರು ಸಾಯದ ಮನಸ್ಸು,ಇದಕ್ಕೆ ಕರಣ ನೀನ್ನ ಪ್ರೀತಿ,ಕೆಲವೊಮ್ಮೆ ಹೇಳದೆ ಕೇಳದೆ ಬಂದೆ,ಹೋಗುವಾಗ ಕಣ್ಣೀರಿನ ಜೋತೆಗೆ ಜೀವನವನ್ನೇ ಕೊಂದೆ....ಪ್ರೀತಿ ನೀ ಶಾಶ್ವತನಾ...??

- Mutturaj

10 Oct 2017, 06:49 pm

ಎನು ಇಲ್ಲದ ಕಥನ.....

ಪದಗಳೆ ಇಲ್ಲದ ಸಾಲು ಎಕೆ ಹೀಗೆ
ಬರೆಯುವುದಾದರು ಹೇಗೆ
ತಿಳಿಸುವಿರ ನನಗೆ.....

ಕಥೆಯೆ ಇಲ್ಲದ ಬದುಕು ಎಕೆ ಹೀಗೆ
ಅರ್ಥ ವಾಗುವುದಾದರು ಹೇಗೆ
ತಿಳಿಸುವಿರ ನನಗೆ........

ಉಸಿರೆ ಇಲ್ಲದ ಜೀವ ಎಕೆ ಹೀಗೆ
ಬದುಕುವುದಾದರು ಹೇಗೆ
ತಿಳಿಸುವಿರ ನನಗೆ.........
ಎನು ಇಲ್ಲದ ಮೇಲೆ......

- ರಾಗಸಿರಿ....

10 Oct 2017, 05:56 pm