Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

*ಬಂದುಬಿಡು ಒಮ್ಮೆಯಾದರೂ*

ಕೇಳುವವರು ಯಾರು ಇಲ್ಲ
ನನ್ನಲ್ಲೇ ಹುದುಗಿರುವ ನೋವಿನ ಕಥೆಯ
ಏಕಾಂಗಿ ಜೀವನ ನನ್ನದು
ಯಾರು ತಿಳಿಯರು ನನ್ನ ವ್ಯಥೆಯ!

ನೀ ನನ್ನೊಡಲೊಳಗೆ ಜನಿಸಿದೆ ಎಂದು
ಸಂಭ್ರಮದಿ ತೇಲುತ್ತಿದ್ದೆ ಅಂದು
ಪ್ರೀತಿಯ ಮೋಹಕ್ಕೆ ಸಿಲುಕಿ
ನನ್ನನೇ ಮರೆತೆಯಾ ನೀನಿಂದು!

ನೊಂದು ಬೆಂದ ಹೃದಯಕೆ
ಆಸರೆಯಾಗದೆ ನಡೆದುಬಿಟ್ಟೆಯಲ್ಲಾ
ಈ ತಾಯಿಯ ಕೈತುತ್ತಿನ
ಪ್ರೀತಿ ನೆನಪಾಗುವುದು ನಿನಗೆಂದೊ!

ನೋವಿನಲ್ಲಿಯೇ ದಿನಗಳೆಯುತಿರುವೆನು ನಾನಿಂದು
ದಿನವೂ ನಿನ್ನದೇ ನೆನಪು ನನಗಿಂದು
ಹೆತ್ತು ಹೊತ್ತು ಸಾಕಿದೆ ನಾನಂದು
ಮರೆತಿದ್ದರೆ ನೆನಪಿಸಿಕೊ ಬಳಿಬಂದು!

ಕಣ್ಣೀರಿನ ಜೊತೆಯಲ್ಲಿ
ಬಹುದೂರ ಸಾಗಿರುವೆನು
ಭರವಸೆಗಳ ಬದುಕಿನಲ್ಲಿ
ಶಬರಿಯ ಹಾಗೆ ಕಾದು ಕುಳಿತಿರುವೆನು!

ಪ್ರಿಯಾಂಕ✍

- ಪ್ರಿಯಾಂಕ

13 Oct 2017, 02:08 pm

.........

ಕಣ್ಣು ನಿನಾದರೆ ಆ ಕಣ್ಣ ಕಾಯೋ ರೆಪ್ಪೆ ನಾನು
ಉಸಿರು ನಿನಾದರೆ ಆ ಹೃದಯದ ಬಡಿತ ನೀನು
ನನ್ನ ನೋವಲ್ಲಿ ನೀನ್ನ ನೆನಪು ......

ನೀ ನನ್ನ ಬಳಿ ಮತ್ತೆ ಬರುವುದಿಲ್ಲ
ಎಂದು ತಿಳಿದರು ನನ್ನ ಈ "ಹುಚ್ಚು ಮನಸ್ಸು "
ನಿನ್ನನೆ ನೆನೆಯುತ್ತಿದೆ .......

ದಿನದ ಪ್ರತಿ ಕ್ಷಣಕೂಡ ನಿನ್ನ ನೆನೆದು
ನನ್ನ ಮನಸ್ಸು ಕೂಗಿ ಕೂಗಿ ಕರೆಯುತ್ತಿದೆ ನಿನ್ನ
ಆ ಹುಚ್ಚು ಮನಸ್ಸಿಗೆ ಗೊತ್ತಿದರು ನೀ ಮತ್ತೆ ಬರುವುದಿಲ್ಲ ಎಂದು .......

- Shilpa

13 Oct 2017, 08:04 am

ಜೊತೆ

ನೀ ಜೊತೆ ಗಿದ್ದಾಗ ಬಾಳು
ಸಂಕಲನ
ನೀ ಇಲ್ಲದಿದ್ದರೆ ಅದೇಕೋ ಭಾರವಾದ
ವ್ಯವಕಲನ

- ಎಸ್ಕೆ

12 Oct 2017, 10:35 pm

ರೌದ್ರಾವತಾರ

ವ್ರತಪೂಜಾದಿಗಳ ಫಲವಾಗಿ
ನೊಂದ ಮನಗಳಿಗೆ ವರವಾಗಿ
ಬರಗಾಲ ದೂರ ಮಾಡಿ
ಹರಿಯುತಿಹೆ ಮಾಡುತ ಮೋಡಿ

ನರ್ತನೆಯ ಮಾಡುತಿಹವು
ಹಳ್ಳ-ಕೊಳ್ಳ ನದಿಗಳು
ನಿನ್ನ ಸೆಳೆತಕ್ಕೆ ಕೊಚ್ಚಿಹೋಗಿಹವು
ಮನೆ-ಮಠ ಜೀವಗಳು

ದಶಕಗಳಿಂದ ಬರಿದಾಗಿದ್ದ
ನದಿಗಳಿಗೆ ಪುನರ್ಜನ್ಮ ನೀಡಿಹೆ
ಕೆರೆಗಳ ಕಟ್ಟೆ ಹೊಡೆದು
ಜೀವ ಹಾನಿಗಳ ಮಾಡಿಹೆ

ನೀ ಧರೆಯ ತಾಗೆಂದು
ಮೊರೆಯಿಟ್ಟವರು ನಾವೆ ಅಂದು
ನಿನ್ನ ರೌದ್ರಾವತಾರವ ನಿಲ್ಲಿಸೆಂದು
ಅಂಗಲಾಚುತಿರುವೆವು ಇಂದು




ಶಾರಧ

- ಶಕುಂತಲಾ

12 Oct 2017, 10:19 pm

ನನ್ನ ಮುದ್ದು ಕಂದ......

ಅಮ್ಮನ ಮುದ್ದು ಕಂದ
ನಿನಗಿದೂ ನನ್ನಯ ಕವನ
ನನ್ನ ಮಡಿಲಿನ ಮುದ್ದು ಕಂದ
ಬೆಳಕಂತೆ ಬಂದೆ ನೀನು ನಮ್ಮ ಮನೆಗೆ
ನೀ ಬಂದ ಆ ಗಳಿಗೆ ನನ್ನ ಪಾಲಿನ ಅಮೃತ ಗಳಿಗೆ
ನಿನ್ನ ನಗು ವೂಂದಿದರೆ ಸಾಕು ನನಗೆ ಬೆರೆನು ಬೇಡ
ನಿನ್ನ ತುಂಟಾಟ ನನಗೆ ಓಡಾಟ
ನಿನ್ನ ಅಪ್ಪನ ಮುದ್ದು ಮಗಳೆ
ನನ್ನ ಜೀವನ ಜೀವ ನೀನು
ಹೆಳಿದರೆ ಮುಗಿಯದು ನಿನ್ನ ಬಗ್ಗೆ
ಮುದ್ದಿನ ಕಂದ ನನ್ನಯ ಮಡಿಲಿನ
ಸುದರ ದೆವತೆ....
ನನ್ನ ಕಂದ......

- ರಾಗಸಿರಿ....

12 Oct 2017, 09:11 pm

ಮಿನುಗುತಾರೆ......

ಬೆಳದಿಂಗಳ ಅಗಂಳದಲಿ
ನಗುತಿರುವ ತಾರೆಗಳೆ
ನಿವೆಕೆ ಅಷ್ಟು ದೂರ
ನಿಮ್ಮನು ದಿನಾ ನೂಡುವ ಆಸೆ ನನಗೆ
ನನ್ನ ಬಳಿ ಬರಬಾರದೆ ಒಮ್ಮೆ ತಾರೆಗಳೆ
ಎಣಿಸಲಾಗದಷ್ಟು ದೊಡ್ಡದು ನಿಮ್ಮ ಬಳಗ
ನಾನು ಬರಲೆನೂ ನಿಮ್ಮ ಜೊತೆ ಆಡಲು
ಎಷ್ಟು ನೂಡಿದರು ಸಾಲದು ನಿಮ್ಮ ಲೋಕಾ
ಅದು ಬಲು ಸುಂದರ ......
ಹೆಳಿರೆ ತಾರೆಯೆರೆ ಕತ್ತಲಿನ ಲೋಕಾದ
ರಾಣಿಯರೆ.......
ಮಿನುಮಿನು ಮಿನುಗುವ ಮಿಂಚುಳ್ಳಿ ಯರೆ
ನೂಡಿದಷ್ಟು ದೂರ ಹಿಡಿಯಲಾಗದಷ್ಟು ಬಾರ
ಅದರು ನಿವು ಎಲ್ಲರ ಮನದ ತಾರೆಗಳು....
ಸುಂದರ ಲೋಕಾದ ಸುಂದರಿಯರು.....
ಕತ್ತಲನು ನುಂಗಿ ಮಿನಗುವ ತಾರೆಯರು......

- ರಾಗಸಿರಿ....

12 Oct 2017, 08:32 pm

ಆ ಕಣ್ಣುಗಳು..

ಆ ಕಣ್ಣುಗಳು ಕಾಡುತ್ತಿವೆ ನನ್ನ,
ಮತ್ತೊಮ್ಮೆ ಮಗದೊಮ್ಮೆ
ಎತ್ತೆತ್ತ ಹೋದರೂ ಬಂದು
ಬೆಂಬಿಡದೆ ನೋಡುವವು
ಕೊಂದು ಬಿಡುವಂತೆ.

ಎಲ್ಲಿದ್ದೆನೋ ನಾನು,
ಹೇಗೆ ಸಿಗೆ ಬಿದ್ದೆನೋ ಇವಕ್ಕೆ
ತಪ್ಪಿಸಿಕೊಳ್ಳಲಾಗದ ಕೈಕೋಳ
ತಪ್ಪಿಕೊಂಡರೊಮ್ಮೆ ನಿರುಮ್ಮಳ.

ದೃಷ್ಟಿಯಿಟ್ಟು ನೋಡಲಾರೆ,
ತಿವಿದು ಹಾಕುವಂತಹ ಮೊನಚು ನೋಟ
ನಿಲ್ಲದಾಗಿದೆ ನನ್ನೀ ಓಟ
ತಿರುಗಿ ನೋಡಿದರೆ ಕಂಗಳ ಕಾಟ
ಕೊನೆಯಾಗುವುದೆಂದೋ ಈ ಬದುಕಿನಾಟ.

- ಶ್ರೀಗೋ.

12 Oct 2017, 08:27 pm

ಉಸೀರು ನೀನೆ.....

ಬತ್ತಿದ ಮನದಲಿ ನೀನಾದೆ
ಹೂಸ ಕನಸಿನ ಅಲೆ,,
ಕಲೆ ಮರೆತ ಶಿಲ್ಪಿಯ ಕೈಯಲಿ
ನಿನಾದೆ ಹೋಸ ಶಿಲೆ,,

ನಿನಾದೆ ಈ ನಿಂತ ಹೃದಯಕ್ಕೆ
ಉಸಿರು ನಲ್ಲೆ....
ಹಸಿರ ಮನಕ್ಕೆ ಬಣ್ಣದ
ಚಿಟ್ಟೆಯಾಗಿ ಬಾರೇ ಬಾಲೆ.....!

- ಮಳೆಯಲ್ಲಿ ಜೋತೆಯಲ್ಲಿ

12 Oct 2017, 07:09 pm

*ಸೋಲಿನ ಪಯಣ*

ನಿನ್ನದೇ ಭಾವಚಿತ್ರದ ಎದುರಿನಲಿ
ಕವನ ಗೀಚುತ್ತಿರುವೆ ನಾನಿಲ್ಲಿ
ನಿನ್ನ ಮನದ ಮಾತುಗಳ ಕೇಳಲು
ಹೃದಯ ಬಯಸುತ್ತಿದೆ ನನಗಿಂದು!

ನಿನ್ನ ಮೊಗವ ನೋಡಲು
ಬಯಸುತ್ತಿದೆ ಮನವಿಂದು...
ಕನಸು ನನಸಾಗುವ ಮೊದಲೇ
ನನ್ನಿಂದ ದೂರಾದೆ ಯಾಕಿಂದು..

ನಿನ್ನೊಂದಿಗೆ ಕಳೆದ ನೆನಪುಗಳು
ಹೃದಯವ ಚುಚ್ಚಿ ಕೊಲ್ಲುತ್ತಿದೆ ಇಂದು,
ಈ ಜೀವ ಸಾಕೆನಿಸಿದೆ ನನಗೆ
ಎಲ್ಲಿದ್ದರೂ ನೀ ಸುಖವಾಗಿರು ಎಂದೆಂದೂ!

ಸಾಗುತ್ತಿದೆ ನನ್ನೀ ಪಯಣ
ಯಾರ ಅರಿವಿಗೂ ನಿಲುಕದಂತೆ
ಏಕಾಂಗಿಯಾಗಿ ಸಾಗಿರುವೆನು
ಮರಳಿ ಬಾರದ ಲೋಕಕ್ಕಿಂದು!

ಪ್ರಿಯಾಂಕ✍

- ಪ್ರಿಯಾಂಕ

12 Oct 2017, 06:30 pm

....

ಕಥೆ ಬರೆಯಲು ಅಣಿಯಾದೆ
ಪಾತ್ರಗಳೇ ಗೊತ್ತಿಲದೇ ..
ಪಾತ್ರಗಳು ಪರಿಚಯ ಆಗೋ ಒತ್ತಿಗೆ
ಕಥೆಯೇ ಮರೆತು ಹೋಗಬೇಕೆ..

- ಗಾದೆಪ್ಪ

12 Oct 2017, 05:27 pm