ನನ್ನೀ ಜೀವನದಲ್ಲಿ ಸಿಗದ ಒಂದು ಕಾರಣ
ನಿನ್ನ ಏಕೆ ಪ್ರೀತಿಸಿದೆ ನಾ
ಇಷ್ಟು ದಿನ ಅದೆಲ್ಲಿ ಅಡಗಿಸಿದ್ದೆ ಇಷ್ಟೊಂದು ಪ್ರೀತಿಯನ್ನ
ಅದು ಹೇಗೆ ಹೊರಹೊಮ್ಮಿತು ನಿನ್ನ ಕಂಡ ತಕ್ಷಣ
ಇದಕ್ಕೆ ನೀನೆ ನೀಡಬೇಕು ಉತ್ತರವನ್ನ.
ಮಿಂಚಿನಂಥ ನಿನ್ನ ಕಣ್ಣ ನೋಟಕೆ
ಬಾಗಿತು ಹೃದಯ ಹೀಗೇಕೆ
ಹುಣ್ಣಿಮೆಯ ಚಂದ್ರನಂಥ ನಿನ್ನ ಚಂದಕೆ
ಕೊಡಲೆ ಕಾಮನಬಿಲ್ಲನೇ ಕಾಣಿಕೆ
ನಿನಗೆ ಸಮವಾಗಲಾರರು ರಂಬೆ,ಊರ್ವಶಿ,ಮೇನಕೆ
ನಿನ್ನ ಎದುರು ನಿಲ್ಲಲು ದೇವ ಕನ್ಯೆಯರಿಗೂ ಕಾಡುವುದು ಅಂಜಿಕೆ
ಬಿಸಿಗಾಳಿಯೂ ತಂಗಾಳಿಯಾಗಿಬಿಡುವುದು ನಿನ್ನ ಸ್ಪರ್ಶಕೆ.
ಹೃದಯ ಹೊತ್ತ ಪ್ರೀತಿ
ಪಯಣಿಸಿದ್ದು ಆಕಾಶದ ಹಾದಿಯಲ್ಲಿ
ನಿನ್ನ ಸೇರಲು ನಿಂತಿದೆ
ನಿನ್ನೆದೆಯ ಬಾಗಿಲಲ್ಲಿ.
ನೆನಪ ಹೊತ್ತ ಕನಸು
ಮೂಡಿದ್ದು ರಾತ್ರಿಯ ವೇಳೆಯಲ್ಲಿ
ಈ ಕನಸ ತಲುಪಿಸಲು
ಬಂದಿರುವನು ಚಂದಿರನಲ್ಲಿ.
ಹಕ್ಕಿಗಳು ಕೂಗುತಿದೆ ನೋಡು
ನಿನ್ನ ಹೆಸರನ್ನು ಅದರದೇ ಭಾಷೆಯಲ್ಲಿ
ಆ ಹಕ್ಕಿಗಳಿಗೆ ನಿನ್ನ ಹೆಸರ ಕಲಿಸಿದ್ದು
ನಾನೆಂಬ ಹೆಮ್ಮೆಯಲ್ಲಿ
ಕಾಯುತಿರುವೆ ಆ ಹಕ್ಕಿಗಳಿಗೆ
ನೀ ಏನು ಹೇಳುವೆ ಎಂಬ ಕುತೂಹಲದಲ್ಲಿ
ನಂಬಿರುವೆ ನಾನಿರುವೆನೆಂದು
ನೀ ಹಕ್ಕಿಗೆ ಹೇಳುವ ಪ್ರತೀ ಮಾತಲಿ.