ಜಾತಿ ಗೀತಿ ಮಾಡ್ತರ್ಲಿಲ್ಲ
ಹೆಣ್ಣು ಗಂಡು ಅಂತಿರ್ಲಿಲ್ಲ
ಗಂಡಾ ಹೆಂಡ್ತಿ ಆಗ್ತಿದ್ವಿ
ಸಂಸಾರ ಆಟ ಆಡ್ತಿದ್ವಿ
ಹಗಲಾ ರಾತ್ರಿ ಓಡಾಡ್ತಿದ್ವಿ
ಮನಿ ಮಠ ಮರೀತಿದ್ವಿ
ಆದ್ರೂ ಏನೂ ಆಗ್ತಿರ್ಲಿಲ್ಲ
ಎಲ್ರೂ ಚನ್ನಾಗಿರ್ತಿದ್ವಿ
ಎಷ್ಟೊಂದು ಚೆಂದಿತ್ತು...
ಮೊಬೈಲ್ ಕಂಪ್ಯೂಟರ್ ಬಂದಿರ್ಲಿಲ್ಲ
ರೇಡಿಯೋ ಮಾತ್ರ ಕೇಳ್ತಿದ್ವಿ
ಬೇಕ್ರಿ ತಿಂಡಿ ಗೊತ್ತಿರ್ಲಿಲ್ಲ
ಮುಟಗಿ ಥಾಲಿಪಟ್ಟಿ ಸವಿತಿದ್ವಿ
ಹಾಲು ಮಜ್ಗಿ ಕುಡಿತಿದ್ವಿ
ಉಂಡಾಡಿಯಾಗಿ ಅಲಿತಿದ್ವಿ
ಆದ್ರೂ ಏನೂ ಆಗ್ತಿರ್ಲಿಲ್ಲ ಎಲ್ರೂ ಚನ್ನಾಗಿರ್ತಿದ್ವಿ
ಎಷ್ಟೊಂದು ಚೆಂದಿತ್ತು...
ಹಿಂಗ ಹೇಳ್ತಾ ಹೋದ್ರ
ಮುಗಿಯಾಂಗಿಲ್ಲ ನಮ್ ಕತಿ
ಇರ್ಲಿಲ್ಲ ನಮಗ ಯಾವ ಬಂಧ
ಹಕ್ಕಿಯಂಗ ಹಾರಾಡ್ತಿದ್ವಿ
ನಮ್ಮನ್ನ ಕಾಳಜಿ ಮಾಡಾಕ
ಇರ್ಲಿಲ್ಲ ಪುರಸೊತ್ತ ಹಡದವ್ರೀಗಿ
ಆದ್ರೂ ಏನೂ ಆಗ್ತಿರ್ಲಿಲ್ಲ
ಎಲ್ರೂ ಚನ್ನಾಗಿರ್ತಿದ್ವಿ
ಎಷ್ಟೊಂದು ಚೆಂದಿತ್ತು ನಂಬಾಲ್ಯ.
"ಕತ್ತಲೆಯೇ ಕವಿದ ಈ ನಯನಗಳಿಗೆ
ನಿನ್ನ ಜಿಂಕೆ ಕಣ್ಣಿನ ಮುಗ್ಧ ಸ್ನಿಗ್ಧ ನೋಟ
ಸಿಕ್ಕಾಗಲೆ ಗೆಳತಿ ಬೆಳಕ ಕಂಡಂತೆನಿಸಿ
ಅಮಾವಾಸ್ಯೆಯಂತ ಮನಸಿನ ಅಂಗಳಕೆ
ಬೆಳದಿಂಗಳೇನೆ ಬಂದು ಸುರಿದಂತಾಗಿದ್ದು"
"ತೆರೆದಂಗಳದಿ ನೀ ನಿಂತು
ಚಂದ್ರನ ನೋಡಿ ಚುಕ್ಕಿ ಎಣಿಸಿ
ನಗುವಾಗ ಸಿಗುವ ಆ ಗುಳಿಕೆನ್ನೆ ಅಂದ
ಚಂದ್ರನೇ ಮೈ ಮರೆವ ನಯನಗಳ ಹೊಳಪ
ಕಂಡಾಗ ಅನಿಸದಿರುವುದೇ ಹೇಳು ಗೆಳತಿ
ಏನು ಕೊಟ್ಟರು ಸಿಗದ ಹರುಷ ಕೊಡುವ
ಆ ಚಂದ್ರ ಚುಕ್ಕಿಯಾದರು ನಾನಾಗಬಾರದಿತ್ತೆಂದು"
"ನಕ್ಕು ಬಿಡು ಒಮ್ಮೆ
ಮುತ್ತುದುರಿ ಹೋದಂತೆ
ಉದುರಿದ ಮುತ್ತು ಕಣ್ಣ ಕೋರೈಸುವಂತೆ
ಈ ಬಡಪಾಯಿ ನಯನಗಳಿಗೆ
ಅದೇ ಚಿನ್ನಾಭರಣಗಳ ಸಂತೆ
ಮರೆತುಬಿಡುವೆ ನನ್ನೆಲ್ಲ ಅಂತೆ ಕಂತೆ"
ಇಲ್ಲಿ ಬರೀ ಕಪಟತನವನ್ನೇ ನೋಡಿದೆ,
ಇನ್ನಿಲ್ಲಿ ಬರುವುದಿಲ್ಲ ಲೋಕದಲ್ಲಿನ
ಕುತಂತ್ರಿಗಳ ಸೇನೆಯೆಲ್ಲಾ ಒಂದೆಡೆ ಸೇರಿ
ಬೀಗುತಿದೆ ಸ್ವಾರ್ಥದ ಅಟ್ಟಹಾಸದಲ್ಲಿಂದು.
ಕಂಬನಿಯ ಅಭಿಷೇಕಗೈದರು ಕಲ್ಲಿನಂತಹ ಘೋರ ಮನುಷ್ಯರ ನೆರಳಿಗೂ ಅದು ತಾಗುತಿಲ್ಲ ಈ ನರಕದಲ್ಲಿ ನೀವೇ ನೆಲೆಯಾಗಿರಿ ನೊಂದ
ಮನಸುಗಳ ಶಾಪಗಳ ಮೂಟೆಯೊತ್ತು ನಿಮ್ಮ
ಹಾಸಿಗೆಗಳ ಮೇಲೆ ಸುರಿದುಕೊಳ್ಳಿ ಇನ್ನಿಂದ
ರಾಕ್ಷಸ ರಾಜ್ಯವೆಂದು ಈ ವಿಸ್ಮಯ ನಗರಿಯಲ್ಲಿ.
ಮುಳುಗುತಿರುವೆ ನಾನು
ದುಂಖದ ಕಡಲಿನಲಿ
ಕೂರಗುತಿರುವೆ ನಾನು
ಮೌನದ ಅರಮನೆ ಯಲ್ಲಿ
ಬಂದಿಯಾಗಿರುವೆ ನಾನು
ಎಲ್ಲವು ಇದ್ದರು ಏನು ಇಲ್ಲದ ಬದುಕು
ಬೇಡದ ಮನಸ್ಸು ನಿನೇಕೆ ಹೀಗೆ
ಹೂರಟು ಬಿಡು ನನ್ನ ಬಿಟ್ಟು...
ಬಂದಿಯಾಗಿಯೆ ಇದ್ದು ಬಿಡುವೆ
ಉಸಿರಿರುವ ವರೆಗು....