Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ನಾ ಉಳಿಯಲು, ನಿನ್ನುಳಿಸಲು

ಈ ಅಂಭರದಿಂ ಆ ಅಂಭರದಿಂ
ಅಂಭರದೊಂದಾಚೆಗೆ,
ಸಗ್ಗವೇ ನಾಚುವ ಲೋಖವಿದೆ
ಅಲ್ಲೀ.........
ಜಠಿಲ ಕಾನನಗಳ ಹೊಳಪಿದೆ
ಸ್ವಚ್ಛ ಸಿಹಿನೀರಿಂದ ತುಳುಕಿದೆ
ನದಿ,ಜರಿ,ತೊರೆಗಳಲ್ಲಿ ಇಂಪ ಧನಿಯಿದೆ
ಹುಲ್ಲು ಹಾಸಿದ ಶಿಖರಗಳ ಸಾಲಿದೆ
ಕಣ್ಣರಳಿಸುವ ಹೂ. ತೋಟಗಳ ಬೀಡಿದೆ
ರೆಂಬೆ,ಕೊಂಬೆಗಳಲಿ ಬಯಸಿದ ಫಲವಿದೆ
ಹಕ್ಕಿ-ಪಕ್ಕಿಗಳ ಲಯವಾದ ಹಾಡಿದೆ
ನೀರಲ್ಲೆಲ್ಲಾ ಜಲಚರಗಳ ಸಂತಸದ ಆಟವಿದೆ
ಅಲ್ಲಲ್ಲೊಂದು ಹುಲ್ಲೆಂಚ ಮನೆಗಳಿದೆ
ಒಮ್ಮೆ ಅಲ್ಲಿಗೆ ಹಾರೋಣವೇ
ನೀನು ನನ್ನೊಡನೆ ಬರುವೆಯಾ
ಓ ಗುಬ್ಬಿ ಮರಿ, ಇಲ್ಲಾಗುತ್ತಿಲ್ಲವೇ
ನಾ ಉಳಿಯಲು, ನಿನ್ನುಳಿಸಲು........ಡಿ.ಸಿ..

- ಡಿ.ಸಿ.ನಾಗೇಶ್

07 Nov 2017, 06:41 pm

ನಂಬಿಕೆ

ಕಂಕಳಲಿ ಮಗು
ಬಿಕ್ಕಿ,ಬಿಕ್ಕಿ ಅಳುತಿದೆ
ಕುಡಿಯಲು ಹಾಲಿಲ್ಲ
ನಿಲ್ಲಲು ನೆರಳಿಲ್ಲ
ಆದರೂ.....
ಅಮ್ಮನ ತೆಕ್ಕೆಯ ಮರೆತಿಲ್ಲ

ಮೃಷ್ಟಾನ್ನವ ಬಸಿದು
ಬಿಸಾಡುತಿಹರು ತಿಪ್ಪೆಗೆ
ತುತ್ತನ್ನ ನನಗಿಲ್ಲ
ನಂಬಿಕೆಯುಂಟು ನನ್ನವ್ವ
ನನ್ನ ಮರೆತಿಲ್ಲ, ಮರೆಯೊಲ್ಲ

ದಾರಿಹೋಕರು ನಾವು
ದಾರಿಯೇ ತಿಳಿದಿಲ್ಲ ಎಲ್ಲಿಗೆಂದು
ಗುಡಿಮಂಟಪ ಮರದಡಿಯೇ ಹಾಸಿಗೆ
ಹೇಳಲು ಊರಿಲ್ಲ, ಕೂರಲು ಸೂರಿಲ್ಲ
ಆದರೂ.........
ಅಮ್ಮನ ಕೈಹಿಡಿದು ನಡೆಯುವುದು
ಮರೆಯೊಲ್ಲ, ಮರಿತಿಲ್ಲ

ಕಣ್ಣು ಮಂಪರಾಗುತಿದೆ
ಕರುಳಿನ ಬೇನೆಗೆ
ತಡೆಯಲಾಗುತ್ತಿಲ್ಲ ಸಿರಿವರ
ಬಿಸಿಲ ಧಗೆಗೆ
ಬೇಯುತಲೂ, ನಲಿಯುತಿಹೆವು
ನಿನ್ಗೆಲುವಲಿ...
ನಿನ್ನಾ ಆಶಾಕಿರಣ ಎಂದುದಯಿಸುವುದೋ
ನಮ್ಮ ಬಾಳನೆಂದು ಬೆಳಗುವುದೋ
ಆದರೂ......
ಚಿಂತೆಯಿಲ್ಲ, ಮಕ್ಕಳ ಮರೆತು ತಾಯಿ
ನಿದ್ರಿಸುವುದು ನಾನೆಂದು ಕಂಡಿಲ್ಲ.......ಡಿ.ಸಿ..

- ಡಿ.ಸಿ.ನಾಗೇಶ್

07 Nov 2017, 06:41 pm

ನಗು....

ದೇಶದ ಹಿತಕಾಗೆ
ಆ ನಿನ್ನ ನಗು
ಇಂಪಾದ ನಗು

ಶತ್ರುವಿನ ಗುಂಡಿಗೆ ಸೀಳಿದ
ಆ ನಿನ್ನ ನಗು
ಹಿಗ್ಗದ, ಕುಗ್ಗದ,ಜಗ್ಗದ ನಗು

ರಕ್ತ ಚಿಮ್ಮಿಸುವ
ಆ ನಿನ್ನ ನಗು
ಭರವಸೆಯ ನಗು

ಬೆಟ್ಟ,ಗುಡ್ಡಗಳ ಬಾಚಿತಬ್ಬಿದ
ಆ ನಿನ್ನ ನಗು
ಹಿತದ ನಗು

ಕಂಗಾಲಲಿ ಕಣ್ಮುಚ್ಚಿ ನಿದ್ರಿಸದ
ಆ ನಿನ್ನ ನಗು
ಘರ್ಜಿಸಿ ಹಿಮ್ಮೆಟ್ಟಿದ ನಗು

ಸರ್ವವೂ ಮರೆತು, ನಾಡ್ಗೆ ಅರ್ಪಿಸಿದ
ಆ ನಿನ್ನ ನಗು
ಜಯದ ನಗು
ಯೋಧನೇ ನಿನ್ನ ನಗು
ಭಾರತಾಂಬೆಯ ಚಿರನಗು.....ಡಿ.ಸಿ..

- ಡಿ.ಸಿ.ನಾಗೇಶ್

07 Nov 2017, 06:37 pm

ಚುಟುಕುಗಳು

ಭಯ

ಬಿಡುಗಡೆಯ ಹಾದಿಗೆ
ಕಾಯುತಿದೆ ಎನ್ನ ಮನವು
ಅವಳ ಒಲವ ಯಾತನೆಯ
ಸರಪಳಿಯಿಂದ| ನಾ
ಬಿಡುಗಡೆಯಾದರೆ
ಅವಳ ಪಾಡೇನು ಎಂಬ ಭಯ||

✍ಅನಿಲ್ ಕುಲಕರ್ಣಿ

- ಅನಿಲ್ ಕುಲಕರ್ಣಿ

07 Nov 2017, 06:27 pm

ಅವನು

ಅವನು ಕವಿತೆಯಾಗಿದ್ದರೆ ಬರೆದು ಮುಗಿಸುತ್ತಿದ್ದೆ ,ಅವನಿನ್ನು ಮುಗಿಯದ ಕಥೆ ನಾ ಬರೆಯುತ್ತಲೆ ಇದ್ದೆನೆ ಪದಗಳು ಸಾಯುತ್ತಲೆ ಗೋರಿ ಸೆರುತ್ತಿದ್ದಾವೆ
✍ಶ್ರೀ

- saipreethi

07 Nov 2017, 11:20 am

ವಿವಾಹ

ಕಾಗದದ ಮೇಲೆ ಬರಹಗಳನ್ನು ಗೀಚಿ
ಬರಹದಲ್ಲಿ ತುಂಬಿದ್ದಳು ಹೃದಯದಲ್ಲಿನ ಪ್ರೀತಿ.

ಪ್ರೀತಿ ಕಾಣದಂತೆ ಇಟ್ಟಿದ್ದಳು ಮರೆಮಾಚಿ
ದುರ್ಯೋಧನ ನೀರಿನಲ್ಲಿ ಅವಿತು ಕುಳಿತ ರೀತಿ||

ಮರೆತಿದ್ದಳು ಭೀಮನಂತ ಅಣ್ಣನಿರುವುದನ್ನು
ಹುಡುಕಿ ಎಳೆತಂದ ಪತ್ರದ ಜೊತೆ ಅವಳನ್ನು.

ಯಾರಿಗಾಗಿ ಈ ಪತ್ರ ಬರೆದೆ ಎಂದು ಗರ್ಜಿಸುತ
ನಿಧಾನವಾಗಿ ತೆರೆದನು ಅವಳು ಬರೆದಿದ್ದ ಓಲೆಯನ್ನು||

ನೋಡನೋಡುತ್ತಲೇ ಸೆಳೆಯಿತವನ ಅವಳ ಪ್ರೇಮ
ಬರಹ.

ಮರುಮಾತಾಡದೆ ಮಾಡಿ ಬಿಟ್ಟ ಅವರಿಬ್ಬರ ವಿವಾಹ||

- ನಾಗರಾಜ್

07 Nov 2017, 10:53 am

ನೆನಪು

ನಲಿವು ತುಂಬಿದ ನಿನ್ನೆಗಳು
ಭರವಸೆಯಿಲ್ಲದ ನಾಳೆಗಳು
ಏರಿಳಿತದ ಇಂದಿನ ನೋವ ದಿನಗಳು
ಮರೆಯಲಾರೆ ನಿನ್ನೊಂದಿಗಿನ ಕ್ಷಣಗಳು

ಕಾಪಾಡುವ ಕರವು ಕಾಣದಾಯ್ತು
ನೆಚ್ಚಿದ ನಲಿವು ಸಿಗಯಾಯ್ತು
ಒಲಿದ ಒಲವು ಕಣ್ಮರೆಯಾಯ್ತು
ನಗುವೆಂಬುದು ಮರೀಚಿಕೆಯಾಯ್ತು

ಹರಿವ ಕಣ್ಣೀರಿಗೆ ಆಣೆ ಅಣೆಕಟ್ಟು ಕಟ್ಟಿದೆ
ನೀನಿತ್ತ ಪ್ರೀತಿ ಗೂಡು ಮನದಲಿದೆ
ನಿನ್ನ ನೆನಪು ನನ್ನ ಉಸಿರಾಗಿದೆ
ಆ ಉಸಿರಿಲ್ಲದೆ ತನುವಿಗೆ ಜಗವೆಲ್ಲಿದೆ

ತನುವಿಲ್ಲಿದೆ ಮನ ನಿನ್ನಲಿದೆ
ನೀ ಸನಿಹವಿರದ ಜೀವ ಜಡವಾಗಿದೆ
ಕಡಲ ತೀರದ ಕಲ್ಲು ನಾನಾಗಿರುವೆ
ಅಲೆಗೆ ಅಲುಗದೆ ನವೆಯುತಿರುವೆ
ರತ್ನಾ ಬಡವನಹಳ್ಳಿ

- ರತ್ನಾಬಡವನಹಳ್ಳಿ

07 Nov 2017, 09:32 am

ಚಿಗುರೆಲೆ

ಚಿಗುರೆಲೆ
ಪ್ರಥಮ ನೋಟದಿ ಒಲವು ಮೂಡಿದೆ
ನಿನ್ನ ಕಣ್ಣದು ಮನವ ಸೆಳೆದಿದೆ
ಮನಸು ಮನಸಿಗೆ ಕಟ್ಟಿ ಸೇತುವೆ
ಹೂವ ಹಾಸಿದೆ ಕೇಳೆನ್ನ ಚೆಲುವೆ

ಮನದ ಹಕ್ಕಿ ಹಾಡಿದೆ ಮೌನರಾಗ
ಮಾತು ಮರೆತು ಮೈಮರೆತಾಗ
ನಿನ್ನ ಕಂಡ ಖುಷಿಯಲೀಗ
ಏರಿದ ಹೃದಯ ಬಡಿತದ ವೇಗ

ರಚ್ಚೆ ಹಿಡಿದಿದೆ ಮಗುವಂತೆ ಮನವು
ರಮಿಸಲು ನೀ ಬೇಕೆಂದು ದಿನವು
ಕಾದಿದೆ ಒಂದಾಗುವ ಶುಭಘಳಿಗೆಗೆ
ಬಂಧನದ ಕಿರುಬೆರಳ ಬೆಸುಗೆಗೆ

ನೀ ಬರುವ ದಾರಿಯ ಕಾದು ಕುಳಿತು
ಹೂವಂತ ಮನ ಒಲಿಸುವ ವೇಳೆ
ಚಿಗುರು ಎಲೆಯ ತಾಂಬೂಲ ಸವಿದು
ಒಂದಾಗುವ ಶುಭ ಮಿಲನವದು
ರತ್ನಾ ಬಡವನಹಳ್ಳಿ

- ರತ್ನಾಬಡವನಹಳ್ಳಿ

07 Nov 2017, 09:23 am

ಅಪಸ್ವರ

ಮೊದಲು
ನಮ್ಮ ನಮ್ಮಲಿಯೇ
ಇರಲಿ
ಸಹಕಾರ !

ತಪ್ಪು
ನುಡಿದವನಿದ್ದರೆ
ತಿದ್ದುವುದರೊಂದಿಗೆ
ಮಾಡಿ ಉಪಕಾರ !!

ಸಾದ್ಯವಾಗದಿದ್ದಲ್ಲಿ
ಸುಮ್ಮನಿದ್ದು ಬಿಡಿ
ನುಡಿಸಬೇಡಿ,
ಅಪಸ್ವರ !!

- ನಾಗರಾಜ್

07 Nov 2017, 08:42 am

ಬೆಸೆದ ಕೈಗಳು...

ಹಿಂತೆಗೆಯದಿರೆ ನನ್ನ ಚೆಲುವಿ
ನನ್ನ ಕೈಯೊಳಿರುವ ನಿನ್ನ ಮೃದು ಕೈಯನು
ಮಾತೊಂದು ಆಡದಿದ್ದರೂ
ಆಡುತಿಹವಲ್ಲೇ ಬೆರಳು ನೂರು ಮಾತನು.

ಕಂಡೆ ಕವಿ ಹಾಡಿ ಹೊಗಳಿದ
ಬಂಗಾರವಿಲ್ಲದ ಬೆರಳನು,
ಕಣ್ತುಂಬಿಕೊಂಡೆ ಸಿಂಗಾರವಿಲ್ಲದ
ನಿನ್ನ ಕೈ ಉಗುರದ ಹೊಳಪನು.

ಬೆಸೆದು ಅಂಗೈ ಒಳಗೆ,
ನುಸಿದು ಬಂದಿಯಾದವೋ
ಮುನಿಸು ತೋರದ ಮೃದು ಕೈ ಬೆರಳು.
ಕನಸ ಹೊಸೆಯಿತೋ,
ಮನಸ ಬೆಸೆಯಿತೋ,
ಸಂತಸವ ತಂದಿತ್ತ ಆ ನಿನ್ನ ಕರವು.

ಹಿಂತೆಗೆಯದಿರೆ ಹುಡುಗಿ,
ಮತ್ತೊಮ್ಮೆ ಬೇಡುವೆನು
ನಿಂತು ಹೋದೀತು ಹೇಳದೆ ನನ್ನುಸಿರು.
ಕುಂತುಕೊಂಡಿರುವಾಗ
ಚಿಂತೆಯನು ಮರೆತಾಗ
ಮತ್ತೆ ಮರಳುವುದೇಕೆ ನಿಟ್ಟುಸಿರು.

ಕೈ ತುತ್ತನಿಟ್ಟ ಕೈ
ಭಾವನೆಗಳ ಬರೆವ ಕೈ
ಭಾವನೆಗಳಿಗೆ ಬಣ್ಣ ಹಚ್ಚಿದ ಕೈ ಮುಗಿಲಿದ್ದಂತೆ.
ಅದ ನಾನು ಹಿಡಿದಿರಲು
ಅನಿಸುವುದೆನಗೆ ಲೋಕವನೆ ನಾನು
ಕೈಯೊಳು ಹಿಡಿದಿಟ್ಟಂತೆ!

- ಶ್ರೀಗೋ.

07 Nov 2017, 06:30 am