ಮುದ್ದು ಮಾತಿನ ಪುಟ್ಟ ಪುಟಾಣಿಗಳೆ
ಹೂ ಗಿಡದಲಿ ಅರಳಿದ ಪುಷ್ಪಗಳೆ
ಅಳುತ,ನಗುತ ನೀವಿರಲು
ಕಳೆವುದು ದಿನ ರಾತ್ರಿ ಹಗಲು....
ವರುಷಕೊಮ್ಮೆ ಬರುವುದಂತೆ ಮಕ್ಕಳ ದಿನಾಚರಣೆ
ಹರುಷದಲಿ ನೀವು ನಲಿಯುತಿರಲು ವರುಷವಿಡೀ ನಿಮ್ಮದೆ ದಿನಾಚರಣೆ..
ಮನೆಯ ಮುಂದಿನ ಬೃಂದಾವನದಂತೆ
ನೀವಿಲ್ಲದ ಮನೆ ಬಿಕೋ ಎನುವುದಂತೆ
ನೀವಿರುವ ಮನೆ ದೇಗುಲದಂತೆ
ನೀವು ನಲಿಯುವ ತಾಣವು ನಂದನವನದಂತೆ...
ನಿಮ್ಮಿಂದ ಕಲಿಯಬೇಕು ನಾವು ಕ್ಷಣ ಬುದ್ದಿ
ನಿರೀಕ್ಷೆ ಇರದ ಮಮಕಾರದ ಬುದ್ದಿ
ನೋವು ನಲಿವುಗಳಿಗೆ
ಬಡತನ,ಸಿರಿತನದ ಒಣ ಹಮ್ಮುಗಳಿಲ್ಲದ ನಿಮ್ಮ ಮುಗ್ಧ ಮನದ ಕಿರುನಗುವಿಗೆ
ಸಣ್ಣ ಸಣ್ಣ ಉಡುಗೊರೆಗೂ ಸಂತಸ ಪಡುವ ನಿಷ್ಕಲ್ಮಶ ಮನಸ್ಸಿಗೆ ನಮ್ಮದೊಂದು ಮೆಚ್ಚುಗೆ...
ಪುಟ್ಟ ಮಕ್ಕಳಿಗೆ ತೃಪ್ತಿ ಪಡಿಸಬಹುದಂತೆ ನಿಮಗಿದೆ ಸಿಕ್ಕಿದ್ದರಲ್ಲಿ ಸಂತೃಪ್ತಿ
ದೊಡ್ಡವರಿಗಿಲ್ಲ ತೃಪ್ತಿ
ಕೊಟ್ಟಷ್ಟು ಮತ್ತಷ್ಟು
ಇನ್ನಷ್ಟು ಬೇಕೆಂಬ ಹಪಹಪಿಕೆ,ಊನ ಕಟ್ಟುವ ಬುದ್ದಿ
ಕಲಿಯಬೇಕಿದೆ ನಿಮ್ಮಿಂದ ನಾವು ಸಂತೃಪ್ತಿಯ ವಾಕ್ಯೆ
ಆಗಬೇಕಿದೆ
ನಿಮ್ಮಂತೆ ಕಲ್ಮಶವಿಲ್ಲದ ಮುಗ್ಧ ಮನಸುಗಳು...
ಕಾಣದೊಂದು ಹೊಸ್ತಿಲಲ್ಲಿ
ಅಂಧ ಸತ್ಯ ಕಣ್ಮುಚ್ಚಿ ಕುಳಿತಿದೆ
ಯಾರು ಕರೆದರೂ ತಿರುಗದು
ಯಾರು ಜಡಿದರೂ ಮರುಗದು
ದೀನ ದಲಿತರ ಪಾಲಿಗೆ
ದುಃಖದ ಕಲೆಯೆಂದು ಮಾಸದು
ನ್ಯಾಯದ ತಕ್ಕಡಿಯೆಂದು ತೂಗದು
ಸತ್ಯದ ಬಾಗಿಲೆಂದು ತೆರೆಯದು
ನ್ಯಾಯ ದೇವತೆ ಕಣ್ಮುಚ್ಚಿ ಕುಳಿತಿದ್ದರೇ
ಹಾಲು ನೀರು ಒಂದೇ ಎಂದು ಸಾರಿಬಿಡುತ್ತಾರೆ
ನೊಂದು ಬೆಂದವರ ಬದುಕಿನಲ್ಲಿ ನ್ಯಾಯವೆಂಬ
ಹಕ್ಕಿಯನ್ನು ಒಂದೇ ದಿಕ್ಕಿಗೆ ಹಾರಿಸಿ ಬಿಡುತ್ತಾರೆ
ಮಸಣಕ್ಕದೇ ದಾರಿ ಎಂದು ತೋರಿ ನಲಿಯುತ್ತಾರೆ.
ನಾಳೆಯ ನವ ಉದಯದ
ಆಸೆಯಿಲ್ಲ
ಇಂದಿನ ಸಹವಾಸದಲಿ
ಕಲಿಕೆಯ ತವಕವಿಲ್ಲ
ಇನ್ನೊಂದೆಡೆಯ ದಾರಿಯ
ನೋಡಿ ಕೊರಗುತ
ತನ್ ದಾರಿಯಲಿ ಸಾಗುವ
ಮುಂಚೆಯೇ
ತಾರತಮ್ಯದ ಪ್ರವಾಹದಲಿ
ಕೊಚ್ಚಿ ಹೋಗುತಿದೆ
ನವಪೀಳಿಗೆಯ ಕನಸುಗಳು...... ಸಹೃದಯಿ