Kannada Poems

Download App from Playstore. | Privacy Policy

---

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ಬಾಳ ನೌಕೆಯಲ್ಲಿ ನೀನು

ಜೀವ ವೀಣೆ ನುಡಿದಿದೆ ಗೆಳತಿ
ನಿನ್ನ ಸನಿಹ ಸುಳಿದಾಗ,
ಕೊರಡು ಕೊನರಿ ಚಿಗುರೊಡೆಯಿತು
ನಿನ್ನ ಗೆಳೆತನ ದೊರೆತಾಗ.

ಬಾಳ ನೌಕೆ ಹೇಗೋ ಸಾಗಿ,
ಏರು ಗಾಳಿಗೆ ಬಾಗಿ ತೂಗಿ
ದಿಕ್ಕು ದೆಸೆಯು ಇಲ್ಲದಂತೆ
ದೇಶ ಕಾಲ ಮೀರಿ ಹೋಗಿ
ದಡವ ಕಾಣದೆ ನಿಂತಾಗ..

ನೀನು ಬಂದೆ ಅಂಬಿಗನಾಗಿ
ನಾನು ನಿಂದೆ ನಿನಗೆ ಶರಣಾಗಿ
ಪ್ರೀತಿಯೊಂದೇ ನಮ್ಮ ನೀತಿ
ಈಗ ಇಲ್ಲ ಯಾವುದೇ ಭೀತಿ.

ತೋರು ಗೆಳತಿ ಎಂದೂ ಹೀಗೆ
ಮರೆಯದಂತೆ ಸ್ನೇಹ ಸಲುಗೆ
ಬಿರಿಯದಿರಲಿ ನಮ್ಮ ಬೆಸುಗೆ
ಮುರಿಯದಿರಲಿ ಪ್ರೀತಿ ಶಿಲುಬೆ.

- ಶ್ರೀಗೋ.

14 Nov 2017, 02:39 am

---

ಸುಮ್ಮನೇ ಬಳಿಗೆ ಬಾ

ಸುಮ್ಮನೇ ಬಳಿಗೆ ಬಾ
ಹೆಗಲಿಗೆ ಹೆಗಲೊರಗಿಸು ಬಾ
ಮರೆಯುತ ಜಗವನು
ಕಾಣುವ ಸವಿಗನಸನು

ಉತ್ತರವೇ ಇಲ್ಲದ
ಪ್ರಶ್ನೆಗೆ ಸುಳಿವಾದೆ ನಾ
ಇಂದು ನೀನೊಲಿದ ಈ ಕ್ಷಣ
ತೇಲಾಡಿದೆ ನನ್ನೀ ಮನ

ಬೆಳಕೇ ಬಾರದ
ರಾತ್ರಿಯ ಈ ವೇಳೆಲಿ
ಸೂರ್ಯ ಬರುವ ತನಕ
ನೀನು ನೀಡು ಬೆಳಕ

ಹಕ್ಕಿಗಳೇ ಇಲ್ಲದ
ಮರದಂಚಿನ ಗೂಡಲಿ
ಮೌನವ ಮುರಿದು ಬಾ
ಕಲರವ ನೀನಾಗು ಬಾ

ಮೋಡಗಳೇ ಇಲ್ಲದ
ತಿಳಿನೀಲಿ ಆಕಾಶದಿ
ಮಳೆಯನು ಸುರಿಸು ಬಾ
ನನ್ನೆದೆಯನು ತಣಿಸು ಬಾ

ಅಕ್ಷರಗಳೇ ಇಲ್ಲದ
ಖಾಲಿ ಹಾಳೆಯಲಿ
ಎಲ್ಲಿ ನೀ ಅವಿತೆ
ನೀನೆ ಸುಂದರ ಕವಿತೆ

ಒಂಟೀ ಹಡಗಿನಲಿ
ಭೋರ್ಗರೆವ ಸಮುದ್ರದಿ
ನನಗೆ ದಾರಿಯ ತೋರೆ
ಆಗಿ ನೀ ಧ್ರುವತಾರೆ

ಎತ್ತರದಾ ಶಿಖರದಲಿ
ಉತ್ತರದ ದಿಶೆಯಲಿ
ಸುಂದರ ಹೂವು ನೀ
ನನ್ನ ಪ್ರಾಣ ಉಳಿಸೋ ಸಂಜೀವಿನಿ

ಪ್ರೀತಿಯ ಸಂತೆಯಲಿ
ಕನಸಿನ ಚಿಂತೆಯಲಿ
ನೀ ಸ್ವಪ್ನ ಸುಂದರಿ
ನಾ ನಿನಗೆ ಆಭಾರಿ

ಬಳುಕಿದ ಬಳ್ಳಿಯಲಿ
ಅರಳಿದ ಹೂವಿನಲಿ
ಅಡಗಿರುವ ಮಕರಂದ ನೀ
ಸೌಗಂಧದ ನಿಧಿಯು ನೀ

- ಅಕವಿ

13 Nov 2017, 08:49 pm

---

ಮತ್ತದೇ ನೀಲಿ ಆಕಾಶ

ಜಾರುವ ಸಂಜೆಗೆ ಚಂದ್ರನ ಗೈರಿದೆ
ಮಿನುಗುವ ತಾರೆಯ ಮೋಡವು ತಡೆದಿದೆ
ಮತ್ತದೇ ನೀಲಿ ಆಕಾಶ
ಮತ್ತದೇ ಕತ್ತಲಿನ ಸನ್ನಿವೇಶ
ಮತ್ತದೇ ಬೆಳಕಿನ ಅನ್ವೇಷ |೧|

ಹರೆಯದ ಹಗಲಲಿ ಸೂರ್ಯನ ಗೈರಿದೆ
ಕಿರಣಗಳ ಕಿರುಗುಂಪನೂ ಮೋಡವು ತಡೆದಿದೆ
ಮತ್ತದೇ ಕಾರ್ಮೋಡಗಳ ಅಟ್ಟಹಾಸ
ಮತ್ತದೇ ಬಿರುಮಳೆಯ ಸನ್ನಿವೇಶ
ಮತ್ತದೇ ಕಣ್ಣೀರಿನ ಮೌನಾವೇಶ |೨|

ಬೆಳದಿಂಗಳ ಅಂಗಳದಿ ತಂಗಾಳಿಯ ಗೈರಿದೆ
ಬಾನನಿರಿಯುವಂತಿಹ ಶಿಖರವು ತಂಪು ಹವೆಯ ತಡೆದಿದೆ
ಮತ್ತದೇ ಬಿಸಿ ಉಸಿರಿನ ಉಚ್ಛ್ವಾಸ
ಮತ್ತದೇ ಕಡಲಲೆಗಳ ಸೆರೆವಾಸ
ಮತ್ತದೇ ಲತೆತರುಗಳ ಉಪವಾಸ |೩|

- ಅಕವಿ

13 Nov 2017, 08:32 pm

---

ಅಂಧ ಸತ್ಯ

ಕಾಣದೊಂದು ಹೊಸ್ತಿಲಲ್ಲಿ
ಅಂಧ ಸತ್ಯ ಕಣ್ಮುಚ್ಚಿ ಕುಳಿತಿದೆ
ಯಾರು ಕರೆದರೂ ತಿರುಗದು
ಯಾರು ಜಡಿದರೂ ಮರುಗದು
ದೀನ ದಲಿತರ ಪಾಲಿಗೆ
ದುಃಖದ ಕಲೆಯೆಂದು ಮಾಸದು
ನ್ಯಾಯದ ತಕ್ಕಡಿಯೆಂದು ತೂಗದು
ಸತ್ಯದ ಬಾಗಿಲೆಂದು ತೆರೆಯದು
ನ್ಯಾಯ ದೇವತೆ ಕಣ್ಮುಚ್ಚಿ ಕುಳಿತಿದ್ದರೇ
ಹಾಲು ನೀರು ಒಂದೇ ಎಂದು ಸಾರಿಬಿಡುತ್ತಾರೆ
ನೊಂದು ಬೆಂದವರ ಬದುಕಿನಲ್ಲಿ ನ್ಯಾಯವೆಂಬ
ಹಕ್ಕಿಯನ್ನು ಒಂದೇ ದಿಕ್ಕಿಗೆ ಹಾರಿಸಿ ಬಿಡುತ್ತಾರೆ
ಮಸಣಕ್ಕದೇ ದಾರಿ ಎಂದು ತೋರಿ ನಲಿಯುತ್ತಾರೆ.

................ಸಹೃದಯಿ.............ಸಿಂಚನ.............

- ಡಿ.ಸಿ.ಎನ್@100%

13 Nov 2017, 07:55 pm

---

ಬದುಕು

ಯಾರಿಗೂ ದೋಚದಿರುವ ಕಟು ಸತ್ಯದ ಜೂಜಾಟ!
ಅಗೆದಷ್ಟು-ಬಗೆದಷ್ಟು ಮುಗಿಯದ ನಿತ್ಯದ ಜಂಜಾತ!!
ಪರ-ವಿರೋದಗಳ ಮೂದಲಿಕೆಯ ಮಿತ್ಯದ ಜಗ್ಗಾಟ!!!
ನಿಂದೆ-ಅಪವಾದಗಳ ಚಡಪಡಿಕೆಯ ಹತ್ಯದ ಬಯಲಾಟ!!!

ವೈಭವೀಕರಿಸಿ-ಸಿದ್ಧಿಸುವ 'ಮಂದ'ದ ಕಣ್ಣೋಟ!
ಅನುಕರಿಸಿ-ಅವಲಂಬಿಸಿ 'ಕಂದ'ದ ಮುನ್ನೋಟ!!
ಘನೀಕರಿಸಿ-ಶುದ್ಧಿಕರಿಸುವ 'ಅಂದ'ದ ಹಿನ್ನೋಟ!!!
ಅನುಭವಿಸಿ-ಆನಂದಿಸುವ 'ಚೆಂದ'ದ ಹೂದೋಟ!!!!

ಹೊಗಳಿ-ತೆಗಳಿ ನುಡಿಸುವ ಮೃದಂಗ!
ಬಳಲಿ-ಬಾಳಲು ಆಟವಾಡುವ ಚದುರಂಗ!!
ನುಸಿ-ಮುಸಿಯಾಗಿ ಹೋರಾಡುವ ರಣರಂಗ!!!
ಕಸಿ-ಬಿಸಿಮಾಡಿ ಬೆಳಕ ಸೂಸುವ ತರಂಗ!!!!

ಲೋಕ-ಇಹಲೋಕವೆಂಬ ಬಿಡಿಸಲಾಗದ ತಳಕು!
ಭೂಲೋಕ-ಸ್ವರ್ಗಲೋಕದ ಕಲ್ಪನೆಯ ಬಳಕು!!
ಸ್ಥಾನ-ಮಾನ ಪಡೆಯಲು, ಹೊಡೆದಾಡುವ ಕಲಕು!!
ಕಾಲ-ಮಿತಿಯಲಿ ಬಾಳಿ,ಬೆಳಗದಿರಬಹುದೇ?ಬದುಕು?????

- ಆರ್ ಎಸ್ ಸುಗ್ಗಿ.

13 Nov 2017, 07:47 pm

---

ಕಣ್ಮರೆತ ರೂಪ

ಕಣ್ಮರೆತ ರೂಪವೊಂದು ಕಣ್ಣಲ್ಲೇ
ಕದಲಾಡಿದೆ ಕೋಮಲವಾದ ನಿನ್ನ
ಹೃದಯಕ್ಕೆ ದಾರಿ ತೊರೆಂದು.

ನೆಚ್ಚಿ ಮೆಚ್ಚಿ ನಿನ್ನ ನೋಡುವ ಆಸೆಯೊತ್ತ
ನನ್ನ ಮತ್ತೆ ಮತ್ತೆ ಮನದಲ್ಲಿನ ಬಯಕೆಯಾಗಿ
ಉಳಿಸಿಕೊ ನಾ ಮತ್ತೆ ನಿನ್ನ ಸೇರುವವರಿಗೆಂದು.

ಆಗಸ ನೋಡುತ್ತಾ ನಿಂತ ಕಣ್ಣು ಚಿಮುಕಿಸಿತು
ಒಂದು ಹನಿ ನಿನ್ನ ರೂಪ ನನ್ನುಸಿರ
ವೇಷ ತಾಳಿ ನಿಂತಿದೆಯೆಂದು ಮನವೇ.

ಬೇರೊಂದು ಕಾರಣ ಹುಡುಕದೆ
ಹೀಗೊಂದು ಚೂರು ಬಂದೋಗು
ನನ್ನ ಬಳಿಗೆ ಮತ್ತೆ ನೆನೆಯುತಿರುವೆ ನಿನ್ನ
ನನ್ನ ಸ್ಮರಣ ಸಂಚಿಕೆ ತುಂಬಳೆಂದು.

ತಂಗಾಳಿಯಂತೆ ಬಂದು ಹೃದಯದ ಬಡಿತ
ಸ್ಥಗಿತಗೊಳಿಸಿದೆ ನೀ ಕಾಣದೆ ಅದರ ಚಲನ
ನನ್ನ ಜೀವದ ಪರಿವೆಯಿಲ್ಲದಂತೆ ಮಾಡಿ ಹೋದೆ
ನೀನು ಸಂಗಾತಿ .

ಏನು ನಿನ್ನ ಸಂಗತಿ ಬಂದು ನೋಡು
ನನ್ನ ಒಂದು ಸರತಿ.

- ಚುಕ್ಕಿ

13 Nov 2017, 01:50 pm

---

ದಿನನಿತ್ಯದ ಹೋರಾಟ

ದಿನನಿತ್ಯದ ಹೋರಾಟ ನನ್ನದು ಇಂದು ಗೆದ್ದು
ನಿಂತರೆ ನಾಳೆ ಬದುಕು ಅನ್ನೋವು ಹಾಗೆ ನನ್ನ
ಜೀವನ.

ಗಡಿ ಕಾಯುವ ಸೈನಿಕನು ಶತ್ರುಗಳ ದಾಳಿಯ
ಮುನ್ಸೂಚನೆ ತಿಳಿದಾಗಳೇ ಸಜ್ಜು
ಮಾಡಿಕೊಳ್ಳುವನು ಶಸ್ತ್ರಾಸ್ತ್ರಗಳನ್ನು ಎದರಿಸಲು.

ನಾನು ಪ್ರತಿಕ್ಷಣ ಧೈರ್ಯವ ತುಂಬಿಕೊಂಡು
ಮುಂಬರುವ ಕದನಕ್ಕೆ ಸಿದ್ಧವಾಗುವೆ
ಮನಸನ್ನು ಗಟ್ಟಿ ಮಾಡಿಕೊಂಡು.

- ಚುಕ್ಕಿ

13 Nov 2017, 01:47 pm

---

ನವಪೀಳಿಗೆಯ ಕನಸುಗಳು

ತುದಿಯಲ್ಲೇ ಚಿಗುರು
ಉದುರಲು ಬಯಸುತಿದೆ
ಮೊಗ್ಗು ಗಿಡದಲ್ಲೇ
ಬಾಡಲಿಚ್ಚಿಸುತ್ತಿದೆ
ಹಕ್ಕಿ ಗೂಡಲ್ಲೇ ಕುಳಿತು
ಹಾರಲು ಮರೆಯುತಿದೆ

ನಾಳೆಯ ನವ ಉದಯದ
ಆಸೆಯಿಲ್ಲ
ಇಂದಿನ ಸಹವಾಸದಲಿ
ಕಲಿಕೆಯ ತವಕವಿಲ್ಲ
ಇನ್ನೊಂದೆಡೆಯ ದಾರಿಯ
ನೋಡಿ ಕೊರಗುತ
ತನ್ ದಾರಿಯಲಿ ಸಾಗುವ
ಮುಂಚೆಯೇ
ತಾರತಮ್ಯದ ಪ್ರವಾಹದಲಿ
ಕೊಚ್ಚಿ ಹೋಗುತಿದೆ
ನವಪೀಳಿಗೆಯ ಕನಸುಗಳು...... ಸಹೃದಯಿ

- ಡಿ.ಸಿ.ಎನ್@100%

13 Nov 2017, 01:04 pm

---

ನಿರೀಕ್ಷೆ

ಹಳ್ಳಿಯ ಚಂದುಳ್ಳಿ ಚೆಲುವೆ ಎಂಬುವರು ಈ ರತಿಗೆ
ಕಾದಿರುವಳು ರತಿ ಮನ್ಮಥನಿಗೆ.
ಮಲೆನಾಡ ಮಡಿಲಲ್ಲಿ ಆಡಿ ಬೆಳೆದ ಊರ ಕಣ್ಮಣಿ ಇವಳು
ಸೋದರ ಮಾವನ ಮುದ್ದಿನ ಅರಗಿಳಿ ಇವಳು

ಮಳೆಗಾಲದ ಹಗಲಿನಲಿ
ಕಾಲು ಸಂಕದಲಿ ಕಾಲು ಇಳಿ ಬಿಟ್ಟು ಬಾಸ್ಕರನ ನೋಡುತ ಕನಸು ಕಾಣುತ ಕುಳಿತಿಹಳು
ಹೊಳೆಯು ಜುಳು ಜುಳು ಮಂಜುಳ ನಾದದ ಗೀತೆಯಲಿ ಮೈ ಮರೆತಿಹಳು....

ಅವನ ಕನಸಿನಲಿ ಕುಳಿತಿಹಳು ಸುಕುಮಾರಿ ಇಹದ ಚಿಂತೆ ಮರೆತು ನಸು ನಗುತಿಹಳು
ತೋಟದ ಸುಳಿಗಾಳಿ ಕಚಗುಳಿ ಇಡಲು ಕೋಮಲೆ ಲಜ್ಜೆಯಲಿ ಇನಿಯನ ನೆನೆಯುತಿಹಳು...
.
ಹಕ್ಕಿಗಳಿಂಚರದ ಕಲರವ,ಹೂವಿನ ಸುಗಂಧ,ಗುಡಿಯ ಗಂಟೆಯ ನಾದ ಇನಿಯನ ನೆನಪನು
ಮಧುರಗೊಳಿಸಿಹುದು

ಅವನ ನೆನಪಲಿ ಹೂವು ದುಂಬಿಯ ನಿರೀಕ್ಷೆಯಲಿ ಕಾದು ಕುಳಿತಿಹುದು
ಹಗಲು ಇರುಳುಗಳು ತಾನೇ ತಾನಾಗಿ ಕಳೆಯುತಿಹುದು...

- ನಾಗರಾಜ್

13 Nov 2017, 12:58 pm

---

ಕನ್ನಡತಿ.......ನನ್ನೊಡತಿ

ಹಣೆಯಲಿ ಸಿಂಧೂರ ವಿರಿಸಿ
ಗಲ್ಲಗಳಿಗೆ ಹರಿಶಿನವ ಪೂಸಿ
ಮುಂಗುರುಳ ಹಿಂದೆ ಸರಿಸುತ್ತಾ
ಕೈಬಳೆಯ ಸದ್ದ ಕೇಳಿಸುತ್ತ
ಚಂದಬಣ್ಣದ ಲಂಗವೋಣಣಿಯಲ್ಲೀ
ನಲಿಯುತ್ತಾ ಬಂದಳೋ

ಅಬ್ಬಬ್ಬಾ ಎಂತಾ ಸುಂದರೀ
ಕಣ್ ತಿವಿದಳೋ ಅಂದದಲಿ ಮಂಜರಿ
ಹೃದಯ ಲಯಕೆ ಸರಿಯಾಗಿ
ಹೆಜ್ಜೆ ಹಾಕಿದಳೊ......
ಸುಂದರಿ,ಮಯೂರಿ,ಮನೋಹರಿ.

ಸಹೃದಯಿ ...........ಸಿಂಚನ......

- ಡಿ.ಸಿ.ಎನ್@100%

13 Nov 2017, 12:55 pm

---