Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ಹೇ ಗೆಳತಿ ನೀ ಎಲ್ಲಿರುವೆ.....

ಹೇ ಗೆಳತಿ ನೀ ಎಲ್ಲಿರುವೆ
ಕಾದಿರುವುದು ನನ್ನ ಮನ
ನಿನ್ನ ಆಗಮನಕ್ಕಾಗಿ
ನೀನಿಲ್ಲದ ಈ ಸಮಯ
ಕೂತಿದೆ ಮಂಕಾಗಿ.....

ಒಲವಿನ ಅಕ್ಕರೆಯ ಜೀವನಾಡಿಯೇ
ಮಮತೆಯ ಕಡಲಿನ ಮಂದಾರವೇ
ನನ್ನ ಸವಿನೆನಪುಗಳ ಆನಂದವೇ
ಸುಂದರ ಕನಸುಗಳ ಚಲುಮೆಯೇ
ಎಲ್ಲಾವು ನಿನಾಗಿರುವೆ ಓ ನನ್ನ ನಲ್ಲೆಯೇ

ನನ್ನ ವಿರಹದಲ್ಲೂ ನೀ ಸುಖವೆ ತುಂಬಿರುವೆ
ಸುರಿದು ಹೋಗದ ಹಾಗೆ ಬರುವೆಯಾ ಓ ಗೆಳತಿ
ನಿನಾಗಿರುವೆ ನನ್ನ ಜೀವನದ ಚೆೃತನ್ಯ
ಹೀಗೊ ಮುಡಿಪಿಟ್ಟಿರುವೆ ನಿನಗೆ ನನ್ನ ಹೃದಯವ
ಹೇ ಗೆಳತಿ ನೀ ಎಲ್ಲಿರುವೆ........!!!!!

- Shilpa

12 Nov 2017, 08:08 pm

ಚೆಲುವೆ.....

ಕನಸಿನ ಬಣ್ಣದ ಮೋಡಗಳ ನಡುವೆ
ಇರುವ ಪುಟ್ಟ ಹೃದಯಕೆ
ಪ್ರೀತಿಯ ಬಾಣ ಬಿಟ್ಟು ಗಾಯ
.......ಮಾಡಿಹಳು ಚೆಲುವೆ

ಬಣ್ಣವಿಲ್ಲದ ನನ್ನೆದೆಯ ಕಾಮನಬಿಲ್ಲಿಗೆ
ಅಂದ ಚಂದದ ಬಣ್ಣಗಳನ್ನ ಹಚ್ಚಿ ಪ್ರೀತಿಯ ಬಣ್ಣದ ಲೋಕದಲ್ಲಿ ಮುಳುಗುವಂತೆ
.........ಮಾಡಿಹಳು ಚೆಲುವೆ

ಬಣ್ಣದ ಚಿಟ್ಟೆಯಂತೆ ಹಾರಾಡಿಕೊಂಡಿದ್ದ
ನನ್ನ .... ಮನಸ್ಸಿನ ಚಿಟ್ಟೆಯ
ತನ್ನ ಪ್ರೀತಿಯಲ್ಲಿ ಬಲೆಯಲ್ಲಿ ಬಂಧಿಯಾಗಿ
........ ಮಾಡಿಹಳು ಚೆಲುವೆ

ಜುಳು ಜುಳು ಸಂಗೀತದ ನದಿಯಂತೆ
ಹರಿವ ನನ್ನ ಬದುಕಿನ ಓಟಕ್ಕೆ......
ತಡೆಹೊಡ್ಡಿಹಳು ಅವಳ ಪ್ರೀತಿಯ
......... ಹಣೆಕಟ್ಟಿನಿಂದ ಚೆಲುವೆ

ಜೀವನ ಪಯಣದಲ್ಲಿ ಒಂಟಿಯಾಗಿ
ಸಾಗುತ್ತಿದ್ದ ನನ್ನ ಪ್ರಯಾಣಕ್ಕೆ....
ಜೋಡಿ ಹಕ್ಕಿ ಆಗುವ ಸೂಚನೆ
........ ನೀಡಿಹಳು ಚೆಲುವೆ



..... ಮಂಜು

- ಮಂಜು

11 Nov 2017, 09:57 pm

ಕ್ಷಣಿಕ

ಕ್ಷಣ ಕ್ಷಣಕೂ ಬದಲಾಗೋ ಜಗದಲ್ಲಿ
ಕ್ಷಣ ಕ್ಷಣಿಕವೆಂದೆನಿಸದ ಜೀವಿ
ಕ್ಷಣ ಕ್ಷಣವು ತಾನು ತನ್ನದೆನ್ನುತ್ತಾ
ಕ್ಷಣದ ಅರಿವಿಲ್ಲದೇ ಕ್ಷೀಣಿಸುತ್ತಿರಲು
ಕ್ಷಣಕಾಗಿ ಎಲ್ಲವನೂ ತೊರೆದು
ಕ್ಷಣಕ್ಕಾಗೇ ಎಲ್ಲವನೂ ಮರೆತು
ಕ್ಷಣ ಕ್ಷಣವೂ ಬದಲಾಗುತ್ತಾ
ಕ್ಷಣದಲ್ಲೇ ಪರಿಸರವನ್ನೂ ಬದಲಾಯಿಸಿ
ಕ್ಷಣದ ಕ್ಷಣವನ್ನೂ ಹಾಳುಮಾಡುವ
ಕ್ಷಣ ಮಾತ್ರ ಎಂಬುದನರಿಯದ
ಕ್ಷಣ ಅಸುರರಂತೆ ವರ್ತಿಸುವವನೇ ಕ್ಷಣಿಕ(ಮಾನವ)

- ನಾಗರಾಜ್

11 Nov 2017, 07:49 pm

ಅಮ್ಮ......

ಅಮ್ಮ ನೀನೆನ್ನ ದೈವವೂ
ನೀನೆ ನನ್ನ ಜೀವವು
ನವಮಾಸ ಹೊತ್ತೆ ನೀ ನನ್ನನೂ
ಪ್ರತಿಪೂಜೆ ಮಾಡಿದ್ದು ಹೆರಲು ನನ್ನನೂ

ಆ ಗುಡಿಯ ದೇವರ ಮೇಲೆ
ನಿನಗೆ ಭಕ್ತಿಯೂ
ನನ್ನ ಹೃದಯ ದೇವತೆ ನೀ
ನನಗೆ ನೀನೆ ಸರ್ವವೂ

ನೀನು ಹಸಿದು ಬೆಂದರು
ನಮ್ಮ ಹಸಿವ ನೀಗುವೇ
ನಿನ್ನ ಮನವು ನೊಂದರು
ನಮ್ಮ ಮನವ ನಲಿಸುವೆ

ನಿನ್ನ ಆಸೆಯಲ್ಲ ತಾಯಿ
ಸುಟ್ಟು ಬೂದಿಯಾದರು
ನಮ್ಮ ಆಸೆಯನೆಲ್ಲ ನೀ
ನನಸು ಮಾಡಿ ತಣಿಸುವೇ

ಅಮ್ಮ ನಿನ್ನ ಪ್ರತಿಮಾತು
ವೇಧವೇ ನನಗೆ
ತಾಯಿಗೆ ಕಂದನ ಪ್ರತಿಮಾತು
ಸ್ವಾತಿ ಮುತ್ತಿನಹಾಗೆ

ನಾನು ಮಲಗಲೆಂದು ತಾಯಿ
ಲಾಲಿ ಹಾಡುವೆ
ನಾನು ಅತ್ತು ಕುಳಿತಾಗ
ಕಣ್ಣೀರ ಹೊರಸಿ ನಲಿಸುವೇ

ತಪ್ಪು ಮಾಡಿದಾಗ ಹೊಡೆದು
ಬುದ್ದಿ ಕಲಿಸುವೆ
ತಾಯಿ ನಿನ್ನ ನಿದ್ರೆಯಲ್ಲಿ
ನಮ್ಮ ಚಿಂತೆಮಾಡುವೆ

ತಾಯಿ ನಿನ್ನ ಪ್ರೀತಿಗೆ
ಸರಿಸಾಟಿ ಇಲ್ಲವೇ
ಇಂತಹ ಪ್ರೀತಿಯ ಪಡೆದವನು
ನಾನೇ ಭಾಗ್ಯವಂತನು.........ಸಹೃದಯಿ

- ಡಿ.ಸಿ.ಎನ್@100%

11 Nov 2017, 06:17 pm

ಪೂರ್ಣಚಂದ್ರ ತೇಜಸ್ವೀ........

ಪುಟ್ಟಪ್ಪನ ತೋಟದ ಪುಷ್ಪವೇ
ತೇಜಸ್ವೀ ನಾಮದಿಂದ ಹರಳಿದವನೆ
ಚಿಂತನೆಯ ಸಾಗರದಲಿ ಮಿಂದು
ಮುತ್ತುಗಳ ಆರಿಸಿ ಕೊಟ್ಟವನೆ

ಸೃಷ್ಠಿಗೆ ಪ್ರಕೃತಿಯ ಸಿಹಿ ಉಣಿಸಿದವನೆ
ದೇಶದ ಬೆನ್ನೆಲುಬಿಗೆ, ಬರಹಗಳ ಬೆಳಕಿತ್ತವನೆ
ಸೂರ್ಯನ ಪ್ರತಿಭೆ ಪ್ರಭೆ ಮುಂದೆ ನಿಂದು
ಲೋಖದ ಕಣ್ಗೇ ಸ್ವ-ಅರಿವ ಬೀರಿದವನೆ

ಅನಂತ ಅನಂತ ಧಿಗಂತ
ಅಂಗಳದಲಿ ಮರೆಮಾಚಲಾಗದ
ಪೂರ್ಣಚಂದ್ರ ತೇಜಸ್ವೀ ನೀನು
ನಿನ್ನ ತೇಜಸ್ಸಿನ ಕಿರಣಗಳ ಸಾಲಲ್ಲಿ
ಅಂತ್ಯವಿಲ್ಲದ ಚಿಂತನೆಗಳ ಸಾಲು
ಜನ,ಮನಗಳ ಸೋರೆಗೊಳ್ಳುತ್ತಿವೆ.....ಸಹೃದಯಿ

- ಡಿ.ಸಿ.ಎನ್@100%

11 Nov 2017, 06:02 pm

ಒಲವರಳಿದ ಸಮಯ

ಕರಗದ ಮೇಣ, ನಿನ್ನೊಲವಿನ ಧ್ಯಾನ
ಅನುರಾಗದ ಮಿಲನ, ಮುಗಿಯದ ಕವನ
ಪ್ರಾಣವಲ್ಲಭೆ ನನ್ನಾ ಪ್ರತಿಭೆ
ಕನಸಿನ ನೀರೆ, ಜೀವದ ಉಸಿರೆ;

ಮನಸಿನ ಭಾವನೆಯ ಸಂತಸವೇ
ಪ್ರೇಮದ ಝರಿಯ ತಿಳಿನೀರೇ
ಸ್ವಪ್ನದ ಸಾವಿರ ಬಯಕೆಗಳೇ
ಬರೆಯುವ ಪದಗಳ ಸಾಲುಗಳೇ;

ನುಡಿಯುವ ಮಾತಿನ ದಾಟಿಗಳೇ
ಹಾಡುವ ಕವಿತೆಯ ರಾಗಗಳೇ
ಹರೆಯ ಪ್ರೇಮದ ಆಗರವೇ
ಜ್ಞಾನದ ಬೆಳಕಿನ ಸಾಗರವೇ;

ವಿಶ್ರಾಂತ ಬದುಕಿನ ಕುಸುಮಾಕರವೇ
ಹೃದಯದ ಸದ್ದಿನ ಸಂಭ್ರಮವೇ
ಕಣ್ಣೋಟದಿ ನುಸುಳೋ ಸಂತಸವೇ
ಹೆಸರನು ಕರೆವ ಉಸಿರ ಸುಮಬಾಣವೇ;

ಪ್ರಾಣವಲ್ಲಭೆ ನನ್ನಾ ಪ್ರತಿಭೆ
ಕನಸಿನ ನೀರೆ ಜೀವದ ಉಸಿರೆ.

ಏಕಾಂತಪ್ರಿಯ ಎಂ. ಬಿ

- ಏಕಾಂತಪ್ರಿಯ.

11 Nov 2017, 02:50 pm

ಸರಿಸಾಟಿಯಾವುದು ಈ ಪ್ರೀತಿಗೆ...

ಕಣ್ಣಹನಿಯೊಂದೂ ಜಾರದಂತೆ
ರೆಪ್ಪೆಯೊಳಗೆ ಜೋಪಾನಮಾಡಿ
ಕಂದನ ಮಲಗಿಸುವಳು ಹೆತ್ತತಾಯಿ!

ಜೋ ಜೋ ಲಾಲಿಯ ಹಾಡುತ್ತ
ನಿದ್ದೆ ಮಾಡುವ ಮಗುವ ನೋಡುತ್ತ
ಪ್ರೀತಿಯಲಿ ಗಲ್ಲವ ಸವರುವಳು ಮುದ್ದುತಾಯಿ!

ಉರಿಬಿಸಿಲಲಿ ತಾ ನೋವ ನುಂಗಿ
ಮಮತೆಯ ಮಡಿಲಿನಲ್ಲಿ
ಕೈತುತ್ತು ತಿನ್ನಿಸುವ ದೇವತೆಯ ರೂಪ, ತಾಯಿ

ಮುದ್ದು ಮಗುವ ಸದಾ ನಗಿಸಲು
ಒಮ್ಮೊಮ್ಮೆ ಪ್ರಾಣಿಯಂತೆ ನಟನೆಮಾಡುತ್ತ
ಮತ್ತೊಮ್ಮೆ ಹುಚ್ಚಿಯಂತೆ ನಗುವಳು ಮಹಾತಾಯಿ!

ಬೀಸುವ ಚಳಿಗಾಳಿಗೆ, ಮಿಂಚು-ಗುಡುಗಿಗೆ
ನಗುತ್ತಲೇ ಮಗುವ ಅಪ್ಪಿಹಿಡಿದು
ಭಯವ ಎದುರಿಸಲು ಕಲಿಸುವವಳು ತಾಯಿ!

ಎಲ್ಲಾ ಸುಖವ ಕಂದನಿಗೆ ಮೀಸಲಿರಿಸಿ
ಮೇಣದ ಬತ್ತಿಯಂತೆ ತಾ ಉರಿದು
ಬೆಳಕನ್ನು ಚೆಲ್ಲುವಳು ಮಹಾತಾಯಿ!

(ಜಗತ್ತಿನಲ್ಲಿರುವ ಎಲ್ಲಾ ತಾಯಿಂದರಿಗೆ ನನ್ನೀ ಕವನ ಅರ್ಪಣೆ)

- ಪ್ರಿಯಾಂಕ

11 Nov 2017, 02:39 pm

ಪ್ರೇಮ ಸುಳಿವ ಜಾಡು

ಹರೆಯ ತೆರೆಯ
ನೀಳ ಜಡೆಯ
ನಲ್ಲೆ ನಗೆಯ
ಹಲವು ಬಗೆಗೆ ಮಾರುಹೋದೆ;

ಮುಗ್ಧ ಹೃದಯ
ಕಣ್ಣ ಸೆಲೆಯ
ನಲ್ಲೆ ಕಲೆಯ
ಪ್ರೀತಿ ಬಲೆಗೆ ಸೋತು ಹೋದೆ;

ಒಲವ ಬಯಸಿ
ಜಗವ ಮರೆಸಿ
ನನ್ನ ಹರಸಿ
ಬಳಿಗೆ ಸುಳಿದು
ಮರೆತ ಸಾಲುಗಳು ಮರೆಯಾದರೂ,
ಮರು ಬರುವ ಪದ ಪುಂಜಗಳಲ್ಲಿ
ನಿನ್ನ ಪ್ರೇಮದ ಬೆಳಕು ನೀಡು;

ನಡೆಯ ಚೆಲುವು
ನುಡಿಯ ಗೆಲುವು
ಮನದ ನಿಲುವು
ಕನಸು ಹಲವು
ನಿನ್ನ ನಲಿವಿಗೆ ಒಲಿದು
ಹಗಲಿರುಳು ಹಾಗೆ ಕಳೆದೆ ಸಖಿ,
ಕಂಡು ನಿನ್ನ ಪ್ರೇಮ ಸುಳಿವ ಜಾಡು.

ಏಕಾಂತಪ್ರಿಯ ಎಂ. ಬಿ

- ಏಕಾಂತಪ್ರಿಯ.

11 Nov 2017, 11:06 am

ಆಕೆ ನನ್ನಾಕೆ

ನಾನು ಅವಳನ್ನು ಅದೊಮ್ಮೆ
ದೂರದಲ್ಲಿ ನಿಂತು ದೃಷ್ಟಿಸಿದ್ದು ನಿಜ.
ಅವಳ ಬಗ್ಗೆ ಹೃದಯ ಹಣ್ಣಾಗುವಷ್ಟು ಪದಗಳಲ್ಲಿ ಹಿಡಿದಿಟ್ಟು ಆನಂದಿಸಿದ್ದೇನೆ;

ಅವಳು ಅಂತ ಅದೇಷ್ಟೋ ಬಾರಿ
ಕವಿತೆಗಳಲ್ಲಿ ಬರೆದು ಸಂಭ್ರಮಿಸಿದ್ದು
ಅಷ್ಟಿಷ್ಟಲ್ಲ. ಅವಳು ಅಂತ ಸುಂದರಿಯೇನಲ್ಲ. ಆದರೂ...!
ಏನಿಲ್ಲ ಬಿಡಿ, ನನಗದು ಮಾತ್ರ ಸ್ವಂತದ್ದು;

ನಗೆಯಾಗಲಿ, ನಡಿಗೆಯಾಗಲಿ
ಮೃದು ಮಧುರ ಮಂದಾರದವಳು.
ಅವಳನ್ನು ಮದುವೆಯ ದಿನದ
ರಾತ್ರಿಯಿಂದ ಕೊಂದಿದ್ದೇನೆ. ಆದರೆ,
ಅವಳನ್ನೆ ಹೋಲುವ ಇನ್ನೊಬ್ಬಳನ್ನು
ಬದುಕಿಸಿ ಪ್ರೀತಿಸಿದ್ದೇನೆ;

ಕೊಂದವಳು ಮಾತ್ರ ನೆನಪು ಅಷ್ಟೆ.
ಕೊಲ್ಲುವಾಗ ಬರುವ ಅಂತರಾಳದ
ಖುಷಿಗೆ ಅಸಾಧ್ಯವಾದುದೆಲ್ಲ
ಸಾಧ್ಯವೆನಿಸಿದ್ದು ಅವಳ ಸಂಗದಿಂದ;

ಅದು ನಿಗೂಢತೆಯ ಪ್ರೇಮದಿಂದ...

ಏಕಾಂತಪ್ರಿಯ ಎಂ‌. ಬಿ

- ಏಕಾಂತಪ್ರಿಯ.

11 Nov 2017, 10:08 am

ಅಕ್ಕನಿಗೂ ಗೊತ್ತು ಅವಳು

ಜೊತೆಯಾಗಿ
ತಿರುಗಾಡಿದ ಜಾಗಗಳು,
ನುಡಿದ ಮಾತುಗಳು,
ಕಳೆದ ಕ್ಷಣಗಳು,
ಓದಿದ ಓಲೆಯ ಸಾಲುಗಳು,
ಜೊತೆ ನಿಂತ ಛಾಯಾಚಿತ್ರಗಳು
ನೂರಾರು - ಸಾವಿರಾರು;

ಮತ್ತೆ ಮತ್ತೆ
ಒಲವಿನಿಂದ ನೆನಪಾಗಿ,
ಪುಸ್ತಕದ ಹಾಳೆಗಳಲ್ಲಿ
ಕವಿತೆಯ ಸಾಲುಗಳಾಗಿ,
ಅವಳೊಂದಿಗೆ ಇವೆಲ್ಲವೂ
ಹೊಂದಿಕೊಂಡು ಚಿರಕಾಲ
ಉಳಿದಿರಲು;

ಪ್ರತಿ ಇರುಳಲಿ
ಚಿತ್ರ ಪೂತಿ೯ಯಾಗದೆ
ಮುಂಜಾವು ಹರಡುವ ಮೊದಲೇ..!
ನನ್ನ ಅಕ್ಕ
ಎಚ್ಚರಿಸಿ ಬಿಡುವಳು ಪ್ರತಿಸಾರಿ;

ಕಲ್ಪನೆಯಲ್ಲಿ
ಅವಳ ರೂಪ ಬಿಡಿಸಿ,
ಹೊಂಗನಸಿನ ಬಣ್ಣಗಳಿಂದ
ಅಲಂಕಾರ ಮಾಡುವಷ್ಟರಲ್ಲಿ;

ನಾನು ಗುಪ್ತವಾಗಿ
ಪ್ರೀತಿಸಿಲ್ಲ. ಅವಳು
ನನ್ನ ಅಕ್ಕನಿಗೂ ಗೊತ್ತು...

ಏಕಾಂತಪ್ರಿಯ ಎಂ. ಬಿ

- ಏಕಾಂತಪ್ರಿಯ.

10 Nov 2017, 11:41 pm