ಮುಖವಾಡ ಬೇಕಾಗಿದೆ ನನಗೊಂದು,
ಚೆಂದನೆಯ ಆಕರ್ಷಕ ಮುಖವಾಡ,
ನೋಡಿದವರು ಮತ್ತೊಮ್ಮೆ ಮಗದೊಮ್ಮೆ
ನೋಡುತ್ತಲೇ ಇರಬೇಕು,
ಇವ ನಯ ನಾಜೂಕಿನವನೆಂದು ನಂಬಬೇಕು !
ನಯ ವಂಚನೆಗೆ ಹೇಳಿ ಮಾಡಿಸಿದಂತಿರಬೇಕು,
ರಾತ್ರಿ ಕಂಡ ಬಾವಿಗೆ ಹಗಲು ಬಿಳುವಂತಿರಬೇಕು.
ಬೇಕೇ ಬೇಕು ಮುಖವಾಡ,
ನಮ್ಮ ನೋವ ಮರೆಸಿ
ಹೊರಗೆ ಮುಗುಳ್ನಗೆ ಚೆಲ್ಲಲು
ದುಮ್ಮಿಕಿದ ಎರಡು ಹನಿ ಕಣ್ಣೀರು
ಪನ್ನೀರೆಂದು ಹೇಳಿ ನಂಬಿಸಲು !
ಆತ್ಮ ಬಂಧುಗಳು ಕೊಡುವ
ಕೊಡಲಿ ಏಟನು ತಾಳಿ,
ನೋವು ನಲಿವುಗಳನ್ನು ಮೀರಿ
ತನ್ಮಯತೆಯಲಿ ಬಾಳಿ,
ಜತನದಲಿ ಬಾಳ ಪಯಣವನ್ನು ಬೆಳೆಸಲು..
ಬೇಕೇ ಬೇಕಾಗಿದೆ ನನಗೊಂದು
ಸುಂದರ ಮುಖವಾಡ !
ಸಾಕಾಗಿದೆ ಈ ಬಣ್ಣ ಗೆಟ್ಟು ಸುಕ್ಕು ಬಿದ್ದ
ಆತ್ಮಾಭಿಮಾನದ ಕೆಟ್ಟ ಮುಖ.
ಏನೆಂದು ಬರೆಯಲಿ ನಿನ್ನ ಬಗ್ಗೆ
ಹೇಗೆಂದು ಗುಣಗಾನ ಮಾಡಲಿ
ನಿನ್ನ ಬಗ್ಗೆ.....
ಏನು ತಿಳಿಯದೆ ಆದ ಗೆಳೆತನ
ಎಂದು ಮುರಿಯದಿರಲಿ ಇ ನಮ್ಮ ಬಂಧನ.......
ಮುದ್ದು ಮನಸಿನ ಪೆದ್ದು ಹುಡುಗ
ಇವನು....
ಮಾತಿನಲ್ಲಿ ಬರಿ ಆಗಲಕಾಯಿ
ಮನಸು ಮಾತ್ರ ಮಗುವಿನಂತೆ
ಎಲ್ಲರ ಮನವ ಅರಿಯೋ
ಮೌನದ ಹುಡುಗ......
ಜಗಳದಲ್ಲಿ ಇರುವನು
ಮೌನದಲ್ಲಿ ಮರೆಯಾಗುವನು.....
ಅಕ್ಕ ತಂಗಿಯರ ನಡುವೆ
ಬೆಳೆಯುತಿರು ಮುದ್ದು ಮನಸಿನ
ಪೆದ್ದು ಹುಡುಗ ಇವನು.......
ನೀನಗೆ ನೀನೆ ಸರಿ ಸಾಟಿ
ಮೇಲೆರಿ ಕೂರಬೇಡ ಎಲ್ಲವನ್ನು ದಾಟಿ......
ಹಸಿ ಮನಸಿನ ಹುಸಿ ಹುಡುಗ....ಮುದ್ದು ಪೆದ್ದು.......