Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ಬಯಕೆ ಹರಕೆ.....

ನೋಂದ ಮನಕ್ಕೆ
ಕಣ್ಣಿರಿನ ಬಯಕೆ
ನಲಿವ ಮನಕೆ
ನಗುವಿನ ಹರಕೆ
ತೀರಿಸುವುದಾದರು ಹೇಗೆ....
ಈ ನೋವಿನ ಬಯಕೆಗೆ
ಬೇಕಿದೆ ಹರಕೆ ಹೋತ್ತ ನಗುವಿನ
ಕೈಗಳ ಹಾರೈಕೆ ಆದರೆ
ಹರಕೆ ಹೊತ್ತ ಕೈಗಳಿಗೇ ಕಣ್ಣಿರಿನ
ಬೇಡಿ ಬಿದ್ದಿದೆ ಬಿಡಿಸುವ
ಮನಸು ಅದಕ್ಕಿದ್ದರು
ಕೈ ಲಾಗದೆ ಸುಮ್ಮನೆ ಕೂತಿದೆ.....

- ರಾಗಸಿರಿ....

04 Dec 2017, 05:01 pm

ನೆಪ

ಕಾಡುವ ನೆನಪುಗಳಲ್ಲಿ
ಅವಳದು ದೊಡ್ಡ ಪಾತ್ರ
ನೆನಪಿರದ ಹಾಗೆ ಬದುಕುವುದು
ನೆಪ ಮಾತ್ರ

- ಕೌರವ

04 Dec 2017, 09:31 am

ಮಸಣದ ಹೂವು

ಅರಳಿರುವುದೊಂದು ಹೂವು
ಅರಿಯದೆಲೆ ಮಸಣದಲಿ,
ಬದುಕಿಹುದು ಹೇಗೋ ತಿಳಿಯದೆ
ಪರಿ ಪರಿಯ ನೋವುಗಳ ಪೊರೆದುಕೊಂಡು.

ಎತ್ತೆತ್ತ ನೋಡಿದರೂ
ಸತ್ತ ಹೆಣಗಳ ಸುಡುಗಾಡು
ಕೆಟ್ಟ ಕೊಳಕು ವಾಸನೆಯಲಿ
ಮರೆಯಾಯ್ತೆ ಪರಿಮಳವು.

ಅರಳಿರುವ ಕುಸುಮಕ್ಕೆ
ಇರಿಯುತಿಹರು ಹೃದಯಕ್ಕೆ
ಹುಟ್ಟಿದ ಜಾಗ ಕಸಿದುಕೊಂಡಿದೆ ಬೆಲೆಯ
ಕಂಡುಕೊಳ್ಳಲಾಗದೆ ನರಳಿಹುದು ಹೂವು
ಸೂಕ್ತ ನೆಲೆಯ..

ಯಾರದೋ ತಪ್ಪಿಗೆ
ಎಳೆ ಹೂವಿಗೇತಕೆ ಶಿಕ್ಷೆ ?
ಹೆಣ ತಿನ್ನುವ ರಣ ಹದ್ದುಗಳಿಂದ
ಸಿಗಲಾರದೆ ಹೆಣ್ಣಿಗೆ ರಕ್ಷೆ ?

- ಶ್ರೀಗೋ.

03 Dec 2017, 09:11 pm

ಮೌನ ಭಂಗುರ

ನನ್ನ ನಲ್ಲೆಯ ಮುನಿಸು
ಮುಂಜಾನೆ ಹಸುರಡರಿ
ಮುತ್ತಂತೆ ಥಳ ಥಳಿಸೋ
ಹಿಮ ಬಿಂದುಗಳ ಸಾಲು
ಕೊಂಚ ಹರ್ಷದ ಬಿಸಿಲು
ವರ್ಷಿಸಲು ಮರೆಯಾಯ್ತು
ಸಂಚು ಅರಿಯದ ಮೊಗದಿ
ಸಂತಸದ ಹೊನಲು
ಮಾತಿನ ಮಾಟದಲಿ
ಹಮ್ಮು ಬಿಮ್ಮುಗಳಿಲ್ಲ
ಕೌತುಕದ ಕಂಗಳಲ್ಲಿ
ಆಹಮಿಕೆ ಇನಿತಿಲ್ಲ
ಲಜ್ಜೆಯ ಕದಪದೊಳು
ಉದಯಾಸ್ತ ರವಿ ರಂಗು
ಗೆಜ್ಜೆ ಬಳೆಗಳ ಧನಿಯೋ
ಕರ್ಣ ಸೆಳೆಯುವ ಗುಂಗು
ಬಚ್ಚಿಟ್ಟ ಭಾವಗಳ
ಬಿಚ್ಚಿ ಬಯಲಿಗೆ ತೂರಿ
ಹಚ್ಚಿದಳ ಎನ್ನೊಳಗೆ
ಹೊಸತನರಸುವ ದಾರಿ
ಆಗದೆಂಬ ಆಲ್ಪಮತಿ
ಅಂಜಿಕೆ ಕೊನೆಗೊಳಿಸಿ
ಸಾಧಕರ ಸಾಲಿನಲ್ಲಿ
ನಿಲ್ಲಿಸಿದಳೆನ್ನೆರಸಿ

- ಯು.ರಾಮು ಸಿರಿಗೆರೆ

03 Dec 2017, 09:11 pm

ನಗು....

ಮನದೋಳಗೆ ಮುಳುಗಿ
ಸಾಯುವಷ್ಠು ನೋವಿದ್ದರು
ಕನಸೋಳಗೆ ನಡುಗಿ ಕರಗೋದರು
ಬದುಕೆಲ್ಲ ಬೆದರಿ ಮರುಭೂಮಿ ಆದರು

ಹೆದರಿ ಹಿಂದೆ ಸರಿಯದಿರಲಿ ಎಂದು
ಮುಖದ ಮೇಲಿನ ನಗು
ನಗವೋಂದಿದ್ದರೆ ಜಗವೆ ನಿನ್ನದು....

- ರಾಗಸಿರಿ....

03 Dec 2017, 09:03 pm

ಹುಣ್ಣಿಮೆಯ ದಿಬ್ಬಣ....

ಹುಣ್ಣಿಮೆಯ ಓ ಚಂದಿರನೆ
ಎಲ್ಲಿಂದ ಬಂತು ಈ ಅಂದ ಚಂದ
ನಿನಗೆ ಈ ದಿನ .......

ತಿಳಿನೀರ ಸಾಗರದಲ್ಲಿ ಮಿಂದು
ಗಂಧದ ಹೋಳೆಯಲ್ಲಿ ನಿಂದು
ಮೈಯಲ್ಲ ಅಂದದ ಹೊಂಬಣ್ಣ
ಸವರಿಕೋಂಡು
ಯಾರು ಇಲ್ಲದ ಆ ಆಗಸದಲ್ಲಿ
ಒಬ್ಬನೆ ಮದು ಮಗನಂತೆ
ಕಾಯುತಿರುವೆಯಲ್ಲ.....
ನಿನಗಾಗಿ ಕಾದಿರುವ ಆ ಮದು ಮಗಳ
ಹುಡುಕಿ ತರಲೆಂದೆ ಈ ಅಂದವೆ ನಿನಗೆ.....
ಆ ಮದು ಮಗಳ ಬಂದುಗಳು ನಾವು
ನಮಗು ಅಲ್ಲಿ ಜಾಗ ಕೋಡುವೆಯ
ಬೆಳದಿಂಗಳ ಅಂಗಳದಲ್ಲಿ ಹಸಿರ ಚಪ್ಪರ
ಹಾಕಿ ದಿಬ್ಬಣ ತರಿಸಿ ಮದುವೆಯ ಮಾಡಿ
ಸಡಗರದಿ ನಲಿಯುವೆವು ನಾವು
ಜಗತ್ತನ್ನೆ ನಿನ್ನ ಕೈಯಲ್ಲಿ ಇಟ್ಟು
ಬೆಳಕ ಚೆಲ್ಲುತ್ತಿರುವೆ ನೀನು
ನಿನಗಾಗಿ ನಾವು ಬೆಳದಿಂಗಳಲ್ಲಿ
ಮದುವೆಯ ದಿಬ್ಬಣ ಹೋತ್ತು ತರುವೆವು
ಕಾಯುತಲಿರು ಓ ಚಂದಿರನೆ.......
ಹುಣ್ಣಿಮೆಯ ಅಂಗಳದಲ್ಲಿ ಚಂದಿರನ
ಮದುವೆಯ ಮೆರವಣಿಗೆ ಸಾಗುತಿರಲಿ ಹೀಗೆ......

- ರಾಗಸಿರಿ....

03 Dec 2017, 08:43 pm

ನೀ ನೆನಪಾಗಲು

ಮತ್ತೆ ಯಾಕೋ ನೀ ನೆನಪಾಗಲು

ಕಮರಿ ಹೋದ ಕನಸುಗಳು
ಮತ್ತೆ ಬಂದು ಅಣಕಿಸಿದಂತಾಯಿತು...

ಬತ್ತಿ ಹೋದ ಕಣ್ಣ ಗುಡ್ದೆಗಳಲ್ಲಿ
ಮತ್ತೆ ನೀರಿನ ಆರ್ದ್ರತೆ ಪುಟಿದಂತಾಯಿತು...

ಅರ್ಧ ಕಟ್ಟಿದ್ದ ಕನಸೀಗ
ಕೈ ಬೀಸಿ ಕರೆದಂತಾಯಿತು...

ಅರ್ಧಕ್ಕೆ ನಿಲ್ಲಿಸಿದ ಕವನವೀಗ
ಮತ್ತೆ ಸೆಳೆದಂತಾಯಿತು...

ಒಡೆದು ಚೂರಾದ ಹೃದಯಕ್ಕೆ
ಮತ್ತೆ ಈಟಿಯಿಂದ ತಿವಿದಂತಾಯಿತು...

ಬಯಕೆಗಳೇ ಇಲ್ಲದ ಜೀವಕೆ
ಮತ್ತೆ ಸಾವಿನ ಆಸೆ ಮೂಡಿಸಿದಂತಾಯಿತು

- ಮೌನೇಶ..ಪಿ

03 Dec 2017, 07:27 pm

ಬರಹದಉಪಯೋಗ

ಬರಹ ಬಾಳಿನ ಚಿಲುಮೆ.!!
ಮನಸಿರಬೇಕು ಅದರ ಒಲುಮೆ
ತನ್ನವರಿಗೆ ತನ್ನ ತಿಳಿಸಿಕೊಡುವುದು

ಬರಹ ಓದುಗರಿಗೆ ಮಾರ್ಗದರ್ಶನ
ನೊಂದವರಿಗೆ ಆಪ್ತ ದನಿಯ ಸ್ವಾಂತ್ವನ
ಸೋತವರಿಗೆ ಕೊಡುವ ಸ್ಪೂರ್ತಿ

ಬರಹ ಬವಣೆಯ ಅಲಿಸುವ ಮಾಯೆ
ದುಃಖವ ತಡೆಹಿಡಿವ ಛಾಯೆ
ಸರಳತೆಯ ಸಜ್ಜನರ ಸಚ್ಚರಿತ ಹಾದಿ

ಬರಹ ಕವಿ ಭಾವಗಳ ಗುಚ್ಚಾನಿಧಿ
ಬಳಕೆದಾರಾರ ಸ್ವಚ್ಚಂದಾವಧಿ
ಒಟ್ಟಿನಲಿ ಬರಹಗಳೆ ಕವಿಗಳ ಆಸರೆ.!!

ಬರಹ ಕಾವ್ಯ,ಕಾದಂಬರಿ ಕಥನವಾಗಿ
ಮುದಿ ಮನಕೆ ತಗಲುವಂತೆ ಮುಟ್ಟಿಸಿ
ಜ್ಞಾನ ಕೊಡುವ ಪರಮಗುರು..!!

ಬರಹ ಸೌಹಾರ್ದತೆಯ ನಿಲಂಬನ
ಐಕ್ಯತೆಗೆ ಸಮರ ಸಾರುವ ಮಹಾ ತ್ಯಾಗಿ
ಸಾಮರಸ್ಯ ನೆಲೆಸಲೆತ್ನಿಸುವ ಯೋಧ

ಬರಹ ಸರ್ವರಿಗು ಒತ್ತು ನೀಡಿ
ಬಾನೆತ್ತರೆಕೆ ಹಾರಿಸಿಬಿಡುವುದು
ಎಲ್ಲಾದಕ್ಕು ಬರಹವೇ ಅತ್ಯಮೂಲ್ಯ ಶಸ್ತ್ರ

- ನಾಗರಾಜ್

03 Dec 2017, 06:47 pm

ಹಳೆ ಚಾಪಿ ರಗ್ಗು......

ಈ ಒಲವೆಂದರ ಹಿಂಗ
ಹಳೆ ಚಾಪಿ ರಗ್ಗಿನಂಗ
ಮೊಲಗನು ಅಂದರ
ತಗಣಿ ಕಡಿತೆವು
ಹುಡುಗಿ ನೊಡೊಣ ಅಂದರ
ಅವರವ್ವ ಇರರ್ತಾಳ
ಒಲವೆಂದರ ಹಿಂಗ
ಹಳೆ ಚಾಪಿ ರಗ್ಗಿನಂಗ

- ಕೌರವ

03 Dec 2017, 04:11 pm

ಮನ್ನಿಸು ಗೆಳತಿ

ಸುಂದರ ಬೆಳದಿಂಗಳು ನಿನಗಾಗಿ ಕಾದು ಕುಳಿತಿದೆ
ಸದ್ದು ಮಾಡದೆ ಬಂದುಬಿಡು ಸುಮ್ಮನೆ
ಹೃದಯವು ನಿನ್ನೆಸರನೆ ಜಪಿಸುತ್ತಿದೆ
ಸತಾಯಿಸಬೇಡ ಬಳಿಗೆ ಬರದೆ!

ಆ ಕುಡಿನೋಟದಲಿ ನನ್ನನೆ ಸೆಳೆದೆ
ಸಂತಸದಲಿ ಹೃದಯದ ಬಾಗಿಲ ತೆರೆದೆ
ಮೌನದಲಿ ಪ್ರೀತಿಯ ಮಳೆ ಸುರಿಸಿದೆ
ಸದ್ದಿಲ್ಲದೆ ಮಾಯವಾಗಿ ಹೋದೆ!

ನನ್ನೆಲ್ಲ ಕನಸುಗಳಿಗೆ ಸ್ಫೂರ್ತಿಯು ನೀನಾಗಿದ್ದೆ
ಕತ್ತಲ ಬಾಳಿಗೆ ಬೆಳಕಂತೆ ನೀ ಬಂದೆ
ಕಾರಣ ಹೇಳದೆ ಯಾಕಿಂದು ದೂರಾದೆ
ನಿನ್ನ ನೆನಪಲ್ಲಿ ಕಾಯುತ್ತಿದೆ ಹೃದಯದರಮನೆ!

ನಿನ್ನ ಕಿರುಬೆರಳಿನೊಂದಿಗೆ ನರ್ತನ ಮಾಡುತ್ತ
ಹೆಜ್ಜೆಯೊಂದಿಗೆ ಕನಸ ಹೆಣೆಯುತ್ತ
ಬಹುದೂರ ಸಾಗಬೇಕಿದೆ ಗೆಳತಿ
ಎಲ್ಲಿದ್ದರೂ ಮನ್ನಿಸಿ ಬಳಿಬಂದು ಬಿಡು ಬೇಗನೇ!

ಪ್ರಿಯಾಂಕ✍

- ಪ್ರಿಯಾಂಕ

03 Dec 2017, 11:39 am