ಅವಳು ಹಾಗೆಲ್ಲ ಬರುವುದಿಲ್ಲ
ಸಾರಾಯಿ ಅಂಗಡಿಗೆ
ಎಳೆತರಲಾಗುವುದು ಅವಳನು
ಮತ್ತ ಗಂಡಸರ ಮಾತುಗಳಲಿ
* * *
ಈ ಜನನಿಬಿಡ ಮಾರುಕಟ್ಟೆಯಲಿ
ನೂಕು ನುಗ್ಗಲಿನ ಸರತಿ ಸಾಲಿನಲಿ
ನಮ್ಮ ಕವಿಯೂ ನಿಂತಿದ್ದಾನೆ
ತನ್ನ ನಾಲ್ಕು ಸಾಲಿನ ಕವಿತೆಗೆ
ನಾಲ್ಕು ಹೊಗಳಿಕೆಯ ಮಾತು
ಬರೆಸಿಕೊಂಡು ಹೋಗಲು
* * *
ವಿಶ್ವದ ಯಾವುದೋ ಮೂಲೆಯ
ಅದ್ಭುತವನು ಕಾಣಲು
ಪ್ರವಾಸ ಹೋದವನು
ನಿಬ್ಬೆರಗಾಗುವುದು
ತನ್ನ ನೆರೆಯವನನು ಅಲ್ಲಿ ಕಂಡು
* * *
ಕೇಳುವ ಕಿವಿಗಳಿದ್ದರೆ
ಕರಟಿದ ಪಾತ್ರೆಗಳೂ
ಒಂದರೆಗಳಿಗೆ ಕೂತು
ಅಡುಗೆಯವಳ
ಕಮರಿದ ಬದುಕಿನ
ಕಥೆ ಹೇಳುತ್ತಿದ್ದವು
* * *
ಈ ಜನರಿಗೇನಾಗಿದೆಯೋ
ಹಣ ಕೊಟ್ಟು
ಇಷ್ಪಿಷ್ಷೇ ಖರೀದಿಸುತ್ತಿದ್ದಾರೆ
ಉಚಿತವಾಗಿ ಸಿಗುವ
ಪ್ರೀತಿಯನು
- ಕಾದಂಬಿನಿ
ಸತ್ಯಾಗ್ರಹ ಎಂಬ ಪದಕ್ಕೆ ಮಾಡಿದೆ ನೀನು ನಾಂದಿ,
ಅಹಿಂಸಾತ್ಮಕವಾಗಿ ಹೋರಾಡಿ ನೀನು ಸ್ವಾತಂತ್ರ್ಯವನ್ನು ತಂದಿ,
ನಿನ್ನ ಆದರ್ಶವನ್ನು ಮೆಚ್ಚಿ ಪಾಲಿಸಬೇಕು ನಮ್ಮ ಮಂದಿ,
ಜೈ ಹೋ ರಾಷ್ಟ್ರಪಿತ ಮಹಾತ್ಮ ಗಾಂಧಿ,,,,
✍
ಗಡಿಯಾರದ ಮುಳ್ಳು ಗಡಿ ದಾಟಿ ಹೋಗಿದೆ
ಬದುಕಿನ ಚಲನಕ್ಕೆ ಕೈ ಸಿಗದೆ....
ಒಂದೊಂದು ಕ್ಷಣಗಳು ಒಂದೊಂದು ಯುಗವಾಗಿವೆ
ಕಷ್ಟವಾಗಿದೆ ಬದುಕು ಅಂಗ್ಯಯನ ಮುಷ್ಠಿಯಲ್ಲಿ ಗಡಿಯಾರ ಜೊತೆ ಇಲ್ಲದಿರುವಾಗ...
ಆದರೇನು.......
ಗಡಿ ದಾಟದಂತೆ ತಡೆವ ನನ್ನ ಸ್ನೇಹ ಬಳಗ ಜೊತೆಗೂಡಿ ತಡೆ ಹಿಡದಿದೆ
ಬರುವ ಅಡ್ಡ ಗೋಡೆಯ ಮೇಲೆ ಮನೆ ಕಟ್ಟಿ ಬದುಕಿ ತೋರಿಸುವೆ.........
ಒಂಟಿ ಒಣ ಎಲೆಯೊಂದು ಉದುರಿಹುದು
ಜನರಿಲ್ಲದಾ ಉದ್ಯಾನದ ಕಲ್ಲು ಬೆಂಚಿನ ಮೇಲೆ..
ಮಟಮಟ ಮದ್ಯಾಹ್ನ ಉರಿಬಿಸಿಲು ಸುಡುತಿಹುದು
ಕಲ್ಲು ಕಾದು ಬಿಸಿ ಹೆಂಚಾಗಿಹುದು..
ಆದರೂ ಉರಿಯಿಲ್ಲ ಎಲೆಗೆ
ಏಕೆಂದರೆ ಉಸಿರಿಲ್ಲ ಅದಕೆ..
ಮರದ ನಂಟು ಇರುವ ವರೆಗೂ
ಹಸಿರೆಲೆ ಎಂಬ ಸನ್ಮಾನ
ಹಕ್ಕಿ ಪಿಕ್ಕಿಗಳಿಗೆ ತಂಪೆರೆದು ಸಾಂತ್ವನ,
ಹೂ ಹಣ್ಣುಗಳ ಬಚ್ಚಿಟ್ಟು ಕಾಯ್ದು
ಅಭಿಮಾನ,
ಇದೇ ಕಲ್ಲು ಬೆಂಚಿನ ಮೇಲೆ ಕುಳಿತು
ಪ್ರೇಮ ಸಲ್ಲಾಪವಾಡಿದ ಜೋಡಿಗೆ
ನೆರಳಿತ್ತು ಸಲಹಿದ ಸಿಹಿ ಸಿಂಚನ.
ಪಟ್ಟನೆ ಬಿದ್ದು ಅಲುಗಿಸಿ ಎಳೆಯ
ಮಳೆ ಹನಿಗಳು ಎಂದೋ ಜಾರಿ
ಹೋದವು ಭೇಟಿಯಾದ ಅರೆಕ್ಷಣದ
ಎಲೆಯನು ಮರೆತು..
ಕೊಂಚವಷ್ಟೇ ನೆನೆಸಿ..