ನೀ ಬಿಟ್ಟು ಹೋದ ಕಡೆಯ ತುತ್ತೊಂದು
ಇನ್ನೂ ನಿನಗಾಗಿ ಕಾಯುತ್ತಿದೆ,
ನೀ ಮರೆತ ಸಾವಿರಾರು ಮಾತು
ನೀನಿಲ್ಲದೆ ಮೌನವಾಗಿವೆ,
ಕೊಟ್ಟ ಭಾಷೆಗಳು ಕೊಡದ ಮುತ್ತುಗಳು
ಹೃದಯ ಕೇಳಬಯಸಿದ ನಿನ್ನ ಹೃದಯ ಸದ್ದು
ಎಲ್ಲಾವೂ ಅಸಂಪೂರ್ಣವಾಗಿವೆ
ನೀನಿಲ್ಲದೆ ಅಮ್ಮ.
ನಿನ್ನ ಮಾತಿಲ್ಲದೆ ದಿನ ಶುರುವಾಗದು
ನಿನ್ನ ಮುನಿಸಿಲ್ಲದೆ ದಿನ ಅಂತ್ಯವಾಗದು
ನಿನ್ನ ಕರೆಗಾಗಿ ಕಾದು ನೋಡುವ ನನ್ನ ಕಿವಿಗಳು
ಕೇಳುವುದೆಂದು ನಿನ್ನ ಧ್ವನಿ
ಮತ್ತೆ ನಿಲುಕಿಲ್ಲದ ಮಾತುಗಳೊಂದಿಗೆ ಅಮ್ಮ.
ಯಾವ ಭಾವನೆಗಳಿಲ್ಲ,
ನಾನಿಂದು ಬರೆಯಲು.
ಆದರೂ ನಾ ಬರೆಯಬೇಕು,
ನಾ ನನ್ನ ಉಳಿಸಿಕೊಳ್ಳಲು.
ಯಾವ ಆಸೆಗಳಿಲ್ಲ,
ನಾ ನಿನ್ನ ಸೇರಲು.
ಆದರೂ ಒಂದಾಗಲೇ ಬೇಕು,
ನೆನಪುಗಳ ಉಳಿಸಿಕೊಳ್ಳಲು.
ಯಾವ ಚಂಚಲವಿಲ್ಲ,
ನಾ ಸಂಚು ಹೂಡಲು.
ಆದರೂ ಮಿಂಚಲೇ ಬೇಕು,
ಕೊಂಚ ಬೆಳಕಾಗಲು.
ಯಾವ ಆಡಂಬರವಿಲ್ಲ,
ನಾ ಅಣಿಯಾಗಲು.
ಆದರೂ ತಯಾರಾಗಬೇಕು,
ಬಲ್ಲವರಿಂದ ನಿನ್ನನ್ನುಳಿಸಿಕೊಳ್ಳಲು.
ಯಾವ ನೂವುಗಳಿಲ್ಲ,
ನಾ ಹಂಚಿಕೊಳ್ಳಲು.
ಆದರೂ ನಾ ಹೇಳಲೇ ಬೇಕು,
ನನ್ನ ತನವನ್ನ ನಾನಿನ್ನೂ ಉಳಿಸಿಕೊಳ್ಳಲು.
ಸಹ್ಯವಾಗಿಸುತ್ತೇನೆ ಬದುಕಿದ್ದನ್ನು
ಉದುರಿಹೋದ ಕಾಲದ
ತರೆಗೆಲೆಯ ಮೇಲೆ
ನೀ ಹಚ್ಚಿಟ್ಟ ನೋವಿನ
ಮೆಹಂದಿ ನೋಡುತ್ತಲೇ
ಎದೆಬಿರಿವ ಸದ್ಧು ನಿನಗೆಂದಿಗೂ
ಕೇಳಿಸುವುದಿಲ್ಲವೆಂಬೋದು
ನಾನು ತಿಳಿದುಕೊಂಡಿದ್ದೇನೆ
ಈ ಯಾತನೆ ಇನಿತೂ ಮುಗಿಯ
ಲಾರದ್ದೇ ಬಿಡು ಹೂರೀ
ಮುಂಗುರಳ ಸುತ್ತ ನನ್ನ ನೋಟಗಳೇ
ಕೆನೆಯುತ್ತಿರುತ್ತವೆ
ಉಡುದಾರವಿಲ್ಲದ ನನ್ನ ಅತೃಪ್ತ
ಆಕಾಂಕ್ಷೆಗಳಿಗೆಲ್ಲ ಸುತ್ತಸುತ್ತುವ
ಚಾಳಿ ಹೀಗೆಲ್ಲ ನಿನ್ನಾ
ಒಂಟಿದಾರಿಯಲ್ಲಿ ನಡೆದಾಗ
ನೀ ಮುಳ್ಳುಚುಚ್ಚಿಸಿಕೊಂಡು
ಮುಮ್ಮಲಿಸಿದ ಕೀರಲು ಧ್ವನಿ
ಹಿಂದಿರಿಗುವ ಸಮಯಕ್ಕೆಲ್ಲ
ಹಣೆಚಚ್ಚಿಕೊಳ್ಳುತ್ತೇನೆ
ನನ್ನದೇ ಭ್ರಾಂತಿಯ ಸಲುವಾಗಿ
ನಾಜೂಕತನದ ಜಗತ್ತಿನ
ಕುರುಹಾಗಿಯೇ
ಉಳಿದುಬಿಡುತ್ತೇನೆ
ಕಣ್ಣಬಿಂಬ ನೋಡಿ
ಉರಿದುಕೊಳ್ಳುತ್ತಾ
ನನ್ನ ನೋವಿನ ನೆತ್ತರ
ಅತ್ತರು ನಿನ್ನ ನಗುವಿನ
ಬಟ್ಟೆಗೆ ಮೆತ್ತದಿರಲಿಯೆಂಬ
ಪ್ರಾರ್ಥನೆಯಿದೆ ಇವಳೇ.!
ಬಂದೆಬಿಟ್ಟಿತು ನೋಡಿ ರಂಗಿನ Election.
ಪುಂಡ-ಪುಡಾರಿಗಳಿಗೆ ಸುಗ್ಗಿಯ Collection..
ಬಾಟ್ಲು-ಬಾಡೂಟ ಕೊಟ್ಟವನಿಗೆ ನಲುವಿನ Injection..
ಕೊನೆಗೇ ಕಾಂಚಾಣ ಚೆಲ್ಲಿದವನಿಗೆ ಗೆಲುವಿನ Selection
ಬಡವರ ಬಂಧು-ಧೀನ ದಲಿತರ ಉದ್ದಾರಕವೆನ್ನುವ equation.
ಯಾವ ಬಡ್ಡಿ ಮಗನು ಕೊಟ್ಟ ನೆಡಿಸೋದಿಲ್ಲ ನಮ್ಮನೆಯ Ration.
ಯಾವ ಅತಿ ಬುದ್ಧಿವಂತನಿಗೂ ಅರ್ಥವಾಗದ ಈ Motion..
ವ್ಯವಸ್ಥೆ ಸರಿಹೋಗುವದೆನ್ನುವುದೇ ಅತಿ ದೊಡ್ಡ Quetion..
ತಿಳಿ-ಬಿಳಿ ಬಟ್ಟೆಯ ಸೊಗಲಾಡಿಗೆ ಬಂಪರ್ ಲಾಟರಿ Creation
ಜಾತಿ ಮುಖವಾಡದ ಬಂಡವಾಳವೇ ಇಲ್ಲಿ ಕ್ಲಿಷ್ಟ Emotion..
ಗುಡಿ-ಮಸೀದಿಗಳ ಗೋಪುರಗಳೇ ಓಟಿನ Sensation..
ಯಾವ ಹರಿ-ಬ್ರಹ್ಮ ಮಾಡ್ತಾನೆ ಇಂಥ ಅನಿಸ್ಟದ Correction
ಸುಗ್ಗಿ..
ಪ್ರಿಯತಮಾ..
ಆ
ಅಗಣಿತ ಪಾತ್ರಗಳೊಳಗೆ
ಬಾಲ್ಯ ಕಳೆಯುವ ಮೊದಲೆ
ತಾಯಾಗಿ ಭಡ್ತಿಯಾದವಳಿಗೆ ಮತ್ತೆ ಪ್ರಿಯತಮೆಯ ಪಾತ್ರವೊಂದಿಲ್ಲ
ಅವಳಿಗೆಷ್ಟು ವಯಸ್ಸಾಗಿರಬೇಕು? ಹೊಸಲ ಮೇಲೆ ಕೂತು ಬೈಯಿಸಿಕೊಳ್ಳುತ್ತಿದ್ದವಳೀಗ ಜಗುಲಿಯಲಿ ಕೂರತೊಡಗಿದ್ದಾಳೆಂದ ಮೇಲೆ ಅವಳಿಗಷ್ಟು ವಯಸ್ಸಾಗಿರಬೇಕು ಒಂದು ಅಂದಾಜು ಅವಳ ನೆತ್ತಿಯಲೆಷ್ಟು ನೆರೆಗೂದಲಿವೆಯೋ ಅಷ್ಟು ಇನ್ನೊಂದಂದಾಜು ಅವಳ ಮೈದೊಗಲಲಿ ಸುಕ್ಕೆಷ್ಟಿವೆಯೋ ಅಷ್ಟು ಅಷ್ಟಾದರೂ
ನೆರೆತ ಮುಂಗುರುಳು ಈಗಲೂ ಲಾಸ್ಯವಾಡುವುದು ಗಲ್ಲದ ಮೇಲೇಳುವುದೊಂದು ಮೊಡವೆ
ಗಂಡನ ಮನೆಯ ಹಾದಿ
ಗಂಡನ ಗಮನಾಗಮನದ ಹಾದಿ
ತವರಿಂದ ಅಪ್ಪ, ಅಣ್ಣನ ಹಾದಿ ಮನದೊಳಗೆ ಹಾದರವನಾಡುವ ಆ ಹರನಹಾದಿ ಮಗನೆಂಬೋ ಮೋಹದ ಹಾದಿ ಮೊಮ್ಮಗನೆನುವ ಮುದ್ದಿನ ಹಾದಿ ಕಾದೂ ಕಾದೂ ಕಾದೂ...
ಹಾದಿಗೀಗಲೂ ಕಣ್ಣು ಕೀಲಿಸಿ ಕೂತವಳ ಸಂಚಿಯ ತುಂಬ
ಒಡಕು ಕನ್ನಡಿ ಚೂರು
ದೊರಗು ಕೈಯ ಕತ್ತರಿಸುವುದಿಲ್ಲವೀಗ ಸುಕ್ಕು ಮೊಗವ ನೋಡಿಕೊಳ್ಳಬೇಕೆನಿಸುವುದೂ ಇಲ್ಲ
ಅದ ಬದಿಗೆ ಸರಿಸಿ ತಡಕಾಡಿದರೆ ನಡುವೆಯಷ್ಟು
ಅವನ ನೆನಪಿನ ಎಲೆಯಡಕೆ
ಜಗಿದೇ ಜಗಿಯುತ್ತಾಳೆ ಜಗಿದಷ್ಟೂ ಬಲಿವ ನೆನಪಿನ ಪೀಕು ಉಗಿದಷ್ಟೂ ಕಳೆಯದ ನೋವಿನ ಪೀಕು
ಆ ಅನಾಪ್ತಳ ಕಣ್ಣು ಅಡುಗೆಯರಮನೆಯಿಂದ ಮಸಿಗಸಿಯ ಹೊಗೆಯ ನಿಚುಲಕದಿಂದ ಆ ಬೆಳಕಿಂಡಿಯಿಂದ
ಆ ನಡುಮನೆಯ ಕಿಟಕಿಯಿಂದ
ಆ ದಾರಂದದ ಮರೆಯಿಂದ
ಆ ಜಗುಲಿಯವರೆಗೂ
ತೆವಳುತ್ತಾ ಬವಳುತ್ತಾ ತಲುಪುವಲ್ಲಿ ಮುಪ್ಪಡರುತ್ತಾ ಅಡರುತ್ತಾ ಅವಳು ಮುದಿಯಳಾದಂತೆಲ್ಲ
ಅವನು ಕಿರಿಯನಾಗುತ್ತ ಪ್ರಿಯತಮೆಯರ ಕೂಡ ಅವನ ಮೆರವಣಿಗೆ ಸಾಗುವುದು
ಚೈತ್ರನ ಜೈತಯಾತ್ರೆಯ ಪುನರಾವರ್ತನದ ಹಾಗೆ
ಆ ತನಕವೂ
ಪ್ರಿಯನ ಹಾವುಗೆಯ ಚುಂಬಿಸುವ ಸವತಿಗಂಧವಾರಣೆಯ ಅಧರಗಳೀಗ ಇರಿವ ಕೋಟಿ ಈಟಿಯಾಗಿ
ಅವಳ ಮಂದಗಣ್ಣು ಕಾಲಾಗ್ನಿ ಕಿಡಿ ಕಿಡಿ ಸುಡುಸುಯ್ಲೀಗ ಸಿಡಿವ ದುಃಖದ ಬಿಕ್ಕು ರೌದ್ರಾವೇಶವೇರಿ ಬಿಗಿಮುಷ್ಟಿ ಬಿಚ್ಚಿ ನಿಗುರಿ ಸೆಟೆದ ಬೆರಳುಗಳಿಗೆಲ್ಲ ನಖಗಳು ಬಿರಬಿರನೆ ಬೆಳೆಯುತ್ತಾ ಬೆಳೆಯುತ್ತಾ ಆ ತರತಮದ ವಿಷದ ಬೇರುಗಳ ಬುಡಮಟ್ಟ ಕಿತ್ತೊಗೆಯೆ ನೆಲದಾಳ ಬಗೆಯುತ್ತಾ ಬಗೆಯುತ್ತಾ
ನೋಡಿದೆಯಾ ಪ್ರಿಯಾ ಅವಳೊಳಗಿನ್ನೂ ಪ್ರಿಯತಮಳ ಪಾತ್ರ ಹೇಗೆ ಹಸಿಯಾಗಿದೆ ಹಸಿರಾಗಿದೆ ಅಭಿಸಾರಿಕೆಯ ಪಾತ್ರವದು ಬರಿದೆ ಅಭಿನಯಕ್ಕಲ್ಲ ಪ್ರಿಯಾ ಅನುಭಾವಕೆ
- ಕಾದಂಬಿನಿ
ಯಾಕೋ ಏನೋ ಇಂದು
ಕಲ್ಲು ಹೃದಯದಲ್ಲಿ ಪ್ರೀತಿಯ ಜನನ
ನೋವಿನ ಭಾವನೆಯಲ್ಲಿ ಒಲವಿನ ಆಗಮನ
ಒಂಟಿಯ ಜೀವನದಲ್ಲಿ ನಂಟುವಿನ ಕಾನನ
ಕನಸುಗಳ ವರ್ಣಮಯ ಇಂದು ನಯನ
ಗೊಡೆಗಳು ಕೇಳಿಸಿ ಕೊಳ್ಳುವ ಮಾತು
ಇಂದು ಮನಸ್ಸಿನ ಪಿಸುಮಾತು
ಬರಿ ಹಾಳೆ ಬದುಕಿನಲ್ಲಿ ಹೊಸ ಪ್ರೇಮ ಗೀತೆ
ಇಂದು ಹೃದಯಲ್ಲಿ ಮೆಲುಕು ಹಾಕುತ್ತೇ
ಆಯುಧ ಹಿಡಿದ ಕೈ
ಇಂದು ಲೇಖನಿ ಹಿಡಿಯುವ ಸಂಗತಿ
ಒಂದು ಒಂದು ಕ್ಷಣಿಕ
ಇಂದು ಒಂದೊಂದು ಯುಗವಾಗು ಸಮ್ಮತಿ
ಮಟಮಟ ಮಧ್ಯಾಹ್ನದ ಹಗಲಿನಲ್ಲಿ
ಹೃದಯಗಳ ದೊಚುವ ನಿನ್ನ ನಗು
ನಿನ್ನ ಮಾತಿನ ಮೋಡಿಯೊಳಗೆ ಬಂಧಿಯಾಗಿ
ಮರೆತನು ನಾ ಎಲ್ಲಾ ಕಹಿ ಬಯಕೆಯನ್ನ
ಎಂದು ನನ್ನ ಬಿಟ್ಟು ಹೋಗದಿರು
ನನ್ನ ನಿನ್ನ ಜೋಡಿ ಬಹಳ ಸುಂದರ
ನಮ್ಮನ್ನು ನೋಡಿ ಬಾನಿನಲ್ಲಿ ಮರೆಯಾಗುತಿಯನು ಚಂದಿರ
ಖುಷಿಯಿಂದ ಆಚರಿಸುತ್ತಿಯರು ನಮ್ಮ ಊರಲ್ಲಿ ಸಂಭ್ರಮ
ನೀನು ನನಗೆ ಸಿಮೀತ ಎಂದನು ನೋಡು ಆ ಚಂದಮಾಮ..........
ಯಾಕೋ ಏನೋ ಇಂದು ಲೈಟ್ಯಾಗಿ ಆಳಾಯಿತ್ತಾ ಏನೋ
ಕಿರು ನಗೆಯ
ಕುಡಿ ಹುಬ್ಬಿನವಳೇ
ಏನು ಹೇಳು
ನಿನ್ನ ನಗೆಯ ಗುಟ್ಟು
ಆದೆಂತ ಬಾಣ
ರಮಣೀಯ ತಾಣ
ನೋಡಿ ನೋಡಿ ನಗುವ
ನಿನ್ನ ಮುಖದ ಭಾವಯಾನ
ಅತ್ತಿಂದ ಇತ್ತ
ಇತ್ತಿಂದ ಅತ್ತ
ಕುಣಿ ಕುಣಿದು ನಲಿವ
ನಿನ್ನ ಮನೋಹರ ನಯನ
ಕೊನೆಯ ಪುಟದಿ
ಗಾನ ಮನದಿ
ಹುಚ್ಚೆಬ್ಬಿಸಿರುವ
ನಿನ್ನ ನಗುವೆ ತನನಂ ತನನ
ದೂರದೂರಿನ ಭಗೀರಥಿ
ನಿಲ್ಲಿಸುವೆಯಾ ನಿನ್ನ ನಗೆಯ?
ಮನದಿ ನೂರು ಆಸೆ ಉದಿಸಿ
ಕಾಣದಾದೆ ನೀ ಇಂದೇಕೆ ಮೌನವಾದೆ,,!